Culture
യോഗി ആദിത്യനാഥിനെതിരെ രാംഗോപാല് വര്മ്മ; ‘ഇറ്റലിക്കാര് ആന്റി കൃഷ്ണ സ്ക്വാഡ് രൂപീകരിച്ചാല് ഇഷ്ടപ്പെടുമോ?’

ലക്നോ: ഉത്തര്പ്രദേശില് പൂവാല വിരുദ്ധ സ്ക്വാഡിന് ആന്റി റോമിയോ എന്നു പേരിട്ടതിന് കടുത്ത അമര്ഷവുമായി ബോളിവുഡ് സംവിധായകന് രാം ഗോപാല് വര്മ്മ രംഗത്ത്. വിശ്വാസ്യതയുടെ പ്രതിരൂപമായ റോമിയോയുടെ പേര് ഇത്തരക്കാര്ക്ക് എങ്ങനെയാണ് നല്കാനാകുകയെന്നാണ് അദ്ദേഹം ചോദിക്കുന്നത്. യോഗി ആദിത്യനാഥ് ഇത്തരത്തില് റോമിയോയുടെ പേര് ദുരുപയോഗം ചെയ്യുകയാണെങ്കില് ഇറ്റലിക്കാര് അവരുടെ സ്വന്തം നാട്ടില് ആന്റി കൃഷ്ണ സ്ക്വാഡ് രൂപീകരിച്ചാല് താങ്കള് ഇഷ്ടപ്പെടുമോ എന്നായിരുന്നു വര്മയുടെ ചോദ്യം. ട്വിറ്ററിലൂടെയാണ് യോഗിക്കെതിരെ സംവിധായകന് ആഞ്ഞടിച്ചത്. റോഡ് സൈഡ് റോമിയോ എന്ന സങ്കല്പത്തില് നിന്നാണ് ഈ വാക്ക് യോഗി കടമെടുത്തതെന്നാണ് വര്മ പറയുന്നത്. സര്ക്കാര് പദമായി ഇത്തരം വാക്കുകള് ഉപയോഗിക്കുമ്പോള് അതീവ ജാഗ്രത പുലര്ത്തണമെന്നും അദ്ദേഹം ചൂണ്ടിക്കാട്ടുന്നു. ട്വീറ്റ് വിവാദമായതോടെ രാംഗോപാല് വര്മ്മയെ അനുകൂലിച്ചും പ്രതികൂലിച്ചും നിരവധി പേര് രംഗത്തുവന്നു. വര്മ്മയെ പോലുള്ളവരെ ട്വിറ്ററില് നിന്ന് നിരോധിക്കണമെന്നാവശ്യപ്പെട്ട് ചിലര് രംഗത്തുവന്നതോടെ വിശദീകരണവുമായി അദ്ദേഹം വീണ്ടും ട്വീറ്റ് ചെയ്തു. പൂവാലനുമായി ചേര്ത്ത് വായിക്കേണ്ട പേരല്ല റോമിയോ എന്നാണ് താന് ഉദ്ദേശിച്ചതെന്നായിരുന്നു ഇതുസംബന്ധിച്ച വര്മ്മയുടെ വിശദീകരണം.
I am baffled with the name of Anti Romeo Squads…How can Romeo a revered lover be a synonym for a Eve teasing goon?
— Ram Gopal Varma (@RGVzoomin) April 4, 2017
If in india he can call them Anti Romeo Squads will YogiAdityanath be ok if Italians call same groups in their country Anti Krishna Squads?
— Ram Gopal Varma (@RGVzoomin) April 4, 2017
In generalising all individuals by giving a single name Romeo,goal is to malign the owner of that name with an illogical nd malicious intent
— Ram Gopal Varma (@RGVzoomin) April 4, 2017
gulf
യുഎഇ സ്വദേശിവല്ക്കരണം ലംഘിച്ച 2200 സ്ഥാപനങ്ങള്ക്കെതിരെ നടപടിയെടുത്തു
നിലവില് 28,000 കമ്പനികളിലായി 136,000 സ്വദേശികള്

Film
അഭിനയമികവിൽ ടോവിനോ; ഗംഭീര ക്ലൈമാക്സ്.. ‘നരിവേട്ട’യ്ക്ക് മികച്ച പ്രതികരണം

ടൊവിനോ തോമസിനെ നായകനാക്കി അനുരാജ് മനോഹർ ഒരുക്കിയ പുതിയ ചിത്രം ‘നരിവേട്ട’ തീയേറ്ററുകളിലെത്തിയിരിക്കുകയാ
പതിഞ്ഞ താളത്തിൽ ആരംഭിച്ച് മികച്ച ഇന്റർവെൽ ബ്ലോക്കോടെയാണ് സിനിമയുടെ ആദ്യ പകുതി അവസാനിക്കുന്നതെന്നും വൈകാരിക നിമിഷങ്ങളും ചടുലമായ നിമിഷങ്ങളും ചേർത്ത് ഗംഭീരമായ രണ്ടാം പകുതിയുമാണ് സിനിമ സമ്മാനിക്കുന്നതെന്നുമാണ് പ്രേക്ഷകർ പറയുന്നത്. ചിത്രത്തിലെ നിർണ്ണായകമായ കഥാപാത്രങ്ങളെ അവതരിപ്പിക്കുന്ന സുരാജ് വെഞ്ഞാറമൂടിന്റെയും പ്രശസ്ത തമിഴ് സംവിധായകനും നടനുമായ ചേരന്റെയും അഭിനയവും പ്രത്യേക കൈയ്യടി നേടിയിട്ടുണ്ട്. ടൊവിനോ തോമസ്, വർഗീസ് പീറ്റർ എന്ന പൊലീസ് കോൺസ്റ്റബിളിനെ അവതരിപ്പിക്കുമ്പോൾ സുരാജ് ഹെഡ് കോൺസ്റ്റബിൾ ബഷീർ അഹമ്മദ് എന്ന കഥാപാത്രത്തേയും ചേരൻ ഡിഐജി. രഘുറാം കേശവ് എന്ന കഥാപാത്രത്തെയും അവതരിപ്പിക്കുന്നു. മറവികൾക്കെതിരായ ഓർമ്മയുടെ പോരാട്ടം’ എന്ന ടാഗ് ലൈനോടെ എത്തിയ ചിത്രം അതിജീവനത്തിന്റെ ശക്തമായ പ്രതികരണം കൂടിയാണ് പങ്കുവെക്കുന്നത്. സ്ത്രീകഥാപാത്രങ്ങളെ അവതരിപ്പിച്ച ആര്യാസലിം, പ്രിയംവദ കൃഷ്ണ, റിനി ഉദയകുമാർ എന്നിവരും മികച്ച പ്രകടനം കാഴ്ച വയ്ക്കുന്നുണ്ട്.
ഇഷ്കിന് ശേഷമുള്ള സിനിമയായതിനാൽ തന്നെ സംവിധായകൻ അനുരാജ് മനോഹർ ഒരു സംവിധായകൻ എന്ന നിലക്ക് കൂടുതൽ കൈയ്യടി അർഹിക്കുന്നുണ്ട്. പ്രത്യേകിച്ചും സിനിമയുടെ തിരക്കഥ രചിച്ചിരിക്കുന്ന അബിൻ ജോസഫ് യഥാർത്ഥ സംഭവങ്ങളെ തിരക്കഥ രീതിയിലേക്ക് മാറ്റുന്നതിൽ കാണിച്ചിരിക്കുന്ന ബ്രില്ല്യൻസി പ്രത്യേകം എടുത്തു പറയേണ്ട ഒന്നാണ്. ജേക്സ് ബിജോയിയുടെ സംഗീതത്തിനും മികച്ച റെസ്പോൺസ് ലഭിക്കുന്നുണ്ട്. സിനിമയുടെ ഴോണർ മനസിലാക്കി പ്രേക്ഷകരെ ആ ഴോണറിലേക്ക് കൊണ്ട് പോകാനും കഥയുടെ ഗൗരവം നഷ്ടപ്പെടാതിരിക്കാനും ജേക്സ് ബിജോയിയുടെ സംഗീതം ഉപകാരമായിട്ടുണ്ട്. ഛായാഗ്രഹണം ചെയ്തിരിക്കുന്നത് വിജയ് ആണ്. സിനിമയെ ഏറ്റവും മനോഹരമായ രീതിയിൽ ഫ്രയിമിയിലെത്തിക്കാനും സിനിമയുടെ ഒഴുക്കിനനുസരിച്ചു ക്യാമറ ചലിപ്പിക്കാനും ഛായാഗ്രഹകന് സാധിച്ചിട്ടുണ്ട്. ഷമീർ മുഹമ്മദ്ന്റെ എഡിറ്റിംഗ് ചിത്രത്തിലെ പ്രധാന രംഗങ്ങളുടെ വൈകാരിക സ്പന്ദനങ്ങൾ വർദ്ധിപ്പിക്കാൻ വളരെയധികം സഹായകരമായിട്ടുണ്ട്.
ഇന്ത്യൻ സിനിമാ കമ്പനിയുടെ ബാനറിൽ ഷിയാസ് ഹസ്സൻ, ടിപ്പു ഷാൻ എന്നിവർ ചേർന്നാണ് നരിവേട്ട നിർമ്മിക്കുന്നത്. ആര്യ സലിം, റിനി ഉദയകുമാർ, പ്രിയംവദ കൃഷ്ണൻ എന്നിവരാണ് ചിത്രത്തിലെ മറ്റു താരങ്ങൾ. എക്സിക്യൂട്ടീവ് പ്രൊഡ്യൂസർ- എൻ എം ബാദുഷ, ഛായാഗ്രഹണം- വിജയ്, സംഗീതം- ജേക്സ് ബിജോയ്, എഡിറ്റർ- ഷമീർ മുഹമ്മദ്, ആർട്ട്- ബാവ, വസ്ത്രാലങ്കാരം- അരുൺ മനോഹർ, മേക്കപ്പ് – അമൽ സി ചന്ദ്രൻ, പ്രൊജക്റ്റ് ഡിസൈനർ- ഷെമിമോൾ ബഷീർ, പ്രൊഡക്ഷൻ ഡിസൈൻ- എം ബാവ, പ്രൊഡക്ഷൻ കൺട്രോളർ- സക്കീർ ഹുസൈൻ, സൗണ്ട് ഡിസൈൻ – രംഗനാഥ് രവി, പി ആർ ഒ & മാർക്കറ്റിംഗ് – വൈശാഖ് വടക്കേവീട്, ജിനു അനിൽകുമാർ, ചീഫ് അസ്സോസിയേറ്റ് ഡയറക്ടർ- രതീഷ് കുമാർ രാജൻ, സൗണ്ട് മിക്സ്- വിഷ്ണു പി സി, സ്റ്റീൽസ്- ഷൈൻ സബൂറ, ശ്രീരാജ് കൃഷ്ണൻ, ഡിസൈൻസ്- യെല്ലോടൂത്ത്, മ്യൂസിക് റൈറ്റ്സ്- സോണി മ്യൂസിക് സൗത്ത്.
Film
‘മിസ്റ്റര് ആന്ഡ് മിസ്സിസ് ബാച്ചിലര്’ തിയറ്ററുകളിലേക്ക്

ഇന്ദ്രജിത്ത് സുകുമാരനും അനശ്വര രാജനും പ്രധാന വേഷങ്ങളിലെത്തുന്ന ‘മിസ്റ്റര് ആന്ഡ് മിസ്സിസ് ബാച്ചിലറി’ന്റെ റിലീസ് തീയതി പ്രഖ്യാപിച്ച് നിര്മാതാക്കള്. ചിത്രം മേയ് 23 ന് തിയറ്ററില് എത്തുമെന്ന് സ്ഥിരീകരിച്ച് നിര്മാതാക്കള്.
ചിത്രത്തിന്റെ റിലീസ് പലതവണ വ്യക്തമല്ലാത്ത കാരണങ്ങളാല് വൈകിയിരുന്നു. അടുത്തിടെ അനശ്വരയും ചിത്രത്തിന്റെ സംവിധായകന് ദീപു കരുണാകരനും തമ്മില് ചെറിയ തര്ക്കവും ഉണ്ടായിരുന്നു. എന്നാല്, പ്രശ്നങ്ങളെല്ലാം പരിഹരിക്കപ്പെട്ടെന്നാണ് വിവരം.
രാഹുല് മാധവ്, സോഹന് സീനുലാല്, ബിജു പപ്പന്, ദീപു കരുണാകരന്, ദയാന ഹമീദ് എന്നിവര് ചിത്രത്തില് അഭിനയിക്കുന്നുണ്ട്. ഹൈലൈന് പിക്ചേഴ്സിന്റെ ബാനറില് പ്രകാശ് ഹൈലൈന് ആണ് മിസ്റ്റര് & മിസിസ് ബാച്ചിലര് നിര്മിക്കുന്നത്. തിരക്കഥ എഴുതിയത് അര്ജുന് ടി. സത്യനാണ്. പി. എസ്. ജയഹരിയാണ് ചിത്രത്തിന്റെ ശബ്ദട്രാക്കും പശ്ചാത്തല സംഗീതവും ഒരുക്കിയിരിക്കുന്നത്.
-
film1 day ago
‘എഴുതിയ സത്യത്തോടുള്ള പക എഴുത്തുകാരന്റെ ചോരകൊണ്ട് തീര്ക്കാന് ഭീരുക്കള് കീബോര്ഡിന്റെ വിടവുകളില് ഒളിഞ്ഞിരുന്ന് ആഹ്വാനങ്ങള് നടത്തുന്നു’; എമ്പുരാന് വിവാദത്തില് പ്രതികരിച്ച് മുരളി ഗോപി
-
kerala3 days ago
പത്തനംതിട്ടയില് കാട്ടാന ഷോക്കേറ്റ് ചരിഞ്ഞ സംഭവം; പ്രൊട്ടക്ഷന് അലാറം സ്ഥാപിച്ചു
-
india3 days ago
ആകാശച്ചുഴി ഒഴിവാക്കാന് വ്യോമാതിര്ത്തി ഉപയോഗിക്കണമെന്ന ഇന്ഡിഗോ പൈലറ്റിന്റെ അഭ്യര്ഥന നിരസിച്ച് പാക്
-
india3 days ago
വെടിവയ്പ്പ് അവസാനിപ്പിച്ചത് ഇന്ത്യയും പാക്കിസ്ഥാനും തമ്മില് നേരിട്ടുള്ള ചര്ച്ചയ്ക്കു പിന്നാലെ; വിദേശകാര്യ മന്ത്രി എസ് ജയശങ്കര്
-
Cricket3 days ago
ഐപിഎല് പോരാട്ടത്തില് ഇന്ന് റോയല് ചലഞ്ചേഴ്സ് ബംഗളൂരു – സണ്റൈസേഴ്സ് ഹൈദരാബാദ്
-
india3 days ago
പ്രധാനമന്ത്രിയെ പാട്ടിലൂടെ അധിക്ഷേപിച്ചു; റാപ്പര് വേടനെതിരെ എന്.ഐ.എക്ക് പരാതി
-
kerala3 days ago
നാല് വയസുകാരിയുടെ കൊലപാതകം: അന്വേഷണസംഘം വിപുലീകരിച്ച് പൊലീസ്
-
india3 days ago
വഖഫ് ഭേദഗതി നിയമം; വിവാദ വ്യവസ്ഥകള് നടപ്പാക്കുന്നത് തടയാന് ഇടക്കാല ഉത്തരവ് പുറപ്പെടുവിക്കണമെന്ന ആവശ്യത്തില് വാദം കേള്ക്കല് പൂര്ത്തിയായി