Connect with us

kerala

അജിത്കുമാര്‍- ആര്‍എസ്എസ് നേതാക്കളെ കണ്ടത് പത്ത്‌ ദിവസത്തെ ഇടവേളയില്‍; കൂടുതല്‍ വിവരം പുറത്ത്

2023 മെയ് 22നാണ് എ.ഡി.ജി.പി എം.ആര്‍.അജിത്കുമാര്‍ ആര്‍.എസ്.എസ്. ജനറല്‍ സെക്രട്ടറി ദത്താത്രേയ ഹൊസബല്ലയെ കണ്ടത്. റാം മാധവിനെ കണ്ടത് ജൂണ്‍ 2ന്. അതായത് മുഖ്യമന്ത്രി പിണറായി വിജയന്റെ അതിവിശ്വസ്തനായ ഉദ്യോഗസ്ഥന്‍ രണ്ട് ആര്‍.എസ്.എസ് നേതാക്കളെ കണ്ടത് വെറും പത്ത് ദിവസത്തെ ഇടവേളയില്‍.

Published

on

എം.ആര്‍ അജിത്കുമാര്‍ രണ്ട് ആര്‍.എസ്.എസ് നേതാക്കളുമായി കൂടിക്കാഴ്ച നടത്തിയത് 10 ദിവസത്തെ ഇടവേളയില്‍. ജനറല്‍ സെക്രട്ടറി ദത്താത്രേയ ഹൊസബാളെയുമായുള്ള കൂടിക്കാഴ്ച ഒരു മണിക്കൂറോളം നീണ്ടു. റാം മാധവിനെ കാണാനും മുന്‍കൈ എടുത്തത് അജിത് കുമാര്‍ തന്നെ. വിവാദ കൂടിക്കാഴ്ചയുടെ വിശദാംശങ്ങള്‍ മനോരമ ന്യൂസ് പുറത്തുവിട്ടു.

2023 മെയ് 22നാണ് എ.ഡി.ജി.പി എം.ആര്‍.അജിത്കുമാര്‍ ആര്‍.എസ്.എസ്. ജനറല്‍ സെക്രട്ടറി ദത്താത്രേയ ഹൊസബല്ലയെ കണ്ടത്. റാം മാധവിനെ കണ്ടത് ജൂണ്‍ 2ന്. അതായത് മുഖ്യമന്ത്രി പിണറായി വിജയന്റെ അതിവിശ്വസ്തനായ ഉദ്യോഗസ്ഥന്‍ രണ്ട് ആര്‍.എസ്.എസ് നേതാക്കളെ കണ്ടത് വെറും പത്ത് ദിവസത്തെ ഇടവേളയില്‍. ആര്‍.എസ്.എസ് കൂടിക്കാഴ്ചയേക്കുറിച്ച് ഒരക്ഷരം മിണ്ടാതെ നടന്നതെല്ലാം രഹസ്യമാക്കി വെക്കാനുള്ള തീവ്രശ്രമത്തിലാണ് മുഖ്യമന്ത്രിയും എ.ഡി.ജി.പിയുമെല്ലാം.

2023 മെയ് 12 മുതല്‍ 27 വരെ തൃശൂരില്‍ നടന്ന ആര്‍.എസ്.എസ് പഠനക്യാംപായിരുന്നു കൂടിക്കാഴ്ചയുടെ ആദ്യവേദി. അഞ്ഞൂറോളം പ്രതിനിധികള്‍ പങ്കെടുത്ത ക്യാംപില്‍ മൂന്ന് ദിവസമാണ് ദത്താത്രേയ ഉണ്ടായിരുന്നത്. ഇതിനിടെ അജിത്കുമാറാണ് തന്റെ ബാല്യകാല സുഹൃത്തായ ആര്‍.എസ്.എസ് സമ്പര്‍ക് പ്രമുഖ് എ.ജയകുമാറിനോട് ദത്താത്രേയെ കാണാനുള്ള താല്‍പര്യം അറിയിച്ചത്. ജയകുമാറിന് ആര്‍.എസ്.എസ് നല്‍കിയിട്ടുള്ള കാറില്‍ ഡ്രൈവര്‍, അജിത്കുമാറിനെ കൂട്ടിക്കൊണ്ടുവന്നു. ആര്‍ എസ് എസ് ക്യാംപ് നടക്കുന്ന അതേവേദിയിലെ മുറിയില്‍ വച്ച് ഒരു മണിക്കൂറോളം കൂടിക്കാഴ്ച. ശേഷം ആര്‍.എസ്.എസ് ഭാരവാഹിയുടെ കാറില്‍ തന്നെയായിരുന്നു എ.ഡി.ജി.പിയുടെ മടക്കം.

സ്വകാര്യ സന്ദര്‍ശനമെന്ന് വാദിക്കുമ്പോഴും മുന്‍പരിചയമില്ലാത്ത ആര്‍.എസ്.എസ് നേതാവിനോട് കേരളത്തിലെ എ.ഡി.ജി.പിക്ക് ഇത്രനേരം എന്ത് സൗഹൃദമാണ് പങ്കുവെക്കാനുള്ളതെന്ന ചോദ്യത്തിന് മാത്രം ഉത്തരമില്ല. ദേശീയമാധ്യമം കോവളത്ത് നടത്തിയ കോണ്‍ക്ലേവായിരുന്നു രാം മാധവുമായുള്ള കൂടിക്കാഴ്ചയ്ക്ക് വേദി. റാംമാധവിനെ കാണാനും അജിത്കുമാര്‍ തന്നെയാണ് താല്‍പര്യം പ്രകടിപ്പിച്ചത് . അതനുസരിച്ച് ആര്‍.എസ്.എസ്. നേതൃത്വം അയച്ച കാറിലാണ് അജിത്കുമാര്‍ കോവളത്തെത്തിയത് . കൂടിക്കാഴ്ച പത്തുമിനിറ്റ് മാത്രമാണ് നീണ്ടത്.

എ.ഡി.ജി.പിക്കൊപ്പം മൂന്ന് ബിസിനസ് പ്രമുഖരും കൂടിക്കാഴ്ചയില്‍ പങ്കെടുത്തെന്നാണ് സ്‌പെഷല്‍ ബ്രാഞ്ച് വിവരം. അത് ആരാണെന്നും എന്താണ് അവരുടെ പങ്കെന്നതും ദുരൂഹത വര്‍ധിപ്പിക്കുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

മലമ്പുഴയില്‍ രാത്രിയില്‍ വാതില്‍ തകര്‍ത്ത് വീടിനുള്ളില്‍ പുലി; ഉറങ്ങിക്കിടന്ന കുട്ടിയെ തട്ടി താഴെയിട്ടു

കുട്ടികള്‍ കിടന്നുറങ്ങിയ കട്ടിലിന് അടുത്തായി കെട്ടിയ നായയുടെ പിടികൂടാനാണ് പുലി വീടിനുള്ളില്‍ കയറിയത്.

Published

on

മലമ്പുഴയില്‍ വാതില്‍ തകര്‍ത്ത് ഒറ്റമുറി വീടിനുള്ളില്‍ പുലി കയറി. മൂന്ന് കുട്ടികളുള്‍പ്പടെയുണ്ടായിരുന്ന വീട്ടിലാണ് രാത്രിയില്‍ പുലി കയറിയത്. വീടിനുള്ളില്‍ കുട്ടികള്‍ കിടന്നുറങ്ങിയ കട്ടിലിന് അടുത്തായി കെട്ടിയ നായയുടെ പിടികൂടാനാണ് പുലി വീടിനുള്ളില്‍ കയറിയത്. തുടര്‍ന്ന് നായയുടെ മേലെ ചാടുന്നതിനിടയില്‍ മൂന്ന് വയസുകാരിയായ അവനികയെ പുലി തട്ടി താഴെയിടുകയായിരുന്നു. കുട്ടിയുടെ നിലവിളി കേട്ടുണര്‍ന്ന മാതാപിതാക്കള്‍ കണ്ടത് നായയെ കടിച്ച് പിടിച്ച് നില്‍കുന്ന പുലിയെയാണ്. ആളുകള്‍ ഉണര്‍ന്നതോടെ പുലി നായയെയും കൊണ്ട് ഓടുകയായിരുന്നു.

മൂന്ന് വയസുകാരിയായ അവനികയ്ക്ക് അംഗനവാടി അധ്യാപിക നല്‍കിയ നായയെയാണ് പുലി പിടിച്ചത്. ഇതിനുമുന്‍പും നായയെ ലക്ഷ്യമാക്കി പുലി ആക്രമണം നടത്തിയിരുന്നു. പിന്നാലെ നായയെ അകത്ത് കെട്ടിയിടുകയായിരുന്നു. വന്യമൃഗങ്ങളെ ഭയന്ന് 13 കുടംബങ്ങളാണ് പ്രദേശത്ത് ഇപ്പോള്‍ കഴിയുന്നത്.

Continue Reading

kerala

മേപ്പാടിയില്‍ ബോബി ചെമ്മണ്ണൂരിന്റെ ബോച്ചെ തൗസന്റ് ഏക്കറില്‍ തീപ്പിടിത്തം’ സ്ഥാപനങ്ങള്‍ കത്തി നശിച്ചു

ഓലകൊണ്ട് മേഞ്ഞ ഹട്ടുകളില്‍നിന്ന് തീ വ്യാപിക്കുകയായിരുന്നു. ഹട്ടുകള്‍ പൂര്‍ണമായും കത്തിനശിച്ചു.

Published

on

ബോബി ചെമ്മണ്ണൂരിന്റെ ഉടമസ്ഥതയിലുള്ള വയനാട് മേപ്പാടിയിലെ ബോച്ചെ തൗസന്റ് ഏക്കറില്‍ തീപ്പിടിത്തം. ഫാക്ടറിക്കു പിറകിലെ റസ്‌റ്റോറന്റും കള്ളുഷാപ്പും പ്രവര്‍ത്തിക്കുന്ന ഭാഗത്താണ് തീപ്പിടിത്തമുണ്ടായത്. ഓലകൊണ്ട് മേഞ്ഞ ഹട്ടുകളില്‍നിന്ന് തീ വ്യാപിക്കുകയായിരുന്നു. ഹട്ടുകള്‍ പൂര്‍ണമായും കത്തിനശിച്ചു. ആര്‍ക്കും പരിക്കില്ല. ഗ്യാസ് സിലിണ്ടര്‍ പൊട്ടിത്തെറിച്ചതാണ് അപകടകാരണമെന്നാണ് പ്രാഥമിക നിഗമനം.

ഉച്ചയ്ക്കുശേഷമാണ് തീപ്പിടിത്തമുണ്ടായത്. അഗ്‌നിശമനസേനയെത്തിയാണ് തീയണച്ചത്. തീപിടിക്കുന്നതുകണ്ട് ഭക്ഷണം കഴിച്ചുകൊണ്ടിരുന്ന ആളുകള്‍ ഓടിയതിനാല്‍ ആര്‍ക്കും പരിക്കേറ്റില്ല.

Continue Reading

kerala

മുതലപ്പൊഴിയില്‍ സംഘര്‍ഷാവസ്ഥ തുടരുന്നു; എഞ്ചിനീയറിംഗ് ഓഫീസിന്റെ ജനാല അടിച്ചു തകര്‍ത്തു

സംഭവത്തില്‍ ചാന്നാങ്കര സ്വദേശി മുജീബിനെ പൊലീസ് കസ്റ്റഡിയിലെടുത്തു.

Published

on

മുതലപ്പൊഴിയില്‍ സംഘര്‍ഷാവസ്ഥ തുടരുന്നു. മണല്‍ നീക്കം തടസപ്പെട്ടതിനെ തുടര്‍ന്നുണ്ടായ സംഘര്‍ഷത്തിന് പിന്നാലെ എഞ്ചിനീയറിംഗ് ഓഫീസിന്റെ ജനാല അടിച്ചു തകര്‍ത്തു. സംഭവത്തില്‍ ചാന്നാങ്കര സ്വദേശി മുജീബിനെ പൊലീസ് കസ്റ്റഡിയിലെടുത്തു. ഇയാളെ പൊലീസ് കോസ്റ്റല്‍ സ്‌റ്റേഷനിലേക്ക് മാറ്റിയിരിക്കുകയാണ്. രാവിലെ ഹാര്‍ബര്‍ അസിസ്റ്റന്റ് എഞ്ചിനീയറുടെ ഓഫീസിലേക്ക് മത്സ്യത്തൊഴിലാളികളായ പ്രതിഷേധക്കാര്‍ തള്ളിക്കയറിയിരുന്നു.

മുജീബിനെ കസ്റ്റഡിയിലെടുത്തതിന് പിന്നാലെ പൊലീസ് സംഘത്തിന് നേരെ മത്സ്യത്തൊഴിലാളികള്‍ പാഞ്ഞടുത്ത് സംഘര്‍ഷാവസ്ഥ സൃഷ്ടിച്ചു. ഇന്ന് രാവിലെ മുതല്‍ മത്സ്യത്തൊഴിലാളികള്‍ തീരദേശ റോഡ് ഉപരോധിക്കുകയാണ്. ഉകരണഞ്ഞള്‍ എത്തിച്ചിട്ടും മണല്‍ നീക്കാന്‍ സാധിച്ചിരുന്നില്ല. പൊഴി മൂടിപ്പോവാനുള്ള സാധ്യതയുണ്ട്. ഇതിന് പിന്നാലെയാണ് തൊഴിലാളികള്‍ പ്രതിഷേധവുമായി രംഗത്ത് വന്നത്.

Continue Reading

Trending