പാരീസ്: ശരിക്കുമൊരു ഫാമിലി മാനാണ് ലിയോ മെസി. ഒഴിവുവേളകളിലെല്ലാം ഭാര്യ അന്റോനെല്ലക്കും മൂന്ന് മക്കള്‍ക്കുമൊപ്പവും സമയം ചെലവിടുന്ന താരം. ബാര്‍സിലോണ വിട്ട് പാരീസിലേക്ക് പോയപ്പോള്‍ മെസിയുടെ വേദന കുടുംബമായിരുന്നു. മക്കളെല്ലാം പഠിച്ചിരുന്നത് ബാര്‍സയില്‍. ഭാര്യക്കും പ്രിയങ്കരം സ്പാനിഷ് നഗരം തന്നെ.
പാരീസില്‍ രണ്ട് വര്‍ഷം പൂര്‍ത്തിയാക്കി മെസിയും ഫാമിലിയും മടങ്ങിയത് ബാര്‍സയിലേക്ക് തന്നെ. സഊദി ക്ലബായ അല്‍ ഹിലാല്‍ വന്‍ ഓഫറുമായി പിറകിലുണ്ടെങ്കിലും മെസിയുടെ ഭാര്യ നല്‍കുന്ന സൂചന പ്രകാരം സൂപ്പര്‍ താരം നുവോ കാമ്പിലേക്ക് തിരികെ വരാനാണ് വ്യക്തമായ സാധ്യതകളെന്ന് പറഞ്ഞിരുന്നു. കുട്ടികളുടെ പഠനമാണ് കുടുംബത്തിന് പ്രധാനം. പക്ഷേ അവസാനം വാര്‍ത്ത വരുന്നത് മെസി അമേരിക്കയിലെ ഇന്റര്‍ മിയാമിയിലേക്കെന്നാണ്.