Connect with us

kerala

കൊല്ലത്ത് എസ്എഫ്‌ഐ കോളേജ് യൂണിയന്‍ നേതാക്കള്‍ എംഎസ്എഫിലേക്ക്

കൊല്ലം ടി.കെ.എം കോളേജ് യൂണിയനിലെ യു.യു.സി അടക്കമുള്ള എസ്.എഫ്.ഐ നേതാക്കള്‍ എം.എസ്.എഫില്‍ അംഗത്വം സ്വീകരിച്ചു.

Published

on

കൊല്ലം ടി.കെ.എം കോളേജ് യൂണിയനിലെ യു.യു.സി അടക്കമുള്ള എസ്.എഫ്.ഐ നേതാക്കള്‍ എം.എസ്.എഫില്‍ അംഗത്വം സ്വീകരിച്ചു. അധികാര ദുര്‍വ്യവഹാരത്തിനെതിരെ നിര്‍മ്മാണാത്മക വിദ്യാര്‍ത്ഥിത്വം എന്ന പ്രമേയത്തില്‍ നടക്കുന്ന എം.എസ്.എഫ് ക്യാമ്പസ് മെമ്പര്‍ഷിപ്പ് ക്യാമ്പയിന്റെ ഉദ്ഘാടന പരിപാടിയിലാണ് എസ്.എഫ്.ഐ യൂണിയന്‍ നേതാക്കള്‍ എം.എസ്.എഫില്‍ അംഗത്വം സ്വീകരിച്ചത്. സംസ്ഥാന തല ഉദ്ഘാടനം എം.എസ്.എഫ് സംസ്ഥാന പ്രസിഡന്റ് പി.കെ നവാസ് കൊല്ലം ടി.കെ.എം ആര്‍ട്സ് ആന്‍ഡ് സയന്‍സ് കോളേജ് വിദ്യാര്‍ത്ഥി ആസിഫിന് നല്‍കി നിര്‍വഹിച്ചു. കേരള സര്‍വകലാശാല എസ്.എഫ്.ഐ യു.യു.സിയായിരുന്ന ആസിഫ്, എ ഐ എസ് എഫ് മുന്‍ കോളേജ് യൂണിയന്‍ സെക്രട്ടറി സ്ഥാനാര്‍ത്ഥി നിസാം, എസ് എഫ് ഐ യൂണിറ്റ് കമ്മറ്റി അംഗം നസ്മല്‍ എന്നിവര്‍ അടക്കം എം.എസ്.എഫിന്റെ അംഗത്വം സ്വീകരിച്ചു. എസ്.എഫ്.ഐ യുടെ കപട രാഷ്ട്രീയത്തിനെതിരെ ക്യാമ്പസുകളില്‍ നിറഞ്ഞു നില്‍ക്കുന്ന വിദ്യാര്‍ത്ഥി പ്രതിഷേധത്തിന്റെ മാതൃക കൂടിയാണ് വിദ്യാര്‍ത്ഥികളുടെ ഈ മെമ്പര്‍ഷിപ്പ് സ്വീകരണമെന്ന് പി.കെ നവാസ് പറഞ്ഞു

അധികാര സ്ഥാനങ്ങളുടെ വിദ്യാര്‍ത്ഥി വിരുദ്ധ നയങ്ങള്‍ക്കെതിരെയും എസ്.എഫ്.ഐ അടക്കമുള്ള വിദ്യാര്‍ത്ഥി വിരുദ്ധ സംഘടനകള്‍ക്കെതിരെയുമുള്ള പ്രതിഷേധം ക്യാമ്പസുകളില്‍ ഉയര്‍ന്നുവരികയാണ്. വിദ്യാര്‍ത്ഥി വിരുദ്ധമാകുന്ന സംഘടനകള്‍ക്കിടയില്‍ വിദ്യാര്‍ത്ഥിപക്ഷ രാഷ്ട്രീയമാണ് എം.എസ്.എഫ് എപ്പോഴും മുന്നോട്ട് വെച്ചിട്ടുള്ളത്. ക്യാമ്പസ് തെരഞ്ഞെടുപ്പുകളിലെ എം.എസ്.എഫിന്റെ വലിയ വിജയം വിദ്യാര്‍ത്ഥികള്‍ എം.എസ്.എഫിന് നല്‍കുന്ന വലിയ അംഗീകാരമാണ് അദ്ദേഹം പറഞ്ഞു. ജില്ലാ പ്രസിഡന്റ് അസ്ലഹ് കടക്കല്‍ അധ്യക്ഷ വഹിച്ചു. മുസ്ലിം ലീഗ് ജില്ലാ ജനറല്‍ സെക്രട്ടറി അഡ്വ സുല്‍ഫിക്കര്‍ സലാം, എം എസ് എഫ് സംസ്ഥാന ട്രഷറര്‍ അഷ്ഹര്‍ പെരുമുക്ക് മുഖ്യ പ്രഭാഷണം നിര്‍വഹിച്ചു സംസ്ഥാന ഭാരവാഹികളായ ബിലാല്‍ റഷീദ്, ഫിറോസ് പള്ളത്ത്, അഡ്വ.തൗഫീക്ക് കുളപ്പാടം,അംജദ് കുരീപ്പള്ളി,ശരീഫ് ചന്ദനത്തോപ്പ്,റെജി തടിക്കാട്,സാജന്‍ കുണ്ടറ,ഹിഷാം സംസം, കയസ് കുറ്റിച്ചിറ, കായിക്കര ഷാഹുല്‍ഹമീദ്, ബദ്ധീഹുദ്ധീന്‍ മുട്ടയ്ക്കാവ്, അനൂപ് കുറ്റിച്ചിറ, റഫീഖ് റഷീദ്, അമീര്‍ ഷാ വിളയില്‍, സല്‍മാന്‍ കൊല്ലം, അസ്ലം സലാം, അജ്മല്‍ വടക്കുംതല, ഫൈസല്‍, ആസിഫ് നിസാം സഹദ് ചാത്തിനാകുളം എന്നിവര്‍ സംബന്ധിച്ചു.

kerala

ബൈക്കും കാറും കൂട്ടിയിടിച്ച് 18കാരൻ മരിച്ചു

ഞായറാഴ്ച രാവിലെ വേങ്ങര കുന്നുംപുറം യാറത്തും പടിയിൽ ആണ് അപകടം.

Published

on

ബൈക്കും കാറും കൂട്ടിയിടിച്ച് 18 കാരൻ മരിച്ചു. ഞായറാഴ്ച രാവിലെ വേങ്ങര കുന്നുംപുറം യാറത്തും പടിയിൽ ആണ് അപകടം. എ.ആർ നഗർ സ്വദേശി ഹിഷാം അലി ആണ് മരിച്ചത്.

കാറും ഹിഷാം സഞ്ചരിച്ചിരുന്ന പൾസർ ബൈക്കും തമ്മിൽ കൂട്ടിയിടിക്കുകായിരുന്നു. അപകടത്തിൽ ഹിഷാമിനൊപ്പം ബൈക്കിലുണ്ടായിരുന്ന കുട്ടിക്ക് പരിക്കേറ്റു. ഹിഷാം അലിയുടെ മൃതദേഹം തിരൂരങ്ങാടിയിലെ ഗവ.ആശുപത്രിയിൽ മോർച്ചറിയിൽ. പരിക്കേറ്റ കുട്ടിയെ കോട്ടക്കലിലെ സ്വകാര്യ ആശുപത്രിയിൽ പ്രവേശിപ്പിച്ചു.

Continue Reading

kerala

ലുക്ക് ഔട്ട് നോട്ടീസ് ഇറക്കി ഡൽഹി എയർപോർട്ടിൽ നിന്ന് പൊലീസ് പിടികൂടിയ പ്രതി രക്ഷപ്പെട്ടു

പോക്‌സോ കേസിലെ പ്രതി വടശ്ശേരിക്കര സ്വദേശി സച്ചിന്‍ രവിയാണ് പൊലീസിനെ വെട്ടിച്ച് കടന്നുകളഞ്ഞത്. 

Published

on

പോക്‌സോ കേസ് പ്രതി പൊലീസിന്റെ കസ്റ്റഡിയില്‍ നിന്നും ചാടിപ്പോയി. ലുക്കൗട്ട് നോട്ടീസ് ഇറക്കി പിടികൂടിയ പ്രതിയാണ് കസ്റ്റഡിയില്‍ നിന്നും രക്ഷപ്പെട്ടത്. പോക്‌സോ കേസിലെ പ്രതി വടശ്ശേരിക്കര സ്വദേശി സച്ചിന്‍ രവിയാണ് പൊലീസിനെ വെട്ടിച്ച് കടന്നുകളഞ്ഞത്.

ഡല്‍ഹി എയര്‍പോര്‍ട്ടില്‍ നിന്നും കസ്റ്റഡിയിലെടുത്ത് കേരളത്തിലേക്ക് കൊണ്ടു വരുന്ന വഴി തമിഴ്‌നാട്ടിലെ കാവേരി പട്ടണത്തില്‍ വെച്ചാണ് പ്രതി രക്ഷപ്പെട്ടത്. പത്തനംതിട്ട സൈബര്‍ പൊലീസ് രജിസ്റ്റര്‍ ചെയ്ത പോക്‌സോ കേസ് പ്രതിയാണ് ഇയാള്‍.

വിദേശത്തു നിന്നെത്തിയ പ്രതിയെ വിമാനത്താവളത്തില്‍ നിന്നാണ് പൊലീസ് കസ്റ്റഡിയിലെടുത്തത്. പ്രാഥമികാവശ്യങ്ങള്‍ നിറവേറ്റണമെന്ന ആവശ്യം ചൂണ്ടിക്കാട്ടി പ്രതി കസ്റ്റഡിയില്‍ നിന്നും രക്ഷപ്പെട്ടു എന്നാണ് പൊലീസ് പറയുന്നത്. പ്രതിയെ കണ്ടെത്താന്‍ തമിഴ്‌നാട് പൊലീസും തിരച്ചില്‍ ആരംഭിച്ചു.

Continue Reading

kerala

ഡ്രൈവിംഗ് ടെസ്റ്റുകള്‍ നാളെ പുനരാരംഭിക്കും

ഗതാഗതവകുപ്പുമായി ബന്ധപ്പെട്ട പ്രശ്നങ്ങള്‍ ചർച്ചയിലൂടെ പരിഹരിച്ചെങ്കിലും സാങ്കേതിക തകരാറിനെ തുടർന്ന് സംസ്ഥാനത്ത് ഡ്രൈവിംഗ് ടെസ്റ്റുകള്‍ പൂർണമായും പുനരാരംഭിക്കാൻ സാധിച്ചിരുന്നില്ല.

Published

on

ഡ്രൈവിംഗ് ലൈസൻസ് ടെസ്റ്റ് പരിഷ്്കരണത്തിനെതിരേ ഡ്രൈവിംഗ് സ്കൂള്‍ ഉടമകള്‍ നടത്തിയ ബഹിഷ്കരണ സമരത്തെ തുടർന്ന് അനിശ്ചിതകാലമായി മുടങ്ങിയ ഡ്രൈവിംഗ് ലൈസൻസ് ടെസ്റ്റുകള്‍ നാളെ പൂർണതോതില്‍ പുനരാരംഭിക്കും.

ഗതാഗതവകുപ്പുമായി ബന്ധപ്പെട്ട പ്രശ്നങ്ങള്‍ ചർച്ചയിലൂടെ പരിഹരിച്ചെങ്കിലും സാങ്കേതിക തകരാറിനെ തുടർന്ന് സംസ്ഥാനത്ത് ഡ്രൈവിംഗ് ടെസ്റ്റുകള്‍ പൂർണമായും പുനരാരംഭിക്കാൻ സാധിച്ചിരുന്നില്ല. സാരഥി സോഫ്റ്റ്‌വേയറിലെ തകരാർ മൂലമായിരുന്നു ഇത്.

നാളെയോടെ സങ്കേതിക തകരാർ പൂർണമായും പരിഹരിച്ച്‌ ഡ്രൈവിംഗ് ടെസ്റ്റുകള്‍ പുനരാരംഭിക്കാൻ സാധിക്കുമെന്ന പ്രതീക്ഷയിലാണ് മോട്ടോർ വാഹന വകുപ്പ്.

Continue Reading

Trending