Connect with us

More

ഗുജറാത്ത് കലാപത്തിലെ ചിത്രവും പ്രചരിപ്പിക്കപ്പെട്ടു

Published

on

കൊല്‍ക്കത്ത: ബംഗാളിലെ കലാപത്തിന്റേതെന്ന രീതിയില്‍ 2002ലെ ഗുജറാത്ത് കലാപത്തിലെ ദൃശ്യവും ബി.ജെ.പി പ്രചരിപ്പിച്ചതായി വിമര്‍ശം. ബി.ജെ.പി നേതാവായ നൂപുര്‍ ശര്‍മായാണ് ഗുജറാത്ത് കലാപത്തിന്റെ ചിത്രം സോഷ്യല്‍ മീഡിയയില്‍ ഷെയര്‍ ചെയ്തത്. ബംഗാളിനെ രക്ഷിക്കണമെന്നും ഹി്ന്ദുക്കളെ സംരക്ഷിക്കണമെന്നും അതിനായി ദല്‍ഹിയിലെ ജന്തര്‍മന്ദിറില്‍ ഒത്തുചേരണമെന്ന് ആവശ്യപ്പെട്ടുകൊണ്ടായിരുന്നു ശര്‍മയുടെ ട്വീറ്റ്.
‘സംസാരിക്കേണ്ടിയിരിക്കുന്നു. കാരണം നമ്മള്‍ വളരെ വൈകിയിരിക്കുന്നു. ഇന്ന് വൈകീട്ട് 5 മണിക്ക് ജന്തര്‍ മന്ദിറില്‍ ഒത്തുചേരണം’ സേവ് ബംഗാള്‍ സേവ് ഹിന്ദൂസ് എന്ന ഹാഷ് ടാഗോടെ പോസ്റ്റ് ചെയ്ത ചിത്രത്തില്‍ അവര്‍ ആവശ്യപ്പെട്ടു. സേവ് ബംഗാള്‍ എന്ന പേരില്‍ കഴിഞ്ഞ ദിവസം ബി.ജെ.പി രാജ്യസഭാ എം.പി സ്വപന്‍ദാസ് ഗുപ്ത സംഘടിപ്പിച്ച പരിപാടിയുടെ പശ്ചാത്തലത്തിലും ഈ ചിത്രം ഇടം പിടിച്ചിരുന്നു.
ഗുജറാത്ത് വംശഹത്യയുമായി ബന്ധപ്പെട്ട് 2016 ജൂണ്‍ 2ന് ന്യൂയോര്‍ക്ക് ടൈംസില്‍ എലന്‍ ബാരി എഴുതിയ ലേഖനത്തിനും ഇതേ ഫോട്ടോയായിരുന്നു ഉപയോഗിച്ചിരുന്നത്. ഗുജറാത്തിലെ സര്‍ക്കാര്‍ അനുകൂല ഹിന്ദി പത്രമായ ജാഗ്രണ്‍ 2014 ഏപ്രിലില്‍ പ്രസിദ്ധീകരിച്ച ലേഖനത്തിലും ഇതേ ചിത്രമായിരുന്നു ഉപയോഗിച്ചത്. പ്രധാനമന്ത്രി നരേന്ദ്രമോദി ഗുജറാത്ത് മുഖ്യമന്ത്രിയായിരിക്കെയുണ്ടായ ഗുജറാത്ത് കലാപത്തില്‍ ആയിരക്കണക്കിന് മുസ്്‌ലിംകളാണ് കൊല്ലപ്പെട്ടത്.

kerala

മന്ത്രിതല ചർച്ച പരാജയം; കടയടപ്പ് സമരത്തിൽനിന്ന് പിന്നോട്ടില്ലെന്ന് റേഷൻ വ്യാപാരികൾ

183 ക​ട​ക്കാ​ർ​ക്ക് 10,000ത്തി​ൽ​താ​ഴെ മാ​ത്ര​മാ​ണ് വ​രു​മാ​ന​മെ​ന്നും നേ​താക്ക​ൾ അ​റി​യി​ച്ചു

Published

on

തി​രു​വ​ന​ന്ത​പു​രം: മാ​ർ​ച്ച് ഏ​ഴി​ന് റേ​ഷ​ൻ വ്യാ​പാ​രി സം​ഘ​ട​ക​ൾ പ്ര​ഖ്യാ​പി​ച്ച ക​ട​യ​ട​പ്പ് സ​മ​ര​ത്തി​ൽ​നി​ന്ന് പി​ന്മാ​റ​ണ​മെ​ന്നാ​വ​ശ്യ​പ്പെ​ട്ട് യൂ​നി​യ​ൻ പ്ര​തി​നി​ധി​ക​ളു​മാ​യി മ​ന്ത്രി ജി.​ആ​ർ. അ​നി​ൽ ന​ട​ത്തി​യ ച​ർ​ച്ച പ​രാ​ജ​യം.

വേ​ത​ന പാ​ക്കേ​ജ് കാ​ലാ​നു​സൃ​ത​മാ​യി പ​രി​ഷ്ക​രി​ക്കു​ക, കെ.​ടി.​പി.​ടി.​എ​സ് ഓ​ഡ​റി​ൽ റേ​ഷ​ൻ വ്യാ​പാ​രി​ക​ളു​ടെ അ​വ​കാ​ശ​ങ്ങ​ൾ അം​ഗീ​ക​രി​ക്കു​ക, ക്ഷേ​മ​നി​ധി​യി​ൽ സ​ർ​ക്കാ​ർ വി​ഹി​തം ഉ​റ​പ്പാ​ക്കി പ​രി​ഷ്ക​രി​ക്കു​ക, വ്യാ​പാ​രി​ക​ൾ​ക്ക് ആ​രോ​ഗ്യ ഇ​ൻ​ഷു​റ​ൻ​സ് ഏ​ർ​പ്പെ​ടു​ത്തു​ക തു​ട​ങ്ങി​യ ആ​വ​ശ്യ​ങ്ങ​ളി​ൽ അ​നു​ഭാ​വ​പൂ​ർ​ണ​മാ​യ തീ​രു​മാ​നം ഉ​ണ്ടാ​കാ​ത്ത പ​ക്ഷം സ​മ​ര​ത്തി​ൽ​നി​ന്ന് പി​ന്മാ​റി​ല്ലെ​ന്ന് സം​ഘ​ട​ന നേ​താ​ക്ക​ൾ മ​ന്ത്രി​യെ അ​റി​യി​ച്ചു.

വേ​ത​ന പാ​ക്കേ​ജ് പ​രി​ഷ്‌​ക്ക​രി​ക്ക​ണ​മെ​ന്ന സം​ഘ​ട​ന​ക​ളു​ടെ ആ​വ​ശ്യ​ത്തി​ന്മേ​ൽ സ​ർ​ക്കാ​റി​ന് തു​റ​ന്ന മ​ന​സ്സാ​ണു​ള്ള​തെ​ന്നും എ​ന്നാ​ൽ, നി​ല​വി​ലെ സാ​മ്പ​ത്തി​ക പ​രി​മി​തി​യി​ൽ ഇ​ക്കാ​ര്യം ഉ​ട​ൻ പ​രി​ഹ​രി​ക്കാ​ൻ ക​ഴി​യി​ല്ലെ​ന്നും മ​ന്ത്രി അ​റി​യി​ച്ചു. ഇ​തി​നെ​തി​രെ രൂ​ക്ഷ​ഭാ​ഷ​യി​ലാ​ണ് വ്യാ​പാ​രി പ്ര​തി​നി​ധി​ക​ൾ പ്ര​തി​ക​രി​ച്ച​ത്. സം​സ്ഥാ​ന​ത്തെ പ​തി​നാ​ലാ​യി​ര​ത്തോ​ളം വ്യാ​പാ​രി​ക​ളി​ൽ 9909 പേ​ർ​ക്കും നി​ല​വി​ലെ വേ​ത​നം​കൊ​ണ്ട് ക​ട ന​ട​ത്താ​ൻ ക​ഴി​യാ​ത്ത സ്ഥി​തി​യാ​ണെ​ന്ന് ഒ​രു​വ​ർ​ഷ​ത്തെ വേ​ത​ന ക​ണ​ക്കു​ക​ൾ നി​ര​ത്തി സം​ഘ​ട​ന പ്ര​തി​നി​ധി​ക​ൾ ചൂ​ണ്ടി​ക്കാ​ണി​ച്ചു.

2402 ക​ട​ക്കാ​ർ സ്വ​ന്തം കൈ​യി​ൽ​നി​ന്ന് പ​ണം​മു​ട​ക്കി​യാ​ണ് ക​ട വാ​ട​ക​യും വൈ​ദ്യു​തി ബി​ല്ലും സെ​യി​ൽ​സ്മാ​നു​ള്ള വേ​ത​ന​വും ന​ൽ​കു​ന്ന​ത്. ഇ​ത്ത​രം ക​ട​ക​ൾ അ​ട​ച്ചു​പൂ​ട്ട​ലി​ന്‍റെ വ​ക്കി​ലാ​ണ്. 183 ക​ട​ക്കാ​ർ​ക്ക് 10,000ത്തി​ൽ​താ​ഴെ മാ​ത്ര​മാ​ണ് വ​രു​മാ​ന​മെ​ന്നും നേ​താക്ക​ൾ അ​റി​യി​ച്ചു.

Continue Reading

india

മുതിർന്ന കോൺ​ഗ്രസ് നേതാവ് അസീസ് ഖുറേഷി അന്തരിച്ചു

ദീർഘനാളായി അസുഖബാധിതനായി ചികിത്സയിലായിരുന്നു

Published

on

ഭോപ്പാൽ: മുതിർന്ന കോൺ​ഗ്രസ് നേതാവും യുപി മുൻ ഗവർണറുമായ അസീസ് ഖുറേഷി (83) അന്തരിച്ചു. വെള്ളിയാഴ്ച രാവിലെ ഭോപ്പാലിലെ സ്വകാര്യ ആശുപത്രിയിലായിരുന്നു അന്ത്യം. ദീർഘനാളായി അസുഖബാധിതനായി ചികിത്സയിലായിരുന്നു.

അന്ത്യകർമ്മങ്ങൾ വെള്ളിയാഴ്ച വൈകീട്ടോടെ നടക്കുമെന്ന് ബന്ധുക്കൾ അറിയിച്ചു. അവിവാഹിതനാണ്. ഉത്തരാഖണ്ഡ്, മിസോറാം സംസ്ഥാനങ്ങളിലും ​ഗവർണറായി അദ്ദേഹം സേവനമനുഷ്ഠുച്ചിരുന്നു. 1972-ൽ മധ്യപ്രദേശിലെ സെഹോറിൽനിന്നും നിയമസഭാം​ഗമായി.1984-ൽ ലോക്സഭയിലുമെത്തി.

Continue Reading

kerala

‘സർട്ടിഫിക്കറ്റ് നൽകിയില്ല’, കോഴിക്കോട് എൻഐടിയിൽ അധ്യാപകന് കുത്തേറ്റു

പരിക്ക് ഗുരുതരമല്ലെന്ന് ആശുപത്രി അധികൃതർ അറിയിച്ചു

Published

on

കോഴിക്കോട്: എൻ.ഐ.ടി ക്യാമ്പസിൽ അധ്യാപകന് കുത്തേറ്റു. സിവിൽ എൻജിനിയറിങ് വിഭാഗത്തിലെ പ്രൊഫ. ജയചന്ദ്രനാണ് കുത്തേറ്റത്. സംഭവത്തിൽ തമിഴ്നാട് സേലം സ്വദേശി വിനോദിനെ പൊലീസ് കസ്റ്റഡിയിലെടുത്തു. കഴുത്തിന് പരിക്കേറ്റ അധ്യാപകനെ കോഴിക്കോട് മെഡിക്കൽ കോളേജിലേക്ക് മാറ്റിയതായി മാധ്യമങ്ങൾ റിപ്പോർട്ട് ചെയ്തു. പരിക്ക് ഗുരുതരമല്ലെന്ന് ആശുപത്രി അധികൃതർ അറിയിച്ചു.

അധ്യാപകന് കഴുത്തിനും വയറിനും കൈക്കും ആണ് പരിക്കേറ്റത്. സർട്ടിഫിക്കറ്റ് നൽകാത്തതുമായി ഉണ്ടായ തർക്കമാണ് കുത്തി പരിക്കേൽപ്പിക്കാൻ കാരണമെന്നാണ് പ്രാഥമിക നിഗമനം. മറ്റു വിവരങ്ങൾ ഒന്നും തന്നെ പുറത്ത് വിട്ടിട്ടില്ല.

Continue Reading

Trending