അന്തരിച്ച സിപിഐഎം ജനറല്‍ സെക്രട്ടറി സീതാറാം യെച്ചൂരിയുടെ മൃതദേഹം ശനിയാഴ്ച ഡല്‍ഹിയില്‍ പൊതുദര്‍ശനത്തിന് വെക്കും. രാവിലെ പതിനൊന്നു മണി മുതല്‍ മൂന്നുമണി വരെ ഡല്‍ഹി എകെജി ഭവനിലാണ് പൊതുദര്‍ശനത്തിന് വെക്കുക. ശനിയാഴ്ച വൈകുന്നേരമായിരിക്കും മൃതദേഹം എയിംസിന് കൈമാറുക. ഡല്‍ഹി എയിംസ് മോര്‍ച്ചറിയിലുള്ള മൃതദേഹം വസന്ത്കുഞ്ചിലെ വസതിയിലേക്ക് എത്തിക്കും.

ശ്വാസകോശ അണുബാധയെ തുടര്‍ന്ന് ഡല്‍ഹി എയിംസില്‍ തീവ്രപരിചരണ വിഭാഗത്തില്‍ കഴിയുകയായിരുന്ന യെച്ചൂരി ഇന്ന് ഉച്ചതിരിഞ്ഞ് 3.05നാണ് അന്തരിച്ചത്. കടുത്ത പനിയും നെഞ്ചിലെ അണുബാധയെയും തുടര്‍ന്ന് ആഗസ്റ്റ് 19നാണ് എയിംസിലെ അത്യാഹിത വിഭാഗത്തില്‍ പ്രവേശിപ്പിച്ചത്. കുറച്ചു ദിവസങ്ങള്‍ക്കുമുമ്പ് ആരോഗ്യസ്ഥിതി മെച്ചപ്പെട്ടിരുന്നെങ്കിലും നില വീണ്ടും വഷളാവുകയായിരുന്നു. വെന്റിലേറ്ററിന്റെ സഹായത്തോടെ ഐസിയുവില്‍ കഴിയുകയായിരുന്നു.

ഡൽഹി: സിപിഐഎം ജനറൽ സെക്രട്ടറി സീതാറാം യെച്ചൂരി അന്തരിച്ചു. ശ്വാസകോശ അണുബാധയെ തുടർന്നാണ് വിയോഗം. 72 വയസ്സായിരുന്നു. ശ്വായകോശ സംബന്ധമായ അണുബാധയെ തുടര്‍ന്ന് ഡല്‍ഹി ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസില്‍ (എയിംസ്) ചികിത്സയിലിരിക്കെയാണ് അന്ത്യം. ഓഗസ്റ്റ് 19നാണ് ഡല്‍ഹിയിലെ ആശുപത്രിയില്‍ പ്രവേശിപ്പിച്ചത്.

സര്‍വേശ്വര സോമയാജലു യെച്ചൂരിയുടെയും കല്‍പകത്തിന്റെയും മകനായി 1952 ഓഗസ്റ്റ് 12ന് ചെന്നൈലാണ് ജനിച്ചത്. യെച്ചൂരി എസ്എഫ്‌ഐലൂടെയാണ് സിപിഎം രാഷ്ട്രീയത്തിലേക്കെത്തുന്നത്. 1974ല്‍ എസ്എഫ്‌ഐയില്‍ അംഗമായ യെച്ചൂരി 1978ല്‍ സംഘടനയുടെ അഖിലേന്ത്യ പ്രസിഡന്റായി. ഡല്‍ഹി സെന്റ് സ്റ്റീഫന്‍സ് കോളേജില്‍ നിന്ന് ബിരുദ പഠനത്തിനു ശേഷം ജെഎന്‍യുവില്‍ നിന്ന് സാമ്പത്തിക ശാസ്ത്രത്തില്‍ ഫസ്റ്റ് ക്ലാസില്‍ ബിരുദാനന്തര ബിരുദം നേടി.

പിഎച്ച്ഡിക്ക് ചേര്‍ന്നെങ്കിലും അടിയന്തരാവസ്ഥകാലത്ത് അറസ്റ്റിലായതിനെ തുടര്‍ന്ന് പഠനം പൂര്‍ത്തിയാക്കാനായില്ല. അടിയന്തരാവസ്ഥയ്ക്കു ശേഷം ജെഎന്‍യു യൂണിയന്റെ പ്രസിഡന്റായി. 1980ല്‍ സിപിഎമ്മിലെത്തി. 1985ല്‍ സിപിഎം കേന്ദ്രകമ്മിറ്റിയിലേക്ക് തിരഞ്ഞെടുക്കപ്പെട്ട യെച്ചൂരി 1992 മുതല്‍ സിപിഎം പോളിറ്റ് ബ്യൂറോ അംഗമാണ്. 2015ല്‍ വിശാഖപട്ടണത്ത് നടന്ന 21ാം പാര്‍ട്ടി കോണ്‍ഗ്രസില്‍ ദേശീയ സെക്രട്ടറിയായി.

വഖഫ് ബില്ലിനെ ഇല്ലാതാക്കണമെന്ന് ആവശ്യപ്പെട്ട് പാർലമെന്റ് സമിതിക്ക് കൂട്ട ഇ മെയിൽ അയയ്ക്കാൻ ബി.ജെ.പി. മുൻകൂട്ടി തയാറാക്കിയ ഇ മെയിൽ കൂട്ടത്തോടെ അയയ്ക്കാനാണ് പാർട്ടി പ്രവർത്തകർക്ക് നിർദേശം നൽകിയത്. വഖഫ് ബോർഡ് ഇല്ലാതാക്കണമെന്നാണ് ഇ മെയിലിലെ ആവശ്യം. വഖഫ് നിയമത്തിൽ 40 ഭേദഗതികൾ കൊണ്ടുവരാനുള്ള ബിൽ പ്രതിഷേധത്തെ തുടർന്നാണ് പാർലമെന്ററി സമിതിക്ക് വിട്ടത്.