തിരുവനന്തപുരം∙ നഗരസഭയിലേക്ക് യൂത്ത് കോണ്ഗ്രസ് നടത്തിയ പ്രതിഷേധ മാര്ച്ചില് സംഘര്ഷം. പ്രവര്ത്തകര്ക്കു നേരെ പൊലീസ് ജലപീരങ്കി പ്രയോഗിച്ചു. മേയര് ആര്യാ രാജേന്ദ്രന് രാജിവയ്ക്കണമെന്നു പ്രതിഷേധക്കാര് ആവശ്യപ്പെട്ടു.
ആമയിഴഞ്ചാന് തോട് വൃത്തിയാക്കുന്നതിനിടയില് ഒഴുക്കില്പ്പെട്ട ശുചീകരണ തൊഴിലാളി ജോയ് മരിച്ച സംഭവത്തില് മേയര് ആര്യാ രാജേന്ദ്രന് രാജിവെക്കണമെന്ന് ആവശ്യപ്പെട്ടാണ് യൂത്ത് കോണ്ഗ്രസ് മാര്ച്ച് നടത്തിയത്.
കോര്പറേഷൻ പരിസരത്ത് വന് പൊലീസ് സന്നാഹമാണ് ഏര്പ്പെടുത്തിയിരിക്കുന്നത്. വന് പ്രതിഷേധം ഉണ്ടാകുമെന്ന മുന്നറിയിപ്പിനെ തുടര്ന്ന് മേയര് ഉള്പ്പെടെ ഓഫിസില് എത്തിയിരുന്നില്ല.