Video Stories
ഇ.അഹമ്മദിന് സച്ചിന് ടെണ്ടുല്‍ക്കറുടെ ആദരം
കോഴിക്കോട്: അന്തരിച്ച മുസ്‌ലിം ലീഗ് ദേശീയ പ്രസിഡണ്ടും കേന്ദ്ര മന്ത്രിയുമായിരുന്ന ഇ.അഹമ്മദിന് ക്രിക്കറ്റ് ഇതിഹാസം സച്ചിന് ടെണ്ടുല്‍ക്കറുടെ ആദരം. ഇന്നലെ ആസ്റ്റംര്‍ മിംസ് സ്‌പോര്‍ട്‌സ് മെഡിസിന്‍ സെന്റര്‍ ഉദ്ഘാടനം ചെയ്യാനെത്തിയ വേളയിലാണ് ഇ.അഹമ്മദിനെ സച്ചിന് സ്മരിച്ചത്. ഉദ്ഘാടന പ്രസംഗത്തിനായി ക്ഷണിച്ചപ്പോഴാണ് കേരളം ഇന്ത്യക്ക് സംഭാവന ചെയ്ത സീനിയര്‍ ലീഡര്‍ ഇ.അഹമ്മദിന് എന്റെ പ്രണാമം എന്ന് സംസാരിച്ച് സച്ചിന് തുടങ്ങിയത്. സച്ചിന് മുമ്പ് സംസാരിച്ച ആസ്റ്റംര്‍ മിംസ് ചെയര്‍മാന്‍ ഡോ.ആസാദ് മൂപ്പന്‍ സ്വാഗത പ്രസംഗം ആരംഭിച്ചതും ഇ.അഹമ്മദിനെ സ്മരിച്ചാണ്.
മിംസ് ഉള്‍പ്പെടെയുളള സ്ഥാപനങ്ങള്‍ക്കും കേരളത്തിന്റെയും ഇന്ത്യയുടെയും വികസനത്തിന് അവിശ്രമം പോരാടിയ ഇ.അഹമ്മദിന് വേണ്ടിയുളള പ്രാര്‍ത്ഥനയോടെയാണ് ചടങ്ങ് ആരംഭിക്കുന്നത് എന്ന പറഞ്ഞാണ് ഒരു മിനുട്ട് മൗന പ്രാര്‍ത്ഥനയോടെ ഉദ്ഘാടനം ആരംഭിച്ചത്. അല്‍പ്പം വൈകി വേദിയിലെത്തിയ സച്ചിന് വേണ്ടി ആരാധകര്‍ ആര്‍ത്തുവിളിച്ചപ്പോള്‍ ആസാദ് മൂപ്പന്‍ ഇടപ്പെട്ടാണ് പ്രധാനപ്പെട്ട ഒരു ചടങ്ങിന് ശേഷം മാത്രമേ ഉദ്ഘാടനം ആരംഭിക്കുകയുളളുവെന്ന് വ്യക്തമാക്കിയതും ഇ.അഹമ്മദിന്റെ കാര്യം പറഞ്ഞതും.
കോഴിക്കോട് നഗരത്തില്‍ ഇന്നലെ നടന്ന മിക്ക പൊതു തു ചടങ്ങുകളും ആരംഭിച്ചത് ഇ.അഹമ്മദിന് ആദരാഞ്ജലികള്‍ അര്‍പ്പിച്ചാണ്.കോഴിക്കോട്ടെ തന്റെ ആദ്യ വരവ് പരാമര്‍ശിച്ചാണ് സച്ചിന് പിന്നീട് സംസാരിച്ചത്. അന്ന് ഞാന്‍ മിശ മുളക്കാത്ത പയ്യനായിരുന്നു. ഷേവിംഗ് പോലും ആവശ്യമായിരുന്നില്ല. ഇപ്പോള്‍ മുപ്പതോളം വര്‍ഷമായി. ആകെ ഞാനും മാറി കോഴിക്കോടും മാറി. ഇവിടെ ഇത്രയും നാള്‍ വരാതിരുന്നതില്‍ വേദനയുണ്ട്. ഇനി തീര്‍ച്ചയായും വരും. കളി നിര്‍ത്തിയെങ്കിലും പ്രോമോഷണല്‍ ക്രിക്കറ്റുണ്ടല്ലോ… ഡോ.മൂപ്പന്‍ ആരംഭിക്കുന്ന സ്‌പോര്‍ട്‌സ് മെഡിസിന്‍ സെന്റര്‍ തനിക്ക് പ്രയോജനപ്പെടുമെന്നും അദ്ദേഹം പറഞ്ഞു.
ഫുട്‌ബോളിനെ കലവറയില്ലാതെ സ്‌നേഹിക്കുന്നവരാണ് മലയാളികള്‍. തന്റെ ടീമായ കേരളാ ബ്ലാസ്‌റ്റേഴ്‌സിന് വേണ്ടി എല്ലാവരും ഒറ്റക്കെട്ടായി നിന്നു. ബ്ലാസ്‌റ്റേഴസിന് പോയ സീസണ്‍ ദുഷ്‌ക്കരമായിരുന്നു. പുതിയ കോച്ചും ടീമും. പക്ഷേ നാട്ടുകാരുടെ പിന്തുണയില്‍ ടീം ആകെ മാറി. ഫൈനല്‍ വരെയെത്തി. ഇവിടെയും മഞ്ഞപ്പടയെ കാണുമ്പോള്‍ വലിയ സന്തോഷമുണ്ട്. ആരോഗ്യ കാര്യങ്ങള്‍ താരങ്ങള്‍ പലപ്പോഴും ശ്രദ്ധിക്കാറില്ല. എപ്പോഴും ടീമിന് വേണ്ടി, രാജ്യത്തിന് വേണ്ടി സ്വയം മറക്കുന്നവരാണ് താരങ്ങള്‍.
അതിനാല്‍ തന്നെ ആരോഗ്യ പ്രശ്‌നങ്ങള്‍ വരും. ആരോഗ്യം സംരക്ഷിക്കാന്‍ നല്ല ഡോക്ടര്‍മാരും ചികില്‍സയും ഉറപ്പ് വരുത്താന്‍ ആസ്റ്റര്‍ മിംസിനെ പോലുള്ള സ്ഥാപനങ്ങള്‍ക്ക് കഴിയും. ആരോഗ്യം സംരക്ഷിക്കപ്പെടുമ്പോഴാണ് താരങ്ങള്‍ക്ക് മികച്ച പ്രകടനം നടത്താന്‍ കഴിയൂ-സച്ചിന് പറഞ്ഞു. ഒരു മണിക്കൂറോളം വേദിയില്‍ ചെലവിട്ട് കാണികള്‍ക്കൊപ്പം സെല്‍ഫിയുമെടുത്താണ് സച്ചിന് മടങ്ങിയത്.
News
രാജ്യത്തിനായി ഞായറാഴ്ച്ച പ്രത്യേക പ്രാര്‍ത്ഥന; ആഹ്വാനവുമായി മലങ്കര ഓര്‍ത്തഡോക്‌സ് സഭ
അതിര്‍ത്തി സംരക്ഷിക്കുന്ന സൈനികര്‍ സുരക്ഷിതരായിരിക്കാന്‍ പ്രാര്‍ത്ഥിക്കണമെന്നും യുദ്ധത്തിലേക്ക് നീങ്ങാതെ സമാധാനം പുനഃസ്ഥാപിക്കപ്പെടാന്‍ വേണ്ടി പ്രാര്‍ത്ഥിക്കണമെന്നും പരിശുദ്ധ കാതോലിക്കാബാവാ ആവശ്യപ്പെട്ടു.
രാജ്യത്തിനായി ഞായറാഴ്ച്ച പ്രത്യേകം പ്രാര്‍ത്ഥന നടത്താന്‍ ആഹ്വാനവുമായി മലങ്കര ഓര്‍ത്തഡോക്‌സ് സഭ. ഭാരതത്തിനും, സൈനികര്‍ക്കും, അതിര്‍ത്തിയിലെ ജനസമൂഹത്തിനും വേണ്ടി പ്രത്യേക പ്രാര്‍ത്ഥന നടത്തണമെന്ന് പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവാ ആഹ്വാനം ചെയ്തു.
അതിര്‍ത്തി സംരക്ഷിക്കുന്ന സൈനികര്‍ സുരക്ഷിതരായിരിക്കാന്‍ പ്രാര്‍ത്ഥിക്കണമെന്നും യുദ്ധത്തിലേക്ക് നീങ്ങാതെ സമാധാനം പുനഃസ്ഥാപിക്കപ്പെടാന്‍ വേണ്ടി പ്രാര്‍ത്ഥിക്കണമെന്നും പരിശുദ്ധ കാതോലിക്കാബാവാ ആവശ്യപ്പെട്ടു. ഞായറാഴ്ച്ച വിശുദ്ധ കുര്‍ബാന മധ്യേ മലങ്കരസഭയിലെ മുഴുവന്‍ പള്ളികളിലും രാജ്യത്തിന് വേണ്ടി പ്രാര്‍ത്ഥന നടത്തുമെന്നും അദ്ദേഹം പറഞ്ഞു.
അതേസമയം ഇന്ത്യയുടെ തിരിച്ചടിയില്‍ പാകിസ്താന് വന്‍ നാശനഷ്ടമുണ്ടായതായും റിപ്പോര്‍ട്ടുണ്ട്.
kerala
താമരശ്ശേരി ഷഹബാസ് കൊലക്കേസ്: കുറ്റാരോപിതരായ വിദ്യാര്‍ത്ഥികളുടെ എസ്.എസ്.എല്‍.സി പരീക്ഷാ ഫലം പ്രസിദ്ധീകരിച്ചില്ല
വിദ്യാര്‍ത്ഥികള്‍ കേസില്‍ പ്രതികളായ സാഹചര്യത്തിലാണ് പരീക്ഷാ ഫലം തടഞ്ഞുവെച്ചിരിക്കുന്നത്.
താമരശ്ശേരി ഷഹബാസ് കൊലക്കേസില്‍ കുറ്റാരോപിതരായ ആറ് വിദ്യാര്‍ത്ഥികളുടെയും എസ്.എസ്.എല്‍.സി പരീക്ഷാ ഫലം പ്രസിദ്ധീകരിച്ചില്ല. വിദ്യാര്‍ത്ഥികള്‍ കേസില്‍ പ്രതികളായ സാഹചര്യത്തിലാണ് പരീക്ഷാ ഫലം തടഞ്ഞുവെച്ചിരിക്കുന്നത്. അതേസമയം ഇവരുടെ ഫലം പ്രസിദ്ധീകരിക്കാത്തത് എന്തുകൊണ്ടെന്ന് അറിയില്ലെന്ന് താമരശ്ശേരി ജി വി എച്ച് എസ് എസ് അധികൃതര്‍ വ്യക്തമാക്കി.
കേസില്‍ കുറ്റാരോപിതരായ് വിദ്യാര്‍ത്ഥികള്‍ നിലവില്‍ വെള്ളിമാടുകുന്ന് ഒബ്‌സര്‍വേഷന്‍ ഹോമിലാണ്. വിദ്യാര്‍ത്ഥികളെ എസ്.എസ്.എല്‍.സി പരീക്ഷ എഴുതാന്‍ അനുവദിച്ചത് വലിയ വിവാദത്തിലേക്ക് നയിച്ചിരുന്നു. പരീക്ഷാ സെന്ററുകളിലേക്കടക്കം വിദ്യാര്‍ഥി -യുവജന സംഘടനകള്‍ കടുത്ത പ്രതിഷേധം നടത്തിയിരുന്നു.
എളേറ്റില്‍ വട്ടോളി എം.ജെ. ഹയര്‍സെക്കന്‍ഡറി സ്‌കൂള്‍ പത്താം ക്ലാസ് വിദ്യാര്‍ഥിയായിരുന്നു മരിച്ച മുഹമ്മദ് ഷഹബാസ്.
പഞ്ചാബിലെ എസ്ബിഎസ് നഗറില്‍ നിന്ന് 2 ആര്‍പിജികളും 5 ഹാന്‍ഡ് ഗ്രനേഡുകളും കണ്ടെടുത്തു. എസ്ബിഎസ് നഗറിലെ ടിബ്ബ നംഗല്‍ കുലാര്‍ റോഡിന് സമീപമുള്ള വനമേഖലയില്‍ നിന്ന് രണ്ട് റോക്കറ്റ് പ്രൊപ്പല്‍ഡ് ഗ്രനേഡുകളും അഞ്ച് ഹാന്‍ഡ് ഗ്രനേഡുകളും ഉള്‍പ്പെടെ വെടിമരുന്ന് ശേഖരം കണ്ടെടുത്തതായി സംസ്ഥാന പോലീസ് മേധാവി ചൊവ്വാഴ്ച പറഞ്ഞു.
പഞ്ചാബിലെ സ്ലീപ്പര്‍ സെല്ലുകളെ പുനരുജ്ജീവിപ്പിക്കാന്‍ പാകിസ്ഥാനിലെ ഭീകരസംഘടനകള്‍ നടത്തിയ കോര്‍ഡിനേറ്റഡ് ഓപ്പറേഷനാണ് പ്രാഥമിക അന്വേഷണം സൂചിപ്പിക്കുന്നത്,” ഡയറക്ടര്‍ ജനറല്‍ ഓഫ് പോലീസ് ഗൗരവ് യാദവ് എക്സില്‍ ഒരു പോസ്റ്റില്‍ പറഞ്ഞു.
ഒരു കേന്ദ്ര ഏജന്‍സിയുമായി ചേര്‍ന്ന് നടത്തിയ സംയുക്ത ഓപ്പറേഷനില്‍, എസ്ബിഎസ് നഗറിലെ ടിബ്ബ നംഗല്‍ കുലാര്‍ റോഡിന് സമീപമുള്ള വനമേഖലയില്‍ നിന്ന് രഹസ്യാന്വേഷണ വിഭാഗത്തിന്റെ നേതൃത്വത്തില്‍ നടത്തിയ ഓപ്പറേഷനില്‍ പഞ്ചാബ് പോലീസ് തീവ്രവാദ ഹാര്‍ഡ്വെയര്‍ ശേഖരം കണ്ടെടുത്തു.
രണ്ട് ആര്‍പിജികള്‍, രണ്ട് ഇംപ്രൊവൈസ്ഡ് എക്സ്പ്ലോസീവ് ഡിവൈസുകള്‍ (ഐഇഡി), അഞ്ച് ഹാന്‍ഡ് ഗ്രനേഡുകള്‍, ഒരു വയര്‍ലെസ് കമ്മ്യൂണിക്കേഷന്‍ സെറ്റ് എന്നിവ കണ്ടെടുത്തതായി അദ്ദേഹം പറഞ്ഞു.
അമൃത്സറിലെ സ്റ്റേറ്റ് സ്പെഷ്യല്‍ ഓപ്പറേഷന്‍ സെല്ലിന്റെ പോലീസ് സ്റ്റേഷനില്‍ ബന്ധപ്പെട്ട വകുപ്പുകള്‍ പ്രകാരം കേസ് രജിസ്റ്റര്‍ ചെയ്തിട്ടുണ്ട്.
-
india3 days agoസുപ്രിംകോടതി ചീഫ് ജസ്റ്റിസ് സഞ്ജീവ് ഖന്ന ഇന്ന് വിരമിക്കും
-
kerala3 days agoതിരൂര്‍ റെയില്‍വേ സ്റ്റേഷനിലെ റോഡ് അടച്ച നടപടി; കേന്ദ്ര മന്ത്രിക്ക് സന്ദേശമയച്ച് അബ്ദുസ്സമദ് സമദാനി എം.പി
-
india2 days ago‘സോഫിയ ഖുറേഷിയെ തീവ്രവാദിയുടെ സഹോദരിയെന്ന് വിളിച്ചവർ ഒരു നിമിഷം പോലും പദവിയിൽ തുടരാൻ അർഹതയില്ല’: ഷാഫി പറമ്പില്‍
-
News20 hours agoട്രംപ് ഭരണകൂടം തടവിലാക്കിയ ഇന്ത്യന്‍ വിദ്യാര്‍ത്ഥിയെ മോചിപ്പിക്കാന്‍ ജഡ്ജി ഉത്തരവിട്ടു
-
local3 days agoകളമശ്ശേരി ശിഹാബ് തങ്ങൾ ഹെൽത്ത് കെയർ ട്രസ്റ്റിന് ജുബൈൽ കെഎംസിസി ധനസഹായം നൽകി
-
kerala2 days agoപള്ളിയിലെ കിടപ്പുമുറിയില്‍ വൈദികനെ മരിച്ച നിലയില്‍ കണ്ടെത്തി
-
kerala2 days ago‘കേരളത്തില്‍ ഷവര്‍മ കഴിച്ചു മരിച്ചവരില്‍ ഒരു മുഹമ്മദ് ഇല്ല പക്ഷെ വര്‍മ്മയുണ്ട്: വിദ്വേഷ പ്രസംഗവുമായി ആര്‍എസ്എസ് നേതാവ്‌
-
kerala3 days agoകരിപ്പൂര്‍ വിമാനത്താവളത്തില്‍ വന്‍ കഞ്ചാവ് വേട്ട; 18 കിലോ ഹൈബ്രിഡ് കഞ്ചാവ് പിടികൂടി