കോട്ടക്കല്‍: നഗരസഭയുടെ അധീനതയിലുള്ള കൃഷിഭവന്‍ ഓഫിസിന്‍റെ അടര്‍ന്നുവീണു.അപകടം ഒഴിവായത് തലനാരിഴക്ക്.വെള്ളിയാഴ്ച ഉച്ചക്ക് ഒന്നേ മുക്കാലോടെയാണ് സംഭവം. കൃഷിഭവനും ഇക്കോ ഷോപ്പും പ്രവര്‍ത്തിക്കുന്ന കാലപ്പഴക്കം ചെന്ന കെട്ടിടത്തിലെ ഭാഗം അടര്‍ന്നുവീഴുകയായിരുന്നു. ഉച്ചഭക്ഷണ സമയമായതിനാല്‍ ദുരന്തം ഒഴിവായി.
ബസ് സ്റ്റാന്‍ഡ് നവീകരണഭാഗമായി പഴയ ഓഫിസ് കെട്ടിടം നഗരസഭ പൊളിച്ചുമാറ്റിയിരുന്നു. ഇതോടെ പഴയ ഓഡിറ്റോറിയത്തിലാണ് ഓഫിസ് താല്‍ക്കാലികമായി പ്രവര്‍ത്തിക്കുന്നത്. പുതിയ കെട്ടിടം നിര്‍മിക്കുമെന്ന വാഗ്ദാനം കടലാസില്‍ ഒതുങ്ങി. ഫയല്‍ സൂക്ഷിക്കാന്‍ സ്ഥലമില്ലാത്ത അവസ്ഥയാണ്. മഴ പെയ്താല്‍ ചോരുന്നതും പതിവാണ്. ഇഴജന്തുക്കളുടെ വിഹാരവും പേടിക്കേണ്ട സ്ഥിതിയാണെന്ന് ജീവനക്കാര്‍ പറയുന്നു. റെയില്‍വേ റിസര്‍വേഷന്‍ കൗണ്ടര്‍, എം.പി ഓഫിസ് അടക്കമുള്ളതാണ് കെട്ടിടം.