വൈറ്റിലയിലെ ഒരു ബാറില് മാരകായുധങ്ങളുമായി നടത്തിയ അക്രമവുമായി ബന്ധപ്പെട്ട് യുവതി ഉള്പ്പെടെ മൂന്നു പേരെ മരട് പൊലീസ് അറസ്റ്റ് ചെയ്തു.
കൊച്ചി: വൈറ്റിലയിലെ ഒരു ബാറില് മാരകായുധങ്ങളുമായി നടത്തിയ അക്രമവുമായി ബന്ധപ്പെട്ട് യുവതി ഉള്പ്പെടെ മൂന്നു പേരെ മരട് പൊലീസ് അറസ്റ്റ് ചെയ്തു. തിരുവനന്തപുരം സ്വദേശിനി അലീന, കൊല്ലം സ്വദേശികളായ ഷഹിന്ഷാ, അല് അമീന് എന്നിവരാണ് പിടിയിലായത്. മറ്റൊരാള്, വടിവാള് കൊണ്ടുവന്നതായി കണ്ടെത്തിയ തിരുവനന്തപുരം സ്വദേശി വൈഷ്ണവ്, ഇപ്പോഴും ഒളിവിലാണ്. ഞായറാഴ്ച നടന്ന സംഭവത്തില് ബാറിന് പുറത്തുനിന്ന് സംഘം കാറില് നിന്നിറങ്ങി വടിവാള് എടുത്ത് അകത്തു കടന്നുവരുന്ന ദൃശ്യങ്ങള് സി.സി.ടി.വിയില് വ്യക്തമായി രേഖപ്പെട്ടു. മദ്യപിക്കുന്നതിനിടെ അഞ്ചംഗ സംഘവും അവിടെ എത്തിയ മറ്റൊരാളുമായി തര്ക്കത്തിലാകുകയായിരുന്നു ആദ്യ ഘട്ടത്തില്. ഇത് ചോദ്യം ചെയ്ത ബാര് ജീവനക്കാരുമായി സംഘര്ഷം ശക്തമായി. പ്രതികളുടെ സംഘം ആദ്യം ബാറില് നിന്ന് പുറത്തുപോയെങ്കിലും, അലീനയും കൂട്ടരും കുറച്ച് സമയത്തിനുശേഷം വടിവാളുമായി തിരികെ എത്തി. തുടര്ന്ന് ബാര് ജീവനക്കാര്ക്ക് മര്ദനമേല്ക്കുകയും അക്രമം ആവര്ത്തിച്ച് അഞ്ചുതവണ വരെ തിരിച്ചെത്തി ആക്രമണം നടത്തിയതായും ബാര് ഉടമ നല്കിയ പരാതിയില് പറയുന്നു. വിദ്യാഭ്യാസ ആവശ്യങ്ങള്ക്കായി എറണാകുളത്ത് എത്തിയവരാണ് പ്രതികളെന്ന് പൊലീസ് കണ്ടെത്തിയിട്ടുണ്ട്. സംഭവത്തില് അലീനയുടെ കൈക്ക് പരുക്കേല്ക്കുകയും ചെയ്തു.
പാര്ട്ടിയില്നിന്ന് ജാതി വിവേചനം നേരിട്ടെന്ന് ചൂണ്ടിക്കാട്ടി മലപ്പുറം വെസ്റ്റ് ജില്ല മീഡിയ സെല് കണ്വീനറും എടരിക്കോട് മണ്ഡലം പ്രഭാരിയുമായ മണമല് ഉദേഷ് രാജിവച്ചു.
ജാതി വിവേചനത്തെ തുടര്ന്ന് ബിജെപിയില് പൊട്ടിത്തെറി. പാര്ട്ടിയില്നിന്ന് ജാതി വിവേചനം നേരിട്ടെന്ന് ചൂണ്ടിക്കാട്ടി മലപ്പുറം വെസ്റ്റ് ജില്ല മീഡിയ സെല് കണ്വീനറും എടരിക്കോട് മണ്ഡലം പ്രഭാരിയുമായ മണമല് ഉദേഷ് രാജിവച്ചു.
തിരൂര് നഗരസഭയില് ബിജെപി സ്ഥാനാര്ഥിയായി ഉദേഷിനെ പരിഗണിച്ചിരുന്നു. കാലങ്ങളായി ചിലര് സീറ്റുകള് കുത്തകയാക്കി വെച്ചിരിക്കുകയായിരുന്നുവെന്നും അദ്ദേഹം ആരോപിച്ചു. പാര്ട്ടിയില്നിന്ന് ജാതി വിവേചനം നേരിട്ടെന്ന് ഉദേഷ് പറഞ്ഞു. ഉദേഷിനെ പിന്തുണയ്ക്കുന്നവരും രാജിഭീഷണി മുഴക്കി.
തൊഴിലന്വേഷകരെയും ബിസിനസുകളെയും ലക്ഷ്യമാക്കി ഓണ്ലൈനില് നടക്കുന്ന തട്ടിപ്പുകളില് എഐ (AI) വ്യാപകമായി ഉപയോഗപ്പെടുന്നതായി ഗൂഗിള് മുന്നറിയിപ്പ് നല്കി.
തൊഴിലന്വേഷകരെയും ബിസിനസുകളെയും ലക്ഷ്യമാക്കി ഓണ്ലൈനില് നടക്കുന്ന തട്ടിപ്പുകളില് എഐ (AI) വ്യാപകമായി ഉപയോഗപ്പെടുന്നതായി ഗൂഗിള് മുന്നറിയിപ്പ് നല്കി. വ്യാജ തൊഴില് അവസരങ്ങള്, ക്ലോണ് ചെയ്ത ബിസിനസ് വെബ്സൈറ്റുരള്, യഥാര്ത്ഥ ആപ്ലിക്കേഷനുകളോട് സാമ്യമുള്ള കബളിപ്പിക്കാന് വേണ്ടി നിര്മ്മിക്കുന്ന ആപ്പുകള് എന്നിവ നിര്മ്മിക്കാന് ഇപ്പോള് സൈബര് കുറ്റവാളികള് ജനറേറ്റീവ് എഐ ടൂളുകള് വിനിയോഗിക്കുന്നതായി ഗൂഗുളിന്റെ ട്രസ്റ്റ് ആന്ഡ് സേഫ്റ്റി ടീം വ്യക്തമാക്കി. ഗൂഗിളിന്റെ മുന്നറിയിപ്പ് പ്രകാരം ഈ തട്ടിപ്പുകളില് പ്രധാനമായും തൊഴിലന്വേഷകരെയും ചെറുകിട ബിസിനസ് ഉടമകളെയും ലക്ഷ്യമിടുന്നു. പലപ്പോഴും അറിയപ്പെടുന്ന കമ്പനികളുടെയോ സര്ക്കാര് ഏജന്സികളുടെയോ പേരില് വ്യാജ ജോലി ലിസ്റ്റിംഗുകള് സൃഷ്ടിക്കപ്പെടുന്നു. ഇരകളോട് വ്യക്തിഗത വിവരങ്ങള് പങ്കിടാനും, ജോലി പ്രോസസ്സിംഗ് ഫീസ് എന്ന പേരില് പണം അടയ്ക്കാനും ആവശ്യപ്പെടുന്നതാണ് സാധാരണ രീതി. ചിലര് മാല്വെയര് ഇന്സ്റ്റാള് ചെയ്യാനോ ഡാറ്റ മോഷ്ടിക്കാനോ ലക്ഷ്യമിട്ടുള്ള വ്യാജ അഭിമുഖ സോഫ്റ്റ്വെയറുകളും അയക്കുന്നു. ഇത്തരം തട്ടിപ്പുകള് വ്യക്തികള്ക്കും സ്ഥാപനങ്ങള്ക്കും ഗുരുതരമായ ഭീഷണിയാണെന്ന് ഗൂഗിള് മുന്നറിയിപ്പ് നല്കി. നിയമാനുസൃത തൊഴിലുടമകള് ഒരിക്കലും സാമ്പത്തിക വിവരങ്ങളോ പേയ്മെന്റെ് ആവശ്യങ്ങളോ ഉന്നയിക്കില്ലെന്നും ഉപയോക്താക്കള് ഓണ്ലൈനില് കൂടുതല് ജാഗ്രത പാലിക്കണമെന്നും ഗൂഗിള് വ്യക്തമാക്കി.
മലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
ശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
ബി.ജെ.പി ശിവസേന നേതാക്കളെയും പ്രവര്ത്തകരെയും ചാക്കിലാക്കാന് ശ്രമിക്കുന്നു; പരാതിയുമായി ഏക്നാഥ് ഷിന്ഡെ
ശബരിമല സ്വര്ണ്ണക്കൊള്ളയ്ക്ക് പിണറായി ടച്ച് ഉണ്ട്; പങ്ക് പിണറായിക്കും പോയിട്ടുണ്ട്: കെ സുധാകരന്
ഇടത് സര്ക്കാരിനെതിരെ കുറ്റപത്രവുമായി യു.ഡി.എഫ്
തദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
ശബരിമല സ്വര്ണ്ണക്കൊള്ള; കടകംപള്ളി സുരേന്ദ്രന് കുരുക്കായി പത്മകുമാറിന്റെ മൊഴി
ഗ്യാസ് സിലിണ്ടര് പൊട്ടിത്തെറിച്ചു; കൊല്ലത്ത് വന് തീപിടിത്തം
