Connect with us

Video Stories

എയര്‍ ഇന്ത്യ മൊബൈല്‍ ആപ്ലിക്കേഷന്‍ പരിഷ്‌കരിച്ചു

Published

on

ദുബൈ: പരിഷ്‌കരിച്ചതും കൂടുതല്‍ ഫീച്ചറുകള്‍ ഉള്‍പ്പെടുത്തിയതുമായ എയര്‍ ഇന്ത്യയുടെ മൊബൈല്‍ ആപ്ലിക്കേഷന്‍ ഇന്നു മുതല്‍ പൂര്‍ണതയോടെ ലഭ്യമാകും. ഏറ്റവും കുറഞ്ഞ നിരക്കുകളില്‍ ആഭ്യന്തര, അന്താരാഷ്ട്ര സേവനങ്ങള്‍ എളുപ്പത്തില്‍ തെരഞ്ഞെടുക്കാവുന്ന വിധത്തിലാണ് ആപ്ലിക്കേഷന്‍ ക്രമീകരിച്ചിരിക്കുന്നതെന്ന് എയര്‍ ഇന്ത്യ ഇ-മെയില്‍ സന്ദേശത്തില്‍ വ്യക്തമാക്കി. ഇഷ്ടമുള്ള സീറ്റ് തെരഞ്ഞെടുക്കല്‍, ഫ്‌ളൈറ്റ് സ്റ്റാറ്റസ് പരിശോധന, ഫ്‌ളൈയിംഗ് റിട്ടേണ്‍സ് അക്കൗണ്ട് വിവരങ്ങള്‍, ആപ്ലിക്കേഷന്‍ വഴി ചെക്ക് ഇന്‍ സൗകര്യം തുടങ്ങിയവ പുതിയ ആപ്ലിക്കേഷനില്‍ ഉള്‍പ്പെടുത്തിയിട്ടുണ്ട്.
തുടര്‍ ഉപയോഗത്തിന് ക്രെഡിറ്റ് കാര്‍ഡ്, പാസ്‌പോര്‍ട്ട് വിവരങ്ങള്‍ ആപ്ലിക്കേഷനില്‍ സൂക്ഷിക്കാം. ഇത് മൊബൈലില്‍ സൂക്ഷിക്കുന്നത്രയും സുരക്ഷിതമായിരിക്കുമെന്ന് എയര്‍ ഇന്ത്യ ഉറപ്പു നല്‍കുന്നു. കൂടാതെ കോണ്ടാക്ട് ആക്‌സസ്, മറ്റു യാത്രാ വിവരങ്ങള്‍ തുടങ്ങിയവയും ആപ്ലിക്കേഷന്‍ ലഭ്യമാക്കും.നിലവിലുള്ള എയര്‍ ഇന്ത്യ ആപ്ലിക്കേഷന്‍ ഡിലീറ്റ് ചെയ്ത ശേഷം പുതിയ ആപ്ലിക്കേഷന്‍ ഡൗണ്‍ലോഡ് ചെയ്യണമെന്നാണ് എയര്‍ ഇന്ത്യ നല്‍കുന്ന നിര്‍ദേശം.

എന്നാല്‍ ആപ്ലിക്കേഷന്‍ സ്വമേധയാ അപ്‌ഡേറ്റ് ആകുന്നുണ്ട്. ആന്‍ഡ്രോയ്ഡ് വേര്‍ഷന്‍ ഗൂഗിള്‍ പ്ലേയിലും (.04), ഐ.ഒ.എസ് (0.9) ആപ്പിള്‍ സ്‌റ്റോറിലും ഇന്നു മുതല്‍ (ഇന്ത്യന്‍ സമയം 9 മണി മുതല്‍) ലഭ്യമാകും. ഡൗണ്‍ലോഡ് ചെയ്യാന്‍ തടസ്സം നേരിടുന്നവര്‍ക്ക് ഫോണ്‍ മോഡല്‍ സഹിതം A-Imo-b-i-l-e-suppor-t@d-ev-e-lop-er.a-ero വിലാസത്തില്‍ ബന്ധപ്പെട്ടാല്‍ സഹായം ലഭിക്കും. മറ്റു ഫോണുകള്‍ക്കും ടാബ്്‌ലറ്റുകള്‍ക്കുമുള്ള ആപ്ലിക്കേഷനും ലഭ്യമാണ്. പഴയ ആപ്ലിക്കേഷനില്‍ നടത്തിയ എല്ലാ ബുക്കിംഗ് വിവരങ്ങളും പുതിയ ആപ്ലിക്കേഷനിലും ലഭിക്കുമെന്നതിനാല്‍ പുതുമോടിയിലേക്കുള്ള മാറ്റം ഉപയോക്താക്കളെ ബാധിക്കില്ല. എങ്കിലും പഴയ ഇടപാടുകള്‍ വീണ്ടെടുക്കാനുള്ള വിശദവിവരങ്ങളും വൈകാതെ ഉപയോക്താവിന് ലഭിക്കും.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

കത്ത് വിവാദം ; ക്രൈംബ്രാഞ്ച് ഇന്ന് മേയറുടെ മൊഴിയെടുക്കും

തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

Published

on

തിരുവനന്തപുരം കോര്‍പറേഷനിലെ ശുപാര്‍ശ കത്ത് അന്വേഷിക്കുന്ന ക്രൈം ബ്രാഞ്ച് സംഘം ഇന്ന് മേയര്‍ ആര്യ രാജേന്ദ്രന്റെ മൊഴിയെടുക്കും.തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

നവമാധ്യമങ്ങള്‍ വഴി പ്രചരിച്ച കത്ത്, കോര്‍പ്പറേഷനില്‍ തന്നെ തയ്യാറാക്കിയിരിക്കാമെന്ന നിഗമനത്തിലാണ് പൊലീസ്.
ആരാണ് ഇത് തയ്യാറാക്കി വാട്സ് ആപ്പിലേക്ക് അയച്ചതെന്ന് കണ്ടെത്താന്‍ ശാസ്ത്രീയ തെളിവുകള്‍ പൊലീസിന് ശേഖരിക്കേണ്ടിവരും.പ്രാഥമിക അന്വേഷണം നടത്തിയപ്പോള്‍ ആര്യ രാജേന്ദ്രന്റെ മൊഴി ക്രൈം ബ്രാഞ്ച് രേഖപ്പെടുത്തിയിരുന്നു.

 

Continue Reading

Video Stories

ഖത്തറില്‍ ഡെന്മാര്‍ക്കും തുണീഷ്യയും ഇന്ന് നേര്‍ക്കുനേര്‍

Published

on

ഇന്ത്യന്‍ സമയം വൈകീട്ട് 6.30 നാണ് ഗ്രൂപ്പ് ഡി മല്‍സരങ്ങളുടെ തുടക്കം. അട്ടിമറിക്കാരായ ഡെന്മാര്‍ക്കിനെതിരെ ഖത്തറില്‍ ധാരാളം പിന്തുണക്കാരുള്ള തുണീഷ്യ. ലോക ചാമ്പ്യന്മാരായ ഫ്രാന്‍സ് കളിക്കുന്ന ഗ്രൂപ്പായതിനാല്‍ ഡെന്മാര്‍ക്കിനും തുണീഷ്യക്കും അടുത്ത റൗണ്ട് എന്ന ലക്ഷ്യത്തില്‍ ഇന്ന് വിജയിക്കാനാവണം.

ഒരു വര്‍ഷം മുമ്പ് നടന്ന യൂറോയില്‍ ആരും സാധ്യത കല്‍പ്പിക്കാതിരുന്ന ടീമായിരുന്നല്ലോ ഡെന്മാര്‍ക്ക്. നായകന്‍ ക്രിസ്റ്റിയന്‍ എറിക്‌സണെ നഷ്ടമായിട്ടും റഷ്യ, വെയില്‍സ്, ചെക് റിപ്പബ്ലിക് എന്നിവരെയെല്ലാം മറികടന്നവര്‍ ഇംഗ്ലണ്ടിനോട് തോല്‍ക്കുകയായിരുന്നു. പിയറി എമിലി ഹോജ്ബര്‍ഗും ശ്രദ്ധിക്കേണ്ട താരം. പുതിയ കോച്ച് ജലീല്‍ കാദ്‌രിക്ക് കീഴില്‍ കരുത്തരായിരിക്കുന്നു അവര്‍. പ്രീമീയര്‍ ലീഗില്‍ സണ്ടര്‍ലന്‍ഡിനായി കളിച്ച വഹബി കസ്‌രിയാണ് തുണീഷ്യക്കാരിലെ അപകടകാരി.

Continue Reading

Video Stories

അര്‍ജന്റീനക്കാര്‍ ചില്ലറക്കാരല്ല; വേങ്ങരയില്‍ 500 പേര്‍ക്കുള്ള ബിരിയാണി ഒരുക്കി അര്‍ജന്റീന ഫാന്‍സ്

500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്

Published

on

ആദില്‍ മുഹമ്മദ്

കളി ഖത്തറില്‍ ആണെങ്കിലും ആവേശം മലപ്പുറത്താണെന്ന് പറയുന്നത് എന്തായാലും വെറുതെയല്ല. അത് തെളിയിക്കുകയാണ് മലപ്പുറത്തെ ഓരോരോ സംഭവങ്ങളും. ഇന്നത്തെ സംഭവം മലപ്പുറം വേങ്ങരയിലാണ്. 500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്.

മലപ്പുറം വേങ്ങര എടയാട്ടുപറമ്പിലെയും ചേക്കാലിമാടിലെയും അര്‍ജന്റീന ഫാന്‍സ് സംയുക്തമായിയാണ് തങ്ങളുടെ ടീമിന്റെ ഉദ്ഘാടനമത്സരത്തിന്റെ ഭാഗമായി 500 പേര്‍ക്കുള്ള ബിരിയാണി ഒരുക്കുന്നത്.മത്സരത്തിനു മുന്‍പ് ഇത് വിതരണം ചെയ്യുകയും ചെയ്യും. നാട്ടിലുള്ള അര്‍ജന്റീന ഫാന്‍സ് എല്ലാവരും ഒത്തുചേര്‍ന്നാണ് ഭക്ഷണത്തിനുള്ള ഫണ്ട് കണ്ടെത്തിയത്. 80 കിലോയോളം വരുന്ന ഭക്ഷണത്തിന്റെ തയ്യാറെടുപ്പുകള്‍ കഴിഞ്ഞ ദിവസം തന്നെ തുടങ്ങിയിരുന്നു.

ഇന്ന് വൈകിട്ട് മൂന്നര മണിക്കാണ് ഖത്തര്‍ വേള്‍ഡ് കപ്പില്‍ അര്‍ജന്റീനയുടെ ആദ്യ പോരാട്ടം. സൗദി അറേബ്യയാണ് എതിരാളി.

 

Continue Reading

Trending