kerala
മുസ്ലിം ലീഗ് നേതാവ് എന്.കെ.സി. ഉമ്മര് സാഹിബിന്റെ നിര്യാണത്തില് അനുശോചിച്ച് കെ. സൈനുല് ആബിദീന് സഫാരി
പാനൂര് മഹല്ല് ജമാഅത്തിന്റെ പ്രസിഡന്റ് ആയിരുന്ന എന്.കെ.സി. ഉമ്മര് സാഹിബ് (80) വിയോഗം നാടിന്റെ തീരാനഷ്ടമാണെന്ന് അദ്ദേഹം പറഞ്ഞു.
മുസ്ലിം ലീഗ് നേതാവ് എന്.കെ.സി. ഉമ്മര് സാഹിബിന്റെ നിര്യാണത്തില് അനുശോചിച്ച് മുസ്ലിം ലീഗ് ദേശീയ വൈസ് പ്രസിഡന്റ് കെ. സൈനുല് ആബിദീന് സഫാരി. പാനൂര് മഹല്ല് ജമാഅത്തിന്റെ പ്രസിഡന്റ് ആയിരുന്ന എന്.കെ.സി. ഉമ്മര് സാഹിബ് (80) വിയോഗം നാടിന്റെ തീരാനഷ്ടമാണെന്ന് അദ്ദേഹം പറഞ്ഞു. ഉമ്മര് സാഹിബ് പകര്ന്ന മാനുഷികതയും വിലപ്പെട്ട ഓര്മ്മകളും പാനൂരിലെയും സമീപ പ്രദേശങ്ങളിലിലെയും പൊതുപ്രവര്ത്തകരുടെ കര്മ്മമണ്ഡലങ്ങളില് ഒരു വഴികാട്ടിയായിരിക്കുമെന്നും സൈനുല് ആബിദീന് സഫാരി ഫേസ്ബുക്ക് പോസ്റ്റില് കുറിച്ചു.
ഫേസ്ബുക്ക് പോസ്റ്റിന്റെ പൂര്ണരൂപം;
ഓര്മ്മകളില് ജ്വലിച്ച് എന്.കെ.സി
കെ. സൈനുല് ആബിദീന് സഫാരി
(മുസ്ലിം ലീഗ് ദേശീയ വൈസ് പ്രസിഡന്റ്)
പാനൂര് മഹല്ല് ജമാഅത്തിന്റെ പ്രസിഡന്റും മുസ്ലിം ലീഗിന്റെ സമുജ്ജ്വല നേതാവുമായിരുന്ന എന്.കെ.സി. ഉമ്മര് സാഹിബ് (80) വിയോഗം നാടിന്റെ തീരാനഷ്ടമാണ്. വ്യക്തിപരമായും പൊതുരംഗത്തും അദ്ദേഹവുമായി അടുത്ത ബന്ധം സൂക്ഷിച്ചിരുന്ന എന്റെ മനസില് ഈ വിയോഗം മാനസികമായ വലിയ വേദനയാണ് സൃഷ്ടിച്ചിരിക്കുന്നത്.
എന്.കെ.സി. ഉമ്മര് സാഹിബിനെ ആദ്യം പരിചയപ്പെട്ടത്, എന്റെ സഹോദരിയുടെ ഭര്ത്താവും മുസ്ലിം ലീഗിന്റെ പ്രമുഖനുമായ കെ.കെ. മുഹമ്മദ് വഴിയായിരുന്നു. ബാല്യകാലം മുതലേ കെ.കെ. മുഹമ്മദ് സാഹിബുമായി അദ്ദേഹം അടുത്ത സൗഹൃദത്തിലായിരുന്നു. പിന്നീട്, ആ സൗഹൃദബന്ധത്തില് ഞാനും പങ്കാളിയായി. അദ്ദേഹത്തിന്റെ കുടുംബവുമായും എനിക്ക് ഹൃദയബന്ധം നിലനിന്നിരുന്നു.
‘പാനൂര്’ എന്ന വാക്ക് കേള്ക്കുമ്പോള് ഓര്മ്മയില് ആദ്യം പ്രത്യക്ഷപ്പെടുന്ന മുഖങ്ങളിലൊന്ന് എന്.കെ.സി. ഉമ്മര് സാഹിബിന്റേതാണ്. മുസ്ലിം ലീഗിന്റെ പ്രവര്ത്തനമേഖലയായാലും, മഹല്ല് ജമാഅത്തിന്റെ കാര്യങ്ങളായാലും, പാനൂരിന്റെ പര്യായമായിരുന്നു എന്.കെ.സി മുസ്ലിം ലീഗ് കൂത്തുപറമ്പ് മണ്ഡലം മുന് ട്രഷറര് എന്ന നിലയില് ലീഗിന്റെ വളര്ച്ചയ്ക്കും ഉയര്ച്ചക്കും അദ്ദേഹം നല്കിയ സംഭാവനകള് അതുല്യമാണ്. പാരമ്പര്യമുള്ള ഒരു കുടുംബത്തിന്റെ വൈഭവം അദ്ദേഹം ജീവിതത്തിലുടനീളം പ്രതിഫലിപ്പിച്ചു.
പാനൂരിന്റെ ചരിത്രത്തിലെ ഒരു പ്രധാന അധ്യായമായിരുന്നു എന്.കെ.സി, കെ.എം. സൂപ്പി കൂട്ടുകെട്ട്. കെ.എം. സൂപ്പി സാഹിബിനെ മുസ്ലിം ലീഗില് എത്തിക്കുന്നതിലും അദ്ദേഹം നിര്ണായകമായ നേതൃപങ്ക് വഹിച്ചു. അതുപോലെ, എന്റെ ഭാര്യയുടെ കുടുംബമായ പുല്ലാഞ്ഞിയോട്ട് കുടുംബവുമായും അദ്ദേഹത്തിന് വലിയ അടുപ്പമുണ്ടായിരുന്നു. ഭാര്യാപിതാവുമായുള്ള അദ്ദേഹത്തിന്റെ സൗഹൃദം ഏറെ സ്നേഹപൂര്ണ്ണമായിരുന്നു. വ്യക്തിബന്ധങ്ങള്ക്ക് അദ്ദേഹം നല്കിയിരുന്ന പ്രാധാന്യം വാക്കുകള് കൊണ്ട് വിവരിക്കാനാവാത്തതാണ്.
അദ്ദേഹം അസുഖബാധിതനായി കഴിയുമ്പോള് ഞാന് സന്ദര്ശിച്ചിരുന്നു. ആ അവസരത്തിലെ അദ്ദേഹത്തിന്റെ വാക്കുകളും സ്നേഹപൂര്ണ്ണമായ പെരുമാറ്റവും ഇന്നും മനസില് തിളക്കത്തോടെ നില്ക്കുന്നുണ്ട്.
പ്രിയപ്പെട്ട ഉമ്മര് സാഹിബിന്റെ വേര്പാട് പൊതുപ്രവര്ത്തന രംഗത്ത് ഒരു ശൂന്യത സൃഷ്ടിച്ചേക്കാം. എങ്കിലും, അദ്ദേഹം പകര്ന്ന മാനുഷികതയും വിലപ്പെട്ട ഓര്മ്മകളും പാനൂരിലെയും സമീപ പ്രദേശങ്ങളിലിലെയും പൊതുപ്രവര്ത്തകരുടെ കര്മ്മമണ്ഡലങ്ങളില് ഒരു വഴികാട്ടിയായിരിക്കും.
ഭാര്യ ഹാജറ, മക്കളായ സൈബുന്നിസ, ഷമീം (ദുബായ്), സമീര് (സ്വര്ണ്ണ മഹല്), സഹീര്, ശക്കീര് (ഖത്തര്), സബീന, സൈബു എന്നിവര്ക്കും മരുമക്കളായ ഷംസു പോയില് (ദുബായ്), സുബൈര് (ബഹ്റൈന്), സറീന, സാജിറ, ജസീല, ആബിദ എന്നിവര്ക്കും സഹോദരങ്ങളായ കെ.സി. അബ്ദുള്ള, ഉസ്മാന് നെല്ലൂര്, പരേതരായ അബു, മഹമൂദ്, യൂസഫ്, അബൂബക്കര്, ആസ്യ എന്നിവര്ക്കും അവരുടെ മുഴുവന് കുടുംബാംഗങ്ങള്ക്കുമൊപ്പം ഞാനും എന്റെ കുടുംബവും ദുഃഖത്തില് പങ്കുചേരുന്നു.
kerala
ശബരിമലയിലെ തിരക്ക് സ്വന്തം കെടുകാര്യസ്ഥത മറച്ചുവെക്കാനുള്ള സര്ക്കാറിന്റെ നീക്കത്തിനിടെ ഉണ്ടാക്കിവെച്ച പിടിപ്പുകേട്; കെ.സി വേണുഗോപാല്
ഇനിയെങ്കിലും യുദ്ധകാലാടിസ്ഥാനത്തില് തയ്യാറെടുപ്പുകള് നടത്തണമെന്നും കെ.സി വേണുഗോപാല് ആവശ്യപ്പെട്ടു.
ശബരിമലയില് സര്ക്കാര് ഉത്തരവാദിത്ത ബോധമില്ലാതെ പെരുമാറിയെന്നും നിരുത്തരവാദപരമായ സമീപനം കാരണമാണ് ഇന്നത്തെ അസാധാരണമായ തിരക്കുണ്ടായതെന്നും എഐസിസി ജനറല് സെക്രട്ടറി കെ.സി വേണുഗോപാല്. മുന്വര്ഷങ്ങളെ അപേക്ഷിച്ച് ഇത്തവണ റിവ്യൂ മീറ്റിങുകളൊന്നും നടന്നില്ല. ചെയ്യേണ്ട കാര്യങ്ങളൊന്നും സര്ക്കാര് ചെയ്തില്ല. ഇനിയെങ്കിലും യുദ്ധകാലാടിസ്ഥാനത്തില് തയ്യാറെടുപ്പുകള് നടത്തണമെന്നും കെ.സി വേണുഗോപാല് ആവശ്യപ്പെട്ടു.
‘സംസ്ഥാന സര്ക്കാരിന്റെ പൂര്ണമായ നിരുത്തരവാദപരമായ സമീപനം കാരണമാണ് ഇന്നത്തെ അസാധാരണമായ തിരക്ക്. സ്വര്ണക്കൊള്ളയുമായി ബന്ധപ്പെട്ട വിവാദങ്ങളില് നിന്ന് മുഖം രക്ഷിക്കാനുള്ള ശ്രമങ്ങള്ക്കിടെ ഇക്കാര്യം ഇവര് പൂര്ണമായും അവഗണിക്കുകയായിരുന്നു. മുന്കാലങ്ങളിലൊക്കെ എത്ര റിവ്യൂ മീറ്റിങുകള് നടത്താറുണ്ട്. എല്ലാ ഏജന്സികളെയും വിളിച്ചുകൂട്ടി സാധാരണ റിവ്യൂ മീറ്റിങുകള് നടത്താറുണ്ട്. എന്നാല്, ഇത്തവണ അതൊന്നും കണ്ടില്ല.’ കെ.സി പറഞ്ഞു.
തെരഞ്ഞെടുപ്പിനെ കുറ്റം പറഞ്ഞതുകൊണ്ട് മാത്രം ഒന്നും ആയില്ല, സ്വന്തം കെടുകാര്യസ്ഥത മറച്ചുവെക്കാനുള്ള ശ്രമത്തിനിടെ ഉണ്ടാക്കിവെച്ച പിടിപ്പുകേടാണ് ഇന്നത്തെ ശബരിമലയിലെ തിരക്കെന്നും കെ.സി വേണുഗോപാല് മാധ്യമങ്ങളോട് പറഞ്ഞു.
വൃശ്ചിക പുലരിയില് നിരവധി ഭക്തരാണ് ശബരിമലയിലേക്ക് എത്തിച്ചേര്ന്നത്. ഇന്നലെ മാത്രം മല കയറിയത് ഒരു ലക്ഷത്തിലധികം തീര്ഥാടകരാണ്. തിക്കിലും തിരക്കിലും പെട്ട് ഒരാള് കുഴഞ്ഞ് വീണ് മരിച്ചിരുന്നു. കോഴിക്കോട് കൊയിലാണ്ടി സ്വദേശിനിയായ സതിയാണ് മരിച്ചത്. ഇവരുടെ മൃതദേഹം പമ്പ ഗവണ്മെന്റ് ആശുപത്രിയിലേക്ക് മാറ്റി. നടപ്പന്തല്, അപ്പാച്ചിമേട്, മരക്കൂട്ടം, ശരംകുത്തി, എന്നിവിടങ്ങളില് കനത്ത ക്യൂ തുടരുകയാണ്.
kerala
കേബിള് ടി.വി പങ്കാളിത്ത വാഗ്ദാനത്തില് ഏഴുലക്ഷം തട്ടിയ യുവാവ് അറസ്റ്റില്
കേബിള് ടി.വി നെറ്റ് വര്ക്കില് പങ്കാളിത്തം നല്കാമെന്ന വ്യാജവാഗ്ദാനത്തില് നിന്നാണ് ഏഴുലക്ഷം രൂപ തട്ടിയെടുത്ത യുവാവിനെ വണ്ടിപ്പെരിയാര് പൊലീസ് അറസ്റ്റ് ചെയ്തത്.
കുമളി: കേബിള് ടി.വി നെറ്റ് വര്ക്കില് പങ്കാളിത്തം നല്കാമെന്ന വ്യാജവാഗ്ദാനത്തില് നിന്നാണ് ഏഴുലക്ഷം രൂപ തട്ടിയെടുത്ത യുവാവിനെ വണ്ടിപ്പെരിയാര് പൊലീസ് അറസ്റ്റ് ചെയ്തത്. ഇടുക്കി കൊച്ചറ സ്വദേശിയായ വിമോന് (35) ആണ് പിടിയിലായത്. മൂന്ന് വര്ഷങ്ങള്ക്ക് മുമ്പ് വണ്ടിപ്പെരിയാര് വാളാര്ഡി, വള്ളക്കടവ് പ്രദേശത്തെ ഗ്ലോബല് ടി.വി നെറ്റ് വര്ക്കില് പങ്കാളിത്തവും ലാഭവിഹിതവും വാഗ്ദാനം ചെയ്ത് സ്ത്രീയോട് ഏഴുലക്ഷം രൂപ വാങ്ങിയെന്നാണ് പൊലീസ് അറിയിച്ചത്. എന്നാല് കരാറനുസരിച്ച് ലാഭവിഹിതം നല്കാതിരുന്നതിനാല് തുക ആവശ്യപ്പെട്ടപ്പോള് പോലും തിരികെ നല്കാത്തതിനെ തുടര്ന്ന് പരാതി നല്കിയിരുന്നു. വണ്ടിപ്പെരിയാര് എസ്.ഐ ജയകൃഷ്ണന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. പിന്നീട് പ്രതിയെ പീരുമേട് കോടതിയില് ഹാജരാക്കി.
kerala
മരണപ്പെട്ട ഒമ്പതുകാരനെ അവഹേളിച്ച് ഫേസ്ബുക്കില് കമന്റ്; യുവാവിനെ സൈബര് പൊലീസ് അറസ്റ്റ് ചെയ്തു
സംഭവവിവരം അറിയിച്ച് മുരളി കൃഷ്ണന് ഫേസ്ബുക്കില് പോസ്റ്റ് ചെയ്ത വിവരത്തിനടിയിലാണ് ആകാശ് അശ്ലീല കമന്റ് രേഖപ്പെടുത്തിയത്.
ആലപ്പുഴ: പുന്നപ്രയില് സൈക്കിളില് പോകുന്നതിനിടെ കാറിടിച്ച് മരിച്ച ഒമ്പതു വയസ്സുകാരനായ മുഹമ്മദ് സഹിലിനെതിരെ ഫേസ്ബുക്കില് അശ്ലീല കമന്റിട്ട കേസില് കൊല്ലം ശൂരനാട് സ്വദേശി ആകാശ് ശശിധരനെ സൈബര് പൊലീസ് അറസ്റ്റ് ചെയ്തു. ഒക്ടോബര് മൂന്നിനായിരുന്നു മുഹമ്മദ് സഹിലിന്റെ ദാരുണ മരണവുമായി ബന്ധപ്പെട്ട അപകടം. സംഭവവിവരം അറിയിച്ച് മുരളി കൃഷ്ണന് ഫേസ്ബുക്കില് പോസ്റ്റ് ചെയ്ത വിവരത്തിനടിയിലാണ് ആകാശ് അശ്ലീല കമന്റ് രേഖപ്പെടുത്തിയത്. ഇത് കണ്ടതോടെ കുടുംബം ശക്തമായി പ്രതികരിച്ചു. മരണശേഷം നടന്ന ചടങ്ങുകളില് പങ്കെടുക്കാന് വിദേശത്തായതിനാല് സാധിക്കാതിരുന്ന സഹിലിന്റെ പിതാവ് അബ്ദുസലാം പിന്നീട് നാട്ടിലെത്തിയപ്പോള് സുഹൃത്ത് പങ്കുവെച്ച പോസ്റ്റിന് കീഴെയുള്ള ആക്ഷേപഹാസ്യമൂല്യമായ കമന്റ് ശ്രദ്ധയില്പ്പെട്ടു. തുടര്ന്ന് അബ്ദസലാം പുന്നപ്ര പൊലീസിലും സൈബര് സെല്ലിലും പരാതി നല്കി. പരാതി അടിസ്ഥാനമാക്കി നടത്തിയ അന്വേഷണത്തിനൊടുവിലാണ് ആകാശിനെ പൊലീസ് അറസ്റ്റ് ചെയ്തത്.
-
india22 hours agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF1 day agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News24 hours agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india3 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala3 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala3 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
india2 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala23 hours agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി