kerala
നെല്ല് സംഭരണം; കടക്കാരാക്കി കര്‍ഷകര്‍ക്ക് നെല്ലിന്റെ വില നല്‍കുന്ന ഇടതു സര്‍ക്കാര്‍ നയം തിരുത്തണം : കുറുക്കോളി മൊയ്തീന്‍ എം.എല്‍.എ
നെല്ല് സംഭരിച്ച് കൃത്യമായി പണം നല്‍കാതെ കര്‍ഷകരെ വട്ടം കറക്കുന്ന പ്രവണത 7 വര്‍ഷമായി തുടരുകയാണെന്നും ഒരു വര്‍ഷമായി കൂടുതല്‍ വഷളായിരിക്കുകയാണെന്നും സ്വതന്ത്ര കിസാന്‍ സംഘം പ്രസിഡന്റ് കുറുക്കോളി മൊയ്തീന്‍ എം.എല്‍.എ പ്രസ്താവനയില്‍ പറഞ്ഞു. മന്ത്രിമാരുടെ വാക്കു കസര്‍ത്തല്ല കര്‍ഷകര്‍ക്ക് വേണ്ടത്. പ്രശ്‌നങ്ങളുടെ പരിഹാരമാണ്. ഒന്നാം വിളയില്‍ സംഭരിച്ച നെല്ലിന്റെ പണം രണ്ടാം വിളയിലെ നെല്ല് സംഭരിച്ചും നല്‍കാനാവാത്ത അവസ്ഥ ആദ്യ സംഭവമാണ്. കര്‍ഷകന്റെ വേദനകള്‍ കൂടുതല്‍ സങ്കീര്‍ണമായിരിക്കുകയാണ്.
കൊയ്തയുടനെ സംഭരിക്കാത്ത പ്രശ്‌നവും വൈകി സംഭരിച്ചാല്‍ തന്നെ പണത്തിന് മാസങ്ങളോളം കാത്തിരിക്കേണ്ടി വരുന്നതും കേരളത്തിലെ കര്‍ഷകരെ മാത്രം അലട്ടുന്ന പ്രശ്‌നമാണ്. കേരള ബാങ്ക് പരാജയപപെട്ടത് കൊണ്ടാണ് ബാങ്കുകളുടെ കണ്‍ േസൃര്‍ഷ്യത്തെ ഏല്‍പിച്ചത്. എന്നിട്ടും വഞ്ചി തിരുനക്കര തന്നെ എന്ന് പറഞ്ഞ പോലെ കര്‍ഷകരെ തന്നെ കടബാധ്യത ഏല്‍പിക്കുന്ന തരത്തിലാണ് സര്‍ക്കാര്‍ കളിക്കുന്നത്. സപ്ലൈക്കോക്കും ബാങ്കുകള്‍ക്കും സര്‍ക്കാര്‍ നല്‍കേണ്ട 1100 കോടി നല്‍കിയാല്‍ തന്നെ നിലവിലുള്ള പ്രതിസന്ധിക്ക് പരിഹാരമാകും. അതിന് സര്‍ക്കാര്‍ തയ്യാറാവണം. കര്‍ഷകരെ കടക്കാരാക്കി അവരുടെ നെല്ലിന്റെ വില കര്‍ഷകര്‍ക്ക് നല്‍കുന്ന വൃത്തികെട്ട നയം സര്‍ക്കാര്‍ അവസാനിപ്പിക്കണമെന്നും അദ്ദേഹം പറഞ്ഞു.
kerala
സംസ്ഥാനത്ത് രണ്ട് റെയില്‍വെ സ്റ്റേഷനുകള്‍ അടച്ചുപൂട്ടാന്‍ തീരുമാനം
ടിക്കറ്റ് വരുമാനം കുറഞ്ഞതോടെ സ്റ്റേഷന്‍ നിര്‍ത്തലാക്കാമെന്ന തീരുമാനത്തിലേക്ക് എത്തുകയായിരുന്നു
കോഴിക്കോട് കണ്ണൂര്‍ ജില്ലകളിലെ റെയില്‍വെ സ്റ്റേഷനുകള്‍ അടച്ചുപൂട്ടാന്‍ തീരുമാനം. കോഴിക്കോട് ജില്ലയിലെ വെള്ളാര്‍ക്കാട് റെയില്‍വെ സ്റ്റേഷനും കണ്ണൂര്‍ ജില്ലയിലെ ചിറക്കല്‍ റെയില്‍വെ സ്റ്റേഷനുമാണ് പൂട്ടാന്‍ തീരുമാനമായത്.
നിരവധി കാലങ്ങളായി ജീവനക്കാരും യാത്രക്കാരും വിദ്യാര്‍ത്ഥികളും ആശ്രയിച്ചിരുന്ന രണ്ട് റെയില്‍വെ സ്റ്റേഷനുകളാണ് വെള്ളാര്‍ക്കാടും ചിറക്കലും. കൊവിഡ് സമയത്ത് തിരക്ക് കുറഞ്ഞപ്പോള്‍ നിരവധി ട്രെയിനുകള്‍ക്ക് ഇവിടെ സ്റ്റോപ്പ് റദാക്കിയിരുന്നു. പിന്നാലെ ടിക്കറ്റ് വരുമാനം കുറഞ്ഞതോടെ സ്റ്റേഷന്‍ നിര്‍ത്തലാക്കാമെന്ന തീരുമാനത്തിലേക്ക് എത്തുകയായിരുന്നു.
kerala
വടകരയില്‍ ദേശീയ പാത സര്‍വീസ് റോഡില്‍ ഗര്‍ത്തം
റോഡില്‍ കുഴി രൂപപെട്ടതോടെ ദേശീയ പാതയില്‍ കിലോമീറ്ററുകളോളം ഗതാഗത തടസ്സം നേരിട്ടു.
വടകരയില്‍ ദേശീയ പാത സര്‍വീസ് റോഡില്‍ ഗര്‍ത്തം രൂപപ്പെട്ടു. വടകര ലിങ്ക് റോഡിന് സമീപം കോഴിക്കോട് ഭാഗത്തേക്ക് പോകുന്ന പാതയിലാണ് ഗര്‍ത്തം രൂപപെട്ടത്. തുടര്‍ന്ന് ദേശീയപാത കരാര്‍ കമ്പനി അധികൃതര്‍ കുഴി നികത്താന്‍ ശ്രമം തുടങ്ങി. ഇന്ന് വൈകീട്ട് 6 മണിയോടെയാണ് സംഭവം. റോഡില്‍ കുഴി രൂപപെട്ടതോടെ ദേശീയ പാതയില്‍ കിലോമീറ്ററുകളോളം ഗതാഗത തടസ്സം നേരിട്ടു.
kerala
കനത്ത മഴ; എറണാകുളത്ത് വിദ്യാഭ്യാസ സ്ഥാപനങ്ങള്‍ക്ക് നാളെ അവധി
ജില്ലയില്‍ നാളെ ഒറഞ്ച് അലര്‍ട്ട് പ്രഖ്യാപിച്ചിരിക്കുകയാണ്.
കനത്ത മഴയും കാറ്റും മൂലം എറണാകുളം ജില്ലയിലെ പ്രൊഫഷണല്‍ സ്ഥാപനങ്ങള്‍ ഉള്‍പ്പടെ എല്ലാ വിദ്യാഭ്യാസ സ്ഥാപനങ്ങള്‍ക്കും നാളെ അവധി പ്രഖ്യാപിച്ചു. ജില്ലയില്‍ നാളെ ഒറഞ്ച് അലര്‍ട്ട് പ്രഖ്യാപിച്ചിരിക്കുകയാണ്. ജില്ലാ കളക്ടര്‍ എന്‍.എസ്.കെ ഉമേഷാണ് അവധി പ്രഖ്യാപിച്ചത്.അങ്കണവാടികള്‍ക്കും ട്യൂഷന്‍ സെന്ററുകള്‍ക്കും അവധി ബാധകമാണ്.
-
News3 days agoഗസ്സയിലെ വംശഹത്യ; ഇസ്രാഈല് കൊല്ലപ്പെടുത്തിയ മാധ്യമപ്രവര്ത്തകരുടെ എണ്ണം 220 കടന്നു
-
gulf3 days agoയുഎഇ സ്വദേശിവല്ക്കരണം ലംഘിച്ച 2200 സ്ഥാപനങ്ങള്ക്കെതിരെ നടപടിയെടുത്തു
-
film2 days agoരാമനെ അറിയില്ല, രാവണനാണ് നായകന്; പുതിയ റാപ്പിനെ കുറിച്ച് റാപ്പര് വേടന്
-
kerala2 days agoജുബൈലില് കോഴിക്കോട് സ്വദേശിനി മരണപ്പെട്ടു
-
india2 days agoപാകിസ്ഥാന് രഹസ്യാന്വേഷണ ഉദ്യോഗസ്ഥരുമായി തന്ത്രപ്രധാനമായ വിവരങ്ങള് പങ്കുവെച്ചു; സിആര്പിഎഫ് ഉദ്യോഗസ്ഥനെ എന്ഐഎ അറസ്റ്റ് ചെയ്തു
-
kerala3 days agoമാനന്തവാടിയില് യുവതിയെ ആണ് സുഹൃത്ത് കുത്തിക്കൊന്നു
-
kerala3 days agoനിലമ്പൂര് ഉപതെരഞ്ഞെടുപ്പ്; ‘യുഡിഎഫ് സ്ഥാനാര്ത്ഥിയെ ഇന്ന് പ്രഖ്യാപിക്കും’; സണ്ണി ജോസഫ്
-
kerala3 days agoമാനന്തവാടിയില് യുവതി വെട്ടേറ്റ് മരിച്ച സംഭവം; പ്രതിയെയും കാണാതായ കുട്ടിയെയും കണ്ടെത്തി