Connect with us

Culture

ഹൈദരാബാദ് ടെസ്റ്റ്: ഇന്ത്യക്ക് ബാറ്റിങ്

Published

on

ഹൈദരാബാദ്: ബംഗ്ലാദേശിനെതിരായ ഏക ടെസ്റ്റ് മത്സരത്തില്‍ ടോസ് നേടിയ ഇന്ത്യ ബാറ്റിങ് തെരഞ്ഞെടുത്തു. പരിക്കില്‍ നിന്ന് മോചിതരായ അജിങ്ക്യ രഹാനെയും ഇഷാന്ത് ശര്‍മ്മയും ടീമില്‍ തിരിച്ചെത്തി. കോഹ്ലി വ്യക്തമാക്കിയത് പോലെ കരുണ്‍ നായര്‍ ടീമില്‍ ഇടം നേടിയില്ല. അതേസമയം ജയന്ത് യാദവിനും സ്ഥാനം ലഭിച്ചില്ല.

ഓപ്പണിങ്ങില്‍ മുരളി വിജയ്‌യും ലോകേഷ് രാഹുലും സ്ഥാനം പിടിച്ചപ്പോള്‍ സ്പിന്‍ ഡിപാര്‍ട്ട്‌മെന്റില്‍ രവിചന്ദ്ര അശ്വിനും രവീന്ദ്ര ജദേജയുമാണ്‌. ഇഷാന്തിനെക്കൂടാതെ ഭുവനേശ്വര്‍ കുമാറും ഉമേഷ് യാദവുമാണ് പേസ് നിര കൈകാര്യം ചെയ്യുന്നത്. വൃദ്ദിമാന്‍ സാഹയാണ് വിക്കറ്റ് കീപ്പര്‍. മുഷ്ഫിഖുര്‍ റഹീം നയിക്കുന്ന ബംഗ്ലാദേശ് ടീമില്‍ തമീം ഇഖ്ബാല്‍, ഷാക്കിബ് അല്‍ഹസന്‍, സാബിര്‍ റഹ്മാന്‍, മഹ്മൂദുള്ള എന്നീ പരിചയ സമ്പന്നര്‍ക്ക് പുറമെ സ്പിന്നര്‍ മെഹദി ഹസനും ടീമില്‍ ഇടം നേടി. വിജയപരമ്പര തുടരാനാവും കോഹ്ലിയും സംഘവും ശ്രമിക്കുക.

Film

മലയാളത്തിന്റെ വേ​ഗമേറിയ 100 കോടി; റെക്കോർഡ് സ്വന്തമാക്കി ‘ആടുജീവിതം’

100 കോടി ക്ലബില്‍ ഇടം നേടുന്ന ആറാമത്തെ മലയാള സിനിമയാണ് ആടുജീവിതം

Published

on

ആഗോള തലത്തില്‍ 100 കോടി കളക്ഷന്‍ സ്വന്തമാക്കിപ്രിത്വിരാജിന്റെ ആടുജീവിതം. മാര്‍ച്ച് 28ന് റിലീസിനെത്തിയ ചിത്രം ഒന്‍പത് ദിവസം കൊണ്ടാണ് 100 കോടി ക്ലബില്‍ ഇടം നേടിയതെന്ന് ട്രേന്‍ഡ് അനലിസ്റ്റുകള്‍ വ്യക്തമാക്കുന്നു. പൃഥ്വിവിരാജ് നായകനാകുന്ന 100 കോടി ചിത്രമാണ് ആടുജീവിതം.

100 കോടി ക്ലബില്‍ ഇടം നേടുന്ന ആറാമത്തെ മലയാള സിനിമയാണ് ആടുജീവിതം. ‘പുലിമുരുകന്‍’ 36 ദിവസം കൊണ്ടും, ‘ലൂസിഫര്‍’ 12 ദിവസം കൊണ്ടും, ‘2018’ 11 ദിവസം കൊണ്ടും, പ്രേമലു 36 ദിവസം കൊണ്ടും, മഞ്ഞുമ്മല്‍ ബോയ്‌സ് 12 ദിവസം കൊണ്ടുമായിരുന്നു 100 കോടി ക്ലബില്‍ ഇടം നേടിയത്.

Continue Reading

Film

‘ഇന്ത്യയുടെ ആദ്യ പ്രധാനമന്ത്രി സുഭാഷ് ചന്ദ്ര ബോസ് ആണെന്ന് കങ്കണ റണാവത്ത്’

നടിക്കെതിരെ സമൂഹ മാധ്യമങ്ങളിലൂടെ നിരവധിപ്പേര്‍ വിമര്‍ശനങ്ങളുമായി രംഗത്തെത്തിയിട്ടുണ്ട്.

Published

on

സുഭാഷ് ചന്ദ്ര ബോസ് ഇന്ത്യയുടെ ആദ്യ പ്രധാനമന്ത്രിയാണെന്ന പരാമര്‍ശവുമായി നടിയും ബിജെപി ലോക്‌സഭാ സ്ഥാനാര്‍ത്ഥിയുമായ കങ്കണ റണാവത്ത്. ടൈംസ് നൗ നടത്തിയ ഒരു പരിപാടിക്കിടയിലാണ് കങ്കണയുടെ വിവാദ പരാമര്‍ശം. ‘ഒരു കാര്യം വ്യക്തമാക്കൂ, നമുക്ക് സ്വാതന്ത്ര്യം ലഭിച്ചപ്പോള്‍ നമ്മുടെ ആദ്യത്തെ പ്രധാനമന്ത്രിയായിരുന്ന സുഭാഷ് ചന്ദ്ര ബോസ് എവിടെ പോയി?,’ എന്നായിരുന്നു നടി പറഞ്ഞത്.

https://twitter.com/i/status/1775892221344288951

കങ്കണയുടെ ഈ പരാമര്‍ശം ഏറെ വിവാദമായിരിക്കുകയാണ്. നടിക്കെതിരെ സമൂഹ മാധ്യമങ്ങളിലൂടെ നിരവധിപ്പേര്‍ വിമര്‍ശനങ്ങളുമായി രംഗത്തെത്തിയിട്ടുണ്ട്. ‘വിദ്യാസമ്പന്നരും വിവേകികളുമായ ആളുകള്‍ക്ക് വോട്ട് ചെയ്യുക,’ എന്നാണ് വീഡിയോ പങ്കുവെച്ചുകൊണ്ട് ഡല്‍ഹി മുന്‍ വനിതാ കമ്മീഷന്‍ അധ്യക്ഷയും എഎപി രാജ്യസഭാ എംപിയുമായ സ്വാതി മലിവാള്‍ പ്രതികരിച്ചത്.

നടന്‍ പ്രകാശ് രാജും വിഷയത്തില്‍ പ്രതികരിച്ചു. ‘സുപ്രീം ജോക്കര്‍ നയിക്കുന്ന പാര്‍ട്ടിയിലെ കോമാളികള്‍… എന്തൊരു നാണക്കേടാണ്,’ എന്നാണ് അദ്ദേഹം പ്രതികരിച്ചത്. ‘കങ്കണ റണാവത്തിന്റെ ഐക്യു 110 ആണ്’, ‘അവര്‍ ക്വാണ്ടം ഹിസ്റ്ററിയില്‍ ബിരുദധാരിയാണ്’, ‘കങ്കണ അറിവിന്റെ പ്രതിരൂപമാണ്’ എന്നിങ്ങനെ പോകുന്നു മറ്റു പ്രതികരണങ്ങള്‍.

 

Continue Reading

Film

പ്രേമലു ഹോട്സ്റ്റാറിൽ; റിലീസ് തീയതി പ്രഖ്യാപിച്ചു

ബോക്സോഫീസിൽ 100 കോടിയിലധികം സ്വന്തമാക്കി മികച്ച പ്രേക്ഷക പ്രശംസ നേടിയ ചിത്രമാണ് പ്രേമലു

Published

on

വമ്പൻ താരങ്ങളില്ലാതെ യൂത്തിന്റെ കഥ പറഞ്ഞുകൊണ്ട് തിയേറ്ററിൽ വിജയക്കൊടി പാറിച്ച ചിത്രമാണ് പ്രേമലു. ആദ്യ ദിനത്തിൽ വെറും 90 ലക്ഷം രൂപ മാത്രം കളക്ട് ചെയ്ത സിനിമ പിന്നീട് മൗത്ത് പബ്ലിസിറ്റിയിലൂടെ വലിയ വിജയം നേടുകയും തെലുങ്ക്, തമിഴ് ഭാഷകളിലേക്ക് മൊഴിമാറ്റം ചെയ്യുകയുമുണ്ടായി. ഇപ്പോഴിതാ സിനിമയുടെ ഒടിടി റിലീസ് ഔദ്യോഗികമായി അറിയിച്ചിരിക്കുകയാണ് അണിയറപ്രവർത്തകർ.

ഏപ്രിൽ 12-ന് ഡിസ്നി പ്ലസ് ഹോട്സ്റ്റാറിലൂടെയാണ് ചിത്രം സ്ട്രീമിങ് ആരംഭിക്കുക. ബോക്സോഫീസിൽ 100 കോടിയിലധികം സ്വന്തമാക്കി മികച്ച പ്രേക്ഷക പ്രശംസ നേടിയ ചിത്രമാണ് പ്രേമലു. യുവതാരങ്ങളായ നസ്‍ലനും മമിത ബെെജുവുമാണ് ചിത്രത്തിൽ പ്രധാനകഥാപാത്രങ്ങളായെത്തിയത്. മലയാളത്തിന് പുറമെ തെലുങ്കിലും തമിഴിലും ചിത്രത്തിന് വൻ സ്വീകാര്യതയായിരുന്നു ലഭിച്ചത്.

Continue Reading

Trending