Connect with us

Culture

ഖത്തറില്‍ പന്ത് തട്ടാന്‍ ഇന്ത്യ ഉണ്ടാകുമോ?

Published

on

ദിബിന്‍ ഗോപന്‍

മറ്റൊരു ഫുട്‌ബോള്‍ ലോകകപ്പ് യോഗ്യത മത്സരങ്ങളുടെ പട്ടിക പുറത്ത് വന്നിരിക്കുന്നു. ഇന്ത്യ ഗ്രൂപ്പ് ഇ യില്‍ ഖത്തര്‍,ഒമാന്‍,അഫ്ഗാനിസ്ഥാന്‍,ബംഗ്ലാദേശ് എന്നിവരോടൊപ്പം മത്സരിക്കണം.

നിലവില്‍ ലോക റാംങ്കിങില്‍ ഇന്ത്യ 101 ാം സ്ഥാനത്താണ്. ഗ്രൂപ്പില്‍ മറ്റുള്ള ടീമുകളുടെ സ്ഥാനം ഇങ്ങനെയാണ്. ഒമാന്‍ (86), ഖത്തര്‍ (55),അഫ്ഗാനിസ്ഥാന്‍ (149), ബംഗ്ലാദേശ് (183) .

സ്ഥാനത്തിന്റെ കാര്യത്തില്‍ വിലയിരുത്തുകയാണെങ്കില്‍ ഗ്രൂപ്പിലെ രണ്ട് ടീമുകള്‍ ഇന്ത്യയെക്കാളും മികച്ചവര്‍ തന്നെയാണ്. എന്നാല്‍ യുവത്വമാണ് ഇന്ത്യയുടെ ശക്തി. പുതിയ പരിശീലകന്‍ ഇഗര്‍ സ്റ്റിമാച്ച് ഇന്റര്‍കോണ്ടിനെന്റല്‍ കപ്പില്‍ ടീമില്‍ ഇടം നേടിയ എല്ലാ കളിക്കാര്‍ക്കും അവസരം നല്‍കിയത് അവരുടെ മികവും പോരായ്മകളും വിലയിരുത്താനാണെന്ന് അദ്ദേഹം തന്നെ വ്യക്തമാക്കിയിരുന്നു. ക്യാപ്റ്റന്‍ സുനില്‍ ഛേത്രിയും സംഘവും സെപ്തംബര്‍ 5 ന് ഒമാനെതിരെ ആദ്യ യോഗ്യത മത്സരത്തിന് ബൂട്ടണിയുമ്പോള്‍ ജയമല്ലാതെ മറ്റൊന്നും ആരും പ്രതീക്ഷിക്കില്ല.

ഇന്ത്യയിലെ ഫുട്‌ബോള്‍ ആരാധകര്‍

കേരളവും ബംഗാളും ഗോവയും മാറ്റി നിര്‍ത്തിയാല്‍ ഇന്ത്യയിലെ ഫുട്‌ബോളിനെ സ്‌നേഹിക്കുന്നവരുടെ എണ്ണം വളരെ വിരളമാണ്. ക്രിക്കറ്റിന് കിട്ടുന്ന പിന്തുണ എന്തുകൊണ്ട് ഫുട്‌ബോളിന് ലഭിക്കുന്നില്ല എന്ന് പലപ്പോഴും ചിന്തിപ്പിക്കുന്ന രീതിയിലാണ് നമ്മുടെ ഗാലറികളുടെ പ്രതികരണം. ഒരു രാജ്യത്തിന്റെ ക്യാപ്റ്റന്‍ തന്റെ ടീമിനെ പിന്തുണക്കാന്‍ യാചിക്കുന്നത് കാണേണ്ടി വന്നത് നമ്മുടെ ഇന്ത്യയിലാണ്. ക്രിക്കറ്റാണെങ്കിലും ഏത് കായിക വിനോദമാണെങ്കിലും രാജ്യത്തിന്റെ കുപ്പായത്തില്‍ അവര്‍ മത്സരിക്കുന്നത് നമ്മളടങ്ങുന്ന രാജ്യത്തിന്റെ പ്രതീകങ്ങളായാണ്. പലപ്പോഴും ഒരു കായിക വിനോദത്തോടുള്ള അമിത സ്‌നേഹം മറ്റൊന്നിനെ തടയുന്നത് ഭൂഷണമാണോ?.

ഇന്ത്യ ലോകകപ്പ് നേടുമെന്ന തമാശ…!

ഇന്ത്യന്‍ ഫുട്‌ബോള്‍ ടീമിനെ കുറ്റപെടുത്തുന്നവര്‍ പലപ്പോഴും ഉപയോഗിക്കുന്ന വാചകമാണ് ഇന്ത്യയുടെ ലോകകപ്പ് പ്രവേശനവും ഇന്ത്യ ലോകകപ്പ് കരസ്ഥമാക്കുന്നതും. ഒരു സുപ്രഭാതത്തില്‍ ഇന്ത്യ ലോകകപ്പ് നേടുമെന്ന് ആരും പ്രതീക്ഷിക്കുന്നില്ല. എന്നാല്‍ അത് നേടാനുള്ള കരുത്ത് ഇന്ത്യ ആര്‍ജിക്കുമെന്ന് ഉറപ്പാണ്. ഇന്ത്യയുടെ ക്രിക്കറ്റ് ടീം ലോകത്തിലെ നെറുകയില്‍ എത്തിയതിന് ആരാധകരുടെ പങ്ക് വളരെ വലുതാണ്. ഇന്ത്യന്‍ ഫുട്‌ബോളിനെ പിന്തുണ നല്‍കാത്തവര്‍ക്ക് കുറ്റപെടുത്താന്‍ എന്താണ് അര്‍ഹത?. രാജ്യത്തിന് വേണ്ടി ബൂട്ടണിയുന്ന ഓരോ കളിക്കാരനും ആഗ്രഹിക്കുക അവന്റെ കാലിന് ഊര്‍ജ്ഞം നല്‍കുന്ന ആരാധകരെയാണ് ഇനി വരുന്ന മത്സരങ്ങളില്‍ കാലിയായി കിടക്കുന്ന കസേരകള്‍ക്ക് മുന്നില്‍ ബൂട്ടണിയേണ്ട നിര്‍ഭാഗ്യം ഇന്ത്യന്‍ ടീമിന് ഉണ്ടാവാതിരിക്കട്ടെ.

Film

വാണി ജയറാമിന്റെ ശരീരത്തില്‍ മുറിവ്: മൃതദേഹം പോസ്റ്റ്‌മോര്‍ട്ടത്തിനായി മാറ്റി

വാണി കുഴഞ്ഞു വീണതാകാം എന്നും മൃതദേഹത്തില്‍ കണ്ടെത്തിയ മുറിവ് വീഴ്ചയില്‍ മുറിയിലെ ടീപ്പോയിയില്‍ തലയിടിച്ചപ്പോള്‍ സംഭവിച്ചതാവാമെന്നും ശേഖര്‍ ദേശ്മുഖ് മാധ്യമങ്ങളോട് പറഞ്ഞു.

Published

on

വാണി ജയറാമിന്റെ മൃതദേഹത്തില്‍ മുറിവ്. ചെന്നൈ നുങ്കമ്പാക്കത്തെ ഹാഡോസ് റോഡില്‍ ഉള്ള വസതിയിലാണ് വാണിയെ മരിച്ച നിലയില്‍ കണ്ടെത്തിയത്. ഇന്ന് രാവിലെ 11 മണിയോടെ സഹായിയായ സ്ത്രീ വീട്ടിലെത്തിയെങ്കിലും വാണി വാതില്‍ തുറന്നില്ല. തുടര്‍ന്ന് ഇവര്‍ ബന്ധുക്കളേയും പൊലീസിനേയും വിവരം അറിയിക്കുകയായിരുന്നു. പൊലീസ് എത്തി വാതില്‍ പൊളിച്ച് അകത്ത് പ്രവേശിച്ചപ്പോഴാണ് കിടപ്പുമുറിയില്‍ മരണപ്പെട്ട നിലയില്‍ കണ്ടെത്തിയത്.

ചെന്നൈ ഡെപ്യൂട്ടി കമ്മിഷണര്‍ ശേഖര്‍ ദേശ്മുഖ് വാണി ജയറാമിന്റെ വീട്ടില്‍ നേരിട്ടെത്തി പരിശോധന നടത്തി. വാണി കുഴഞ്ഞു വീണതാകാം എന്നും മൃതദേഹത്തില്‍ കണ്ടെത്തിയ മുറിവ് വീഴ്ചയില്‍ മുറിയിലെ ടീപ്പോയിയില്‍ തലയിടിച്ചപ്പോള്‍ സംഭവിച്ചതാവാമെന്നും ശേഖര്‍ ദേശ്മുഖ് മാധ്യമങ്ങളോട് പറഞ്ഞു. പോസ്റ്റ്‌മോര്‍ട്ടത്തിനായി മൃതദേഹം ഓമന്തുരാര്‍ സര്‍ക്കാര്‍ ആശുപത്രി മോര്‍ച്ചറിയിലേക്ക് മാറ്റി. 2018ല്‍ ഭര്‍ത്താവ് ജയറാം അന്തരിച്ച ശേഷം വാണി ഒറ്റയ്ക്കായിരുന്നു വീട്ടില്‍ താമസിച്ചത്.

Continue Reading

Film

വഞ്ചനാക്കേസ്: നടന്‍ ബാബുരാജ് അറസ്റ്റില്‍

അടിമാലി പൊലീസ് സ്‌റ്റേഷനില്‍ ഹാജരയാപ്പോഴാണ് അറസ്റ്റ് രേഖപ്പെടുത്തിയത്

Published

on

തൊടുപുഴ: വഞ്ചനാക്കേസില്‍ സിനിമാ നടന്‍ ബാബുരാജ് അറസ്റ്റില്‍. റവന്യു നടപടി നേരിടുന്ന കല്ലാറിലെ റിസോര്‍ട്ട് പാട്ടത്തിനു നല്‍കി പണം തട്ടിയെടുത്തെന്ന പരാതിയുടെ അടിസ്ഥാനത്തിലാണ് നടപടി. ഹൈക്കോടതിയുടെ നിര്‍ദേശപ്രകാരം അടിമാലി പൊലീസ് സ്‌റ്റേഷനില്‍ ഹാജരയാപ്പോഴാണ് അറസ്റ്റ് രേഖപ്പെടുത്തിയത്.

കേസില്‍ ഹൈക്കോടതി മുന്‍കൂര്‍ ജാമ്യം നല്‍കുകയും ചോദ്യം ചെയ്യലിന് സ്‌റ്റേഷനില്‍ ഹാജരാകാന്‍ നിര്‍ദേശിക്കുകയും ചെയ്തിരുന്നു. ആനവിരട്ടി കമ്പി ലൈനില്‍ ബാബുരാജിന്റെ ഉടമസ്ഥതയിലുള്ള റിസോര്‍ട്ട് കോതമംഗലം സ്വദേശിക്ക് പാട്ടത്തിന് നല്‍കിയതു സംബന്ധിച്ചാണ് കേസ്.

Continue Reading

Film

മാളികപ്പുറം സിനിമ അന്‍പതാം ദിനാഘോഷം: അന്‍പത് കുട്ടികള്‍ക്ക് മജ്ജമാറ്റിവെക്കല്‍ ശസ്ത്രക്രിയക്ക് സഹായം

മിംസ് ചാരിറ്റബിള്‍ ട്രസ്റ്റിന്റെയും ഡി എം ഹെല്‍ത്ത് കെയറിന്റെയും സാമൂഹിക പ്രതിബദ്ധത നിലനിര്‍ത്തുന്ന പ്രമുഖ വ്യക്തിത്വങ്ങളുടേയും സഹകരണത്തോടെയാണ് പദ്ധതി നടപ്പിലാക്കുന്നത്.

Published

on

കോഴിക്കോട്: മാളികപ്പുറം സിനിമയുടെ അന്‍പതാം ദിനാഘോഷത്തിന്റെ ഭാഗമായി നിര്‍ദ്ധന കുടുംബങ്ങളിലെ അന്‍പത് കുഞ്ഞുങ്ങള്‍ക്ക് ബോണ്‍മാരോ ട്രാന്‍സ്പ്ലാന്റ് നിര്‍വ്വഹിക്കുന്നതിനുള്ള സഹായം നല്‍കുമെന്ന് നിര്‍മ്മാതാവ് ആന്റോ ജോസഫ് അറിയിച്ചു.

കേരളത്തിലെ ആസ്റ്റര്‍ ഹോസ്പിറ്റലുകളുമായി സഹകരിച്ചാണ് പദ്ധതി നടപ്പിലാക്കുക. ‘പുണ്യം’ എന്ന് നാമകരണം ചെയ്ത ഈ പദ്ധതിയുടെ ഭാഗമായി ബോണ്‍മാരോ ട്രാന്‍സ്പ്ലാന്റിന് പുറമെ റേഡിയേഷന്‍ തെറാപ്പിക്ക് 50% ഇളവ്, റോബോട്ടിക് സര്‍ജറി, ഓര്‍ത്തോ ഓങ്കോ സര്‍ജറി ഉള്‍പ്പെടെയുള്ള ഓങ്കോ സര്‍ജറികള്‍ക്കും കീമോതെറാപ്പിക്കും പ്രത്യേക ഇളവുകള്‍, 60 വയസിനു മുകളില്‍ പ്രായമായവര്‍ക്ക് തടസ്സങ്ങളേതുമില്ലാതെ ചികിത്സ ലഭ്യമാക്കുന്നതിനായി പ്രത്യേക ആനുകൂല്യങ്ങള്‍ ഉള്‍പ്പെടെയുള്ള മുന്‍ഗണനാ കാര്‍ഡ് തുടങ്ങിയ നേട്ടങ്ങളും ലഭ്യമാകും.

ഇന്ത്യയില്‍ ആദ്യമായാണ് ഒരു സിനിമയുടെ വിജയാഘോഷത്തിന്റെ ഭാഗമായി കാന്‍സര്‍ രോഗികള്‍ക്ക് ഇതുപോലെ ഒരു ചികിത്സാ പദ്ധതി പ്രഖ്യാപിക്കുന്നത്. 30 ലക്ഷം മുതല്‍ 50 ലക്ഷം വരെയാണ് ബോണ്‍മാരോ ട്രാന്‍സ്പ്ലാന്റിന് ഒരു വ്യക്തിക്ക് ചെലവ് വരുന്നത്. മാളികപ്പുറം സിനിമയുടെ ലാഭവിഹിതത്തിന്റെ ഭാഗമായി നല്‍കുന്ന സാമ്പത്തിക സഹായവും, മിംസ് ചാരിറ്റബിള്‍ ട്രസ്റ്റിന്റെയും ഡി എം ഹെല്‍ത്ത് കെയറിന്റെയും സാമൂഹിക പ്രതിബദ്ധത നിലനിര്‍ത്തുന്ന പ്രമുഖ വ്യക്തിത്വങ്ങളുടേയും സഹകരണത്തോടെയാണ് പദ്ധതി നടപ്പിലാക്കുന്നത്.

കോഴിക്കോട് മലബാര്‍ പാലസില്‍ വെച്ച് നടന്ന ചടങ്ങില്‍ മാളികപ്പുറം സിനിമയുടെ നായകന്‍ ശ്രീ. ഉണ്ണി മുകുന്ദന്‍, ആസ്റ്റര്‍ മിംസ് കേരള & തമിഴ്‌നാട് റീജ്യണല്‍ ഡയറക്ടര്‍ ശ്രീ. ഫര്‍ഹാന്‍ യാസിന്‍, അഭിനേതാക്കളായ ബേബി ദേവനന്ദ, മാസ്റ്റര്‍ ശ്രീപദ്, സംവിധായകന്‍ വിഷ്ണു ശശിശങ്കര്‍, തിരക്കഥാകൃത്ത് അഭിലാഷ് പിള്ള, ആസ്റ്റര്‍ ഇന്റര്‍നാഷണല്‍ ഇന്‍സ്റ്റിറ്റിയൂട്ട് ഓഫ് ഓങ്കോളജി വിഭാഗം തലവന്‍ ഡോ. കെ. വി. ഗംഗാധരന്‍ തുടങ്ങിയവര്‍ സംസാരിച്ചു.

Continue Reading

Trending