Connect with us

Culture

ഓഖി: ദുരിതബാധിതരെ മാറോടണച്ച് രാഹുല്‍

Published

on

 

തിരുവനന്തപുരം: ഓഖി ദുരന്തം കശക്കിയെറിഞ്ഞ തീരദേശത്ത് ആശ്വാസത്തിന്റെ ഇളംതെന്നലായി രാഹുല്‍ഗാന്ധിയെത്തി. ഉറ്റവരെയും ഉടയവരെയും നഷ്ടപ്പെട്ടവരെ കൈപിടിച്ച് ആശ്വസിപ്പിച്ചും മാറോടണച്ചും രാഹുല്‍ സ്‌നേഹത്തണലായി. അപകടത്തില്‍പെട്ടവരുടെ കുടുംബാംഗങ്ങള്‍ നിറകണ്ണുകളോടെ തങ്ങളുടെ സങ്കടങ്ങള്‍ അദ്ദേഹത്തിനു മുന്നില്‍ തുറന്നു. അവരുടെ കരംഗ്രഹിച്ച രാഹുല്‍ കുടുംബാംഗങ്ങള്‍ക്ക് കരുത്തു പകര്‍ന്നു. സങ്കടം സഹിക്കാനാകാതെ നിലവിളിച്ചവരെ മാറോടണച്ച് ആശ്വാസം പകരാനും അദ്ദേഹം മറന്നില്ല. വിഴിഞ്ഞത്തും പൂന്തുറയിലുമാണ് ദുരന്തത്തില്‍ കാണാതായവരുടെയും ജീവന്‍ നഷ്ടപ്പെട്ടവരുടെ കുടുംബാംഗങ്ങളെ കാണാന്‍ കോണ്‍ഗ്രസിന്റെ നിയുക്ത അധ്യക്ഷന്‍ രാഹുല്‍ ഗാന്ധിയെത്തിയത്. ഉച്ചക്ക് 12നാണ് രാഹുല്‍ഗാന്ധി പൂന്തുറയിലെത്തിയത്. മരിച്ചവരുടേയും കാണാതായവരുടെയും ചിത്രത്തിനുമുന്നില്‍ പുഷ്പാര്‍ച്ചന നടത്തിയശേഷം പൂന്തുറ സെന്റ് തോമസ് ദേവാലയത്തിലെ മാതാവിന്റെ കുരിശടിക്ക് കീഴിലെ ചെറിയ വേദിയിലേക്ക്. രാഹുലിനെ കണ്ടതോടെ ദുഃഖത്തിന്റെ നടുവിലും അവര്‍ ഹര്‍ഷാരവം മുഴക്കി. ദുരന്തമേഖലയില്‍ വൈകിയെത്തിയതില്‍ ക്ഷമാപണം നടത്തിയശേഷം ചെറുപ്രസംഗം. കഴിഞ്ഞ 15 ദിവസമായി പ്രിയപ്പെട്ടവരെ പ്രതിക്ഷയോടെ കാത്തിരിക്കുന്ന അമ്മമാരുടെയും ഭാര്യമാരുടെയും മക്കളുടെയും അടുത്തേക്ക്. പിന്നീട് വികാര നിര്‍ഭരമായ നിമിഷങ്ങളാണ് കടന്നുപോയത്. തങ്ങളുടെ വിഷമങ്ങളും സങ്കടങ്ങളും ഒരു കുടുബാംഗത്തോടെന്നപോലെ അവര്‍ അദ്ദേഹത്തോട് പങ്കുവെച്ചു.
തൊട്ടുമുമ്പില്‍ നെഞ്ചുപൊട്ടി വിലപിക്കുന്ന ഒരമ്മയെ അദ്ദേഹം ആശ്വസിപ്പിച്ചു. മകനെ കാണാതായ അമ്മയെ കെട്ടിപ്പിടിച്ചു താന്‍ ഒപ്പം ഉണ്ടെന്ന് രാഹുല്‍ഗാന്ധി വ്യക്തമാക്കി. വീട്ടില്‍ ആരോക്കെയുണ്ടെന്ന് ചോദ്യം. താന്‍ വാടക വീട്ടിലാണ് താമസിക്കുന്നതെന്ന് അമ്മയുടെ മറുപടി. എല്ലാ ശരിയാക്കാമെന്ന ഉറപ്പും അദ്ദേഹം നല്‍കി. തുടര്‍ന്ന് ദുരന്തത്തില്‍ നിന്നും രക്ഷപ്പെട്ട മത്സ്യത്തൊഴിലാളികള്‍ തങ്ങളുടെ അനുഭവം പങ്കുവെച്ചു. പൂന്തുറ സെന്റ് തോമസ് ചര്‍ച്ച് ഇടവക വികാരി ഫാ.ജസ്റ്റിന്‍ ജൂഡ് രാഹുല്‍ ഗാന്ധിക്ക് നന്ദി രേഖപ്പെടുത്തി. കേന്ദ്ര- സംസ്ഥാന സര്‍ക്കാറുകള്‍ തങ്ങളെ അവഗണിക്കുകയാണെന്ന് അദ്ദേഹം പറഞ്ഞു. തീരദേശത്തെ സുരക്ഷക്കാവശ്യമായ നടപടികള്‍ സ്വീകരിക്കണമെന്നും വികാരി ആവശ്യപ്പെട്ടു. പൂന്തുറ നിവാസികളുടെ ആവശ്യങ്ങള്‍ ഉള്‍പ്പെട്ട നിവേദനം അദ്ദേഹം രാഹുല്‍ ഗാന്ധിക്ക് കൈമാറി.
ഉച്ചക്ക് 12.30ഓടെ വിഴിഞ്ഞത്തെത്തിയ രാഹുല്‍ ഗാന്ധിയെ കാത്ത് അപകടത്തില്‍പ്പെട്ടവരുടേതടക്കം മുന്നൂറോളം കുടുംബാംഗങ്ങളുണ്ടായിരുന്നു. ലത്തീന്‍ അതിരൂപതാ ഇടവക വികാരി വില്‍ഫ്രഡിന്റെ നേതൃത്വത്തില്‍ അദ്ദേഹത്തെ സ്വീകരിച്ചു.
അപകടത്തില്‍ മരിച്ചവര്‍ക്ക് ആദരാഞ്ജലികള്‍ അര്‍പ്പിച്ചും മത്സ്യത്തൊഴിലാളി കുടുംബങ്ങളെ ആശ്വസിപ്പിച്ചുമായിരുന്നു രാഹുലിന്റെ പ്രസംഗം. ‘വളരെ ദുഃഖം നിറഞ്ഞ സന്ദര്‍ഭത്തിലാണ് താന്‍ ഇവിടേക്ക് വന്നത്. ദുരന്തം ഇടക്കിടെ നിങ്ങളെ തേടിയെത്തുന്നതില്‍ ദുഃഖമുണ്ട്. നിങ്ങള്‍ക്കുണ്ടായ നഷ്ടം വാക്കുകളിലൊതുങ്ങുന്നതല്ല. ദുരന്തത്തെത്തുടര്‍ന്ന് തന്റെ സാന്നിധ്യം ഇവിടെ ഉണ്ടായില്ലെങ്കിലും തന്റെ മനസ് നിങ്ങള്‍ക്കൊപ്പമുണ്ടായിരുന്നു’- രാഹുല്‍ പറഞ്ഞു.

Film

പിന്തുണയ്ക്ക് നന്ദി, ഈ പിന്തുണ മറ്റൊരാൾക്ക് വേദനയുണ്ടാക്കരുത് ; ആസിഫ് അലി

ദേഷ്യപ്പെടുകയും സങ്കടപ്പെടുകയും ചെയ്യുന്നയാളാണ് താൻ, എല്ലാവർക്കും ഉണ്ടാകുന്ന പ്രതിസന്ധികൾ തനിക്കും ഉണ്ടാകും എന്നാൽ അത് പ്രകടിപ്പിക്കാറില്ലെന്നും ആസിഫ് അലി പ്രതികരിച്ചു.

Published

on

എല്ലാ പിന്തുണകൾക്കും നന്ദി അറിയിച്ച് നടൻ ആസിഫ് അലി. എന്നാൽ തന്നെ പിന്തുണച്ച് സംസാരിക്കുന്നത് മറ്റൊരാൾക്കെതിരെ ആകരുതെന്ന് അദ്ദേഹം പറഞ്ഞു. ദേഷ്യപ്പെടുകയും സങ്കടപ്പെടുകയും ചെയ്യുന്നയാളാണ് താൻ, എല്ലാവർക്കും ഉണ്ടാകുന്ന പ്രതിസന്ധികൾ തനിക്കും ഉണ്ടാകും എന്നാൽ അത് പ്രകടിപ്പിക്കാറില്ലെന്നും ആസിഫ് അലി പ്രതികരിച്ചു.

രമേശ് നാരായണനും താനും തമ്മിൽ ഒരു പ്രശ്നവുമില്ല. മനുഷ്യസഹജമായി സംഘാടകർക്ക് സംഭവിച്ച പിഴവായിരിക്കും. സന്ദർഭത്തിനനുസരിച്ചുള്ള പെരുമാറ്റമാണ് അദ്ദേഹം നടത്തിയത്.തനിക്കൊരു വിഷമവുമില്ല. എന്തെങ്കിലും പിരിമുറുക്കത്തിന്റെ പേരിൽ ആയിരിക്കാം അദ്ദേഹം അങ്ങനെ പെരുമാറിയിട്ടുണ്ടാവുക. രമേശ് നാരായണനുമായി ഇന്ന് ഫോണിൽ സംസാരിച്ചു. നേരിട്ട് കാണണമെന്ന് രമേശ് നാരായണൻ ആവശ്യപ്പെട്ടു. അദ്ദേഹം തന്നോട് മാപ്പ് പറയുന്ന അവസ്ഥ വരെ കൊണ്ടെത്തിച്ചു. അതിൽ തനിക്ക് വിഷമമുണ്ടെന്നും ആസിഫ് അലി മാധ്യമങ്ങളോട് പ്രതികരിച്ചു.

അതേസമയം ആസിഫ് അലിയെ അവഹേളിച്ച സംഭവത്തിൽ രമേശ് നാരായണനോട് വിശദീകരണം തേടി ഫെഫ്‌ക. രമേശ് നാരായണന് വീഴ്ച സംഭവിച്ചെന്ന് ഫെഫ്‌ക ജനറൽ സെക്രട്ടറി ബി ഉണ്ണികൃഷ്ണൻ. ആസിഫ് അലിയോട് ഫെഫ്‌ക ഖേദം പ്രകടിപ്പിച്ചു. മ്യൂസിക് യൂണിയൻ ജനറൽ സെക്രട്ടറിയോട് അന്വേഷിക്കാൻ ആവശ്യപ്പെട്ടതായി ഫെഫ്ക ജനറൽ സെക്രട്ടറി ബി ഉണ്ണികൃഷ്ണൻ വ്യക്തമാക്കി.

രമേശ് നാരായണൻ പക്വതയില്ലായ്മയാണ് കാണിച്ചത്. പരിപാടിയുടെ സംഘാടനത്തിൽ പിഴവ് വന്നുവെന്നും ബി ഉണ്ണികൃഷ്ണൻ അഭിപ്രായപ്പെട്ടു.രമേശ്‌ നാരായണന്റെ മാനസികാവസ്ഥ മനസിലാക്കാൻ സാധിക്കും. എന്നാൽ ആസിഫിനോടല്ല അത് കാണിക്കേണ്ടത്. വിവാദമായതോടെ രമേശ്‌ നാരായണ്‍ മാപ്പ് പറഞ്ഞത് മാതൃകാപരമാണ് എന്നും ബി ഉണ്ണികൃഷ്‌ണൻ പറഞ്ഞു.

വിഷയത്തിൽ ആസിഫ് അലിയുമായി സംസാരിച്ചതായി ബി ഉണ്ണികൃഷ്ണൻ അറിയിച്ചു. ഇതൊന്നും സീരിയസ് ആയി കാണുന്നില്ല എന്നാണ് ആസിഫ് പറഞ്ഞത്. ആസിഫ് രമേശ് നാരായണിനെ അങ്ങോട്ട് വിളിക്കാമെന്ന് പറഞ്ഞത് എന്നെ അത്ഭുതപ്പെടുത്തി, വളരെ വിശാലമായാണ് പ്രതികരിച്ചത്, പക്വമായി ഇടപെട്ടുവെന്നും ബി ഉണ്ണികൃഷ്ണൻ പറഞ്ഞു.

ആസിഫിനേയും അമ്മ നേതൃത്വത്തെയും ഖേദം അറിയിച്ചിട്ടുണ്ട്. വിവാദം ഉടൻ അവസാനിക്കുമെന്ന് പ്രതീക്ഷിക്കുന്നതായും അദ്ദേഹം വ്യക്തമാക്കി.

Continue Reading

Film

കാര്‍ത്തി നായകനായ സിനിമയുടെ ചിത്രീകരണത്തിനിടെ റോപ്പ് പൊട്ടി സ്റ്റണ്ട്മാന് ദാരുണാന്ത്യം

ഇന്ന് പുലർച്ചെ 1.30ഓടെയായിരുന്നു മരിച്ചത്

Published

on

ചെന്നൈ: സിനിമാ ചിത്രീകരണത്തിനിടെ പരിക്കേറ്റ് സ്റ്റണ്ട്‌മാന് ദാരുണാന്ത്യം. കാർത്തി നായകനാവുന്ന സർദാർ 2 എന്ന സിനിമയുടെ ചിത്രീകരണത്തിനിടെ സ്റ്റണ്ട്‌മാനായ ഏഴുമലൈ (54) ആണ് മരിച്ചത്. ഇന്ന് പുലർച്ചെ 1.30ഓടെയായിരുന്നു മരിച്ചത്.

നിർണായക സംഘട്ടനരംഗത്തിന്റെ ചിത്രീകരണത്തിനിടെയായിരുന്നു അപകടമുണ്ടായതെന്നാണ് വിവരം. 20 അടി ഉയരത്തിൽ നിന്ന് റോപ്പ് പൊട്ടി താഴെ വീഴുകയായിരുന്നു. ഉടൻതന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

അപകടത്തിൽ തലയ്ക്ക് പരിക്കേറ്റ് തലച്ചോറിൽ രക്തം കട്ടപിടിച്ചെന്നാണ് വിവരം. സംഭവത്തിൽ ചെന്നൈ പൊലീസ് അന്വേഷണം ആരംഭിച്ചു. ഏഴുമലൈയുടെ വിയോഗത്തിൽ അനുശോചനം രേഖപ്പെടുത്തി ഒട്ടേറെ താരങ്ങൾ രംഗത്തെത്തി.

ജൂലായ് 15നാണ് സംഘട്ടന രംഗങ്ങളുടെ ചിത്രീകരണം സാലിഗ്രാമത്തിലെ എൽ വി പ്രസാദ് സ്റ്റുഡിയോസിൽ ആരംഭിച്ചത്. ഏഴുമലൈയുടെ വിയോഗത്തോടെ സിനിമാ ചിത്രീകരണം നിർത്തിവച്ചു.

പി എസ് മിത്രനാണ് സർദാർ 2വിന്റെ സംവിധാനവും തിരക്കഥയും നിർവഹിക്കുന്നത്. പ്രിൻസ് പിക്‌ച്ചേഴ്‌സിന്റെ ബാനറിൽ ലക്ഷ്‌മൺ കുമാറാണ് നിർമാണം. സർദാർ 2വിന്റെ ആദ്യ ഭാഗമായ സർദാർ 100 കോടി കളക്ഷൻ നേടിയിരുന്നു.

Continue Reading

Film

‘അമ്മ’ ആസിഫിനൊപ്പം: പിന്തുണയുമായി സിദ്ധീഖിന്റെ സോഷ്യല്‍ മീഡിയ പോസ്റ്റ് പോസ്റ്റ്‌

പുരസ്‌കാരം സ്വീകരിക്കുന്നത് മാത്രമല്ല, ആസിഫ് അലിയോട് സംസാരിക്കാനോ അഭിവാദ്യം ചെയ്യാനോ രമേശ് നാരായണന്‍ തയ്യാറായില്ലെന്ന വിമര്‍ശനമാണ് സോഷ്യല്‍ മീഡിയ ചര്‍ച്ച ചെയ്യുന്നത്

Published

on

കൊച്ചി: സംഗീതജ്ഞന്‍ രമേശ് നാരായണന്‍ അപമാനിച്ചു എന്ന വിവാദത്തില്‍ നടന്‍ ആസിഫ് അലിക്ക് പിന്തുണയുമായി താരസംഘടന ‘അമ്മ’. ‘ആട്ടിയകറ്റിയ ഗര്‍വിനോട് നീ ചിരിച്ച ചിരിയാണ് യഥാര്‍ത്ഥ സംഗീതം’ – നടനും ‘അമ്മ’ ജനറല്‍ സെക്രട്ടറിയുമായ സിദ്ദിഖ് ഫെയ്‌സ്ബുക്കില്‍ കുറിച്ചു.

‘മനോരഥങ്ങളു’ടെ ട്രെയ്ലര്‍ ലോഞ്ചിനിടെ രമേശ് നാരായണന് പുരസ്‌കാരം സമ്മാനിക്കാന്‍ സംഘാടകര്‍ ആസിഫ് അലിയെയായിരുന്നു ക്ഷണിച്ചത്. എന്നാല്‍ ആസിഫ് അലിയില്‍ നിന്നും രമേശ് നാരായണന്‍ പുരസ്‌കാരം സ്വീകരിക്കാന്‍ മടി കാണിക്കുകയും പകരം സംവിധായകന്‍ ജയരാജിനെ വിളിച്ചുവരുത്തി ആസിഫിന്റെ കൈയില്‍ നിന്ന് പുരസ്‌കാരമെടുത്ത് ജയരാജിന് കൈമാറി. തുടര്‍ന്ന് ജയരാജ് രമേശിന് പുരസ്‌കാരം നല്‍കുകയായിരുന്നു.

പുരസ്‌കാരം സ്വീകരിക്കുന്നത് മാത്രമല്ല, ആസിഫ് അലിയോട് സംസാരിക്കാനോ അഭിവാദ്യം ചെയ്യാനോ രമേശ് നാരായണന്‍ തയ്യാറായില്ലെന്ന വിമര്‍ശനമാണ് സോഷ്യല്‍ മീഡിയ ചര്‍ച്ച ചെയ്യുന്നത്. മോശം പെരുമാറ്റമാണ് രമേശ് നാരായണനില്‍ നിന്ന് ഉണ്ടായതെന്നും സംഭവത്തില്‍ മാപ്പ് പറയണമെന്നുമാണ് സോഷ്യല്‍ മീഡിയയിലെ ചര്‍ച്ച.

Continue Reading

Trending