കേരളത്തില്‍ പല ജില്ലകളിലും കഴിഞ്ഞ കുറച്ചു മാസങ്ങളായി ജിയോയുടെ ട്രൂ 5ജി സേവനങ്ങള്‍ ലഭിച്ചിരുന്നു. ഇന്നുമുതല്‍ കണ്ണൂര്‍, കൊല്ലം, കോട്ടയം, മലപ്പുറം, പാലക്കാട് എന്നീ ജില്ലകളിൽ കൂടി ജിയോ ട്രൂ 5ജി സേവനങ്ങള്‍ ലഭ്യമായി തുടങ്ങും. പ്രാരമ്പഘട്ടത്തിൽ ജില്ലകളിലെ പ്രധാന നഗരങ്ങളിലാവും 5ജി സേവനങ്ങൾ ലഭ്യമാവുക. ഇതോടെ ജിയോയുടെ 5ജി സേവനങ്ങള്‍ കേരളത്തില്‍ 11 നഗരങ്ങളില്‍ ആസ്വദിക്കാവുന്നതാണ്. (ജിയോ 5ജി സേവനങ്ങള്‍ കേരളത്തില്‍ കൊച്ചി, തിരുവനന്തപുരം, തൃശൂര്‍, കോഴിക്കോട്, ചേര്‍ത്തല, ഗുരുവായൂര്‍ ക്ഷേത്ര പരിസരം, കണ്ണൂര്‍, കൊല്ലം, കോട്ടയം,മലപ്പുറം, പാലക്കാട്)
കണ്ണൂര്‍, കൊല്ലം, കോട്ടയം, മലപ്പുറം, പാലക്കാട് എന്നീ നഗരങ്ങളിലെ ജിയോ ഉപയോക്താക്കള്‍ക്ക് അധിക പണംനൽകാതെ തന്നെ 1 Gbps+ വേഗതയില്‍ അണ്‍ലിമിറ്റഡ് ഡാറ്റ സേവനം അനുഭവിക്കാന്‍ ജിയോ വെല്‍ക്കം ഓഫർ സേവനം ലഭ്യമാകും.