ലങ്കന്‍ പ്രീമിയര്‍ ലീഗ് മത്സരത്തിനിടെ ഗ്രൗണ്ടില്‍ പാമ്പ് ഇറങ്ങി. ബി ലവ് കാന്‍ഡിയും ജാസ്‌നാ കിംഗ്‌സും തമ്മിലുള്ള മത്സരത്തിനിടയില്‍ കൊളംബോയിലെ ആര്‍ പ്രേമദാസ സ്റ്റേഡിയത്തിലാണ് പാമ്പിറങ്ങിയത്. ലങ്കന്‍ താരം ഇസ്രു ഉടാന ഗ്രൗണ്ടില്‍ പൊസിഷനിലേക്ക് വരുമ്പോഴാണ് പാമ്പിനെ കണ്ടത്.
ഞെട്ടിയ താരം പെട്ടെന്ന് തന്നെ പേടിച്ച് മാറി നില്‍ക്കുകയായിരുന്നു. സംഭവത്തിന്റെ വീഡിയോസ് സാമൂഹ്യ മാധ്യമങ്ങളില്‍ വ്യാപകമായി പ്രചരിക്കുന്നുണ്ട്. വീഡിയോ എടുത്തുകൊണ്ടിരിക്കുന്ന ക്യാമറാമാനും പാമ്പ് അടുത്തെത്തിയതോടെ മാറിനിന്നു.