തീവ്ര വോട്ടര്പട്ടിക പരിഷ്കരണം (എസ്.ഐ.ആര്) നടപടികള് നിര്ത്തിവയ്ക്കണമെന്ന് ആവശ്യപ്പെട്ട് മുസ്ലീം ലീഗ് ദേശീയ ജനറല് സെക്രട്ടറി പി.കെ. കുഞ്ഞാലിക്കുട്ടി സുപ്രീം കോടതിയില് ഹര്ജി നല്കി. എസ്.ഐ.ആര് നിര്ത്തിവെക്കണമെന്ന് ആവശ്യപ്പെട്ട് കേരളത്തില്നിന്ന് സുപ്രിംകോടതിയെ സമീപിക്കുന്ന ആദ്യ രാഷ്ട്രീയ പാര്ട്ടിയാണ് മുസ്ലിംലീഗ്. ബി.എല്.ഒമാരുടെ അടക്കം ജോലി സമ്മര്ദം ചൂണ്ടിക്കാണിച്ചുകൊണ്ടാണ് ഹര്ജി നല്കിയത്. കഴിഞ്ഞ ദിവസം ബിഎല്ഒ ആത്മഹത്യ ചെയ്തതിന് പിന്നില് എസ്ഐആര് നടപടികള് കൂടി വന്നതിലെ അമിത ജോലി ഭാരമാണെന്ന് അറിയിച്ചിരുന്നു. തദ്ദേശ തെരഞ്ഞെടുപ്പ് നടക്കുന്ന സാഹചര്യത്തില് എസ്ഐആര് നടപടികളുമായി മുന്നോട്ട് പോകുന്നത് ഭരണ പ്രതിസന്ധിയുണ്ടാക്കുമെന്ന് സംസ്ഥാന സര്ക്കാരും ഹൈക്കോടതിയെ അറിയിച്ചിരുന്നു.