ഡല്‍ഹി : കോവിഡിനെതിരായ വാക്‌സിനായ കോവിഷീല്‍ഡിന്റെ വില കുറച്ചു. ഒരു ഡോസിന് 157.50 രൂപയായാണ് കുറച്ചത്. നിലവില്‍ ഈടാക്കിയിരുന്നത് 210 രൂപയാണ്.
ആസ്ട്ര സെനക്കയും ഓക്‌സ്ഫഡ് സര്‍വകലാശാലയും വികസിപ്പിച്ച് സിറം ഇന്‍സ്റ്റിറ്റിയൂട്ട് പുറത്തിറക്കിയ വാക്‌സിനാണ് കോവിഷീല്‍ഡ്.

കോവിഡ് വാക്‌സിന് കേന്ദ്രസര്‍ക്കാര്‍ നിലവില്‍ സബ്‌സിഡി നല്‍കുന്നതിനാല്‍ സ്വകാര്യ ആശുപത്രികളില്‍ കുത്തിവെയ്പ് എടുക്കുന്നവര്‍ക്ക് വിലയില്‍ കുറവ് ലഭിക്കില്ല.

കോവിഷീല്‍ഡിന്റെ വില കുറച്ചതുമായി ബന്ധപ്പെട്ട് ആരോഗ്യമന്ത്രായലം അറിയിപ്പുകള്‍ പുറത്തുവിട്ടിട്ടില്ല. എന്നാല്‍ 150 രൂപയ്ക്ക് വാക്‌സിന്‍ നല്‍കാമെന്ന് കമ്പനി അറിയിച്ചതായി ആരോഗ്യമന്ത്രാലയം രാജ്യസഭയില്‍ മറുപടി നല്‍കി. വാക്‌സിന്റെ വിലയോടൊപ്പം അഞ്ചുശതമാനം ജിഎസ്ടി കൂടി ചേരുമ്പോഴാണ് വില 157.50 രൂപയാകുന്നത്.