Connect with us

kerala

മുഖ്യമന്ത്രിയുടെ യാത്രക്കായി പൊടിക്കുന്നത് ലക്ഷങ്ങള്‍

ജനപ്രതിനിധികളടക്കമുള്ളവരെ കരുതല്‍ തടങ്കലിലാക്കിയിട്ടും പ്രതിഷേധത്തിന് കുറവില്ലാതായതോടെ, സഞ്ചാരം ഹെലികോപ്റ്ററിലേക്ക് മാറ്റിയ മുഖ്യമന്ത്രിയുടെ സുരക്ഷക്കായി ചെലവിടുന്ന തുകയുടെ വിശദാംശങ്ങള്‍ വെളിപ്പെടുത്താതെ ആഭ്യന്തര വകുപ്പ്.

Published

on

ജനപ്രതിനിധികളടക്കമുള്ളവരെ കരുതല്‍ തടങ്കലിലാക്കിയിട്ടും പ്രതിഷേധത്തിന് കുറവില്ലാതായതോടെ, സഞ്ചാരം ഹെലികോപ്റ്ററിലേക്ക് മാറ്റിയ മുഖ്യമന്ത്രിയുടെ സുരക്ഷക്കായി ചെലവിടുന്ന തുകയുടെ വിശദാംശങ്ങള്‍ വെളിപ്പെടുത്താതെ ആഭ്യന്തര വകുപ്പ്. 28 കമാന്‍ഡോകളടക്കം 40 പൊലീസുകാരും 16 വാഹനങ്ങളുടെ അകമ്പടിയുമായി പായുന്ന മുഖ്യമന്ത്രിയുടെ സുരക്ഷക്കായി ചെലവഴിക്കുന്ന തുകയുടെ വിശദാംശമാണ് സുരക്ഷാ പ്രശ്‌നങ്ങള്‍ ചൂണ്ടിക്കാട്ടി വെളിപ്പെടുത്താനാകില്ലെന്ന് ആഭ്യന്തര വകുപ്പ് വ്യക്തമാക്കിയത്.

ഇസെഡ് പ്ലസ് സുരക്ഷയുള്ള മുഖ്യമന്ത്രിക്ക് കേന്ദ്ര ആഭ്യന്തര മന്ത്രാലയത്തിന്റെ നിര്‍ദേശപ്രകാരമുള്ള സുരക്ഷാ സംവിധാനങ്ങളാണ് നല്‍കുന്നതെന്ന് ചൂണ്ടിക്കാട്ടിയ ആഭ്യന്തര വകുപ്പ്, ഇപ്പോഴെത്തെ സുരക്ഷാ ക്രമീകരണങ്ങള്‍ പൊലീസിന്റെ ഔദ്യോഗിക കൃത്യനിര്‍വഹണ ചുമതലയുടെ ഭാഗമാണ് വിശദീകരിക്കുന്നു.

മതിയായ കാവല്‍ ഏര്‍പ്പെടുത്തുന്നതും സംസ്ഥാനത്തിനകത്തും പുറത്തും എല്ലാ ഘട്ടത്തിലും സുരക്ഷക്കായി മതിയായ ഉദ്യോഗസ്ഥരെ വിന്യസിക്കുന്നതും ഇതിന്റെ ഭാഗമാണ്. മുഖ്യമന്ത്രിയുടെ സഞ്ചാര സ്ഥലങ്ങളെ അടിസ്ഥാനപ്പെടുത്തി മുന്‍കൂട്ടി നിശ്ചയിച്ചുള്ള ക്യാമ്പും യാത്രാ സൗകര്യങ്ങളുമടക്കമുള്ള സുരക്ഷാ സംവിധാനങ്ങള്‍ ഒരുക്കുക, അത്യാഹിത സാഹചര്യമുണ്ടായാല്‍ അത് നേരിടുന്നതിന് ആവശ്യമായ മുന്‍കരുതല്‍ സംവിധാനങ്ങള്‍ ഒരുക്കുക, ഇതിനായി ഉയര്‍ന്ന ഉദ്യോഗസ്ഥരെ ചുമതലപ്പെടുത്തുക എന്നിവയെല്ലാം സുരക്ഷാ നടപടികളുടെ ഭാഗമാണ്. ഈ ചെലവുകള്‍ പ്രത്യേകമായി സൂക്ഷിക്കാറില്ലെന്ന് ആഭ്യന്തര വകുപ്പ് പറയുന്നു.

ഓരോ സാമ്പത്തിക വര്‍ഷവും മുഖ്യമന്ത്രിയുടെ സുരക്ഷയും യാത്രാ സംവിധാനങ്ങള്‍ക്കുമായി വാഹനങ്ങള്‍ വാങ്ങുന്നതിനുമായി വിനിയോഗിക്കുന്ന തുകയാണ് സുരക്ഷാ പ്രശ്‌നങ്ങള്‍ ചൂണ്ടിക്കാട്ടി വെളിപ്പെടുത്താത്തത്. സുരക്ഷക്കായി വിനിയോഗിക്കുന്ന തുക പൊതുജനങ്ങള്‍ അറിയുന്നതില്‍ എന്താണ് സുരക്ഷ പ്രശ്‌നം എന്നതിന് ആഭ്യന്തര വകുപ്പിന് മറുപടിയില്ല.
അതേ സമയം, വിമര്‍ശനം ശക്തമാണെങ്കിലും സുരക്ഷ ക്രമീകരണത്തില്‍ വിട്ടുവീഴ്ച വേണ്ടെന്ന് ഡി.ജി.പിയുടെ നിര്‍ദ്ദേശം. പ്രതിപക്ഷത്തിന്റെ പ്രതിഷേധങ്ങള്‍ക്ക് പുറമെ, മാവോയിസ്റ്റ് ഭീഷണിയും കണക്കിലെടുത്താണ് നടപടി. കമാന്‍ഡോകളടക്കം 40 പൊലീസുകാര്‍ മുഖ്യമന്ത്രിക്കൊപ്പം എപ്പോഴും ഉണ്ടാവും. മുന്നിലെ വാഹനത്തില്‍ 5 പേര്‍, രണ്ട് കമാന്‍ഡോ വാഹനങ്ങളില്‍ 10 പേര്‍, ദ്രുതപരിശോധനാസംഘത്തില്‍ 8 പേര്‍ എന്നിവര്‍ക്ക് പുറമേ, സ്‌ട്രൈക്കര്‍ ഫോഴ്‌സ്, ബോംബ്, ഡോഗ് സ്‌ക്വാഡ്, ആംബുലന്‍സും പൈലറ്റും 2 എസ്‌കോര്‍ട്ടും സ്‌പെയര്‍ കാറും മുഖ്യമന്ത്രിക്കൊപ്പമുണ്ടാകും.

മുഖ്യമന്ത്രി പങ്കെടുക്കുന്ന പരിപാടി നടക്കുന്ന പ്രദേശത്തെ എസ്.പി, സ്‌പെഷ്യല്‍ബ്രാഞ്ച്, ഇന്റലിജന്‍സ് ഉദ്യോഗസ്ഥര്‍ ഉള്‍പ്പെടെ 5 ഡിവൈ.എസ്.പിമാര്‍, സമീപ സ്റ്റേഷനുകളിലെ എസ്.എച്ച്.ഒമാര്‍ അടക്കം മറ്റൊരു 40 പൊലീസുകാര്‍ കൂടി മുഖ്യമന്ത്രിയുടെ വാഹനവ്യൂഹത്തിനൊപ്പം സഞ്ചരിക്കുന്നുണ്ട്. ഇതിന് പുറമേ ചടങ്ങ് നടക്കുന്നിടത്ത് ഫയര്‍ഫോഴ്‌സ് വാഹനങ്ങളും മെഡിക്കല്‍ സംഘവും ഉണ്ടാകും. മുഖ്യമന്ത്രിയുടെ പരിപാടികളില്‍ ദ്രുതകര്‍മ്മസേനയെയും എസ്.ഐ.എസ്.എഫിനെയും വിന്യസിക്കുന്നുണ്ട്. മുഖ്യമന്ത്രി തലസ്ഥാനത്ത് യാത്ര ചെയ്യുമ്പോള്‍ പത്തു മീറ്റര്‍ ഇടവിട്ട് പൊലീസിനെ ഇപ്പോള്‍ നിയോഗിച്ചിട്ടുണ്ട്. ക്ലിഫ്ഹൗസിലും സെക്രട്ടറിയേറ്റിലും സുരക്ഷയൊരുക്കാന്‍ സായുധ ബറ്റാലിയനുകള്‍, ലോക്കല്‍ പൊലീസ്, എസ്.ഐ.എസ്.എഫ്, ദ്രുതകര്‍മ്മസേന എന്നിങ്ങനെ അഞ്ഞൂറോളം പൊലീസുകാരെയും നിയോഗിച്ചിട്ടുണ്ട്.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

അവയവം മാറി ശസ്ത്രക്രിയ: യൂത്ത് ലീഗ് മെഡിക്കൽ കോളേജിലേക്ക് മാർച്ച്‌ നടത്തി

Published

on

കോഴിക്കോട്: മെഡിക്കൽ കോളേജിൽ വിരലിനു പകരം നാവിന് ശസ്ത്രക്രിയ ചെയ്ത ഡോക്ടറുടെ അനാസ്ഥക്കെതിരെ ഡോക്ടറെ സസ്പെൻഡ് ചെയ്യണം എന്ന് ആവശ്യപ്പെട്ടുകൊണ്ട് കോഴിക്കോട് ജില്ല മുസ്‌ലിം യൂത്ത് ലീഗ് ഐ.സി.എം.എച്ച് ഓഫീസിലേക്ക് മാർച്ചും ഉപരോധവും സംഘടിപ്പിച്ചു.

ഫാത്തിമ തെഹ്‌ലിയ, സി. ജാഫർ സാദിക്ക്, എ. സിജിത്ത് ഖാൻ , ഷഫീഖ് അരക്കിണർ, സിറാജ് ചിറ്റേടത്‌, ഷൌക്കത്ത് വിരുപ്പിൽ, സാബിത് മായനാട്, മുസ്തഫ കൊട്ടാമ്പറമ്പ്, റാഷിദ്‌ മായനാട്, സമീർ കല്ലായി, യൂനുസ് കോതി, അമീൻ വിരുപ്പിൽ, സിദ്ധിക്ക് കുന്നമംഗലം നേതൃത്വം നൽകി.

Continue Reading

kerala

അവയവം മാറി ശസ്ത്രക്രിയ: കുറ്റക്കാർക്കെതിരെ കർശന നടപടിയെടുക്കണം: പി.കെ ഫിറോസ്

അഞ്ച് വർഷം മുമ്പ് ഇവിടെ വെച്ച് ശസ്ത്രക്രിയക്കിടയിൽ കത്രിക വയറ്റിൽ കുടുങ്ങിയ ഹർഷിനയെന്ന യുവതി ഇപ്പോഴും നിയമപോരാട്ടം തുടരുകയാണ്

Published

on

കോഴിക്കോട്: കോഴിക്കോട് മെഡിക്കൽ കോളേജിൽ വിരലിന് ശസ്ത്രക്രിയക്ക് വന്ന നാല് വയസുകാരിയുടെ നാവിന് ശസ്ത്രക്രിയ നടത്തിയവർക്കെതിരെ കർശന നടപടിയെടുക്കണമെന്ന് മുസ്‌ലിം യൂത്ത് ലീഗ് സംസ്ഥാന ജനറൽ സെക്രട്ടറി പി.കെ ഫിറോസ് പറഞ്ഞു.

മെഡിക്കൽ കോളേജിൽ ഇത്തരം ഗുരുതര വീഴ്ച്ചകൾ തുടർച്ചയായി വന്ന് കൊണ്ടിരിക്കുന്നു. തൻ്റെ ആറാം വിരലിൻ്റെ ശസ്ത്രക്രിയക്ക് വേണ്ടിയാണ് പെൺകുട്ടി എത്തിയത്. എന്നാൽ ശസ്ത്രക്രിയക്ക് ശേഷം വായയിൽ പഞ്ഞി കെട്ടിയ നിലയിൽ പെൺകുട്ടിയെ കണ്ടപ്പോഴാണ് ബന്ധുക്കൾ അധികൃതർക്ക് സംഭവിച്ച ഗുരുതര പിഴവ് തിരിച്ചറിഞ്ഞത്. അഞ്ച് വർഷം മുമ്പ് ഇവിടെ വെച്ച് ശസ്ത്രക്രിയക്കിടയിൽ കത്രിക വയറ്റിൽ കുടുങ്ങിയ ഹർഷിനയെന്ന യുവതി ഇപ്പോഴും നിയമപോരാട്ടം തുടരുകയാണ്.

ഐ.സി.യു വിൽ കിടന്ന രോഗിക്കെതിരെ പീഡന ശ്രമം നടന്നതും മെഡിക്കൽ കോളേജിലായിരുന്നു. ഇത്തരം സംഭവങ്ങൾ ആവർത്തിച്ചിട്ടും സർക്കാറിൻ്റെ ഭാഗത്ത് നിന്നും ഇടപെടലുകളുണ്ടാവത്തത് ഖേദകരമാണെന്നും ഫിറോസ് കൂട്ടിച്ചേർത്തു. കുറ്റക്കാരെ നിയമത്തിന് മുന്നിൽ കൊണ്ടുവന്ന് മാതൃകാപരമായി ശിക്ഷിക്കുന്നതിന് പകരം സംരക്ഷിക്കുന്നതിനാണ് ഭരണകൂട അനുകൂല യൂണിയനുകൾ ഉൾപ്പടെ ശ്രമിക്കുന്നത്.

ആരോഗ്യ വകുപ്പ് നാഥനില്ലാ കളരിയായി മാറിയെന്നും കെടുകാര്യസ്ഥതയുടെ ഒടുവിലെ ഉദാഹരണമാണ് ഈ സംഭവമെന്നും ഫിറോസ് അഭിപ്രായപ്പെട്ടു. കൃത്യമായ അന്വേഷണം നടത്തി ഉത്തരവാദികളായവർക്കെതിരെ നടപടിയെടുക്കണമെന്നും പെൺകുട്ടിക്ക് ആവശ്യമായ നഷ്ടപരിഹാരം നൽകാൻ സർക്കാർ തയ്യാറാകണമെന്നും അല്ലാത്ത പക്ഷം വലിയ ജനകീയ പ്രക്ഷോഭത്തിന് യൂത്ത് ലീഗ് നേതൃത്വം നൽകുമെന്നും ഫിറോസ് വ്യക്തമാക്കി.

Continue Reading

crime

നവജാത ശിശുവിന്റെ കൊലപാതകം; യുവതിയുടെ ആണ്‍സുഹൃത്തിനെതിരെ കേസ്

പ്രസവിച്ചതിനു പിന്നാലെ കുഞ്ഞിനെ കൊലപ്പെടുത്തിയ യുവതിയുടെ സുഹൃത്തായ യുവാവിനെതിരെ പൊലീസ് കേസെടുത്തു.

Published

on

കൊച്ചി: പനമ്പിള്ളി നഗറില്‍ നവജാത ശിശുവിനെ അമ്മ കൊലപ്പെടുത്തിയ സംഭവത്തില്‍ നിര്‍ണായക വഴിത്തിരിവ്. പ്രസവിച്ചതിനു പിന്നാലെ കുഞ്ഞിനെ കൊലപ്പെടുത്തിയ യുവതിയുടെ സുഹൃത്തായ യുവാവിനെതിരെ പൊലീസ് കേസെടുത്തു. വിവാഹ വാഗ്ദാനം നല്‍കി ലൈംഗികമായി പീഡിപ്പിച്ചു എന്ന യുവതിയുടെ മൊഴിയുടെ അടിസ്ഥാനത്തിലാണ് കേസെടുത്തിരിക്കുന്നത്.

ഈ മാസം മൂന്നിനാണ് പനമ്പിള്ളി നഗറിലുള്ള അപ്പാര്‍ട്ട്മെന്റിനു മുന്നിലുള്ള റോഡില്‍ നവജാത ശിശുവിന്റെ മൃതദേഹം കണ്ടെത്തിയത്. അപ്പാര്‍ട്ട്മെന്റിലെ ഫ്ലാറ്റുകളിലൊന്നില്‍ നിന്ന് താഴേക്ക് എറിഞ്ഞതാണെന്ന് പിന്നീട് സിസിടിവി ദൃശ്യങ്ങളില്‍നിന്നു വ്യക്തമായി. തുടര്‍ന്ന് അഞ്ചാം നിലയില്‍ താമസിക്കുന്ന യുവതി അറസ്റ്റിലാവുകയായിരുന്നു. കടുത്ത അണുബാധയെ തുടര്‍ന്ന് ആശുപത്രിയില്‍ ചികിത്സയിലുള്ള യുവതി ഈ മാസം 18 വരെ ജുഡീഷ്യല്‍ കസ്റ്റഡിയിലാണ്.

Continue Reading

Trending