ബീഹാറിലെ ഷെയ്ഖ്പുരയില്‍ രഥഘോഷയാത്രക്കിടെ വൈദ്യുതി ലൈനില്‍ നിന്ന് ഷോക്കേറ്റ് മൂന്നു പേര്‍ മരിച്ചു. പത്ത് പേര്‍ക്ക് പരിക്കേറ്റു. റസല്‍പൂര്‍ ഗ്രാമത്തില്‍ ക്ഷേത്രത്തിലെ ഉത്സവുമായി ബന്ധപ്പെട്ട ഘോഷയാത്രക്കിടെ, രഥത്തില്‍ സ്ഥാപിച്ച ഇരുമ്പ് ദണ്ഡ് വൈദ്യുതി ലൈനില്‍ തട്ടുകയായിരുന്നു. 3പേര്‍ ആശുപത്രിയിലെത്തുന്നതിന് മുമ്പ് തന്നെ മരിച്ചു.
പരിക്കേറ്റവരുടെ നില ഗുരുതരമല്ലെന്നാണ് പ്രാഥമിക വിവരം. സംഭവത്തില്‍ പൊലീസ് അന്വേഷണം ആരംഭിച്ചു. മരിച്ചവരുടെ കുടുംബത്തിന് ബീഹാര്‍ സര്‍ക്കാര്‍ നാല് ലക്ഷം രൂപ ധനസഹായം പ്രഖ്യാപിച്ചു.