തമിഴ്‌നാട്ടിൽ അഥിതി തൊഴിലാളികൾ അക്രമിക്കപ്പെട്ടുവെന്ന വ്യാജ വീഡിയോ പ്രചരിപ്പിച്ച യൂട്യൂബർ ബീഹാറിൽ അറസ്റ്റിലായി. കശ്യപ് എന്ന ജനപ്രിയ യൂട്യൂബർ ആണ് ബീഹാർ പോലീസിന്റെ പിടിയിലായത്. തമിഴ്‌നാട്ടിൽ കുടിയേറ്റക്കാരെ ആക്രമിക്കുന്നതായുള്ള വ്യാജ വീഡിയോകൾ സോഷ്യൽ മീഡിയയിൽ പ്രചരിപ്പിച്ചതിന്” കശ്യപിനും മറ്റുള്ളവർക്കുമെതിരെ മൂന്ന് കേസുകൾ രജിസ്റ്റർ ചെയ്തിരുന്നു. യൂട്യൂബർ മനീഷ് കശ്യപിനെ ശനിയാഴ്ച രാവിലെ പടിഞ്ഞാറൻ ചമ്പാരൻ ജില്ലയിലെ ബേട്ടിയയിലെ ജഗദീഷ്പൂർ പോലീസ് സ്റ്റേഷൻ പരിധിയിലാണ് അറസ്റ്റ് ചെയ്തത്. കേസിലെ മൂന്നാമത്തെ അറസ്റ്റാണിത്.