Connect with us

columns

മാവോ: യു.പിക്കൊപ്പം സഞ്ചരിക്കുന്ന കേരള പൊലീസ്

Published

on

കെ.പി നൗഷാദ് അലി

വയനാട്ടില്‍ വീണ്ടും മാവോയിസ്റ്റുകളുമായി ഏറ്റുമുട്ടല്‍ നടക്കുകയും ഒരാള്‍ കൊല്ലപ്പെടുകയും ചെയ്തതായാണ് വാര്‍ത്ത. ഉത്തരേന്ത്യന്‍ പൊലീസിനു പഠിക്കുന്ന പിണറായി പൊലീസിന്റെ ഈ ചെയ്തിയില്‍ സംശയത്തിന്റെ നിഴല്‍ പരന്നിട്ടുണ്ട്. പിണറായി സര്‍ക്കാര്‍ പ്രതിരോധത്തിലാകുന്ന സന്ദര്‍ഭങ്ങളിലെല്ലാം ശ്രദ്ധ തിരിച്ചുവിടാന്‍ ഇത്തരം ചില ഗിമ്മിക്കുകള്‍ പുറത്തിറക്കാറുണ്ട്. അത്തരത്തിലൊന്നാണോ ഇതെന്ന സംശയവും ബലപ്പെട്ടുവരികയാണ്. മഞ്ചക്കണ്ടി ഏറ്റുമുട്ടല്‍ കൊല നടന്ന വാര്‍ഷികത്തില്‍ മാവോയിസ്റ്റുകള്‍ ആക്രമണത്തിന് പദ്ധതിയിട്ടിരുന്നതായും വനം വകുപ്പ് ഓഫീസ്, പൊലീസ്‌സ്റ്റേഷന്‍ എന്നിവ ആക്രമിക്കാന്‍ പദ്ധിതിയിട്ടു എന്ന വിവരത്തിന്റെ അടിസ്ഥാനത്തില്‍ നടത്തിയ തെരച്ചിലിലാണ് ഏറ്റുമുട്ടലുണ്ടായതെന്നും പൊലീസ് പറയുന്നു. അതേസമയം, തന്റെ സഹോദരന്റെ കൊലപാതകത്തിന് സമാനമായ സംഭവം തന്നെയാണ് ഇപ്പോഴും ഉണ്ടായിരിക്കുന്നതെന്ന് മനുഷ്യാവകാശ പ്രവര്‍ത്തകനും വൈത്തിരിയില്‍ പൊലീസ് ഏറ്റുമുട്ടലില്‍ കൊല്ലപ്പെട്ട സി.പി ജലീലിന്റെ സഹോദരനുമായ സി.പി റഷീദ് അഭിപ്രായപ്പെട്ടിട്ടുണ്ട്. ഫോറന്‍സിക് റിപ്പോര്‍ട്ട് വന്നപ്പോള്‍ സി.പി ജലീല്‍ വെടിയുതിര്‍ത്തിട്ടില്ല എന്നാണ് റിപ്പോര്‍ട്ടില്‍ വ്യക്തമായത്. എഫ്.ഐ.ആറില്‍ വന്നത് മാവോയിസ്റ്റുകള്‍ നേരിട്ട് വെടിയുതിര്‍ത്തെന്നും സുരക്ഷ മുന്‍നിര്‍ത്തി വെടിവെക്കേണ്ടി വന്നു എന്നുമാണ്. എന്നാല്‍ മാവോയിസ്റ്റുകള്‍ വെടിയുതിര്‍ത്തില്ലെന്നും അവര്‍ തോക്ക് ഉപയോഗിച്ചില്ലെന്നും ഫോറന്‍സിക് റിപ്പോര്‍ട്ട് വന്നു. കേരള സര്‍ക്കാര്‍ ഇപ്പോള്‍ ചെയ്യുന്നത് പൊളിറ്റിക്കല്‍ ക്രൈസിസ് ഉണ്ടാകുമ്പോള്‍ മാവോയിസ്റ്റുകളെ വളഞ്ഞിട്ട് ആക്രമിക്കുകയും കൊല്ലുകയും ചെയ്യുന്ന തന്ത്രം ആവിഷ്‌ക്കരിക്കുകയാണെന്നും അദ്ദേഹം പറഞ്ഞു.

വ്യാജ ഏറ്റുമുട്ടലിന് പേരുകേട്ട ഉത്തര്‍പ്രദേശ് പൊലീസിന്റെ പാതയാണ് ഇപ്പോള്‍ കേരള പൊലീസും അനുവര്‍ത്തിക്കുന്നത്. സര്‍ക്കാര്‍ പ്രതിസന്ധിയിലാകുമ്പോള്‍ ഇത്തരം വ്യാജ സംഭവങ്ങള്‍ സൃഷ്ടിക്കുകയും തങ്ങള്‍ക്കെതിരെ ഉയരുന്ന കൈകള്‍ ബന്ധിപ്പിക്കാന്‍ കരിനിയമങ്ങള്‍ പ്രയോഗിക്കുകയും ചെയ്യുന്നതില്‍ സംഘ്പരിവാറിനൊപ്പംതന്നെയാണ് പിണറായിയുടെയും സഞ്ചാരം. ഉത്തര്‍പ്രദേശിലെ ഹാഥ്‌റസില്‍ ബലാത്സംഗത്തിനിരയായി കൊല്ലപ്പെട്ട പെണ്‍കുട്ടിയുടെ വീടു സന്ദര്‍ശിക്കാന്‍ പുറപ്പെട്ട പത്രപ്രവര്‍ത്തക യൂണിയന്‍ ഡല്‍ഹി ഘടകം സെക്രട്ടറി സിദ്ദീഖ് കാപ്പനെ യു.പി പൊലീസ് അറസ്റ്റുചെയ്തിട്ട് നാളേറെയായി. യു.എ. പി.എ അടക്കമുള്ള വകുപ്പുകള്‍ ചുമത്തിയിട്ടുണ്ട്. അന്യായമായി തുറങ്കിലടക്കപ്പെട്ട ആ ചെറുപ്പക്കാരന്‍ ജനാധിപത്യ വിശ്വാസികളുടെ മനസ്സിലെ വലിയ വേദനയായി മാറിയിരിക്കുന്നു. ഇനിയെത്രനാള്‍ എന്ന ചോദ്യത്തിന് ഉത്തരമില്ല. ഈ വിഷയമുയര്‍ത്തി വലിയ പ്രതീക്ഷയോടെ പിണറായി വിജയനെ ചോദ്യവുമായി സമീപിച്ച പത്രപ്രവര്‍ത്തകര്‍ക്ക് ഒന്നും ചെയ്യാനില്ല എന്ന നിര്‍വികാരമായ മറുപടിയാണ് ലഭിച്ചത്. എന്‍.ഡി.എ കേരള നേതാവ് ദുബൈയില്‍ പണമിടപാട് കേസില്‍ അറസ്റ്റിലായപ്പോള്‍ അടിയന്തിരമായി വിദേശകാര്യ സഹമന്ത്രി ജയശങ്കറിന് കത്തെഴുതിയതും കോണ്‍സുലേറ്റില്‍ ഇടപെടല്‍ നടത്തിയതും ഇതേ കേരള മുഖ്യമന്ത്രിയായിരുന്നു. ചില വിഷയങ്ങളില്‍ തന്റെ നിലപാട് ‘അയ് മൂന്ന് പയ്മൂന്ന്’ ആണെന്ന് പിണറായി വ്യക്തമായി പറയുകയാണ്.

അനിശ്ചിതത്വംനിറഞ്ഞ പ്രവചനാതീതമായ വഴികളിലൂടെ സഞ്ചരിക്കാനാണ് ദേശീയ രാഷ്ട്രീയത്തില്‍ സി.പി.എം നിര്‍ബന്ധിതമായിരിക്കുന്നത്. കഴിഞ്ഞ തെരഞ്ഞെടുപ്പുകളില്‍ ബംഗാളിലും ത്രിപുരയിലും നാലാമതും മൂന്നാം സ്ഥാനത്തും മത്സരമവസാനിപ്പിക്കേണ്ടിവന്നു. കേരളത്തെ മാത്രം ആശ്രയിച്ചു മുന്നോട്ട് പോകേണ്ട സ്ഥിതിയാണ് സി.പി.എമ്മിനു മുന്നിലുള്ളത്. പ്രാഗല്‍ഭ്യംകൊണ്ട് ദേശീയ ശ്രദ്ധ തന്നിലേക്കാകര്‍ഷിച്ചുനിര്‍ത്തിയിരുന്ന ഇ.എം. എസിനുശേഷം അവശേഷിക്കുന്ന ഏക സംസ്ഥാനത്തെ കമ്യൂണിസ്റ്റ് മുഖ്യമന്ത്രി എന്ന പദവി പിണറായി വിജയനെയും വെള്ളി വെളിച്ചത്തില്‍ നിര്‍ത്തുന്നുണ്ട്. സി.പി.എമ്മിനകത്ത് പിണറായിക്കും കേരള ബ്രാന്‍ഡിനും ലഭിച്ച പ്രാമുഖ്യം ശീലമില്ലാത്ത പല വഴികളും രീതികളുമൊക്കെ നിശബ്ദം സഹിക്കാന്‍ ആ പാര്‍ട്ടിയെ നിര്‍ബന്ധിതമാക്കിയിട്ടുണ്ട്. ബംഗാളും ത്രിപുരയും മുതല്‍ അയല്‍ സംസ്ഥാനമായ തമിഴ്‌നാട്ടില്‍ വരെ കോണ്‍ഗ്രസുമായി ചേര്‍ന്നുപോകുമ്പോഴും കേരളത്തില്‍ കോണ്‍ഗ്രസിനെ എതിരിടാന്‍ ബി.ജെ.പി പഥ്യമാണ് എന്ന തോന്നല്‍ അതിന്റെ ഉദാഹരണമാണ്. 2016ല്‍ ഇടതു സര്‍ക്കാര്‍ അധികാരമേറ്റയുടന്‍ ബി.ജെ.പി നേതാവായ കെ. സുരേന്ദ്രന്‍ ഇങ്ങനെ അഭിപ്രായപ്പെട്ടിരുന്നു.

‘വലിയ തോതില്‍ മുസ്‌ലിം വോട്ട് പിണറായിയും എല്‍.ഡി.എഫും സ്വന്തമാക്കിയിട്ടുണ്ട്. ചില മുസ്‌ലിം ഗ്രൂപ്പുകള്‍ ചരടുവലിക്കുന്ന ഗെയ്ല്‍, ദേശീയപാത വിരുദ്ധ സമരങ്ങളെ പരാജയപ്പെടുത്തുന്നപക്ഷം പിണറായി കരുത്തുറ്റ ഭരണാധികാരിയായി വിലയിരുത്തപ്പെടും’. ഗെയില്‍ വിരുദ്ധ സമരത്തെ പിണറായി ചോരയില്‍ മുക്കിയെങ്കിലും ദേശീയപാത അതോറിറ്റിയുടെ മെല്ലെപ്പോക്ക് കാരണം സര്‍ട്ടിഫിക്കറ്റ് പൂര്‍ണ്ണമായിട്ടില്ല. ഇടതുപക്ഷ ഭരണത്തില്‍നിന്നും പ്രതീക്ഷിക്കാത്ത നിലപാടുകളുമായി കേന്ദ്ര രീതികളുടെ ചുവരെഴുത്ത് വായിച്ചാണ് കഴിഞ്ഞ നാലര വര്‍ഷം കേരളം മുന്നോട്ട് നീങ്ങിയിട്ടുള്ളത്.

കൊളോണിയല്‍ വാഴ്ചക്കാലത്ത് ബ്രിട്ടീഷ് സൂചകങ്ങള്‍ക്കെതിരെ ഉയരുന്ന എല്ലാ വിമര്‍ശനങ്ങള്‍ക്കും രാജ്യദ്രോഹ കുറ്റം ചാര്‍ത്തുന്നത് പതിവായിരുന്നു. സമാനമായി ഇന്ത്യന്‍ പീനല്‍ കോഡിലെ 124 എ വകുപ്പ് സ്വാതന്ത്ര്യാനന്തര ഭാരതത്തില്‍ ഏറ്റവും സജീവമായ കാലമാണിത്. 2019 ല്‍ 35, 36 വകുപ്പുകള്‍ കൂട്ടിച്ചേര്‍ത്ത് യു.എ. പി.എ ഭേദഗതി ചെയ്തതോടെ കേന്ദ്ര സര്‍ക്കാറിന് അനിയന്ത്രിതമായ അധികാരങ്ങള്‍ കൈവന്നു. സര്‍ക്കാര്‍ നയങ്ങളെയും അധികാര കേന്ദ്രങ്ങളെയും വിമര്‍ശിക്കുന്നവരെയും പ്രതിഷേധകരെയും രാജ്യദ്രോഹകേസിലും യു.എ.പി.എയിലും പെടുത്തുക എന്നത് യു.പി പോലുള്ള സംസ്ഥാനങ്ങളും കേന്ദ്ര ആഭ്യന്തര വകുപ്പും നിര്‍ബാധം തുടരുകയാണ്. നാഷണല്‍ ക്രൈം റിക്കോര്‍ഡ്‌സ് ബ്യൂറോയുടെ കണക്കുപ്രകാരം രാജ്യദ്രോഹക്കുറ്റം ചുമത്തിയ കേസുകളില്‍ 165 ശതമാനത്തിന്റെയും യു.എ.പി.എ കേസുകളില്‍ 33 ശതമാനത്തിന്റെയും വര്‍ധനവ് രാജ്യത്തുണ്ടായി.

രാജ്യദ്രോഹ വകുപ്പുകളില്‍ ജാമ്യം നല്‍കാന്‍ കോടതി പ്രത്യക്ഷമായി വിമുഖത കാട്ടാറുണ്ട്. യു.എ.പി.എ കേസില്‍ ജാമ്യം ലഭിക്കണമെങ്കില്‍ പ്രതി നിരപരാധിയാണെന്ന് മതിയായ കാരണങ്ങളാല്‍ ജഡ്ജിക്ക് ബോധ്യം വരണം. എല്ലാ നിയമങ്ങളും കാറ്റില്‍പറത്തി നടത്തുന്ന ഏറ്റുമുട്ടല്‍ കൊലകളും പുതിയ കാലത്ത് വാര്‍ത്തയല്ല. കഴിഞ്ഞ മൂന്ന് വര്‍ഷത്തിനിടയില്‍ യു.പിയില്‍ മാത്രം 120 പേരാണ് എന്‍കൗണ്ടറില്‍ കൊല്ലപ്പെട്ടത്. അലനും താഹയും കോഴിക്കോട്‌നിന്നും അറസ്റ്റ് ചെയ്യപ്പെട്ടപ്പോള്‍ യു.എ.പി.എ ചുമത്താന്‍ കേരള പൊലീസ് പറഞ്ഞ കാരണങ്ങളിലൊന്ന് അറസ്റ്റു വേളയില്‍ തീവ്ര ഇടതു മുദ്രാവാക്യം മുഴക്കിയെന്നാണ്. അസമില്‍ പൗരത്വ നിയമത്തിനെതിരെ സമരം ചെയ്തതിന് യു.എ.പി.എ ചുമത്തപ്പെട്ട കൃഷക് മുക്തി സന്‍ഗ്രാം സമിതിക്കാര്‍ക്കെതിരെയുള്ള കുറ്റപത്രത്തിലെ പ്രധാന ചാര്‍ജ്ജുകള്‍ അവര്‍ പരസ്പരം കോമ്രേഡ്, ലാല്‍സലാം, ഇങ്ക്വിലാബ് സിന്ദാബാദ് എന്നിവ ഉപയോഗിക്കാറുണ്ട് എന്നായിരുന്നു. അസമിലെയും കേരളത്തിലെയും പൊലീസിങിലെ സാമ്യങ്ങള്‍ ഒട്ടും യാദൃച്ഛികമല്ല.

യു.എ.പി.എക്കെതിരായ സി.പി.എം ദേശീയ നിലപാടുകള്‍ പാര്‍ട്ടിക്കകത്തെ വരേണ്യ ഘടകമായ കേരളത്തിന് ബാധകമായിരുന്നില്ല. മുഖ്യമന്ത്രിയുടെ ഇംഗിതമറിഞ്ഞെന്നോണം സി. പി.എം കോഴിക്കോട് ജില്ലാ സെക്രട്ടറി താമരശ്ശേരിയിലെ ഒരു പൊതുയോഗത്തില്‍ അലനും താഹക്കുമെതിരായ യു.എ.പി.എയെ ന്യായീകരിച്ചത് കേരളത്തിലെ ഇസ്‌ലാമിക തീവ്രവാദികളും മാവോയിസ്റ്റുകളും തമ്മില്‍ രഹസ്യ ധാരണയുണ്ടെന്ന് പറഞ്ഞുകൊണ്ടാണ്. നാളിതുവരെ ആര്‍.എസ്.എസുകാര്‍ പരസ്യമായി പറയാന്‍ തയ്യാറാവാത്തത് പ്രസംഗിച്ച സി.പി.എം നേതാവ് തന്റെ വാദത്തിന്റെ യുക്തിയും തെളിവും വിശദീകരിക്കാന്‍ തയ്യാറായതുമില്ല. മുഖ്യമന്ത്രിക്കെതിരായ വിമര്‍ശനങ്ങളോടും കടുത്ത അസഹിഷ്ണുത കേരള ഭരണം പുലര്‍ത്തുന്നു. 2019 ജൂണില്‍ പിണറായി വിജയന്‍ നിയമസഭയില്‍ പറഞ്ഞ കണക്കനുസരിച്ച് 119 പേര്‍ക്കെതിരെയാണ് തനിക്കെതിരില്‍ അപകീര്‍ത്തി പരാമര്‍ശം നടത്തിയതിനു കേസെടുത്തിട്ടുള്ളത്. 29 സര്‍ക്കാര്‍ ജീവനക്കാര്‍ക്കെതിരെ നടപടികളുണ്ടായി. മാറുന്ന ശൈലികളോട് വേറിട്ടല്ല, ചേര്‍ന്ന് തന്നെയാണ് കേരളം നടക്കുന്നത്.

അടിയന്തിരാവസ്ഥക്ക് നാലര പതിറ്റാണ്ടിന്റെ പഴക്കമുള്ളപ്പോഴും കമ്യൂണിസ്റ്റ് കാല്‍പനികതകള്‍ക്ക് രാജനും ഈച്ചരവാര്യരുമൊക്കെ ഇന്നും പറഞ്ഞു മതിവരാത്ത വിഷയങ്ങളാണ്. പോയ ഒരുപാട് തലമുറകളുടെ പൊതുബോധത്തെ സ്വാധീനിക്കാനും ഈ വിഷയം സി.പി.എമ്മിനെ സഹായിച്ചിട്ടുണ്ട്. എന്നാല്‍ പിണറായി വിജയന്‍ മുഖ്യമന്ത്രിയായതിനുശേഷം ഏഴു പേരെയാണ് മാവോയിസ്റ്റ് മുദ്ര കുത്തി വെടിവെച്ചു കൊന്നത്. നിലമ്പൂരില്‍ രണ്ടും വൈത്തിരിയില്‍ ഒന്നും അട്ടപ്പാടിയില്‍ നാലും ജീവനുകള്‍ പൊലിഞ്ഞു. പോയിന്റ് ബ്ലാങ്കിലും കഴുത്തിനു പുറകിലുമൊക്കെയാണ് വെടിയുതിര്‍ത്തതെങ്കിലും ഉത്തര്‍പ്രദേശിനു സമാനമായി ഏറ്റുമുട്ടല്‍ കൊലകള്‍ എന്നു തന്നെയാണ് കേരള പൊലീസിന്റെയും ഭാഷ്യം. രാജ്യത്ത് മാവോയിസ്റ്റ് സാന്നിധ്യം ഏറ്റവും ദുര്‍ബലമായ സംസ്ഥാനങ്ങളിലൊന്നാണ് കേരളം. പൊലീസിന്റെ മാറുന്ന മുഖവും രീതികളും പരീക്ഷിക്കാനുള്ള മണ്ണായി കേരളത്തെ മാറ്റുകയാണ്. വികാസ് ദുബെ സംഘവും യു.പി പൊലീസുമായുള്ള ഏറ്റുമുട്ടലിനുശേഷം നടന്ന തുടര്‍ കൊലകളെ തുടര്‍ന്ന് ഭരണഘടന മൂല്യങ്ങള്‍ യു.പി സര്‍ക്കാര്‍ കാറ്റില്‍ പറത്തുന്നുവെന്ന വിമര്‍ശനവുമായി സി. പി.എം ദേശീയ നേതൃത്വം രംഗത്തുവന്നിരുന്നു.

ഒന്നര ഡസനിലധികം തവണ നീട്ടിവെച്ച ലാവലിന്‍ കേസ് വീണ്ടും നീട്ടാന്‍ സി.ബി.ഐ സുപ്രീം കോടതിയില്‍ ഹര്‍ജി നല്‍കുമ്പോള്‍, മറു വശത്ത് രാഹുല്‍ ഗാന്ധിയുടെ ഓണ്‍ലൈന്‍ ഉദ്ഘാടനങ്ങള്‍പോലും സാങ്കേതികത്വം ചൂണ്ടിക്കാട്ടി കേരള സര്‍ക്കാര്‍ തടയുകയാണ്. എല്ലാ വിലക്കുകളും കീഴ്‌വഴക്കങ്ങളും കാറ്റില്‍പറത്തി തുടര്‍ച്ചയായി സ്വാതന്ത്ര്യ, റിപ്പബ്ലിക് ദിനങ്ങളില്‍ ആര്‍.എസ്.എസ് മേധാവി മോഹന്‍ ഭാഗവത് എയ്ഡഡ് വിദ്യാലയങ്ങളില്‍ പതാകയുയര്‍ത്തി മടങ്ങുന്നതും ഇതേ കേരളത്തിലാണ്. സി.പി.എം സംസ്ഥാന സെക്രട്ടറിയുടെ ന്യൂ മാഹിയിലെ വേദി ബോംബ്‌വെച്ച് തകര്‍ത്ത കേസും പാലത്തായി പീഡനവും ജലരേഖയാവുന്നതും സന്നിധാനത്തെ പൊലീസ് നിയന്ത്രണം ആര്‍.എസ്.എസ് നേതാക്കള്‍ കൈയാളുന്നതും സംസ്ഥാനത്തെ ആര്‍.എസ്.എസ് അതിക്രമങ്ങളോടുള്ള മൃദു രീതികളും അന്തര്‍ധാരയുടെ ഇഴയടുപ്പം വിളിച്ചോതുന്നതാണ്. ഇന്ത്യയില്‍ അവശേഷിക്കുന്ന ഏക സംസ്ഥാന ഭരണം നിലനിര്‍ത്താനുള്ള ത്വരയും കോണ്‍ഗ്രസ് മുക്ത ഭാരതത്തിനായുള്ള പരീക്ഷണങ്ങളും പൊതു ലക്ഷ്യത്തിനായി കൈകള്‍ കോര്‍ക്കുന്ന രാഷട്രീയ സങ്കീര്‍ണ്ണതകള്‍ മതേതര ജനാധിപത്യവിശ്വാസികളെ കൂടുതല്‍ ജാഗ്രത പാലിക്കാന്‍ പ്രേരിപ്പിക്കേണ്ടതുണ്ട്.
(കെ.പി.സി.സി സെക്രട്ടറിയാണ് ലേഖകന്‍)

Continue Reading
Advertisement
Click to comment

Leave a Reply

Your email address will not be published. Required fields are marked *

columns

കേരളീയം എന്ന ധൂര്‍ത്ത് മേള-എഡിറ്റോറിയല്‍

സംസ്ഥാനം സാമ്പത്തിക പ്രതിസന്ധിയുടെ വന്‍ ഗര്‍ത്തത്തില്‍ അകപ്പെട്ട് നില്‍ക്കുമ്പോള്‍ കേരളീയത്തിന്റെ പേരില്‍ കോടികള്‍ പൊടിപൊടിക്കുന്ന സര്‍ക്കാര്‍ റോമാ നഗരം കത്തിയെരിയുമ്പോള്‍ വീണ വായിച്ച നീറോ ചക്രവര്‍ത്തിമാരെയാണ് ഓര്‍മപ്പെടുത്തുന്നത്.

Published

on

സംസ്ഥാനം സാമ്പത്തിക പ്രതിസന്ധിയുടെ വന്‍ ഗര്‍ത്തത്തില്‍ അകപ്പെട്ട് നില്‍ക്കുമ്പോള്‍ കേരളീയത്തിന്റെ പേരില്‍ കോടികള്‍ പൊടിപൊടിക്കുന്ന സര്‍ക്കാര്‍ റോമാ നഗരം കത്തിയെരിയുമ്പോള്‍ വീണ വായിച്ച നീറോ ചക്രവര്‍ത്തിമാരെയാണ് ഓര്‍മപ്പെടുത്തുന്നത്. ചരിത്രത്തിലെ ഏറ്റവും വലിയ കടബാധ്യതയുമായി, എല്ലാ വകുപ്പുകളിലും കോടികളുടെ കുടിശ്ശിക നിലനില്‍ക്കുന്ന ഒരു സര്‍ക്കാറാണ് കേരളം ഭരിച്ചുകൊണ്ടിരിക്കുന്നത്. ക്ഷേമ പെന്‍ഷനുകള്‍ മുടങ്ങിയിട്ട് മാസങ്ങള്‍ പിന്നിട്ടു, കെ.എസ്.ആര്‍.ടി.സിയില്‍ ശമ്പളവും പെന്‍ഷനുമില്ല, സ്‌കൂള്‍ കുട്ടികളുടെ ഉച്ചഭക്ഷണത്തിനു പോലും പണം നല്‍കാനില്ല, നെല്‍കര്‍ഷകരുടെ കുടിശ്ശിക കൊടുത്തുവീട്ടാന്‍ കഴിയുന്നില്ല, കുടിശ്ശിക നല്‍കാത്തതിനാല്‍ സപ്ലൈക്കോയില്‍ വിതരണക്കാര്‍ ടെണ്ടര്‍ എടുക്കുന്നില്ല, ലൈഫ് മിഷന്‍ പദ്ധതിയിലും കാരുണ്യ ഫണ്ടിലുമൊന്നും തുക ലഭ്യമാകുന്നില്ല തുടങ്ങിയ അതി ഗുരുതരമായ സാമ്പത്തിക സാഹചര്യമാണ് സംസ്ഥാനത്ത് നിലനില്‍ക്കുന്നത്. സാമ്പത്തിക തകര്‍ച്ചയിലേക്ക് കൂപ്പുകുത്തിയ ഭരണകൂടങ്ങള്‍ പ്രകടമാക്കിയ എല്ലാ തരത്തിലുള്ള അസ്ഥിരതകളും ഈ സര്‍ക്കാര്‍ കാണിച്ചുകൊണ്ടിരിക്കുകയാണ്. ഈ ഘട്ടത്തിലാണ് തകര്‍ച്ചക്ക് ആക്കം കൂട്ടുന്ന രീതിയില്‍ ധൂര്‍ത്തിന്റെ മഹാമേളയായി കേരളീയം തലസ്ഥാന നഗരിയില്‍ അരങ്ങേറുന്നത്. 27 കോടി രൂപ ചിലവഴിച്ച് സര്‍ക്കാര്‍ നടത്തുന്ന ഈ മഹാമഹം ധൂര്‍ത്തിന്റെ മാത്രമല്ല അഴിമതിയുടെയും കൂടിച്ചേരല്‍ കൂടിയാണ്. ടെണ്ടര്‍പോലുമില്ലാതെ ഇഷ്ടക്കാര്‍ക്ക് പരിപാടിയുടെ കരാര്‍ നല്‍കിയതു മുതല്‍ തുടങ്ങുന്നു അഴിമതിയുടെ ഗന്ധം.

കേരളം നിലവില്‍ വന്നതിനു ശേഷമുള്ള മുഴുവന്‍ വികസന പ്രവര്‍ത്തനങ്ങളുടെയും പിതൃത്വം നിര്‍ലജ്ജം തന്റെ പേരിനോട് ചേര്‍ത്തുവെക്കുന്ന മുഖ്യമന്ത്രി അതേ അല്‍പ്പത്തരത്തോടെ തന്നെ കേരളീയവുമായി ബന്ധപ്പെട്ട് സംസ്ഥാനത്തുടനീളം തന്റെ മുഖം പ്രതിഷ്ടിച്ചുകൊണ്ടിരിക്കുകയാണ്. മാധ്യമങ്ങളായ മാധ്യമങ്ങളിലെല്ലാം ബഹുവര്‍ണ ചിത്രങ്ങള്‍ വെച്ചുള്ള പരസ്യം നല്‍കിയിട്ടും മതിവരാഞ്ഞിട്ട് പ്രധാന നഗരങ്ങളില്‍ കോടികള്‍ ചിലവഴിച്ച് ബഹുരാഷ്ട്ര കമ്പനികളുടെ പരസ്യബോര്‍ഡുകളെ വെല്ലുന്ന ഫോള്‍ഡിങ്ങുകള്‍ സ്ഥാപിച്ച് സായൂജ്യമടയുകയാണ്. ജി ട്വന്റി ഉച്ചകോടിയുടെ പേരില്‍ ഡല്‍ഹി നഗരം തന്റെ മാത്രം ചിത്രങ്ങളാല്‍ അലങ്കരിച്ച് ലോക രാഷ്ട്രങ്ങള്‍ക്കു മുന്നില്‍ രാജ്യത്തെ നാണംകെടുത്തിയ പ്രധാനമന്ത്രിയുടെ അതേ പാത പിന്തുടര്‍ന്ന് കേരളീയം നടക്കുന്ന തിരുവനന്തപുരം നഗരത്തെ തന്റെ സ്വന്തമാക്കിമാറ്റിയിരിക്കുകയാണ് മുഖ്യമന്ത്രി. വിവിധ സെഷനുകളില്‍ പങ്കെടുക്കുമ്പോള്‍ സ്വന്തം പേര് പ്രിന്റ് ചെയ്ത മുണ്ടും ഷര്‍ട്ടും കൂടി ധരിക്കാന്‍ ശ്രദ്ധിച്ചാല്‍ പ്രധാനമന്ത്രിയെപോലെ സമ്മേളനത്തെ കൈയ്യിലെടുക്കാന്‍ മുഖ്യമന്ത്രിക്കും സാധിക്കുന്നതേയുള്ളൂ.

ലോക കേരള സഭ പോലെ സംസ്ഥാന സര്‍ക്കാറിന്റെ നേട്ടങ്ങളെ ലോകം മുഴുവന്‍ എത്തിക്കുക എന്നതാണ് പരിപാടിയുടെ പ്രഖ്യാപിത ലക്ഷ്യമായി സര്‍ക്കാര്‍ പറയുന്നത്. എന്നാല്‍ കോടികള്‍ ചിലവഴിച്ച് നടത്തുന്ന ലോക കേരള സഭകള്‍ സംസ്ഥാനത്തിന് എന്ത് നേട്ടമുണ്ടാക്കി എന്നന്വേഷിക്കുമ്പോഴാണ് ഈ പരിപാടികളുടെ പൊള്ളത്തരം വ്യക്തമാകുന്നത്. വേണ്ടപ്പെട്ടവരെ ആനയിച്ചു കൊണ്ടുവന്ന് തങ്ങളെക്കുറിച്ച് മുഖസ്തുതി പറയിപ്പിക്കുക എന്നതല്ലാതെ ലോക കേരള സഭ വഴി സംസ്ഥാനത്തുണ്ടായ എന്തെങ്കിലുമൊരു നേട്ടം എടുത്തുകാണിക്കാന്‍ സര്‍ക്കാറിന് സാധ്യമല്ല. ഈ സാഹചര്യത്തിലാണ് ഇതേ മാതൃകയില്‍ തന്നെ വിവിധ മേഖലകളിലെ പ്രമുഖരെക്കൊണ്ട് മുഖ്യമന്ത്രിയുടെയും സര്‍ക്കാറിന്റെയും അവതാനങ്ങള്‍ പാടിപ്പുകഴ്ത്തിക്കുകയും അതുകാണിച്ച് ആരാധക വൃന്തത്തെ ആനന്ദലബ്ധിയില്‍ ആറാടിപ്പിക്കുകയും ചെയ്യുന്നത്. തിരഞ്ഞെടുപ്പ് പ്രചരണം പോലെയുള്ള രംഗങ്ങളില്‍ ഈ സംവിധാനങ്ങളെല്ലാം ഉപയോഗപ്പെടുത്തുകയും ചെയ്യുക എന്ന ലക്ഷ്യവും ഇതിനെല്ലാം പിന്നിലുണ്ടാകാം. നഷ്ടപ്പെട്ടുപോയ ജന പിന്തുണ തിരിച്ചു പിടിക്കാന്‍ പി.ആര്‍ ഏജന്‍സികള്‍ പറഞ്ഞു തരുന്ന എന്ത് ചെപ്പടി വിദ്യകളും ഉപയോഗിക്കാനുള്ള പൂര്‍ണ സ്വാതന്ത്ര്യം പിണറായി വിജയനുണ്ട്. പക്ഷേ അത് സ്വന്തം ചിലവില്‍ ആകണമെന്നു മാത്രം. ജനങ്ങളുടെ നികുതിപ്പണം ഉപയോഗിച്ച് നടത്തിക്കൊണ്ടിരിക്കുന്ന ഈ കോപ്രായങ്ങല്‍ക്കെല്ലാം കാലം മറുപടി പറയിപ്പിക്കുമെന്ന കാര്യം നിസ്സംശയമാണ്.

 

Continue Reading

columns

ഗസ്സ മരണ മുനമ്പാക്കിയത് ആര്

അമേരിക്കന്‍ പിന്തുണയോടെ ഇസ്രാ ഈല്‍ നിരപരാധികളായ നൂറുകണക്കിന് ഫലസ്തീന്‍ കുഞ്ഞുങ്ങളേയും സ്ത്രീകളേയും നിഷ്‌കരുണം ബോംബിട്ട് കൊല്ലുകയാണ്. മരണ മുനമ്പായിമാറിയിരിക്കുന്നു ഗസ്സ.

Published

on

റിയാസ് ഹുദവി പുലിക്കണ്ണി

അമേരിക്കന്‍ പിന്തുണയോടെ ഇസ്രാ ഈല്‍ നിരപരാധികളായ നൂറുകണക്കിന് ഫലസ്തീന്‍ കുഞ്ഞുങ്ങളേയും സ്ത്രീകളേയും നിഷ്‌കരുണം ബോംബിട്ട് കൊല്ലുകയാണ്. മരണ മുനമ്പായിമാറിയിരിക്കുന്നു ഗസ്സ. അയ്യായിരത്തോളം പൗരന്‍മാന്‍ നിഷ്ഠൂരമായി കൊല്ലപ്പെട്ടു, നിരപരാധികളായ ആയിരക്കണക്കിന് കുട്ടികളും സ്ത്രീകളും അവയില്‍ ഉള്‍പ്പെടുന്നുണ്ട്. യുദ്ധത്തിന്റെ സര്‍വ മര്യാദകളും ധാരണകളും ലംഘിച്ച് ഇസ്രാ ഈല്‍ നരനായാട്ട് തുടരുകയാണ്. കഴിവതും വേഗം പ്രശ്‌നങ്ങള്‍ പരിഹരിച്ച് സമാധാനം പുന:സ്ഥാപിക്കേണ്ട ഐക്യരാഷ്ട്ര സഭയും മറ്റു ലോക രാഷ്ട്രങ്ങളും ഇസ്രാ ഈലിന്റെ കിരാതന തേര്‍വാഴ്ചയെ തള്ളിപറയുന്നതിനപ്പുറം കര്‍ക്കശമായ മറ്റൊരു കടുത്ത നിലപാടിലേക്കും കടക്കാതെ കാഴ്ചക്കാരായി നില്‍ക്കുന്നുവെന്നതാണ് ഏറെ ദു:ഖകരം. ഭക്ഷണം, കുടിവെള്ളം, വൈദ്യുതി, ഇന്ധനം തുടങ്ങി സര്‍വ മേഖലയിലും ഉപരോധം ഏര്‍പ്പെടുത്തിയും പാര്‍പ്പിടങ്ങളും സ്‌കൂളുകളും അഭയാര്‍ത്ഥി ക്യാമ്പുകളും ബോബിട്ട് നിലം പരിശാക്കിയും ഫലസ്തീന്‍ ജനതയെ ക്രൂരമായി പീഡിപ്പിച്ചിട്ടും, അക്രമിച്ചിട്ടും യാതൊരു ദാക്ഷിണ്യവുമില്ലാതെ ആയിരക്കണക്കായ പിഞ്ചുകുഞ്ഞുങ്ങളും സ്ത്രീകളും പരിക്കേറ്റ് ചികിത്സയില്‍ കഴിയുന്ന ആശുപത്രികള്‍പോലും മനുഷ്യത്വം ഇല്ലാത്ത ഇസ്രാ ഈല്‍ സൈന്യം ബോംബിട്ട് നശിപ്പിച്ചു. പ്രാചീന കാലത്തേക്കാള്‍ ലോകം മനുഷ്യത്വപരമായും ധാര്‍മികമായും വളര്‍ച്ച കൈവരിച്ചുവെന്ന് അവകാശവാദം ഉന്നയിക്കുന്ന പുതിയ കാലത്ത് ഇങ്ങനെയൊക്കെ സംഭവിക്കുന്നുവെന്നത്തന്നെ മനുഷ്യത്വമുള്ളവര്‍ക്ക് ചിന്തിക്കാനും ചെയ്യാനും കഴിയാത്തതാണ്. അത്രമേല്‍ ഭീകരമാണ് ഹമാസിനെ പ്രത്രിരോധിക്കുന്നുവെന്ന പേരില്‍ ഇസ്രാ ഈല്‍ ഗസ്സയിലും ഫലസ്തീനിന്റെ മറ്റു പ്രദേശങ്ങളിലും നടത്തികൊണ്ടിരിക്കുന്ന മനസ്സുലക്കുന്ന കൃത്യങ്ങള്‍.

ഇറാന്‍, ഖത്തര്‍, സഊദി അടക്കമുള്ള അറബ് രാജ്യങ്ങള്‍ ഇസ്രാഈലിന്റ അതിരുകടന്ന അക്രമങ്ങളെയും ഫലസ്തീന്‍ അധിവേശത്തേയും അപലപിച്ചിട്ടും നിലവിലെ ഇസ്രാഈലിന്റെ ഇടപെടലുകള്‍ പശ്ചിമേഷ്യയില്‍ കൂടുതല്‍ രക്ത ചൊരിച്ചിലുകള്‍ക്ക് വഴിവെക്കുമെന്ന് വ്യക്തമാക്കിയിട്ടും തങ്ങളുടെ പ്രഖ്യാപിത നിലപാടില്‍നിന്ന് പിന്നോട്ട് പോകാതെ ഇസ്രാഈല്‍ രക്തരൂക്ഷിതമായ യുദ്ധത്തിനു മുതിരുന്നതിന്റെ പൂര്‍ണ ഉത്തരവാദിത്വം ലോക പൊലിസായി ചമയുന്ന അമേരിക്കക്കു മാത്രമാണ്. കാരണം ഇസ്രാഈലിനെതിരെ ഹമാസിന്റെ അപ്രതീക്ഷിത ആക്രമണം നടന്നപ്പോള്‍ മുമ്പും പിമ്പും നോക്കാതെ പൂര്‍ണ പിന്തുണ പ്രഖ്യാപിച്ച രാജ്യമാണ് അമേരിക്ക. മാത്രമല്ല, തങ്ങളുടെ വിദേശകാര്യ സെക്രട്ടറി ആന്റണി ബ്ലിങ്കണ്‍ ഹമാസിന്റെ ആക്രമണത്തെ അപലപിച്ചു നടത്തിയ ആദ്യ പ്രതികരണം താനും ഒരു ജൂതനാണെന്നാണ്. അതോടൊപ്പം നാളിതുവരെ തങ്ങള്‍ ചെയ്ത്‌കൊണ്ടിരിക്കുന്ന കണ്ണില്ലാത്ത ക്രൂരതകളെ മറച്ചുപിടിക്കാനും ലോക രാജ്യങ്ങളുടെ പിന്തുണ നേടാനും ഹമാസിനെ തീവ്രവാദ സംഘടനയായി മുദ്രകുത്താനും ജൂത സൈന്യം പടച്ചുണ്ടാക്കിയ ‘ബന്ദികളായ 40 കുട്ടികളെ ഹമാസ് പോരാളികള്‍ കഴുത്തറത്ത് കൊന്നെന്ന’ കല്ലുവെച്ച നുണകള്‍ അപ്പാടെ നിസ്സംശയം മാധ്യമങ്ങള്‍ക്ക്മുമ്പാകെ ഏറ്റുപറഞ്ഞ് ഇസ്രാഈലിനെ പരസ്യമായി പിന്തുണക്കുന്ന അമേരിക്കന്‍ പ്രസിഡന്റ് ബൈഡന്റെ കാഴ്ചയും കണ്ടതാണ്. ഫലസ്തീനിലെ നിലവിലെ സാഹചര്യങ്ങളെ കൂടുതല്‍ വഷളാക്കിയത് അമേരിക്കയാണെന്ന് പറയുന്നതായിരിക്കും കൂടുതല്‍ നല്ലത്. റഷ്യ യുക്രെന്‍ യുദ്ധം പൊട്ടി പുറപ്പെട്ടപ്പോള്‍ യൂറോപ്യന്‍ യൂണിയനെ കൂട്ടുപ്പിടിച്ച് റഷ്യക്കെതിരെ സാമ്പത്തിക ഉപരോധം ഏര്‍പ്പെടുത്തി ഇരയോടൊപ്പമാണെന്ന് പ്രസ്താവിച്ച അമേരിക്കയും ബൈഡനും സയണിസ്റ്റ് സൈന്യത്തിന്റെ മിസൈല്‍ ആക്രമണത്തില്‍ ദിനംപ്രതി മരിച്ച് വീഴുന്ന നൂറുകണക്കിനു കുഞ്ഞുങ്ങള്‍ക്കു വേണ്ടിയും തകര്‍ന്നടിഞ്ഞ പാര്‍പ്പിടങ്ങള്‍ക്കിടയില്‍ സര്‍വതും നഷ്ടപ്പെട്ട് നിലവിളിക്കുന്ന നിരപരാധികളായ ആയിരങ്ങള്‍ക്കു വേണ്ടിയും പ്രസ്താവന പോലും നടത്താത്തത്. പിറന്ന മണ്ണില്‍ അധിവസിക്കാന്‍ അധിനിവേശ ശക്തിക്കെതിരെ പോരാട്ടം നടത്തുന്ന ‘ഹമാസിനെ’ ഇസ്‌ലാമിക് സ്റ്റേറ്റിന്റെ അക്രമങ്ങളോട് തുലനം ചെയ്യാനും ഇസ്രാഈലിനെ വെള്ളപൂശാനും അമേരിക്കയും മറ്റു പാശ്ചാത്യശക്തികളും ശ്രമിക്കുന്നത് ജൂതരാഷ്ട്ര പിറവിയുടെ ചരിത്രം അറിയാത്തതു കൊണ്ടോ ഓര്‍മയില്ലാത്തതുകൊണ്ടോയല്ല, മറിച്ച് മുസ്‌ലിം വിരോധത്തിന്റെയും മത വര്‍ഗ വെറിയുടേയും അവര്‍ണ ബോധം ഇപ്പോഴും വെള്ളക്കാരന്റെ മനോമുകുരങ്ങളില്‍ അന്തര്‍ലീനമായി കിടപ്പുണ്ടെന്നതിന്റെ പ്രകടമായ പ്രതീകം കൂടിയാണ്. രണ്ടാം ലോക യുദ്ധാനന്തര ജാരസന്തതിയായി പാശ്ചാത്യ രാജ്യങ്ങളുടെ കുടില തന്ത്രങ്ങളാല്‍ പിറവി കൊണ്ട ജൂത രാഷ്ട്രത്തിന് ഇപ്പോഴും നല്‍കികൊണ്ടിരിക്കുന്ന അകമഴിഞ്ഞ പിന്തുണയും. കൂടാതെ പശ്ചിമേഷ്യന്‍ രാജ്യങ്ങളില്‍ ഇടക്കിടെ യുദ്ധവും ഒടുങ്ങാത്ത ആഭ്യന്തര കലാപങ്ങളും സംഘര്‍ഷങ്ങളും സൃഷ്ടിച്ചു ആയുധ കച്ചവടം പൊടിപൊടിക്കാനും അതിലൂടെ സാമ്പത്തിക നേട്ടം കൊയ്യാനും അമേരിക്കയടങ്ങുന്ന പാശ്ചാത്യന്‍ സാമ്രാജ്യത്വ ശക്തികള്‍ കാലങ്ങളായി നടത്തികൊണ്ടിരിക്കുന്ന മനുഷ്യത്വരഹിതമായ നാടകം കൂടിയാണ് ഇസ്രാഈല്‍ ഫലസ്തീന്‍ വിഷയത്തില്‍ അമേരിക്ക ഇപ്പോള്‍ നടത്തികൊണ്ടിരിക്കുന്ന അനുനയനീക്കങ്ങള്‍ എന്നു കൂടി അനുമാനിക്കാം. അതിനാല്‍ നിലവിലെ ഫലസ്തീന്‍ ഇസ്രാഈല്‍ സംഘട്ടനങ്ങളുടെ താത്കാലിക വിരാമത്തിനുള്ള നയതന്ത്ര നീക്കങ്ങളല്ല ലോക രാജ്യങ്ങളും ഐക്യരാഷ്ട്ര സഭയും നടത്തേണ്ടത്, മറിച്ച് കുടിയിറക്കപ്പെട്ട് ആട്ടിയോടിക്കപ്പെട്ട ഒരു വിഭാഗം ജനതക്ക് അധിവസിക്കാനൊരിടം അനുവദിച്ചതിന്റെ പേരില്‍ സൈ്വര്യമായ ഉറക്കവും സുരക്ഷിതമായ പാര്‍പ്പിടവും സ്വരാജ്യംതന്നെയും കാലങ്ങളായി നഷ്ടപ്പെട്ട ഫലസ്തീനികള്‍ക്ക് സ്വതന്ത്രമായൊരു രാജ്യം സാക്ഷാത്കരിച്ച് കൊടുക്കുകയെന്നതാണ് സുതാര്യമായ പരിഹാരം. എങ്കിലേ നിരന്തരം ഉയരുന്ന ഗസ്സയിലെ പതിനായിരങ്ങളുടെ രോദനം എന്നെന്നേക്കുമായി നിലച്ച് സമാധാനത്തിന്റെ പുതിയ സൂര്യോദയങ്ങള്‍ ഉദയം ചെയ്യൂ.

 

Continue Reading

columns

പ്രവാചക നാമത്തിൻ്റെ പൊരുൾ

ലോകത്ത് വളരെ കൂടുതൽ ഉച്ചരിക്കുകയും സ്തുതി കീർത്തനങ്ങൾക്ക് വിധേയമാവുകയും ചെയ്യുന്ന നാമമാണ് മുഹമ്മദ് .പ്രാർത്ഥനകളിൽ, കാവ്യങ്ങളിൽ , കഥാവിഷ്കാരങ്ങളിൽ ആ നാമം ആവർത്തിച്ചു വരുന്നു.

Published

on

പാണക്കാട് സയ്യിദ് മുനവ്വറലി
ശിഹാബ് തങ്ങൾ

ലോകത്ത് വളരെ കൂടുതൽ ഉച്ഛരിക്കുകയും സ്തുതി കീർത്തനങ്ങൾക്ക് വിധേയമാവുകയും ചെയ്യുന്ന നാമമാണ് മുഹമ്മദ് .പ്രാർത്ഥനകളിൽ, കാവ്യങ്ങളിൽ , കഥാവിഷ്കാരങ്ങളിൽ ആ നാമം ആവർത്തിച്ചു വരുന്നു .തിരുനബിയുടെ നാമകരണ ചടങ്ങിൽ പ്രപിതാവായ അബ്ദുൽ മുത്തലിബിനോട് ബന്ധുക്കളായ ഖുറൈശികൾ ചോദിക്കുന്നുണ്ട്: കൊച്ചു മകനെ എന്ത് പേരാണ് വിളിക്കുന്നത്? അദ്ദേഹം മറുപടി നൽകി: പ്രിയങ്കരനായ പേര് മുഹമ്മദ് .ലോകാലോകങ്ങളിൽ ഉള്ളവർ അവനെ അനുധാവനം ചെയ്യണമെന്ന് ആഗ്രഹിക്കുന്നു.” വന്ധ്യവയോധികനായ ഉപ്പൂപ്പയുടെ ആഗ്രഹത്തിന് പടച്ചവൻ ഉത്തരം നൽകി. മണ്ണിൽ മനുഷ്യരും ആകാശത്ത് മാലാഖമാരും ആ പേര് ഉൾപ്പുള്കത്തോടെ ഉരുക്കഴിക്കുന്നു .തിരുനബിയുടെ നാമകീർത്തനം പാഠവത്കരിക്കുകയും അത് വിശ്വാസിയുടെ ഉത്തരവാദിത്തമാണെന്ന് നിർദ്ദേശിക്കുകയും ചെയ്ത ഖുർആൻ ഇങ്ങനെ പ്രഖ്യാപിച്ചു :നബിയുടെ മേൽ അല്ലാഹു അനുഗ്രഹം വർഷിക്കുന്നു, മലക്കുകൾ പ്രാർത്ഥിക്കുന്നു, സത്യവിശ്വാസികളെ നബിക്ക് അനുഗ്രഹം. സമാധാന വർഷത്തിനായി നിങ്ങളും പ്രാർത്ഥിക്കുക.

56 തലമുറകളിലൂടെ തുടരുന്ന ഈ മുഹമ്മദീയ പ്രകീർത്തനത്തിൻറെ പൊരുൾ എന്താണ് ?അനുയായികളാൽ ആപാദചൂഢം പിന്തുടരുന്ന ഒന്നായി മുഹമ്മദ് എന്ന നാമവും നബിയുടെ ചര്യകളും മാറുന്നതെന്തുകൊണ്ട് എന്നത് വിമർശകരെ പോലും വിസ്മയിപ്പിക്കുന്നതാണ്. കൗമാരപ്രായത്തിൽ കേട്ട മുഹമ്മദ് എന്ന നാമത്തിന്റെ സൗന്ദര്യത്തിന് പിന്നാലെ സഞ്ചരിക്കുകയും ചരിത്രത്തിലും കവിതയിലും നാടകത്തിലും ആവർത്തിക്കുന്ന ആ പേരിൻറെ ആവിഷ്കാരങ്ങളെ നാലു പതിറ്റാണ്ടുകളിലൂടെ നീളം പഠിക്കുകയും ചെയ്ത ജർമൻ ഓറിയന്റലിസ്റ്റ് ആൻമേരി ഷിമ്മൽ രചിച്ച ‘ മുഹമ്മദ് ദൈവത്തിൻറെ തിരുദൂതർ ‘എന്ന പുസ്തകം പ്രസിദ്ധമാണ്. മധ്യകാലത്ത് നിലനിന്ന നബിനിന്ദക്കുള്ള പണ്ഡിതോചിതമായ പ്രായശ്ചിത്തമായി വേണം ഈ പുസ്തകത്തെ കണക്കാക്കാൻ. സെമറ്റിക്പാരമ്പര്യത്തിലും ആഫ്രിക്കാൻ പാശ്ചാത്യ പൗരസ്ത്യ ദേശങ്ങളിലും നബി ചരിത്രരചനയുടെയും കീർത്തനങ്ങളുടെയും കുത്തൊഴുക്ക് വലിയൊരു പഠന മേഖലയാണ് തോമസ് കാർലൈൽ 19-)0 നൂറ്റാണ്ടിന്റെ ആദ്യത്തിൽ ലണ്ടനിൽ നടത്തിയ മൂന്നു പ്രഭാഷണങ്ങളിൽ ഒന്ന് ഹീറോ ആസ് എ പ്രോഫറ്റ് ‘ എന്ന തലവാചകത്തിൽ മുഹമ്മദ് നബിയെ കുറിച്ചായിരുന്നു .അതുവരെ പ്രചരിക്കപ്പെട്ടിരുന്ന എല്ലാ ആരോപണങ്ങൾക്കും വസ്തുതകൾ അപഗ്രഥിച്ച് യുക്തിസഹമായി മറുപടി പറഞ്ഞു .ഇസ്ലാം വാളുകൊണ്ട് പ്രചരിപ്പിക്കപ്പെട്ട മതമാണെന്ന വിമർശനത്തിന് അദ്ദേഹം നൽകിയ മറുപടി പ്രസക്തമാണ്. കാറിൽ പറയുന്നു ,ഏതൊരു രാഷ്ട്രീയവും ഒരാളുടെ മനസ്സിൽ ആണല്ലോ ആദ്യമായി ഉദിക്കുക.മുഹമ്മദിന് ലഭിച്ച ഇസ്ലാം എന്ന ആശയം പ്രചരിപ്പിക്കാൻ ലോകത്ത് അപ്പോൾ മുഹമ്മദ് മാത്രമേയുള്ളൂ .തന്റെ കയ്യിൽ ഒരു വാളും. ഈ അവസ്ഥയിൽ എങ്ങനെയാണ് മുഹമ്മദിന് ലോകം കീഴടക്കാൻ സാധിക്കുക? വാളുകൊണ്ട് പ്രചരിപ്പിക്കാൻ ആണെങ്കിൽ വേണ്ടത്ര വാളുകളും പ്രയോഗിക്കാൻ അനുയായികളും വേണം. മുഹമ്മദിന് അതിനായി അനുയായികൾ ഉണ്ടായേ പറ്റൂ. ഈ വസ്തുത തെളിയിക്കുന്നത് വാളുകൊണ്ടല്ല ഇസ്ലാം പ്രചരിച്ചത് എന്ന സത്യമാണ് .തിരുനബിനൽകിയ രണ്ട് സന്ദേശങ്ങൾ എടുത്തു പറയേണ്ടതാണ്. ഒന്ന് ,ഐഹികവും പാരത്രികവുമായ അഥവാ ഭൗതികവും ആധ്യാത്മവുമായ രണ്ട് തലങ്ങൾ ഉൾച്ചേർന്നതാണ് ജീവിതം എന്ന കാഴ്ചപ്പാട്. മതമെന്നത് പ്രാർത്ഥനകളുടെയും ആരാധനകളുടെയും (സഷ്ടാവുമായുള്ള കെട്ടുപാടുകളുടെയും കേവലസംഹിതം മാത്രമല്ല, മറിച്ച് നാഗരിക രാഷ്ട്രീയ നിർമാണത്തിന്റെ ബഹുപാOങ്ങൾ ചേർത്ത് സർഗാത്മകവും സാമൂഹികോ ന്മുഖവുമാക്കേണ്ടതാണെന്ന് തിരുനബി പഠിപ്പിച്ചു. ഇത് കൂടുതൽ ജനപ്രിയമായ ഒരു മതത്തിന്റെയും ജനോപകരമായ ജീവിത പദ്ധതിയുടെയും ഉയർപ്പിന് കാരണമായി.അബ്ബാസിയ ഖിലാഫത്തിൻ്റെയും സ്പാനിഷ് മുസ്ലിം ഭരണത്തിന്റെയും കാലത്ത് തുടക്കം കുറിച്ച വൈജ്ഞാനിക പുരോഗതിയുടെയും നാഗരിക വളർച്ചയുടെയും പാരമ്പര്യം ഈ സാമൂഹിക കാഴ്ചപ്പാടിന്റെ ഭാഗമായിരുന്നു. നവോത്ഥാനകാലത്ത് ഉയർന്നു വരാൻ യൂറോപ്പിന് സകല സാധ്യതയും നൽകിയതിൽ തിരുനബിയുടെ പിന്തുണക്കാരിലൂടെ വളർന്ന വൈജ്ഞാനിക വിപ്ലവത്തിന് ചെറുതല്ലാത്ത പങ്ക് ഉണ്ടായിരുന്നു .ഇസ്ലാം തുടങ്ങിയത് പൂർത്തീകരിക്കുക അല്ലാതെ യൂറോപ്പിന് മറ്റൊന്ന് ചെയ്യാൻ ഉണ്ടായിരുന്നില്ല എന്ന് ഫിലിപ് കെ ഹിറ്റി ഈ ചരിത്രത്തെ പറ്റി എഴുതുന്നുണ്ട് .ഇത്തരത്തിൽ ആഘോഷിക്കപ്പെട്ട ഒരു ജനകീയ പ്രവാചകൻ ലോകത്തിനു മുമ്പിൽ ഉണ്ട്. അതിലൂടെയാണ് മുഹമ്മദ് എന്ന സ്തുതിക്കപ്പെട്ട നബി രൂപപ്പെട്ടുവന്നത്. രണ്ടാമതായി എടുത്തു പറയേണ്ടത്, സഹിഷ്ണുത എന്ന വലിയ മൂല്യത്തെ യാഥാർത്ഥ്യമാക്കുന്നതിലും ജനകീയമാക്കുന്നതിലും മുഹമ്മദ് നബി വഹിച്ച പങ്കാണ് പതിറ്റാണ്ടുകൾ യുദ്ധത്തിൽ ഏർപ്പെട്ടുപോകുന്ന ഗോത്രങ്ങളെ തമ്മിലടുപ്പിക്കിയും സഹോദര മതക്കാരെ വിശ്വാസത്തിൽ എടുത്തും മദീനയിൽ നിർമ്മിച്ച രാഷ്ട്രത്തിൻറെ അത്ഭുതം എടുത്തു പറയേണ്ടതാണ് .വിടവാങ്ങൽ പ്രസംഗത്തിൽ ലോക മനസ്സാക്ഷിക്ക് നൽകിയ സമഭാവനയുടെ ഉൾക്കാഴ്ചകൾ അവസാനമില്ലാത്തതാണ്. ഇത്തരത്തിൽ ഇന്ന് കാണുന്ന ലോകത്തെ സമാധാനപൂർണ്ണമായ നിലനിർത്തുന്നതിൽക്കുള്ള പങ്കാളിത്തത്തിന്റെ പേരിൽ കൂടിയാണ് മുഹമ്മദ് സ്തുതിക്കപ്പെട്ടവൻ എന്ന പേര് അർത്ഥപൂർണ്ണം ആകുന്നത്

(മലയാള മനോരമ ദിനപത്രത്തിൽ 28-09-2023 ന് പ്രസിദ്ധീകരിക്കപ്പെട്ടത് )

Continue Reading

Trending