കാസര്കോട് കറന്തക്കാട് മദ്യപാനത്തിനിടെ യുവാവിന് കുത്തേറ്റു. നീലേശ്വരം സ്വദേശി ബിജുവിനെയാണ് ബിയര് കുപ്പികൊണ്ട് പരിക്കല്പ്പിച്ചത്. പ്രതി ബിഹാര് സ്വദേശി സന്ദേശിനെ പൊലീസ് പിടികൂടി.
മദ്യപാനത്തിനിടെ ബിജുവിന്റെ കീശയില് നിന്ന് സന്ദേശ് അനുവാദമില്ലാതെ പണം എടുത്തു എന്നതാണ് തര്ക്കത്തിന് കാരണം. പിന്നീട് തര്ക്കം സംഘട്ടനത്തില് കലാശിച്ചു. അതിനിടെയാണ് ബിഹാര് സ്വദേശിയായ സന്ദേശ് തൊട്ടടുത്ത് ഉപേക്ഷിച്ച ബിയര് കുപ്പി എടുത്ത് ബിജുവിനെ കുത്തിയത്. നെഞ്ചിനും മുഖത്തും സാരമായി പരിക്കേറ്റു ബിജുവിന്.
ബഹളം കേട്ട് ഓടി കൂടിയ നാട്ടുകാര് ചേര്ന്നാണ് ബിജുവിനെ ആശുപത്രിയിലെത്തിച്ചത്. പ്രാഥമിക അന്വേഷണത്തില് മദ്യ ലഹരിയുലുണ്ടായ അക്രമം മാത്രമാണെന്നാണ് പൊലീസിന്റെ നിഗമനം. ബിഹാര് സ്വദേശിയായ സന്ദേശിനെ പൊലീസ് അറസ്റ്റ് ചെയ്തിട്ടുണ്ട്. കുത്തേറ്റ ബിജു മോഷണക്കേസുകളിലെ പ്രതിയാണ്.