News
രഞ്ജി ട്രോഫി: ഇന്ന് കേരളംകര്ണാടക മത്സരം മംഗലപുരത്ത്
ഈ സീസണില് കേരളത്തിന്റെ മൂന്നാമത്തെ മത്സരമാണിത്.
തിരുവനന്തപുരം രഞ്ജി ട്രോഫി ക്രിക്കറ്റ് മത്സരത്തില് ഇന്ന് കേരളം കര്ണാടകയെ നേരിടും. തിരുവനന്തപുരം മംഗലപുരത്തെ കെ.സി.എ സ്റ്റേഡിയത്തിലാണ് മത്സരം നടക്കുന്നത്. ഈ സീസണില് കേരളത്തിന്റെ മൂന്നാമത്തെ മത്സരമാണിത്. ആദ്യ മത്സരത്തില് മഹാരാഷ്ട്രയ്ക്കും രണ്ടാം മത്സരത്തില് പഞ്ചാബിനുമെതിരെ കേരളം ഒന്നാം ഇന്നിംഗ്സ് ലീഡ് വഴങ്ങേണ്ടി വന്നിരുന്നു. അതിനാല് മികച്ച തിരിച്ചുവരവിനായാണ് കേരളം ഇന്ന് ഇറങ്ങുന്നത്.
ഇതുവരെ രണ്ടു മത്സരങ്ങളില് നിന്നും കേരളം നേടിയിരിക്കുന്നത് വെറും രണ്ട് പോയിന്റ് മാത്രമാണ്. അതിനാല് കര്ണാടകക്കെതിരായ മത്സരം നിര്ണായകമാകുന്നു.
മത്സരത്തിന് മുന്നോടിയായി ടീമില് ചില മാറ്റങ്ങള് വരുത്തിയിട്ടുണ്ട്. കഴിഞ്ഞ മത്സരത്തില് പരിക്കേറ്റ് പുറത്തായ സല്മാന് നിസാറിനെയും, പഞ്ചാബിനെതിരെ ഇന്നിംഗ്സ് ഓപ്പണ് ചെയ്ത വത്സല് ഗോവിന്ദിനെയും ഈ മത്സരത്തിന് ടീമില് ഉള്പ്പെടുത്തിയിട്ടില്ല. ഓസ്ട്രേലിയന് പര്യടനത്തില് പങ്കെടുക്കുന്നതിനാല് ടീമിന്റെ മുഖ്യ താരം സഞ്ജു സാംസണും ലഭ്യമല്ല.
കേരളത്തിന് മികച്ച പ്രകടനം കാഴ്ചവെച്ച് സീസണിലെ ആദ്യ വിജയം സ്വന്തമാക്കാനാണ് ലക്ഷ്യം.
kerala
തദ്ദേശ തിരഞ്ഞെടുപ്പ്; ക്രിസ്മസ് പരീക്ഷ പുനക്രമീകരിച്ചു; ഡിസംബര് 15 മുതല് 23 വരെ പരീക്ഷ
ജനുവരി അഞ്ചിന് ക്ലാസുകള് പുനരാരംഭിക്കും. അക്കാദമിക് കലണ്ടര് അനുസരിച്ച് നേരത്തെ 19 ന് അവധി തുടങ്ങുന്ന തരത്തിലായിരുന്നു ടൈം ടേബിള്.
സംസ്ഥാനത്തെ തദ്ദേശ തിരഞ്ഞെടുപ്പിന്റെ പശ്ചാത്തലത്തില് സ്കൂളുകളിലെ ക്രിസ്മസ് പരീക്ഷ പുനക്രമീകരിച്ചു. 1 മുതല് 10 വരെയുള്ള ക്ലാസുകള്ക്ക് ഡിസംബര് 15 മുതല് 23 വരെയാണ് പരീക്ഷ നടക്കുക. ഡിസംബര് 23 ന് സ്കൂളുകളില് ക്രിസ്മസ് അവധി തുടങ്ങും. ജനുവരി അഞ്ചിന് ക്ലാസുകള് പുനരാരംഭിക്കും. അക്കാദമിക് കലണ്ടര് അനുസരിച്ച് നേരത്തെ 19 ന് അവധി തുടങ്ങുന്ന തരത്തിലായിരുന്നു ടൈം ടേബിള്. നേരത്തെ രണ്ട് ഘട്ടങ്ങളിലായി പരീക്ഷ നടത്താന് ആയിരുന്നു തീരുമാനം. എന്നാല് തദ്ദേശ തെരഞ്ഞെടുപ്പ് നടക്കുന്ന സാഹചര്യത്തില് സ്കൂളുകള് തെരഞ്ഞെടുപ്പ് ആവശ്യങ്ങള്ക്കായി വിട്ടു നല്കേണ്ടതിനാല് പരീക്ഷ ഡിസംബര് 15 മുതല് 23 വരെ ഒറ്റഘട്ടമായി നടത്താനാണ് നീക്കം.
india
പഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
വാഹനങ്ങളുടെ പ്രായം 10-15 വര്ഷം, 15-20 വര്ഷം, 20 വര്ഷത്തിലധികം എന്നിങ്ങനെ മൂന്നു വിഭാഗങ്ങളായി തിരിച്ച് ഫീസ് വര്ധിപ്പിച്ചിട്ടുണ്ട്.
ന്യൂഡല്ഹി: വാഹനങ്ങളുടെ ഫിറ്റ്നസ് ടെസ്റ്റിനുള്ള ഫീസ് വന്തോതില് വര്ധിപ്പിച്ച് കേന്ദ്ര സര്ക്കാര് സെന്ട്രല് മോട്ടോര് വെഹിക്കിള്സ് നിയമങ്ങളില് ഭേദഗതി വരുത്തി. നിലവിലെ നിരക്കിനെക്കാള് 10 ഇരട്ടി വരെ കൂടുതല് ഫീസാണ് പുതിയ നിയമപ്രകാരം ഈടാക്കുക. ഇതോടൊപ്പം, ഫിറ്റ്നസ് ടെസ്റ്റ് നിര്ബന്ധമാകുന്ന പ്രായപരിധിയും 15 വര്ഷത്തില് നിന്ന് 10 വര്ഷമായി കുറച്ചു. വാഹനങ്ങളുടെ പ്രായം 10-15 വര്ഷം, 15-20 വര്ഷം, 20 വര്ഷത്തിലധികം എന്നിങ്ങനെ മൂന്നു വിഭാഗങ്ങളായി തിരിച്ച് ഫീസ് വര്ധിപ്പിച്ചിട്ടുണ്ട്. വാഹനം പഴക്കമാകുന്നതനുസരിച്ച് ഉയര്ന്ന നിരക്കാണ് ഇനി ബാധകമാകുന്നത്.
20 വര്ഷത്തിലധികം പഴക്കമുള്ള ഹെവി കൊമേഴ്സ്യല് വാഹനങ്ങള്ക്കാണ് ഏറ്റവും വലിയ വര്ധനവ്. ഇതുവരെ 2,500 രൂപയായിരുന്ന ഫിറ്റ്നസ് ടെസ്റ്റ് ഫീസ് ഇനി 25,000 രൂപ ആകും. ഇതേ പ്രായത്തിലുള്ള മിഡിയം കൊമേഴ്സ്യല് വാഹനങ്ങള് 1,800 രൂപയ്ക്ക് പകരം 20,000 രൂപ നല്കണം. ലൈറ്റ് മോട്ടോര് വാഹനങ്ങള്ക്ക് 15,000 രൂപയും മൂന്ന് ചക്രവാഹനങ്ങള്ക്ക് 7,000 രൂപയും ഈടാക്കും. 20 വര്ഷം പഴക്കമുള്ള ടു വീലറുകളുടെ ഫീസ് 600 രൂപയില് നിന്ന് 2,000 രൂപ ആയി ഉയര്ന്നു. പുതുക്കിയ റൂള് 81 പ്രകാരം 15 വര്ഷത്തില് താഴെ പഴക്കമുള്ള വാഹനങ്ങള്ക്കും ഫീസ് വര്ധിച്ചിട്ടുണ്ട്. മോട്ടോര്സൈക്കിളുകള്ക്കായി 400 രൂപ, LMV-കള്ക്കായി 600 രൂപ, മിഡിയം-ഹെവി കൊമേഴ്സ്യല് വാഹനങ്ങള്ക്കായി 1,000 രൂപ എന്നിങ്ങനെയാണ് പുതിയ നിരക്ക്. റോഡുകളില് നിന്ന് പഴയതും സുരക്ഷിതമല്ലാത്തതുമായ വാഹനങ്ങള് നീക്കം ചെയ്യാനും വാഹന സ്ക്രാപ്പേജ് നയത്തെ പ്രോത്സാഹിപ്പിക്കാനുമാണ് ഈ ഫീസ് വര്ധനയെന്ന് സര്ക്കാര് അറിയിച്ചു. ഉയര്ന്ന നിരക്ക് പഴക്കം ചെന്ന വാഹനങ്ങള് ഉപയോഗിക്കുന്നത് ചെലവേറിയതാക്കിയതിനാല്, അവ മാറ്റി പുതിയ മോഡലുകള് വാങ്ങാന് ഉടമകള് നിര്ബന്ധിതരാകുമെന്നും വിലയിരുത്തപ്പെടുന്നു.പുതിയ ഫീസ് രാജ്യത്തുടനീളം ഉടന് പ്രാബല്യത്തില് വന്നു.
kerala
മുസ്ലിം ലീഗ് നേതാവ് എന്.കെ.സി. ഉമ്മര് സാഹിബിന്റെ നിര്യാണത്തില് അനുശോചിച്ച് കെ. സൈനുല് ആബിദീന് സഫാരി
പാനൂര് മഹല്ല് ജമാഅത്തിന്റെ പ്രസിഡന്റ് ആയിരുന്ന എന്.കെ.സി. ഉമ്മര് സാഹിബ് (80) വിയോഗം നാടിന്റെ തീരാനഷ്ടമാണെന്ന് അദ്ദേഹം പറഞ്ഞു.
മുസ്ലിം ലീഗ് നേതാവ് എന്.കെ.സി. ഉമ്മര് സാഹിബിന്റെ നിര്യാണത്തില് അനുശോചിച്ച് മുസ്ലിം ലീഗ് ദേശീയ വൈസ് പ്രസിഡന്റ് കെ. സൈനുല് ആബിദീന് സഫാരി. പാനൂര് മഹല്ല് ജമാഅത്തിന്റെ പ്രസിഡന്റ് ആയിരുന്ന എന്.കെ.സി. ഉമ്മര് സാഹിബ് (80) വിയോഗം നാടിന്റെ തീരാനഷ്ടമാണെന്ന് അദ്ദേഹം പറഞ്ഞു. ഉമ്മര് സാഹിബ് പകര്ന്ന മാനുഷികതയും വിലപ്പെട്ട ഓര്മ്മകളും പാനൂരിലെയും സമീപ പ്രദേശങ്ങളിലിലെയും പൊതുപ്രവര്ത്തകരുടെ കര്മ്മമണ്ഡലങ്ങളില് ഒരു വഴികാട്ടിയായിരിക്കുമെന്നും സൈനുല് ആബിദീന് സഫാരി ഫേസ്ബുക്ക് പോസ്റ്റില് കുറിച്ചു.
ഫേസ്ബുക്ക് പോസ്റ്റിന്റെ പൂര്ണരൂപം;
ഓര്മ്മകളില് ജ്വലിച്ച് എന്.കെ.സി
കെ. സൈനുല് ആബിദീന് സഫാരി
(മുസ്ലിം ലീഗ് ദേശീയ വൈസ് പ്രസിഡന്റ്)
പാനൂര് മഹല്ല് ജമാഅത്തിന്റെ പ്രസിഡന്റും മുസ്ലിം ലീഗിന്റെ സമുജ്ജ്വല നേതാവുമായിരുന്ന എന്.കെ.സി. ഉമ്മര് സാഹിബ് (80) വിയോഗം നാടിന്റെ തീരാനഷ്ടമാണ്. വ്യക്തിപരമായും പൊതുരംഗത്തും അദ്ദേഹവുമായി അടുത്ത ബന്ധം സൂക്ഷിച്ചിരുന്ന എന്റെ മനസില് ഈ വിയോഗം മാനസികമായ വലിയ വേദനയാണ് സൃഷ്ടിച്ചിരിക്കുന്നത്.
എന്.കെ.സി. ഉമ്മര് സാഹിബിനെ ആദ്യം പരിചയപ്പെട്ടത്, എന്റെ സഹോദരിയുടെ ഭര്ത്താവും മുസ്ലിം ലീഗിന്റെ പ്രമുഖനുമായ കെ.കെ. മുഹമ്മദ് വഴിയായിരുന്നു. ബാല്യകാലം മുതലേ കെ.കെ. മുഹമ്മദ് സാഹിബുമായി അദ്ദേഹം അടുത്ത സൗഹൃദത്തിലായിരുന്നു. പിന്നീട്, ആ സൗഹൃദബന്ധത്തില് ഞാനും പങ്കാളിയായി. അദ്ദേഹത്തിന്റെ കുടുംബവുമായും എനിക്ക് ഹൃദയബന്ധം നിലനിന്നിരുന്നു.
‘പാനൂര്’ എന്ന വാക്ക് കേള്ക്കുമ്പോള് ഓര്മ്മയില് ആദ്യം പ്രത്യക്ഷപ്പെടുന്ന മുഖങ്ങളിലൊന്ന് എന്.കെ.സി. ഉമ്മര് സാഹിബിന്റേതാണ്. മുസ്ലിം ലീഗിന്റെ പ്രവര്ത്തനമേഖലയായാലും, മഹല്ല് ജമാഅത്തിന്റെ കാര്യങ്ങളായാലും, പാനൂരിന്റെ പര്യായമായിരുന്നു എന്.കെ.സി മുസ്ലിം ലീഗ് കൂത്തുപറമ്പ് മണ്ഡലം മുന് ട്രഷറര് എന്ന നിലയില് ലീഗിന്റെ വളര്ച്ചയ്ക്കും ഉയര്ച്ചക്കും അദ്ദേഹം നല്കിയ സംഭാവനകള് അതുല്യമാണ്. പാരമ്പര്യമുള്ള ഒരു കുടുംബത്തിന്റെ വൈഭവം അദ്ദേഹം ജീവിതത്തിലുടനീളം പ്രതിഫലിപ്പിച്ചു.
പാനൂരിന്റെ ചരിത്രത്തിലെ ഒരു പ്രധാന അധ്യായമായിരുന്നു എന്.കെ.സി, കെ.എം. സൂപ്പി കൂട്ടുകെട്ട്. കെ.എം. സൂപ്പി സാഹിബിനെ മുസ്ലിം ലീഗില് എത്തിക്കുന്നതിലും അദ്ദേഹം നിര്ണായകമായ നേതൃപങ്ക് വഹിച്ചു. അതുപോലെ, എന്റെ ഭാര്യയുടെ കുടുംബമായ പുല്ലാഞ്ഞിയോട്ട് കുടുംബവുമായും അദ്ദേഹത്തിന് വലിയ അടുപ്പമുണ്ടായിരുന്നു. ഭാര്യാപിതാവുമായുള്ള അദ്ദേഹത്തിന്റെ സൗഹൃദം ഏറെ സ്നേഹപൂര്ണ്ണമായിരുന്നു. വ്യക്തിബന്ധങ്ങള്ക്ക് അദ്ദേഹം നല്കിയിരുന്ന പ്രാധാന്യം വാക്കുകള് കൊണ്ട് വിവരിക്കാനാവാത്തതാണ്.
അദ്ദേഹം അസുഖബാധിതനായി കഴിയുമ്പോള് ഞാന് സന്ദര്ശിച്ചിരുന്നു. ആ അവസരത്തിലെ അദ്ദേഹത്തിന്റെ വാക്കുകളും സ്നേഹപൂര്ണ്ണമായ പെരുമാറ്റവും ഇന്നും മനസില് തിളക്കത്തോടെ നില്ക്കുന്നുണ്ട്.
പ്രിയപ്പെട്ട ഉമ്മര് സാഹിബിന്റെ വേര്പാട് പൊതുപ്രവര്ത്തന രംഗത്ത് ഒരു ശൂന്യത സൃഷ്ടിച്ചേക്കാം. എങ്കിലും, അദ്ദേഹം പകര്ന്ന മാനുഷികതയും വിലപ്പെട്ട ഓര്മ്മകളും പാനൂരിലെയും സമീപ പ്രദേശങ്ങളിലിലെയും പൊതുപ്രവര്ത്തകരുടെ കര്മ്മമണ്ഡലങ്ങളില് ഒരു വഴികാട്ടിയായിരിക്കും.
ഭാര്യ ഹാജറ, മക്കളായ സൈബുന്നിസ, ഷമീം (ദുബായ്), സമീര് (സ്വര്ണ്ണ മഹല്), സഹീര്, ശക്കീര് (ഖത്തര്), സബീന, സൈബു എന്നിവര്ക്കും മരുമക്കളായ ഷംസു പോയില് (ദുബായ്), സുബൈര് (ബഹ്റൈന്), സറീന, സാജിറ, ജസീല, ആബിദ എന്നിവര്ക്കും സഹോദരങ്ങളായ കെ.സി. അബ്ദുള്ള, ഉസ്മാന് നെല്ലൂര്, പരേതരായ അബു, മഹമൂദ്, യൂസഫ്, അബൂബക്കര്, ആസ്യ എന്നിവര്ക്കും അവരുടെ മുഴുവന് കുടുംബാംഗങ്ങള്ക്കുമൊപ്പം ഞാനും എന്റെ കുടുംബവും ദുഃഖത്തില് പങ്കുചേരുന്നു.
-
india1 day agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News1 day agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india2 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala1 day agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
kerala2 days agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്
-
india1 day agoഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം
-
More22 hours agoപുരുഷന്മാര് മാത്രമുള്ള എല്ഡിഎഫ് പ്രകടനപത്രിക പ്രകാശനം; രൂക്ഷ വിമര്ശനവുമായി ഇടത് അനുഭാവികൾ