Connect with us

More

‘നോ ജംപ്’ എന്നു പറഞ്ഞത് ‘നൗ ജംപ്’ എന്നു കേട്ടു; എടുത്തു ചാടിയ 17-കാരിക്ക് ദാരുണാന്ത്യം

Published

on

മാഡ്രിഡ്: ടൂറിസ്റ്റ് ഗൈഡിന്റെ മുറി ഇംഗ്ലീഷ് കവര്‍ന്നത് 17-കാരിയായ ഡച്ച് പെണ്‍കുട്ടിയുടെ ജീവന്‍. സുഹൃത്തുക്കള്‍ക്കൊപ്പം സ്‌പെയിന്‍ സന്ദര്‍ശനത്തിനെത്തിയ വെറാ മോള്‍ എന്ന പെണ്‍കുട്ടിയാണ് ബംഗീ ജംപിനിടെ ഗൈഡ് No Jump (ചാടരുത്) എന്നു പറഞ്ഞത് Now Jump (ഇപ്പോള്‍ ചാടുക) എന്നാണെന്ന് തെറ്റിദ്ധരിച്ച് മരണത്തിലേക്ക് എടുത്തുചാടിയത്. 2015-ല്‍ നടന്ന സംഭവത്തിന്റെ ഉത്തരവാദിത്തം ഗൈഡിന്റെ ഇംഗ്ലീഷ് ഉച്ചാരണത്തിലെ പിഴവാണെന്ന് സ്‌പെയിനിലെ ഒരു കോടതി വിധിച്ചു.

സ്‌പെയിനിലെ കാബസോണ്‍ ദെ ലാസലില്‍ ആണ് ദൗര്‍ഭാഗ്യകരമായ സംഭവം. ശരീരത്തില്‍ കയര്‍ ബന്ധിച്ച് ഉയരത്തില്‍ നിന്ന് ചാടുന്ന സാഹസിക വിനോദമായ ബംഗീ ജംപിനിടെയായിരുന്നു ഇത്. കൂട്ടുകാര്‍ക്കൊപ്പം ഒരു പാലത്തിനു മുകളില്‍ നിന്ന് ബംഗീ ജംപില്‍ പങ്കെടുത്ത വെറാ മോളുടെ ഊഴം ഏറ്റവും അവസാനത്തേതായിരുന്നു. ശരീരം കയറുമായി ബന്ധിക്കുന്നതിനിടെയാണ് ഗൈഡ് ‘Don’t Jump’ എന്നതിനു പകരം ‘No Jump’ എന്നു പറഞ്ഞത്. പെണ്‍കുട്ടി ഇത് കേട്ടതാകട്ടെ ‘Now Jump’ എന്നും. സുരക്ഷാ ക്രമീകരണങ്ങളൊന്നുമില്ലാതെ താഴേക്കു ചാടിയ വെറാ മോള്‍ സംഭവ സ്ഥലത്തുതന്നെ മരിച്ചു.

ദുരന്തത്തില്‍ ബംഗീ ജംപിന്റെ സംഘാടകര്‍ക്കും പങ്കുണ്ടെന്ന് കോടതി കണ്ടെത്തി. വെറാ മോളിന് പ്രായപൂര്‍ത്തി ആയിട്ടുണ്ടോ എന്ന് ഇന്‍സ്ട്രക്ടര്‍ ഐ.ഡി കാര്‍ഡ് പരിശോധിച്ച് ഉറപ്പുവരുത്തണമായിരുന്നു. ഗതാഗതത്തിന് ഉപയോഗിക്കുന്ന പാലം ബംഗീ ജംപിന് ഉപയോഗിച്ചത് കുറ്റകരമാണെന്നും കോടതി വ്യക്തമാക്കി.

വെറാ മോള്‍ അടക്കമുള്ള വിദ്യാര്‍ത്ഥികളുടെ വിനോദയാത്ര സംഘടിപ്പിച്ച ഫ്‌ളോ ട്രാക്ക് കമ്പനിക്കെതിരെ മനഃപൂര്‍വമല്ലാത്ത നരഹത്യാ കുറ്റം ചുമത്തിയിട്ടുണ്ട്.

india

വ്യോമയാന സുരക്ഷാ പട്ടികയില്‍ ചരിത്ര നേട്ടം കൈവരിച്ച് ഇന്ത്യ

54 സ്ഥാനങ്ങള്‍ മറികടന്നാണ് ഇന്ത്യ പുതിയ നേട്ടം കൈവരിച്ചിരിക്കുന്നത്

Published

on

ഡല്‍ഹി: വ്യോമയാന സുരക്ഷാ റാങ്കിങ്ങില്‍ ചരിത്ര നേട്ടം കൈവരിച്ച് ഇന്ത്യ. ഇന്റര്‍നാഷണല്‍ സിവില്‍ ഏവിയേഷന്‍ ഓര്‍ഗനൈസേഷന്‍ നടത്തിയ സമഗ്ര സുരക്ഷാ ഓഡിറ്റില്‍ 48ാം സ്ഥാനമാണ് ഇന്ത്യ കരസ്ഥമാക്കിയിരിക്കുന്നത്. ചരിത്രത്തിലെ ഏറ്റവും കൂടിയ സ്‌കോറാണ് ഇന്ത്യ നേടിയിരിക്കുന്നത്.

ഇതിന് മുമ്പ് ഓഡിറ്റ് നടന്ന 2018ല്‍ 69.95 ശതമാനമായിരുന്നു സ്‌കോര്‍. നാലു വര്‍ഷം പിന്നിടുമ്പോള്‍ 85.49 ശതമാനമായി ഉയര്‍ന്നു. 2018ല്‍ 102ാം സ്ഥാനമായിരുന്നത് 54 സ്ഥാനങ്ങള്‍ മറികടന്നാണ് ഇന്ത്യ പുതിയ നേട്ടം കൈവരിച്ചിരിക്കുന്നത്. ഇന്ത്യക്ക് തൊട്ടുപിന്നിലാണ് ചൈന. 49ആം സ്ഥാനമാണ് ചൈനയുടെ റാങ്കിങ്. ഔദ്യോഗിക പ്രഖ്യാപനം ഉടന്‍ പുറത്ത് വിടുമെന്ന് ഡി.ജി.സി.ഐ. ഡയറക്ടര്‍ ജനറല്‍ അരുണ്‍ കുമാര്‍ പറഞ്ഞു.

Continue Reading

News

പിരിച്ചുവിടല്‍ വഴിയെ ഷെയര്‍ചാറ്റും; നൂറിലധികം ജീവനക്കാരെ പിരിച്ചുവിട്ടു

2300 ജീവനക്കാരില്‍ 100 ലധികം ജീവനക്കാരെയാണ് പിരിച്ചുവിടല്‍ ബാധിച്ചിരിക്കുന്നത്

Published

on

ഇന്ത്യന്‍ സോഷ്യല്‍ മീഡിയ കമ്പനിയായ ഷെയര്‍ചാറ്റും ജീവനക്കാരെ പിരിച്ചുവിടുന്നു. ഏകദേശം 5 ശതമാനത്തോളം ജീവനക്കാരെ ഇതിനോടകം പിരിച്ചുവിട്ടു. കമ്പനിയില്‍ ഏകദേശം 2300 ജീവനക്കാരാണ് ഉണ്ടായിരുന്നത്.

2300 ജീവനക്കാരില്‍ 100 ലധികം ജീവനക്കാരെയാണ് പിരിച്ചുവിടല്‍ ബാധിച്ചിരിക്കുന്നത്.
മോജ്, മോജ് ലൈറ്റ് പ്ലസ് തുടങ്ങിയ ആപ്ലിക്കേഷനുകളുടെ മാതൃ കമ്പനിയാണ് ഷെയര്‍ചാറ്റ്. നിലവില്‍ ഷെയര്‍ചാറ്റിന് ഇന്ത്യയില്‍ 400 ദശലക്ഷത്തിലധികം ഉപയോക്താക്കളുണ്ട്.

Continue Reading

kerala

സ്വരലയ കലാമണ്ഡലം രാമന്‍കുട്ടി നായര്‍ പുരസ്‌കാരം കലാമണ്ഡലം സരസ്വതിക്ക്

അമ്പതു വര്‍ഷത്തോളമായി അരങ്ങിലും കളരിയിലും അവര്‍ തെളിയിച്ച വൈദഗ്ദ്ധ്യവും കണക്കിലെടുത്താണ് പുരസ്‌കാരം

Published

on

കലാരംഗത്തെ സമഗ്ര സംഭാവനയ്ക്കുള്ള ഈ വര്‍ഷത്തെ സ്വരലയ കലാമണ്ഡലം രാമന്‍കുട്ടി നായര്‍ പുരസ്‌കാരത്തിനു കലാമണ്ഡലം സരസ്വതിയെ തെരഞ്ഞെടുത്തു. മോഹിനിയാട്ടം, ഭരതനാട്യം, കുച്ചുപ്പുടി തുടങ്ങിയ നൃത്തരൂപങ്ങളുടെ അവതരണത്തില്‍ അവര്‍ പ്രകടിപ്പിച്ച പ്രാവീണ്യവും നൃത്താചാര്യ എന്ന നിലയില്‍ അമ്പതു വര്‍ഷത്തോളമായി അരങ്ങിലും കളരിയിലും അവര്‍ തെളിയിച്ച വൈദഗ്ദ്ധ്യവും കണക്കിലെടുത്താണ് പുരസ്‌കാരം നല്‍കാന്‍ തീരുമാനിച്ചത്.

പദ്മശ്രീ കലാമണ്ഡലം ശിവന്‍ നമ്പൂതിരി , എന്‍.രാധാകൃഷ്ണന്‍ നായര്‍, കരിവെള്ളൂര്‍ മുരളി, അപ്പുകുട്ടന്‍ സ്വരലയം, എന്‍.എന്‍.കൃഷ്ണദാസ്, ടി.ആര്‍.അജയന്‍ എന്നിവരടങ്ങിയ പുരസ്‌കാര നിര്‍ണ്ണയ സമിതിയാണ് കലാണ്ഡലം സരസ്വതിക്ക് പുരസ്‌കാരം നല്‍കാന്‍ തീരുമാനിച്ചത്. 25000 രൂപയും പ്രശസ്തിപത്രവും പുരസ്‌കാരഫലകവും അടങ്ങിയതാണ് പുരസ്‌കാരം.

കേരള സംഗീത നാടക അക്കാദമി അവാര്‍ഡ്, നൃത്തനാട്യ പുരസ്‌കാരം, കലാമണ്ഡലം പുരസ്‌കാരം, റോട്ടറി പ്രൊഫഷണല്‍ എക്‌സലന്‍സ് അവാര്‍ഡ്, കലാദര്‍പ്പണം നാട്യശ്രീ പുരസ്‌കാരം എന്നിവക്ക് നേരത്തെ അര്‍ഹയായിട്ടുണ്ട്. സ്വരലയ നൃത്ത സംഗീതോത്സവ വേദിയില്‍ വെച്ച് ഡിസംബര്‍ 29ന് പൊതുമരാമത്തു വിനോദ സഞ്ചാര വകുപ്പ് മന്ത്രി പി.എ.മുഹമ്മദ് റിയാസ് പുരസ്‌കാരം സമര്‍പ്പിക്കും

Continue Reading

Trending