കൊല്ലം സംസ്ഥാന സ്കൂൾ കലോത്സവത്തിൻ്റെ രണ്ടാം ദിനം 113 ഇനങ്ങളിൽ മത്സരം പൂർത്തിയായപ്പോൾ 420 പോയിന്റുമായി കണ്ണൂരിൻ്റെ ആധിപത്യം. 405 പോയിൻ്റു വീതം നേടി പാലക്കാടും കോഴിക്കോടും തൊട്ടുപിന്നിലുണ്ട്. 404 പോയിൻറുമായി ആതിഥേയരായ കൊല്ലം ജില്ലയാണ് മൂന്നാമത്.
അപ്പീലിൻ്റെ ആധിക്യത്തിൽ മിക്ക വേദികളിലും മത്സര ഷെഡ്യൂൾ താളം തെറ്റി. നിശ്ചയിച്ചതിലും മണിക്കൂറുകൾ വൈകി മത്സരം പുരോഗമിക്കുന്നത് മത്സരാർഥികളുടെ ആരോഗ്യത്തെയും പ്രകടനത്തെയും ബാധിക്കുന്നതായി പരാതിയുണ്ട്. രാവിലെ ആരംഭിച്ച ഹയർ സെക്കൻഡറി വിഭാഗം നാടക മത്സരം അർധരാത്രിയിലേക്ക് നീളും. അപ്പീൽ ഉൾപ്പെടെ 22 ടീമുകളാണ് മത്സരിക്കുന്നത്.