Connect with us

More

അഭിമുഖം നല്‍കാന്‍പേടി; പെണ്‍കുട്ടികള്‍ക്ക് അഭിമുഖം തരില്ലെന്ന് ടി.കെ ഹംസ; ശശീന്ദ്രനാക്കാനാണോ എന്ന് ചോദ്യം

Published

on

വനിതാ മാധ്യമപ്രവര്‍ത്തകക്ക് അഭിമുഖം നല്‍കില്ലെന്ന് മുതിര്‍ന്ന സി.പി.എം നേതാവ് ടി.കെ ഹംസ. എന്തിനാണ് അഭിമുഖം?ശശീന്ദ്രനാക്കാനല്ലേ എന്ന് ന്യൂസ് 18റിപ്പോര്‍ട്ടര്‍ സുവി വിശ്വനാഥനോട് ടി.കെ ഹംസ ചോദിച്ചതായി മാധ്യമ പ്രവര്‍ത്തക പറഞ്ഞു. മാധ്യമപ്രവര്‍ത്തകയാണ് സംഭവം ഫേസ്ബുക്കിലൂടെ അറിയിച്ചത്. വിവാദമായ ഫോണ്‍ സംഭാഷണം പുറത്തുവന്നതിന് ശേഷം ഏ.കെ ശശീന്ദ്രന്‍ മന്ത്രിസ്ഥാനം രാജിവെച്ചൊഴിഞ്ഞിരുന്നു. ഈ സാഹചര്യത്തിലാണ് വനിതാ മാധ്യമപ്രവര്‍ത്തകക്ക് അഭിമുഖം നല്‍കാന്‍ കഴിയില്ലെന്നുള്ള മറുപടി ഒരു മുതിര്‍ന്ന സി.പി.എം നേതാവിന്റെ കയ്യില്‍ നിന്നുതന്നെ വന്നിരിക്കുന്നത്.

മലപ്പുറം ലോക്‌സഭാ ഉപതെരഞ്ഞെടുപ്പുമായി ബന്ധപ്പെട്ടാണ് മാധ്യമപ്രവര്‍ത്തക ടി.കെ ഹംസയെ സമീപിക്കുന്നത്. എന്നാല്‍ ആണ്‍കുട്ടികള്‍ക്കാണെങ്കില്‍ അഭിമുഖം നല്‍കാമെന്നും പെണ്‍കുട്ടികള്‍ക്ക് തരില്ലെന്നും ഹംസ അറിയിക്കുകയായിരുന്നുവെന്ന് അവര്‍ പറയുന്നു. അഭിമുഖത്തിനായി വിളിച്ചപ്പോള്‍ അഭിമുഖം തന്നിട്ടെന്തിനാ എ.കെ. ശശീന്ദ്രനാക്കാനാണോയെന്നായിരുന്നു മറുചോദ്യം. പെണ്‍കുട്ടി ആയാല്‍ വരേണ്ടാ ആണ്‍കുട്ടിയായാല്‍ അഭിമുഖം തരാമെന്ന് പറഞ്ഞു. ക്യാമറാമാന്‍ കൂടെയുണ്ടാകുമെന്ന് പറഞ്ഞിട്ടും അഭിമുഖം നല്‍കാന്‍ അദ്ദേഹം തയ്യാറായില്ലെന്നും മാധ്യമപ്രവര്‍ത്തക പറയുന്നു.

ലൈംഗിക ഫോണ്‍ സംഭാഷണം പുറത്തുവന്നതോടെ ഗതാഗത മന്ത്രിയായിരുന്ന ഏ.കെ ശശീന്ദ്രന്‍ രാജിവെച്ചിരുന്നു. മംഗളം ചാനലാണ് സംഭാഷണം പുറത്തുവിട്ടത്. മംഗളത്തിനെതിരെ പ്രമുഖവ്യക്തികള്‍ വിമര്‍ശനവുമായി എത്തിയിട്ടുണ്ട്. സംഭവത്തില്‍ സര്‍ക്കാര്‍ അന്വേഷണം പ്രഖ്യാപിച്ചിട്ടുണ്ട്.

പോസ്റ്റിന്റെ പൂര്‍ണ്ണരൂപം:

Continue Reading
Advertisement
Click to comment

Leave a Reply

Your email address will not be published. Required fields are marked *

GULF

കുവൈത്ത് തീപിടിത്തം: മരണം 50 ആയി; വിമാനം 10.30 ന് കൊച്ചിയിലെത്തും

വിമാനം 8.30-ഓടെ എത്തുമെന്നായിരുന്നു നേരത്തെ അറിയിച്ചിരുന്നത്

Published

on

കുവൈറ്റിലെ ലേബർ ക്യാമ്പിൽ ഉണ്ടായ തീപിടുത്തത്തിൽ മരിച്ചവരുടെ മൃതദേഹങ്ങളുമായി വ്യോമസേന വിമാനം കൊച്ചിയിൽ എത്തുക രാവിലെ10.30-ഓടെ. വിമാനം 8.30-ഓടെ എത്തുമെന്നായിരുന്നു നേരത്തെ അറിയിച്ചിരുന്നത്. ഇന്ത്യൻ സമയം 6.20-ഓടെയാണ് വിമാനം കുവൈറ്റിൽ നിന്ന് പുറപ്പെട്ടത്. വ്യാമസേനയുടെ സി130 ജെ വിമാനത്തിലാണ് മൃതദേഹങ്ങൾ എത്തിക്കുക.

അപകടത്തില്‍ മരിച്ച 23 മലയാളികളുടെ അടക്കം 31 മൃതദേഹങ്ങള്‍ പ്രത്യേക വിമാനത്തില്‍ കൊച്ചിയിലെത്തിക്കും. തമിഴ്‌നാട് സ്വദേശികളുടേയും, കര്‍ണാടക സ്വദേശിയുടേയും മൃതദേഹങ്ങള്‍ കൊച്ചിയില്‍ വെച്ച് വീട്ടുകാര്‍ക്ക് കൈമാറും.

മൃതദേഹങ്ങൾ വിട്ടുനൽകുന്നതിനുള്ള നടപടി വേ​ഗത്തിലാക്കുമെന്ന് എറണാകുളം ജില്ലാ കളക്ടർ എൻഎസ്കെ ഉമേഷ് അറിയിച്ചു. ഇത് സംബന്ധിച്ച് വിമാനത്താവളത്തിൽ യോ​ഗം ചേർന്നു. മറ്റ് സംസ്ഥാനങ്ങളിലേക്ക് മൃതദേഹങ്ങൾ എത്തിക്കാനുള്ള നടപടി പൂർത്തിയായതായി കളക്ടർ അറിയിച്ചു.

Continue Reading

GULF

എൻജി ഹാഷിം സ്മാരക സൗദി കെ.എം.സി.സി സോക്കർ ഒരുക്കങ്ങൾ പൂർത്തിയാവുന്നു

Published

on

ദമാം: കെ.എം.സി.സി സൗദി നാഷണൽ സോക്കർ കിഴക്കൻ പ്രവിശ്യാ തല മൽസരങ്ങളുടെ ഒരുക്കങ്ങൾ അന്തിമഘട്ടത്തിലേക്ക്. റോസ് ഗാർഡൻ ഓഡിറ്റോറിയത്തിൽ ചേർന്ന സംഘാടക സമിതി യോഗത്തിൽ വിവിധ സമിതികളുടെ പ്രവർത്തനങ്ങൾ വിലയിരുത്തി. അൽ തർജ് സ്റ്റേഡിയത്തിൽ ജൂൺ 21ന് അരങ്ങേറുന്ന ഉൽഘാടന പരിപാടിയിൽ വിവിധ നാട്ടുകൂട്ടായ്മകളുടെ നേതൃത്വത്തിൽ കലാരൂപങ്ങൾ അവതരിപ്പിക്കാനും കുടുംബങ്ങൾക്കും കുട്ടികൾക്കും ആസ്വദിക്കാവുന്ന കലാ സാംസ്‌കാരിക പരിപാടികൾ സ്റ്റേടിയത്തിൽ ൽ സംഘടിപ്പിക്കാനും കർമ്മപദ്ധതികൾ ആവിഷ്ക്കരിച്ചു.

ആക്ടിംഗ് ചെയർമാൻ ഖാദർ മാസ്റ്ററുടെ അധ്യക്ഷതയിൽ ചേർന്ന യോഗം നാഷണൽ കമ്മിറ്റി ചെയർമാൻ ഖാദർ ചെങ്കള ഉൽഘാടനം ചെയ്തു. സിദ്ദിഖ് പാണ്ടികശാല, മാലിക്ക് മഖ്ബൂൽ ആലുങ്ങൽ, റഹ്മാൻ കാരയാട്, ഇഖ്ബാൽ ആനമങ്ങാട്, ഹുസൈൻ വേങ്ങര, ഇസ്മായിൽ പുള്ളാട്ട്, മുജീബ് കൊളത്തൂർ, ഉമ്മർ ഓമശ്ശേരി, അഷ്റഫ് ഗസാൽ, ഖാദർ അണങ്കൂർ, ജമാൽ മീനങ്ങാടി, ബശീർ ബാഖവി, ശരീഫ് പാറപ്പുറത്ത്, ഫസൽ മഞ്ചേരി, കലാം മീഞ്ചന്ത, ബഷീർ ആലുങ്ങൽ, മുഹമ്മദ് കരിങ്കപ്പാറ, അമീറലി കൊയിലാണ്ടി, അസ്ലം കൊളക്കാടൻ, സി.കെ ഷാനി, അബ്ദുറഹ്മാൻ താനൂർ, സമീർ അരീക്കോട്, ഉമ്മർ കണ്ണൂർ, ഹുസ്സൈൻ ചെലേമ്പ്ര, ജമാൽ ആലമ്പാടി, സലാഹുദ്ദിൻ കണ്ണമംഗലം, ഹാജറ സലീം, സാജിദ നഹ, സുമയ്യ ഫസൽ, സുലൈഖ ഹുസൈൻ, നസീമ ഹുസൈൻ തുടങ്ങിയവർ ചർച്ചയിൽ പങ്കെടുത്തു. ജനറൽ കൺവീനർ ആലിക്കുട്ടി ഒളവട്ടൂർ സ്വാഗതവും നജീബ് ചീക്കിലോട് നന്ദിയും പറഞ്ഞു.

Continue Reading

GULF

പ്രവാസികള്‍ക്ക് തിരിച്ചടി; വിമാന ടിക്കറ്റ് നിരക്ക് കുത്തനെ ഉയർന്നു

രണ്ടാഴ്ച ആഴ്ച മുന്‍പ് 15000 രൂപയ്ക്ക് ലഭിച്ചിരുന്ന വണ്‍വേ ടിക്കറ്റിന്റെ നിരക്ക് ഇപ്പോള്‍ 35000 മുതല്‍ 1.5 ലക്ഷം രൂപ വരെയാണ്

Published

on

അബുദാബി: പെരുന്നാള്‍ അവധിക്ക് നാട്ടില്‍ പോകാന്‍ തയാറെടുക്കുന്ന പ്രവാസികള്‍ക്ക് തിരിച്ചടി. വിമാന ടിക്കറ്റ് നിരക്ക് കുത്തനെയുയര്‍ന്നതോടെ ഒമ്പത് ദിവസം അവധിക്ക് പോകാനിരിക്കുന്ന പ്രവാസികള്‍ക്ക് ചെലവേറും.

രണ്ടാഴ്ച ആഴ്ച മുന്‍പ് 15000 രൂപയ്ക്ക് ലഭിച്ചിരുന്ന വണ്‍വേ ടിക്കറ്റിന്റെ നിരക്ക് ഇപ്പോള്‍ 35000 മുതല്‍ 1.5 ലക്ഷം രൂപ വരെയാണ്. നേരിട്ടുള്ള വിമാനങ്ങളില്‍ പരിമിത സീറ്റ് മാത്രമേ ഈ നിരക്കില്‍ ലഭിക്കൂ. യാത്ര കണക്ഷന്‍ വിമാനങ്ങളിലാക്കിയാലും രക്ഷയില്ല. ടിക്കറ്റിന് ഉയര്‍ന്ന നിരക്ക് കൊടുക്കണമെന്നു മാത്രമല്ല പത്തും പതിനഞ്ചും മണിക്കൂര്‍ യാത്ര ചെയ്തുവേണം ലക്ഷ്യത്തിലെത്താന്‍.

ഇന്ത്യന്‍ വിമാന കമ്പനികളായ എയര്‍ ഇന്ത്യ എക്‌സ്പ്രസ്, ഇന്‍ഡിഗൊ, സ്‌പൈസ് ജെറ്റ്, വിസ്താര തുടങ്ങിയ എയര്‍ലൈനുകളില്‍ 50,000 രൂപയ്ക്കകത്ത് വണ്‍വേ ടിക്കറ്റ് ലഭിക്കും. എയര്‍ ഇന്ത്യയ്ക്ക് പുറമെ എമിറേറ്റ്‌സ് എയര്‍ലൈന്‍, ഇത്തിഹാദ് എയര്‍വെയ്‌സ് എന്നിവയുടെ നിരക്ക് 60,000 രൂപയ്ക്ക് മുകളിലാണ്. ഇതില്‍ ചില വിദേശ എയര്‍ലൈനുകള്‍ വണ്‍വേയ്ക്ക് 1.5 ലക്ഷം രൂപ വരെ വണ്‍വേ ടിക്കറ്റിന് ഈടാക്കുന്നു.

പെരുന്നാള്‍ പ്രമാണിച്ച് ഇന്ത്യയിലേക്കു മാത്രമല്ല വിദേശ രാജ്യങ്ങളിലേക്കും ടിക്കറ്റ് നിരക്ക് കൂടിയിട്ടുണ്ട്. യുഎഇയിലെ പൊതു അവധി ദിവസങ്ങള്‍ പ്രയോജനപ്പെടുത്തി വിദേശ രാജ്യങ്ങളിലെ വിനോദ യാത്രയ്ക്ക് പോകുന്നവരുടെ എണ്ണം കൂടിയതും നിരക്ക് കൂടാന്‍ കാരണമായി. ഈദുല്‍ അദ്ഹ അവധി ജൂണ്‍ 16 ഞായറാഴ്ച ആരംഭിച്ച് ജൂണ്‍ 20 വ്യാഴാഴ്ച അവസാനിക്കും, വാരാന്ത്യമടക്കം ജൂണ്‍ 14 വെള്ളിയാഴ്ച മുതല്‍ ജൂണ്‍ 22 ശനിയാഴ്ച വരെ അവധി ലഭിക്കും.

Continue Reading

Trending