Connect with us

Video Stories

തമിഴ്‌നാട് മുഖ്യമന്ത്രി ജയലളിത അന്തരിച്ചു

Published

on

ചെന്നൈ: തമിഴ്‌നാട് മുഖ്യമന്ത്രി ജയലളിത (68) അന്തരിച്ചു. ഒരു ദിവസം ദീര്‍ഘിച്ച ആശങ്കകള്‍ക്കൊടുവില്‍ രാത്രി 12-30ന് പുറത്തിറക്കിയ പത്രക്കുറിപ്പിലാണ് അപ്പോളോ ആസ്പത്രി മരണം സ്ഥീരകരിച്ചത്. 11-30ന് മരണം സംഭവിച്ചിരുന്നു. പുതിയ മുഖ്യമന്ത്രിയായി പനീര്‍ സെല്‍വം ചുമതലയേല്‍ക്കും. സംസ്ഥാനത്ത് മൂന്ന് ദിവസത്തെ ഔദ്യോഗിക ദു:ഖാചരണം പ്രഖ്യാപിച്ചു. ആകാംക്ഷ, പിരിമുറുക്കം, വേദന, കണ്ണീര്‍, അട്ടഹാസം, ആശ്വാസം.. എല്ലാമുണ്ടായിരുന്നു ഇന്നലെ ചെന്നൈയിലെ അപ്പോളോ ആസ്പത്രിയുടെ മുറ്റത്ത്. തമിഴകം മുഴുവന്‍ തങ്ങളുടെ മുഖ്യമന്ത്രിക്കായി പ്രാര്‍ത്ഥനയോടെ കേണ ദിനത്തില്‍ ജയലളിത മരിച്ചെന്നും ഇല്ലെന്നുമുള്ള വാര്‍ത്തകള്‍ തമിഴകത്തെ പിടിച്ചുകുലുക്കിയിരുന്നു. ഒടുവില്‍ വളരെ വൈകിയാണ് മരണ വാര്‍ത്ത വന്നത്. നാടകീയവും അതീവ സംഘര്‍ഷഭരിതവുമായ സംഭവ വികാസങ്ങള്‍ക്കൊടുവില്‍ ജയലളിത മരിച്ചിട്ടില്ലെന്ന ആസ്പത്രി പത്രക്കുറിപ്പ് അഭ്യൂഹങ്ങള്‍ക്ക് വിരാമമിടുകയും ജനം ആഹ്ലാദം പ്രകടിപ്പിക്കുകയും ചെയ്തിരുന്നു. പക്ഷേ 11-30 നുള്ള അപ്പോളോ പത്രക്കുറിപ്പിന് ശേഷം കണ്ടത് വാവിട്ടു നിലവിളിക്കുന്ന തമിഴ് ജനതയെയാണ്.

ആസ്പത്രിക്കു മുമ്പില്‍ രാത്രി വൈകിയും ജനക്കൂട്ടം പിരിഞ്ഞുപോകാന്‍ കൂട്ടാക്കാതെ തടിച്ചുകൂടി നില്‍ക്കുകയാണ്. തിങ്കളാഴ്ച രാത്രിയാണ് അപ്രതീക്ഷിത ഹൃദയാഘാതത്തെ തുടര്‍ന്ന് ജയയെ വീണ്ടും തീവ്രപരിചരണ വിഭാഗത്തില്‍ പ്രവേശിപ്പിച്ചത്. യു.കെയില്‍ നിന്നുള്ള ഡോക്ടര്‍ റിച്ചാര്‍ഡ് ബില്‍, എയിംസില്‍ നിന്നുള്ള കാര്‍ഡിയോളജിസ്റ്റുകളായ ഡോ. നരംഗ്, ഡോ. തല്‍വാര്‍, ഡോ. ത്രഹാന്‍, ഡോ. ത്രിഖ എന്നിവരാണ് ചികിത്സക്ക് നേതൃത്വം നല്‍കിയത്. ഹൃദയസംബന്ധിയായ അസുഖത്തെ തുടര്‍ന്ന് സെപ്തംബര്‍ 22നാണ് ജയലളിതയെ ആസ്പത്രിയില്‍ പ്രവേശിപ്പിച്ചത്. നിലവില്‍ ഇ.സി.എം.ഒ (എക്‌സ്ട്രാ കോര്‍പോറിയല്‍ മെംബ്രയ്ന്‍ ഓക്‌സിജാന്‍ ഡിവൈസ്)യുടെ സഹായത്തോടെയാണ് ജയ ശ്വസിക്കുന്നത്. തങ്ങള്‍ക്ക് കഴിയാവുന്നതെല്ലാം ചെയ്യുന്നുണ്ടെന്നും എന്നാല്‍ ആരോഗ്യ സ്ഥിതി അതീവ ഗുരുതരമായി തുടരുകയാണെന്നുമാണ് ജയയെ ചികിത്സിക്കാനെത്തിയ യു.കെയില്‍ നിന്നുള്ള വിഖ്യാത തീവ്രപരിചരണ വിദഗ്ധന്‍ ഡോക്ടര്‍ റിച്ചാര്‍ഡ് നീലിന്റെ വൈകീട്ടുള്ള പ്രതികരണം.

ഇന്നലെ വൈകിട്ട് ദിനതന്തി, പുതിയതലമുറൈ, സണ്‍ ടി.വി എന്നീ പ്രാദേശിക ടെലിവിഷന്‍ ചാനലുകള്‍ ജലയളിത മരിച്ചെന്ന വാര്‍ത്തപുറത്ത് വിട്ടിരുന്നു. ഈ മാധ്യമങ്ങളെ ഉദ്ധരിച്ച് ചില ദേശീയ മാധ്യമങ്ങളും മരണ വാര്‍ത്ത റിപ്പോര്‍ട്ടു ചെയ്തു. എന്നാല്‍ വാര്‍ത്ത അവാസ്തവമാണെന്നും അഭ്യൂഹങ്ങള്‍ പ്രചരിപ്പിക്കരുതെന്നും അഭ്യര്‍ത്ഥിച്ച് ആസ്പത്രി അധികൃതര്‍ പത്രക്കുറിപ്പിറക്കുകയായിരുന്നു. വാര്‍ത്ത പുറത്തുവന്നതിനു പിന്നാലെ, അണ്ണാ ഡി.എം.കെയുടെ ആസ്ഥാനത്ത് പാര്‍ട്ടി പതാക താഴ്ത്തിക്കെട്ടുകയും പിന്നീട് ഉയര്‍ത്തുകയും ചെയ്തു. സ്ഥിതി ഗതികള്‍ വിലയിരുത്താന്‍ പാര്‍ട്ടി നേതാക്കള്‍ വൈകിട്ട് ഏഴരയ്ക്ക് അവ്വൈ ഷണ്‍മുഖം സലായിയിലുള്ള ആസ്ഥാനത്ത് യോഗം ചേര്‍ന്നു.

മൃതദേഹം ഇന്ന് രാജാജി ഹാളില്‍ പൊതു ദര്‍ശനത്തിന് വെക്കും. ഇന്നലെ വൈകീ പോയസ് ഗാര്‍ഡനിലേക്ക് മൃതദേഹം മാറ്റിയിരുന്നു. അതിനിടെ, ജയ മരിച്ചെന്ന വാര്‍ത്ത പുറത്തുവന്നതിനു പിന്നാലെ ആസ്പത്രിക്കു പുറത്ത് തടിച്ചുകൂടിയിരുന്ന ജനം അക്രമാസക്തരായി. ആസ്പത്രിക്കു നേരെ കല്ലേറുണ്ടാകുകയും പൊലീസ് സ്ഥാപിച്ച ബാരിക്കേഡുകള്‍ തകര്‍ക്കുകയും ചെയ്തു. എന്നാല്‍ ആസ്പത്രി മെഡിക്കല്‍ ബുള്ളറ്റിന്‍ വന്നതോടെ ജനം ശാന്തരാകുകയായിരുന്നു. ആസ്പത്രിയിലേക്കുള്ള എല്ലാ റോഡുകളും അടച്ചിട്ടുണ്ട്. വാര്‍ത്തയ്ക്കു പിന്നാലെ നഗരത്തിലെ കടകളും പെട്രോള്‍ പമ്പുകളും അടച്ചിരുന്നു.

ആയിരക്കണക്കിന് പേരാണ് ആസ്പത്രിക്കു മുമ്പില്‍ തടിച്ചുകൂടിയിട്ടുള്ളത്. സംസ്ഥാനത്തുടനീളം 15000 പൊലീസുകാരെയും 1500 സി.ആര്‍.പി.എഫുകാരെയും അധികം വിന്യസിച്ചിട്ടുണ്ട്. ഇനിയൊരു ഉത്തരവുണ്ടാകും വരെ ആരും ഡ്യൂട്ടി വിട്ടു പോകരുത് എന്ന് പൊലീസുകാര്‍ക്ക് നിര്‍ദേശം നല്‍കിയി. പൊലീസുകാര്‍ രാവിലെ ഏഴു മുതല്‍ തന്നെ ഡ്യൂട്ടിക്ക് ഹാജരാകണമെന്ന്് ഡി.ജി.പി രാജേന്ദ്രന്‍ സര്‍ക്കുലറിറക്കിയിരുന്നു. ചെന്നൈ നഗരത്തില്‍ മാത്രം ആയിരത്തിലധികം പൊലീസ് ഉദ്യോഗസ്ഥര്‍ ക്യാമ്പ് ചെയ്യുന്നുണ്ട്.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

എയിംസില്‍ സൈബര്‍ അക്രമണം- പിന്നില്‍ ചൈനയെന്ന് സൂചന

Published

on

ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസില്‍ (എയിംസ്) സൈബര്‍ ആക്രമണം. ലക്ഷക്കണക്കിന് രോഗികളുടെ സ്വകാര്യ വിവരങ്ങള്‍ ചോര്‍ത്തിയതായി റിപ്പോര്‍ട്ട്. ചൈനീസ് ഹാക്കര്‍മാര്‍ നടത്തിയതായാണ് സൂചന. അഞ്ച് പ്രധാന സെര്‍വറുകളെ ലക്ഷ്യം വെച്ചതായി വൃത്തങ്ങള്‍ അറിയിച്ചു.

മോഷ്ടിച്ച ഡാറ്റകള്‍ ഇന്റര്‍നെറ്റിന്റെ ഡാര്‍ക്ക് വെബില്‍ വിറ്റതാകാനാണ് സാധ്യതയെന്ന് വിവരം. മോഷ്ടിച്ച എയിംസ് ഡാറ്റയ്ക്കായി ഡാര്‍ക്ക് വെബില്‍ 1,600ലധികം സെര്‍ച്ചിംഗ് ഓപ്ഷനുകള്‍ കാണിച്ചു. രാഷ്ട്രീയക്കാരും സെലിബ്രിറ്റികളും ഉള്‍പ്പെടെയുള്ള വിവിഐപികളുടെ വിവരങ്ങളാണ് മോഷ്ടിച്ച വിവരങ്ങളില്‍ ഉള്‍പ്പെട്ടിട്ടുണ്ട്. പണം തട്ടിയെടുക്കലായിരുന്നു ഹാക്കര്‍മാരുടെ പ്രധാന ലക്ഷ്യം. ഹാക്കര്‍മാര്‍ 200 കോടി രൂപ ക്രിപ്‌റ്റോ കറന്‍സി ആവശ്യപ്പെട്ടതായയും റിപ്പോര്‍ട്ടുണ്ട്.

Continue Reading

Video Stories

ലോകകപ്പ് തോൽവിയ്ക്ക് പിന്നാലെ സ്ഥാനമൊഴിഞ്ഞ് ബെല്‍ജിയം പരിശീലകനും

ലോകകപ്പിലെ ഫലമെന്തായാലും സ്ഥാനമൊഴിയുമെന്ന് ടൂര്‍ണമെന്‍റിന് മുമ്ബ് തന്നെ തീരുമാനിച്ചിരുന്നു

Published

on

ഫിഫ ലോകകപ്പില്‍ ഗ്രൂപ്പ് ഘട്ടം പോലും കടക്കാനാവാതെ ബെല്‍ജിയത്തിന്‍റെ സുവര്‍ണ തലമുറ പുറത്തായതിന് പിന്നാലെ സ്ഥാനമൊഴിയുന്നതായി അറിയിച്ച്‌ പരിശീലകന്‍ റോബര്‍ട്ടോ മാര്‍ട്ടിനസ്.

‘എന്‍റെ അവസ്ഥ വളരെ വ്യക്തമാണ്. പരിശീലക സ്ഥാനത്ത് എന്‍റെ അവസാനമാണിത്. ലോകകപ്പിലെ ഫലമെന്തായാലും സ്ഥാനമൊഴിയുമെന്ന് ടൂര്‍ണമെന്‍റിന് മുമ്ബ് തന്നെ തീരുമാനിച്ചിരുന്നു. ദീര്‍ഘകാലം ടീമിനെ പരിശീലിപ്പിച്ച്‌ വരികയായിരുന്നു. ഞാന്‍ രാജിവച്ച്‌ ഒഴിയുന്നില്ല. അങ്ങനെ എന്‍റെ റോള്‍ അവസാനിക്കുകയാണ്’ എന്നും റോബര്‍ട്ടോ മാര്‍ട്ടിനസ് മത്സര ശേഷം മാധ്യമങ്ങളോട് പറഞ്ഞു.

ഖത്തറിലെ പുറത്താകലിന് പിന്നാലെ സ്ഥാനമൊഴിയുകയാണെന്ന് മാര്‍ട്ടിനസ് വ്യക്തമാക്കിയതായി ഇഎസ്‌പിഎന്‍ റിപ്പോര്‍ട്ട് ചെയ്തു. അവസാന ഗ്രൂപ്പ് മത്സരത്തില്‍ ക്രൊയേഷ്യയോട് 0-0ന് സമനില വഴങ്ങിയതോടെ പോയിന്‍റ് പട്ടികയില്‍ മൂന്നാം സ്ഥാനത്തേക്ക് വീണാണ് ബെല്‍ജിയത്തിന്‍റെ ഗോള്‍ഡന്‍ ജനറേഷന്‍ ഖത്തര്‍ ലോകകപ്പില്‍ നിന്ന് പുറത്തായത്. ഗ്രൂപ്പ് എഫില്‍ നിന്ന് മൊറോക്കോ ഗ്രൂപ്പ് ചാമ്ബ്യന്‍മാരായും ക്രൊയേഷ്യ രണ്ടാം സ്ഥാനക്കാരായും പ്രീ ക്വാര്‍ട്ടറിലെത്തി.

Continue Reading

Video Stories

പ്രീക്വാര്‍ട്ടര്‍ കാണാതെ ജര്‍മനി പുറത്ത്

മുള്ളര്‍, ന്യൂയര്‍ തുടങ്ങിയ താരങ്ങളുടെ അവസാന ലോകകപ്പ് അങ്ങനെ കണ്ണീര്‍ മാത്രം സമ്മാനിച്ചുകൊണ്ട് ജര്‍മന്‍ ആരാധകര്‍ക്ക് മുന്നിലൂടെ കടന്നുപോയി.

Published

on

തുടര്‍ച്ചയായ രണ്ടാം വട്ടവും കരുത്തരായ ജര്‍മനി ഗ്രൂപ്പ് സ്റ്റേജില്‍ തന്നെ പുറത്തായിരിക്കുന്നു.2014ല്‍ കിരീടം നേടിയതിനു ശേഷം ഇതുവരെ അവര്‍ക്ക് ഗ്രൂപ്പ് ഘട്ടം പിന്നിടുവാന്‍ കഴിഞ്ഞിട്ടില്ല.

രണ്ടിനെതിരെ നാല് ഗോളുകള്‍ക്കായിരുന്നു ജര്‍മനി അവസാന മത്സരത്തില്‍ കോസ്റ്ററിക്കയെ തകര്‍ത്തുവിട്ടത്. ചെല്‍സി താരം കായ് ഹാവര്‍ട്‌സ് മത്സരത്തില്‍ ഇരട്ടഗോള്‍ നേട്ടം സ്വന്തമാക്കി.പത്താം മിനിറ്റില്‍ തന്നെ ജര്‍മനി മുന്നിലെത്തുകയുണ്ടായി. റൗമിന്റെ പാസില്‍ നിന്നും ഗ്‌നാബ്രിയാണ് ലക്ഷ്യം കണ്ടത്. ശേഷം പുരോഗമിച്ച മത്സരത്തില്‍ ആദ്യ പകുതിയില്‍ കൂടുതല്‍ ഗോളുകള്‍ ഒന്നുംതന്നെ പിറന്നില്ല.

തുടര്‍ന്ന് രണ്ടാം പകുതി ആരംഭിച്ച് അമ്പത്തിയെട്ടാം മിനിറ്റില്‍ തന്നെ കോസ്റ്റാറിക്ക ഗോള്‍ മടക്കി. യെല്‍റ്റ്‌സിന്‍ റ്റെജഡയായിരുന്നു അവരെ ഒപ്പമെത്തിച്ചത്. പിന്നീട് നിരന്തരം ലീഡ് നേടുവാനുള്ള ജര്‍മനിയുടെ ശ്രമങ്ങള്‍ ആണ് കാണുവാന്‍ കഴിഞ്ഞത്. എന്നാല്‍ എഴുപതാം മിനിറ്റില്‍ ന്യൂയറിന്റെ സെല്‍ഫ് ഗോളില്‍ കോസ്റ്റാറിക്ക ലീഡ് നേടി. വീണ്ടുമൊരു അട്ടിമറി ജര്‍മനി മണുക്കുന്നുവെന്ന് തോന്നിയ നിമിഷം. എന്നാല്‍ വെറും 3 മിനിട്ടിന്റെ ഇടവേളയില്‍ സബ് ആയി കളത്തിലിറങ്ങിയ ഹാവര്‍ട്‌സിലൂടെ ജര്‍മനി ഗോള്‍ മടക്കി.

തുടര്‍ന്ന് വിജയഗോളിനായുള്ള ശ്രമങ്ങള്‍ക്കൊടുവില്‍ ഹാവര്‍ട്‌സ് ടീമിന്റെ മൂന്നാം ഗോളും തന്റെ ഇരട്ടഗോളും പൂര്‍ത്തിയാക്കി. ഗ്‌നാബ്രിയായിരുന്നു ഗോളില്‍ പങ്കാളിയായത്. 4 മിനിറ്റിന് ശേഷം ഫുള്‍ക്രഗ് കൂടി സ്‌കോര്‍ ചെയ്തതോടെ ജര്‍മന്‍ പട്ടിക പൂര്‍ത്തിയായി. സനെയാണ് ഗോളിന് വഴിയിരുക്കിയത്.

ഒടുവില്‍ രണ്ടിനെതിരെ നാല് ഗോളുകള്‍ക്ക് ജര്‍മന്‍ പട വിജയം സ്വന്തമാക്കുകയായിരുന്നു. മികച്ചൊരു വിജയം നേടിയിട്ടും നോക്കൗട്ടിലേക്ക് പ്രവേശിക്കുവാന്‍ കഴിയാതിരുന്നത് അവര്‍ക്ക് വലിയ തിരിച്ചടിയായി. ആദ്യ മത്സരത്തില്‍ ജപ്പാനോട് ഏറ്റ പരാജയമാണ് ഈയൊരു വിധി എഴുതിയത്.മുള്ളര്‍, ന്യൂയര്‍ തുടങ്ങിയ താരങ്ങളുടെ അവസാന ലോകകപ്പ് അങ്ങനെ കണ്ണീര്‍ മാത്രം സമ്മാനിച്ചുകൊണ്ട് ജര്‍മന്‍ ആരാധകര്‍ക്ക് മുന്നിലൂടെ കടന്നുപോയി.

 

Continue Reading

Trending