സുല്ത്താന് ബത്തേരി: മുത്തങ്ങയില് കൊമേഴ്ഷ്യല് അളവില് എം.ഡി.എം.എ പിടികൂടിയ ഒക്ടോബര് മാസത്തെ കേസില് മറ്റൊരാള് കൂടി അറസ്റ്റില്. ആലപ്പുഴ മാന്നാര് നെല്ലിക്കോമത്ത് സ്വദേശിയായ വി. വിഷ്ണു (25) വിനെയാണ് ബത്തേരി പൊലീസ് അറസ്റ്റ് ചെയ്തത്.
മുമ്പ് പിടിയിലായ പ്രതികള് വിഷ്ണുവില് നിന്നാണ് മയക്കുമരുന്ന് വാങ്ങിയതെന്നാണ് അന്വേഷണത്തില് കണ്ടെത്തിയത്. കഴിഞ്ഞ മാസം 9ന് കര്ണാടക ഭാഗത്തുനിന്ന് വരികയായിരുന്ന കാറില് എം.ഡി.എം.എ കടത്തിയതിന് കോഴിക്കോട് സ്വദേശികളായ കെ. അഭിലാഷ് (44), അദീബ് മുഹമ്മദ്് സാലിഹ് (36), അബ്ദുള് മഷൂദ് (22) എന്നിവരെ പൊലീസ് അറസ്റ്റ് ചെയ്തിരുന്നു. ഇവരോടുള്ള ചോദ്യം ചെയ്യലിലാണ് മയക്കുമരുന്നിന്റെ ഉറവിടമായി വിഷ്ണുവിന്റെ പേര് പുറത്ത് വന്നത്.