Connect with us

Video Stories

തെലുങ്ക് ‘പ്രേമം’ ഒറിജിനലിന്റെ അടുത്തെങ്ങുമില്ല; പക്ഷേ, സിനിമ മെഗാഹിറ്റിലേക്ക്

Published

on

മലയാളത്തില്‍ മെഗാഹിറ്റായ ‘പ്രേമ’ത്തിന്റെ തെലുങ്ക് റീമേക്ക് ഏറെ പ്രതീക്ഷകള്‍ക്കും വിവാദങ്ങള്‍ക്കുമൊടുവില്‍ വെള്ളിയാഴ്ച റിലീസ് ചെയ്തു. നിലവാരത്തിന്റെ കാര്യത്തില്‍ അല്‍ഫോന്‍സ് പുത്രന്‍ സംവിധാനം ചെയ്ത് നിവിന്‍ പോളി നായകനും സായ് പല്ലവി നായികയുമായ ‘പ്രേമ’ത്തിന്റെ അടുത്തെങ്ങുമെത്തുന്നില്ല നാഗചൈന്യയും ശ്രുതിഹാസനും നായികാ നായകന്മാരായ തെലുങ്ക് പ്രേമം എന്നാണ് പ്രേക്ഷകര്‍ പറയുന്നത്. എങ്കിലും ടീസറും ട്രെയ്‌ലറും കണ്ടപ്പോള്‍ പലരും പ്രതീക്ഷിച്ചിരുന്നതു പോലെ ഒരു ദുരന്തമല്ല ചന്ദു മൊണ്ഡേറ്റി സംവിധാനം ചെയ്ത തെലുങ്ക് പ്രേമം. മാത്രമല്ല, മലയാളം പ്രേമത്തെ അസൂയപ്പെടുത്തുംവിധം വന്‍ സാമ്പത്തിക നേട്ടത്തിലേക്കാണ് ചിത്രം കുതിക്കുന്നത്. നാഗചൈതന്യയുടെ ഏറ്റവും വലിയ ഹിറ്റാവും ഈ ചിത്രമെന്ന് ആദ്യ രണ്ട് ദിവസത്തെ കളക്ഷന്‍ റിപ്പോര്‍ട്ടുകള്‍ സൂചിപ്പിക്കുന്നു.

ഒന്നാം ദിനത്തില്‍ ആന്ധ്രയിലും തെലുങ്കാനയിലുമായി 2.38 കോടിയാണ് പ്രേമം വാരിയത്. യു.എസില്‍ റിലീസ് ചെയ്ത ചിത്രം ആദ്യദിനം രണ്ട് ലക്ഷം ഡോളറിലധികം സമ്പാദിച്ചു. തെലുങ്ക് സംസ്ഥാനങ്ങളിലെ മള്‍ട്ടിപ്ലക്‌സുകളിലും തിയേറ്ററുകളിലും വ്യാപകമായ അഡ്വാന്‍സ് ബുക്കിങ് ആണ് നടക്കുന്നത്. പലയിടങ്ങളിലും ഞായറാഴ്ചത്തേക്കുള്ള ടിക്കറ്റുകള്‍ ശനിയാഴ്ച തന്നെ വിറ്റഴിഞ്ഞു.

കേരളത്തിലും തമിഴ്‌നാട്ടിലും തരംഗമുണര്‍ത്തിയ ‘പ്രേമം’ തെലുങ്കിലെത്തുമ്പോള്‍ ചിത്രത്തിന്റെ തനിമ നഷ്ടമാവുന്നുണ്ട് എന്നാണ് പൊതുവെയുള്ള വിലയിരുത്തല്‍. അതേസമയം, തെലുങ്ക് പ്രേക്ഷകര്‍ ആഗ്രഹിക്കുംവിധത്തിലുള്ള ചേരുവകള്‍ ചിത്രത്തില്‍ ഉപയോഗിച്ചിട്ടുണ്ട്. ഒരു റീമേക്ക് എന്നതിലുപരി പ്രേക്ഷകരെ മുന്നില്‍ക്കണ്ട് ചിത്രത്തെ പുനര്‍നിര്‍മിക്കുകയാണ് സംവിധാനം ചെയ്തിരിക്കുന്നത്.

മലയാളം പ്രേമത്തിലെ ആദ്യ രണ്ട് പ്രണയങ്ങളിലും നിവിന്‍ പോളിയുടെ കഥാപാത്രം കേരളത്തനിമ കാത്തുസൂക്ഷിക്കുന്നുണ്ടെങ്കില്‍ ആ വേഷത്തോട് നീതിപുലര്‍ത്തുന്നതില്‍ നാഗചൈതന്യ പരാജയമാണ്. അതേസമയം, മൂന്നാം പ്രണയത്തില്‍ നാഗചൈതന്യ കൂടുതല്‍ നല്ല പ്രകടനം കാഴ്ചവെച്ചു. നായക കഥാപാത്രത്തിന്റെ സ്വഭാവ രീതികളിലും മാനറിസങ്ങളിലും കാര്യമായ മാറ്റങ്ങള്‍ തന്നെയുണ്ട്. തിരക്കഥയില്‍ വരുത്തിയ ചെറിയ മാറ്റങ്ങള്‍ തെലുങ്ക് പ്രേക്ഷകര്‍ക്ക് ഇഷ്ടപ്പെടും വിധമാണ്.

മലയാളം പ്രേമത്തില്‍ മേരിയെ അവതരിപ്പിച്ച അനുപമ പരമേശ്വരന്‍ അതേ വേഷം സുമ എന്ന പേരില്‍ കൈകാര്യം ചെയ്യുന്നു. സെലിന്‍ ആയി വേഷമിട്ട മഡോണ സെബാസ്റ്റിയന്‍ സിന്ധു എന്ന പേരില്‍ അതേ വേഷത്തിലെത്തുന്നുണ്ട്. തരംഗമായി മാറിയ ‘മലരേ’ ഗാനം അതേ ഈണത്തോടെ വിജയ് യേശുദാസ് തന്നെ ‘യെവരേ’ ആയി തെലുങ്കില്‍ ആലപിക്കുന്നുണ്ട്. മൊത്തം ഏഴ് പാട്ടുകളാണ് ചിത്രത്തില്‍ ഉപയോഗിച്ചിരിക്കുന്നത്. ഇതില്‍ നാലെണ്ണത്തിന്റെ ട്രാക്ക് മലയാളത്തില്‍ നിന്നു തന്നെ കടമെടുത്തതാണ്.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

കത്ത് വിവാദം ; ക്രൈംബ്രാഞ്ച് ഇന്ന് മേയറുടെ മൊഴിയെടുക്കും

തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

Published

on

തിരുവനന്തപുരം കോര്‍പറേഷനിലെ ശുപാര്‍ശ കത്ത് അന്വേഷിക്കുന്ന ക്രൈം ബ്രാഞ്ച് സംഘം ഇന്ന് മേയര്‍ ആര്യ രാജേന്ദ്രന്റെ മൊഴിയെടുക്കും.തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

നവമാധ്യമങ്ങള്‍ വഴി പ്രചരിച്ച കത്ത്, കോര്‍പ്പറേഷനില്‍ തന്നെ തയ്യാറാക്കിയിരിക്കാമെന്ന നിഗമനത്തിലാണ് പൊലീസ്.
ആരാണ് ഇത് തയ്യാറാക്കി വാട്സ് ആപ്പിലേക്ക് അയച്ചതെന്ന് കണ്ടെത്താന്‍ ശാസ്ത്രീയ തെളിവുകള്‍ പൊലീസിന് ശേഖരിക്കേണ്ടിവരും.പ്രാഥമിക അന്വേഷണം നടത്തിയപ്പോള്‍ ആര്യ രാജേന്ദ്രന്റെ മൊഴി ക്രൈം ബ്രാഞ്ച് രേഖപ്പെടുത്തിയിരുന്നു.

 

Continue Reading

Video Stories

ഖത്തറില്‍ ഡെന്മാര്‍ക്കും തുണീഷ്യയും ഇന്ന് നേര്‍ക്കുനേര്‍

Published

on

ഇന്ത്യന്‍ സമയം വൈകീട്ട് 6.30 നാണ് ഗ്രൂപ്പ് ഡി മല്‍സരങ്ങളുടെ തുടക്കം. അട്ടിമറിക്കാരായ ഡെന്മാര്‍ക്കിനെതിരെ ഖത്തറില്‍ ധാരാളം പിന്തുണക്കാരുള്ള തുണീഷ്യ. ലോക ചാമ്പ്യന്മാരായ ഫ്രാന്‍സ് കളിക്കുന്ന ഗ്രൂപ്പായതിനാല്‍ ഡെന്മാര്‍ക്കിനും തുണീഷ്യക്കും അടുത്ത റൗണ്ട് എന്ന ലക്ഷ്യത്തില്‍ ഇന്ന് വിജയിക്കാനാവണം.

ഒരു വര്‍ഷം മുമ്പ് നടന്ന യൂറോയില്‍ ആരും സാധ്യത കല്‍പ്പിക്കാതിരുന്ന ടീമായിരുന്നല്ലോ ഡെന്മാര്‍ക്ക്. നായകന്‍ ക്രിസ്റ്റിയന്‍ എറിക്‌സണെ നഷ്ടമായിട്ടും റഷ്യ, വെയില്‍സ്, ചെക് റിപ്പബ്ലിക് എന്നിവരെയെല്ലാം മറികടന്നവര്‍ ഇംഗ്ലണ്ടിനോട് തോല്‍ക്കുകയായിരുന്നു. പിയറി എമിലി ഹോജ്ബര്‍ഗും ശ്രദ്ധിക്കേണ്ട താരം. പുതിയ കോച്ച് ജലീല്‍ കാദ്‌രിക്ക് കീഴില്‍ കരുത്തരായിരിക്കുന്നു അവര്‍. പ്രീമീയര്‍ ലീഗില്‍ സണ്ടര്‍ലന്‍ഡിനായി കളിച്ച വഹബി കസ്‌രിയാണ് തുണീഷ്യക്കാരിലെ അപകടകാരി.

Continue Reading

Video Stories

അര്‍ജന്റീനക്കാര്‍ ചില്ലറക്കാരല്ല; വേങ്ങരയില്‍ 500 പേര്‍ക്കുള്ള ബിരിയാണി ഒരുക്കി അര്‍ജന്റീന ഫാന്‍സ്

500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്

Published

on

ആദില്‍ മുഹമ്മദ്

കളി ഖത്തറില്‍ ആണെങ്കിലും ആവേശം മലപ്പുറത്താണെന്ന് പറയുന്നത് എന്തായാലും വെറുതെയല്ല. അത് തെളിയിക്കുകയാണ് മലപ്പുറത്തെ ഓരോരോ സംഭവങ്ങളും. ഇന്നത്തെ സംഭവം മലപ്പുറം വേങ്ങരയിലാണ്. 500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്.

മലപ്പുറം വേങ്ങര എടയാട്ടുപറമ്പിലെയും ചേക്കാലിമാടിലെയും അര്‍ജന്റീന ഫാന്‍സ് സംയുക്തമായിയാണ് തങ്ങളുടെ ടീമിന്റെ ഉദ്ഘാടനമത്സരത്തിന്റെ ഭാഗമായി 500 പേര്‍ക്കുള്ള ബിരിയാണി ഒരുക്കുന്നത്.മത്സരത്തിനു മുന്‍പ് ഇത് വിതരണം ചെയ്യുകയും ചെയ്യും. നാട്ടിലുള്ള അര്‍ജന്റീന ഫാന്‍സ് എല്ലാവരും ഒത്തുചേര്‍ന്നാണ് ഭക്ഷണത്തിനുള്ള ഫണ്ട് കണ്ടെത്തിയത്. 80 കിലോയോളം വരുന്ന ഭക്ഷണത്തിന്റെ തയ്യാറെടുപ്പുകള്‍ കഴിഞ്ഞ ദിവസം തന്നെ തുടങ്ങിയിരുന്നു.

ഇന്ന് വൈകിട്ട് മൂന്നര മണിക്കാണ് ഖത്തര്‍ വേള്‍ഡ് കപ്പില്‍ അര്‍ജന്റീനയുടെ ആദ്യ പോരാട്ടം. സൗദി അറേബ്യയാണ് എതിരാളി.

 

Continue Reading

Trending