തിരുവനന്തപുരത്ത് കാട്ടുപന്നികളുടെ ആക്രമണത്തില്‍ ഒരാള്‍ക്ക് പരിക്ക്

തിരുവനന്തപുരം വെള്ളറടയില്‍ കാട്ടുപന്നികളുടെ ആക്രമണത്തില്‍ ഒരാള്‍ക്ക് പരിക്കേറ്റു. നിരവധി കടകള്‍ക്ക് കേടുപാടുകള്‍ സംഭവിച്ചു. ഇന്നലെ വൈകീട്ട് ആറുമണിയോടെ നാലു കാട്ടുപന്നികള്‍ ജനവാസമേഖലയില്‍ ഇറങ്ങുകയായിരുന്നു. രണ്ടു കടകളില്‍ കയറി കാട്ടുപന്നികള്‍ ആക്രമിച്ചു. ഷോപ്പ് ഉടമ സുധീറിനെയാണ് പന്നികള്‍ കുത്തിപരിക്കേല്‍പ്പിച്ചത്.

വെള്ളറട മേഖലയില്‍ സമീപകാലത്ത് മാലിന്യങ്ങള്‍ കൂടുകയാണെന്നും ഈ മാലിന്യം തേടിയാണ് കാട്ടുപന്നികള്‍ കൂട്ടത്തോടെ എത്തുന്നതെന്നും നാട്ടുകാര്‍ പറയുന്നു.