തൃശൂര്‍: ആംബുലന്‍സ് വന്നിട്ടും സമരക്കാരെ തടയാന്‍ സ്ഥാപിച്ച ബാരിക്കേഡ് നീക്കാതെ പൊലീസ് ആംബുലന്‍സിനെ തിരിച്ചയച്ചു. തൃശൂര്‍ കുന്നംകുളത്താണ് സംഭവം. പൊലീസ് ബാരിക്കേഡ് നീക്കാന്‍ തയ്യാറാവാതിരുന്നതിനെ തുടര്‍ന്ന് ഒടുവില്‍ രോഗിയുമായി ആംബുലന്‍സ് മറ്റൊരു വഴിക്ക് പോയാണ് ആശുപത്രിയിലെത്തിയത്.
കുന്നംകുളത്ത് യൂത്ത് കോണ്‍ഗ്രസ് നടത്തിയ പൊലീസ് സ്റ്റേഷന്‍ മാര്‍ച്ച് തടയാനാണ് ബാരിക്കേഡ് സ്ഥാപിച്ചത്. ആംബുലന്‍സ് വന്നപ്പോള്‍ മാര്‍ച്ച് തുടങ്ങിയിരുന്നില്ല. വാഹനം പൊലീസ് മടക്കി അയക്കുന്ന ദൃശ്യങ്ങള്‍ പുറത്തുവന്നു. ഇതിനെതിരെ വ്യാപക വിമര്‍ശനമാണ് ഉയരുന്നത്.