Connect with us

Culture

റെയില്‍വേയില്‍ സ്വകാര്യവല്‍ക്കരണത്തിന്റെ ചൂളംവിളി

Published

on

കോഴിക്കോട്: രാജ്യത്തെ ഏറ്റവും വലിയ പൊതുമേഖലാ സ്ഥാപനമായ റെയില്‍വേയെ സ്വകാര്യവല്‍ക്കരിക്കാനുള്ള നീക്കത്തിന് വേഗത കൂടുമ്പോള്‍ യാത്രക്കാര്‍ ആശങ്കയില്‍. 100 ദിവസത്തിനുള്ളില്‍ രണ്ടു തീവണ്ടികള്‍ റെയില്‍വേ കാറ്ററിങ് ആന്റ് ടൂറിസം കോര്‍പറേഷന് കൈമാറാനാണ് ഉദ്ദ്യേശിക്കുന്നത്. കോച്ച് നിര്‍മാണം ഉള്‍പ്പെടെയുള്ള ജോലികളും സ്വകാര്യമേഖലക്ക് കൈമാറാന്‍ നീക്കം തുടങ്ങിയിട്ടുണ്ട്. ഏറ്റവും ലാഭകരമായി നീങ്ങുന്ന ചെന്നൈ, ഡല്‍ഹി, മുംബൈ, ഹൗറ എന്നിവ ഉള്‍പ്പെടുന്ന സുവര്‍ണ ചതുഷ്‌കോണ്‍ ലൈനിലാണ് സ്വകാര്യവല്‍ക്കരണത്തിന് തുടക്കമിടുന്നത്. ഇവിടെ സര്‍വീസ് നടത്തുന്ന പാസഞ്ചര്‍ വണ്ടികളാണ് തുടക്കത്തില്‍ സ്വകാര്യവല്‍ക്കരിക്കുക. രാജധാനി, ശതാബ്ദി ട്രെയിനുകളും സ്വകാര്യവല്‍ക്കരിക്കാന്‍ ആലോചനയുണ്ട്. പാസഞ്ചര്‍ ട്രെയിനുകള്‍ സ്വകാര്യ ഏജന്‍സികള്‍ക്ക് കൈമാറുന്നതോടെ യാത്രാക്കൂലി കൂടുമെന്ന കാര്യത്തില്‍ തര്‍ക്കമില്ല. നിലവില്‍ ടിക്കറ്റ് നിരക്കിന്റെ 53 ശതമാനം റെയില്‍വെ സബ്‌സിഡിയാണ്. സ്വകാര്യ ഏജന്‍സികള്‍ വരുന്നതോടെ സബ്‌സിഡി ഇല്ലാതാവും. സ്വാഭാവികമായും ടിക്കറ്റ് നിരക്ക് കുതിച്ചുയരും. ചരക്കുനീക്കവും സ്വകാര്യമേഖലക്ക് കൈമാറാന്‍ ശ്രമം തുടങ്ങിയിട്ടുണ്ട്. ലോക്കോപൈലറ്റുമാര്‍, ടെക്‌നിക്കല്‍ ജീവനക്കാര്‍ എന്നിവരുടെ ഒഴിവുകള്‍ നികത്തുന്നില്ല. ഒന്നര വര്‍ഷം മുമ്പ് തയാറാക്കിയ ലിസ്റ്റില്‍ നിന്ന് ആരെയും നിയമിച്ചിട്ടില്ല.ശുചീകരണം ഉള്‍പ്പെടെയുള്ള മേഖലകളിലും നിയമനം നടത്താതെ സ്വകാര്യ ഏജന്‍സികളെ ഏല്‍പിക്കുകയാണ്. ട്രാക്കുകളുടെ പരിശോധന അടക്കം അത്യന്തം ശ്രദ്ധയും സൂക്ഷ്മതയും ആവശ്യപ്പെടുന്ന രംഗത്തുപോലും സ്വകാര്യ ഏജന്‍സികളെ നിയോഗിക്കാന്‍ റെയില്‍വേ മടിക്കുന്നില്ല. ചരക്കുനീക്കവും സ്വകാര്യമേഖലക്ക് വിട്ടുകൊടുക്കുകയാണ്.
അതിനിടെ തീവണ്ടികള്‍ വഴിയുള്ള പാര്‍സല്‍ സര്‍വീസ് നിര്‍ത്തിയതും തൊഴിലാളികള്‍ക്ക് ഇരുട്ടടിയായി. അഞ്ചു മിനുട്ടില്‍ കുറവ് സമയം സ്റ്റേഷനുകളില്‍ നിര്‍ത്തുന്ന വണ്ടികളിലൊന്നും പാര്‍സല്‍ സ്വീകരിക്കേണ്ടതില്ല എന്നാണ് റെയില്‍വേ തീരുമാനിച്ചിട്ടുള്ളത്. 2018 ഓഗസ്റ്റ് മുതല്‍ തീരുമാനം നടപ്പാക്കാന്‍ ആലോചിച്ചിരുന്നുവെങ്കിലും പിന്നീട് നിര്‍ബന്ധം പിടിച്ചിരുന്നില്ല. എന്നാല്‍, ജൂണ്‍ മുതല്‍ നിയമം കര്‍ശനമാക്കിയിരിക്കുകയാണ്. എല്ലാ സ്റ്റേഷനുകളിലും ഇതുമായി ബന്ധപ്പെട്ട നിര്‍ദേശം ലഭിച്ചുകഴിഞ്ഞു. കോഴിക്കോട് സ്‌റ്റേഷന്‍ വഴി 90ലേറെ വണ്ടികള്‍ കടന്നുപോകുന്നുണ്ട്. ഇവയില്‍ മിക്കതിലും പാര്‍സല്‍ അയക്കാന്‍ പറ്റിയിരുന്നു ഇതുവരെ. പുതിയ നിയമം വന്നതോടെ രണ്ടോ മൂന്നോ വണ്ടികളില്‍ മാത്രമേ പാര്‍സല്‍ അയക്കാന്‍ പറ്റു എന്നാണ് അവസ്ഥ. ഇതോടെ റെയില്‍വേക്ക് പാര്‍സല്‍ വഴിയുള്ള വരുമാനം 70 ശതമാനം കുറയും. ചെന്നൈ, ബംഗളുരു, ഗുഹാവതി എക്‌സ്പ്രസുകളില്‍ പാര്‍സല്‍ അയക്കാന്‍ പറ്റില്ല. ഇത്തരത്തില്‍ സ്വകാര്യവല്‍ക്കരണത്തിന്റെ പുതിയ തന്ത്രങ്ങള്‍ റെയില്‍വേ പയറ്റുമ്പോള്‍ ജീവനക്കാരും യാത്രക്കാരും ഒരുപോലെ ആശങ്കയിലാണ്. കുറഞ്ഞ ചെലവില്‍ യാത്ര ചെയ്യാന്‍ കഴിയുന്നതാണ് റെയില്‍വേയെ ആശ്രയിക്കാന്‍ സാധാരണക്കാരെ പ്രവേശിപ്പിക്കുന്നത്. യാത്രാവണ്ടികള്‍ സ്വകാര്യ ഏജന്‍സികള്‍ക്ക് തീറെഴുതി കൊടുക്കുന്നതോടെ ടിക്കറ്റ് നിരക്കും തോന്നിയപോലെയാവും. ഏജന്‍സികളെ നിയന്ത്രിക്കാന്‍ റെയില്‍വേക്ക് സാധിക്കില്ല. യാത്രക്കാര്‍ക്ക് അമിതഭാരം സഹിക്കേണ്ടിവരും.

Art

ഡോക്യൂമെന്ററി പ്രദര്‍ശനം; ജാമിഅ മില്ലിയയില്‍ കസ്റ്റഡിയിലെടുത്ത വിദ്യാര്‍ഥികളെ വിട്ടയക്കാതെ പൊലീസ്

ആറു മലയാളി വിദ്യാര്‍ഥികള്‍ ഉള്‍പ്പെടെ 16 പേരെയാണ് പൊലീസ് കസ്റ്റഡിയിലെടുത്തത്

Published

on

ഡല്‍ഹി: ജാമിഅ മില്ലിയ സര്‍വകലാശാലയില്‍ ബിബിസി ഡോക്യുമെന്‍ററി പ്രദര്‍ശനത്തിന്‍റെ പേരില്‍ കസ്റ്റഡിയിലെടുത്ത വിദ്യാര്‍ഥികളെ വിട്ടയക്കാതെ പൊലീസ്.ആറു മലയാളി വിദ്യാര്‍ഥികള്‍ ഉള്‍പ്പെടെ 16 പേരെയാണ് പൊലീസ് കസ്റ്റഡിയിലെടുത്തത്. വിദ്യാര്‍ഥികളെ കാണാന്‍ എത്തിയ അഭിഭാഷകരെ പൊലീസ് തടഞ്ഞു.

കസ്റ്റഡിയിലെടുത്ത വിദ്യാര്‍ഥികള വിട്ടയക്കണമെന്ന് ആവശ്യപ്പെട്ട് വിദ്യാര്‍ഥി സംഘടനാ നേതാക്കള്‍ ഫത്തേപൂര്‍ ബെരി പൊലീസ് സ്റ്റേഷനിലെത്തിയെങ്കിലും പൊലീസ് വിട്ടയച്ചില്ല. തുടര്‍ന്നാണ് അഭിഭാഷകര്‍ എത്തിയത്. എന്നാല്‍ ഇവരെ സ്റ്റേഷന് അകത്തേക്ക് പൊലീസ് പ്രവേശിപ്പിച്ചില്ല. അഞ്ചു മണിക്കൂര്‍ അഭിഭാഷകര്‍ സ്റ്റേഷന് പുറത്ത് കാത്തുനിന്നു. വനിതാ അഭിഭാഷകരോട് പൊലീസ് മോശമായി പെരുമാറിയെന്നും സംഘടനാ നേതാക്കള്‍ പറഞ്ഞു.

Continue Reading

Art

ഡോക്യുമെന്ററി പ്രദര്‍ശനം; തടയാന്‍ പോലീസും

ബിബിസി ഡോക്യൂമെന്ററി പ്രദര്‍ശന വിലക്കില്‍ പ്രതിഷേധിച്ച് ഫ്രറ്റേണിറ്റി മൂവ്‌മെന്റ് പ്രവര്‍ത്തകര്‍ കോഴിക്കോട് ബീച്ചില്‍ സംഘടിപ്പിച്ച പ്രദര്‍ശനത്തിനിടയില്‍ പൊലീസ് ഇടപെടല്‍

Published

on

ബിബിസി ഡോക്യൂമെന്ററി പ്രദര്‍ശന വിലക്കില്‍ പ്രതിഷേധിച്ച് ഫ്രറ്റേണിറ്റി മൂവ്‌മെന്റ് പ്രവര്‍ത്തകര്‍ കോഴിക്കോട് ബീച്ചില്‍ സംഘടിപ്പിച്ച പ്രദര്‍ശനത്തിനിടയില്‍ പൊലീസ് ഇടപെടല്‍. പരിപാടിക്കിടയില്‍ പൊതുസ്ഥലത്ത് അനുവാദമില്ലാതെയാണ് ഡോക്യൂമെന്ററി പ്രദര്‍ശിപ്പിച്ചെന്നാരോപിച്ചാണ് അറസ്റ്റ്.

പ്രദര്‍ശനത്തിന് വേണ്ടി ഉപയോഗിച്ച ഉപകരണങ്ങളെല്ലാം പൊലീസ് പിടിച്ചെടുത്തു. ഇത് ചോദ്യം ചെയ്തതിനെ തുടര്‍ന്ന് പ്രവര്‍ത്തകരെ അറസ്റ്റ് ചെയ്ത് നീക്കുകയായിരുന്നു. കഴിഞ്ഞ ദിവസങ്ങളില്‍ പലയിടങ്ങളിലായി പ്രദര്‍ശനം നടത്തി. പലയിടങ്ങളിലും ഇത്തരത്തിലുള്ള സംഭവങ്ങളും ഉണ്ടായി.

എറണാകുളം ലോ കോളേജില്‍ പ്രദര്‍ശനത്തിനിടയില്‍ നാടകീയ സംഭവങ്ങളാണുണ്ടായത്. പ്രദര്‍ശനം തടയുന്നതിന്റെ ഭാഗമായി പ്രിന്‍സിപ്പലിന്റെ നിര്‍ദേശപ്രകാരം കോളേജ് ജീവനക്കാര്‍ ഫ്യൂസ് ഊരി. കലാലയങ്ങളും പൊതുഇടങ്ങളും കേന്ദ്രീകരിച്ച് ഇനിയും പ്രദര്‍ശനങ്ങള്‍ തുടരാന്‍ തന്നെയാണ് സംഘടനയുടെ തീരുമാനം. കരമനയില്‍ യൂത്ത് കോണ്‍ഗ്രസ് പ്രദര്‍ശനം സംഘടിപ്പിക്കുമെന്ന് അറിയിച്ചിട്ടുണ്ട്. മറ്റു ജില്ലകളിലും വിവധ സംഘടനയുടെ നേതൃത്വത്തില്‍ പ്രദര്‍ശനം ഉണ്ടാകും.

Continue Reading

Culture

ബഗ്ദാദി പണ്ഡിതന്‍ രിഫാഈ കുടുംബങ്ങളുമായി കൂടിക്കാഴ്ച നടത്തി

വളരെ പഴക്കം ചെന്ന ശജറയും സില്‍സിലയും നേരില്‍ കണ്ട അദ്ദേഹം സന്തോഷം പ്രകടിപ്പിച്ചു

Published

on

കോഴിക്കോട്: ബാഗ്ദാദിലെ പ്രശസ്ത മതപണ്ഡിതനും സൂഫി വര്യനുമായ സയ്യിദ് ശൈഖ് സബാഹുദ്ധീന്‍ അഹ്മദ് രിഫാഈ അല്‍ഹുസൈനി തന്റെ വംശ പരമ്പരയിലെ രിഫാഈ സയ്യിദ് കുടുംബങ്ങളുമായി കൂടിക്കാഴ്ച നടത്തി. ഹിജ്‌റ 1218 ല്‍ യമനിലെ ഹളര്‍ മൗത്തില്‍ നിന്നും കോഴിക്കോട് പാറപ്പള്ളിയിലും തുടര്‍ന്ന് പാലക്കാട് ജില്ലയിലെ പഴയ ലക്കിടിയിലും എത്തുകയും ചെയ്ത സയ്യിദ് മുഹമ്മദ് രിഫാഈ അല്‍ഹുസൈനിയുടെ ഇപ്പോഴുള്ള സന്താന പരമ്പരയാണ് കേരളത്തിലെ രിഫാഈ സയ്യിദ് കുടുംബം. ഇവരുടെ വളരെ പഴക്കം ചെന്ന ശജറയും സില്‍സിലയും നേരില്‍ കണ്ട അദ്ദേഹം വളരെ സന്തോഷം പ്രകടിപ്പിച്ചു. രിഫാഈ സയ്യിദ് വംശത്തിന്റെ ശജറയും ഉപഹാരവും അദ്ദേഹം സ്വീകരിച്ചു.

രിഫാഈ കുടുംബത്തിലെ പ്രമുഖനായ എസ്. വൈ. എസ് സംസ്ഥാന വൈസ് പ്രസിഡന്റ് സയ്യിദ് ഇമ്പിച്ചിക്കോ തങ്ങള്‍ രിഫാഈ പൊതുപ്രവര്‍ത്തകനും പ്രമുഖ വ്യവസായിയുമായ സയ്യിദ് അബ്ദുല്‍ റഷീദ് തങ്ങള്‍ രിഫാഈ പട്ടാമ്പി, സയ്യിദ് അബ്ദുറസാഖ്തങ്ങള്‍ രിഫാഈ, സയ്യിദ് അബ്ദുസലാം രിഫാഈ. സയ്യിദ് അബ്ദുള്ളക്കോയ തങ്ങള്‍ രിഫാഈ, സയ്യിദ് അബ്ദുസലാം തങ്ങള്‍ രിഫാഈ എന്നിവര്‍ അദ്ദേഹത്തെ ആദരിച്ചു.

രിഫാഈ ഖബീലയുടെ ഉപഹാരം സയ്യിദ് ഇമ്പിച്ചിക്കോയ തങ്ങള്‍ രിഫാഈയും മര്‍ഹൂം രിഫാഈ പി. പി തങ്ങള്‍ ഗ്രൂപ്പ് ഉപഹാരം സയ്യിദ് അബ്ദുറഷീദ് തങ്ങള്‍ രിഫാഈയും. രിഫാഈ ജോല്ലറി ഗ്രൂപ്പ് ഉപഹാരം സയ്യിദ് ശിഹാബുദ്ധീന്‍ തങ്ങള്‍ രിഫാഈയും നല്‍കി. സയ്യിദ് സബാഹുദ്ധീന്‍ രിഫാഈ തങ്ങളെ കുറിച്ചുള്ള അറബി കവിത സയ്യിദ് ഉബൈദ് ഫൈസി രിഫാഈ ആലപിച്ചു. സയ്യിദ് അബൂതാഹിര്‍ ലത്തീഫിരിഫാഈ. സയ്യിദ് സുഹൈല്‍ രിഫാഈ. സയ്യിദ് മഷ്ഹൂര്‍ രിഫാഈ. എന്നിവര്‍ പങ്കെടുത്തു

Continue Reading

Trending