എടപ്പാളില് ബസ് ജീവനക്കാരുടെ മിന്നല് പണിമുടക്ക്. സമരക്കാരും പോലീസും തമ്മില് സംഘര്ഷം. കാര് യാത്രക്കാരുമായുള്ള അടിപിടിയില് ബസ് ജീവനക്കാര്ക്കെതിരെ കേസ് എടുത്തതിലാണ് പ്രതിഷേധം. പെട്ടെന്നുള്ള മിന്നല് പണിമുടക്ക് എസ്എസ്എല്സി പരീക്ഷ എഴുതുന്ന കുട്ടികളുള്പ്പെടെയുള്ള യാത്രക്കാരെ വലച്ചു. ബസ് കയറാന് എത്തിയപ്പോഴാണ് മിന്നല് പണിമുടക്കിന്റെ വാര്ത്ത അറിയുന്നത്.
ഇന്നലെ കാര് യാത്രിക്കാരുമായി ബസ് ജീവനക്കാര് ഏറ്റുമുട്ടിയിരുന്നു. തുടര്ന്ന് ബസ് ജീവനക്കാര്ക്കെതിരെ പൊലീസ് കേസെടുത്തു. ഇതിനെത്തുടര്ന്നാണ് പണിമുടക്ക്. ചില ബസ് ജീവനക്കാര് സര്വ്വീസ് നടത്താന് തയാറായെങ്കിലും സമരക്കാര് ഇത് തടഞ്ഞു. ഇവിടെയും വാക്കേറ്റം ഉണ്ടായി. ഇതിനിടയില് പൊലീസും സമരക്കാരുമായി സംഘര്ഷമുണ്ടായി. സംഭവം ഉന്തിലും തള്ളിലും അവസാനിച്ചു. പ്രശ്ന സാധ്യത കണക്കിലെടുത്ത് പ്രദേശത്ത് വന് പോലീസ് സന്നാഹം നിലയുറപ്പിച്ചിട്ടുണ്ട്.