Connect with us

Culture

എന്‍ ചന്ദ്രശേഖരന്‍ ടാറ്റാ ചെയര്‍മാന്‍

Published

on

മുംബൈ: ടാറ്റാ ഗ്രൂപ്പിന് പുതിയ ചെയര്‍മാന്‍. സിറസ് മിസ്ത്രിയെ പുറത്താക്കിയ ഒഴിവിലേക്കാണ് രത്തന്‍ ടാറ്റയുടെ ഉടമസ്ഥതയിലുള്ള കമ്പനി പുതിയ ചെയര്‍മാനെ നിയമിച്ചത്. ഇന്നലെ വൈകീട്ട് 4 മണിക്ക് മുംബൈയില്‍ ചേര്‍ന്ന ടാറ്റാ സണ്‍സ് ഡയരക്ടര്‍ ബോര്‍ഡ് യോഗം തീരുമാനത്തിന് അംഗീകാരം നല്‍കി.

ഉപ്പു മുതല്‍ ഒട്ടോമൊബൈല്‍ വരെയുള്ള വിവിധ മേഖലകളില്‍ വ്യാപിച്ചു കിടക്കുന്നതാണ് നൂറു ബില്യണ്‍ ഡോളറിന്റെ ആസ്തിയുള്ള ടാറ്റാ ഗ്രൂപ്പിന്റെ വ്യവസായ സാമ്രാജ്യം. 2016 ഒക്ടോബറിലാണ് സിറസ് മിസ്ത്രിയെ ടാറ്റാ സണ്‍സ് ചെയര്‍മാന്‍ സ്ഥാനത്തുനിന്ന് പുറത്താക്കിയത്. തല്‍ക്കാലത്തേക്ക് ചെയര്‍മാന്‍ പദവി ഏറ്റെടുത്ത രത്തന്‍ടാറ്റ, നാലു മാസത്തിനകം പുതിയ ചെയര്‍മാനെ നിയമിക്കുമെന്ന് അന്നുതന്നെ വ്യക്തമാക്കിയിരുന്നു. ടാറ്റാ സണ്‍സിനു കീഴിലെ വിവിധ കമ്പനികള്‍ പ്രത്യേകം ജനറല്‍ ബോഡി യോഗങ്ങള്‍ ചേര്‍ന്ന് സിറസ് മിസ്ത്രിയെ ഔദ്യോഗികമായിതന്നെ ചെയര്‍മാന്‍ സ്ഥാനത്തുനിന്ന് നീക്കുകയും ഇതുസംബന്ധിച്ച നടപടികള്‍ പൂര്‍ത്തിയാക്കുകയും ചെയ്തതോടെയാണ് പുതിയ ചെയര്‍മാനെ തെരഞ്ഞെടുത്തത്.
ലോകത്തിലെ തന്നെ ഏറ്റവും വലിയ സോഫ്റ്റ്‌വെയര്‍ കണ്‍സള്‍ട്ടന്‍സി കമ്പനികളില്‍ ഒന്നായി ടി.സി.എസിനെ വളര്‍ത്തിയതില്‍ വഹിച്ച പങ്കാണ് എന്‍ ചന്ദ്രശേഖരനെ ഗ്രൂപ്പ് ചെയര്‍മാന്‍ സ്ഥാനത്ത് നിമയിക്കാന്‍ പ്രേരണയായത്. സിറസ് മിസ്ത്രിയുടെ ഉടമസ്ഥതയിലുള്ള പല്ലോന്‍ജി ഗ്രൂപ്പുമായുള്ള നിയമ യുദ്ധം ഉള്‍പ്പെടെ ഒട്ടേറെ വെല്ലുവിളികളാണ് പുതിയ ചെയര്‍മാനെ കാത്തിരിക്കുന്നത്.

കമ്പ്യൂട്ടര്‍ ആപ്ലിക്കേഷനില്‍ മാസ്റ്റര്‍ ബിരുദധാരിയായ എന്‍ ചന്ദ്രശേഖരന്‍ തമിഴ്‌നാട്ടിലെ നാമക്കല്‍ സ്വദേശിയാണ്. 1987ല്‍ ടാറ്റാ ഗ്രൂപ്പില്‍ ജീവനക്കാരനായി വന്ന അദ്ദേഹം വിവിധ റാങ്കുകള്‍ കടന്നാണ് 2009ല്‍ ടി.സി.എസ് ചീഫ് എക്‌സിക്യൂട്ടീവ് ഓഫീസറായി നിയമിതനായത്. ചന്ദ്ര എന്ന ചുരുക്കപ്പേരിലാണ് ടാറ്റാ വൃത്തങ്ങളിലും ബിസിനസ് ലോകത്തും 54കാരനായ ചന്ദ്രശേഖരന്‍ അറിയപ്പെടുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Culture

‘നന്‍പകല്‍ നേരത്ത് മയക്കം’ പ്രീമിയര്‍ ഐഎഫ്എഫ്‌കെയില്‍; തീയതി പുറത്തുവിട്ട് മമ്മൂട്ടി

മൂന്ന് ദിവസമാണ് ‘നന്‍പകല്‍ നേരത്ത് മയക്കം’ ഐഎഫ്എഫ്‌കെയില്‍ പ്രദര്‍ശിപ്പിക്കുക.

Published

on

ലിജോ ജോസ് പെല്ലിശ്ശേരിയുടെ സംവിധാനത്തില്‍ മമ്മൂട്ടി നായകനായി എത്തുന്ന ചിത്രം ‘നന്‍പകല്‍ നേരത്ത് മയക്കം’.ഐഎഫ്എഫ്‌കെയില്‍ പ്രദര്‍ശിപ്പിക്കുമെന്ന് നേരത്തെ വാര്‍ത്തകള്‍ വന്നിരുന്നു.  ഇപ്പോള്‍ ചിത്രം മേളയില്‍ പ്രദര്‍ശിപ്പിക്കുന്ന തീയ്യതി മമ്മുട്ടി പങ്കുവെച്ചു.

May be an image of 5 people and text

മൂന്ന് ദിവസമാണ് ‘നന്‍പകല്‍ നേരത്ത് മയക്കം’ ഐഎഫ്എഫ്‌കെയില്‍ പ്രദര്‍ശിപ്പിക്കുക.  12-ാം തിയതി ടാഗോര്‍ തിയറ്ററില്‍ 3. 30നും 13-ാം തിയതി ഉച്ചയ്ക്ക് 12 മണിക്ക് ഏരീസ് പ്ലക്‌സിലും 14ന് രാവിലെ 9. 30ക്ക് അജന്ത തിയറ്ററിലും ആണ് ചിത്രത്തിന്റെ പ്രദര്‍ശനം നടക്കുക.  പ്രീമിയര്‍ തീയതികള്‍ പുറത്തുവിട്ട് കൊണ്ട് പുതിയ പോസ്റ്ററും അണിയറ പ്രവര്‍ത്തകര്‍ പങ്കുവച്ചിട്ടുണ്ട്.

Continue Reading

Culture

iffk ഡെലിഗേറ്റ് സെല്ലും ആദ്യപാസ് വിതരണവും ഉദ്ഘാടനം ചെയ്തു

iffk ഡെലിഗേറ്റ് സെല്‍ ഉദ്ഘാടനവും ആദ്യപാസ് വിതരണവും വഴുതക്കാട് ടാഗോര്‍ തിയറ്ററില്‍ മന്ത്രി വി.എന്‍ വാസവന്‍ ഉദ്ഘാടനം ചെയ്തു.

Published

on

ഇരുപത്തേഴാം രാജ്യാന്തര ചലച്ചിത്ര മേളയുടെ iffk ഡെലിഗേറ്റ് സെല്‍ ഉദ്ഘാടനവും ആദ്യപാസ് വിതരണവും വഴുതക്കാട് ടാഗോര്‍ തിയറ്ററില്‍ മന്ത്രി വി.എന്‍ വാസവന്‍ ഉദ്ഘാടനം ചെയ്തു. ആദ്യ ഡെലിഗേറ്റ് പാസ് ചലച്ചിത്രതാരം ആനിക്ക് മന്ത്രി നല്‍കി.

‘നോ ടു ഡ്രഗ്സ്’ സന്ദേശം രേഖപ്പെടുത്തിയ ഡെലിഗേറ്റ് കിറ്റ് മന്ത്രി എംബി രാജേഷ് നടന്‍ ഗോകുല്‍ സുരേഷിന് നല്‍കി. ചടങ്ങില്‍ ചലച്ചിത്ര അക്കാദമി ചെയര്‍മാനും സംവിധായകനുമായ രഞ്ജിത് അധ്യക്ഷത വഹിച്ചു.

 

Continue Reading

Culture

ഒരേ യുവാവിനെ വിവാഹം ചെയ്ത് ഐടി എഞ്ചിനീയര്‍മാരായ ഇരട്ട സഹോദരിമാര്‍

എന്നാല്‍ ഈ വിവാഹത്തിനെതിരെ സമൂഹമാധ്യമങ്ങളില്‍ വിമര്‍ശനങ്ങളും ഉയരുന്നുണ്ട്. ഇന്ത്യയില്‍ ഇത്തരത്തിലുള്ള വിവാഹം നിയമപരമാണോയെന്നാണ് പലരും സംശയിക്കുന്നത്.

Published

on

ഒരേ യുവാവിനെ വിവാഹം കഴിച്ച്‌ ഇരട്ട സഹോദരിമാര്‍. മഹാരാഷ്ട്രയിലെ സോലാപൂരിലാണ് സംഭവം. ഐടി എഞ്ചിനീയര്‍മാരായ പിങ്കി, റിങ്കി എന്നിവരാണ് അതുല്‍ എന്ന സുഹൃത്തിനെ വിവാഹം കഴിച്ചത്.ഇവരുടെ വീഡിയോ സോഷ്യല്‍ മീഡിയയില്‍ വൈറലായിക്കൊണ്ടിരിക്കുകയാണ്.ഒപ്പം വിമർശനങ്ങളും.

മുംബൈയില്‍ ഐടി എഞ്ചിനീയര്‍മാരായ ഇവര്‍ വെള്ളിയാഴ്ച മഹാരാഷ്ട്രയിലെ സോലാപൂര്‍ ജില്ലയിലെ മല്‍ഷിറാസ് താലൂക്കിലെ അക്ലൂജില്‍ വച്ചാണ് ഒരേ പുരുഷനെ വിവാഹം കഴിച്ചത്. കുട്ടിക്കാലം മുതല്‍ ഒരുമിച്ച്‌ വളര്‍ന്ന ഇവര്‍ക്ക്, പരസ്പരം പിരിയാനുള്ള ബുദ്ധിമുട്ടാണ് ഇത്തരം ഒരു തീരുമാനമെടുക്കുവാന്‍ കാരണമായത് എന്ന് പറയുന്നു. വിവാദമായ വിവാഹത്തിന് യുവതികളുടെയും പുരുഷന്റെയും വീട്ടുകാര്‍ സമ്മതിച്ചു. അമ്മയ്ക്കൊപ്പമാണ് അച്ഛന്‍ മരിച്ച പെണ്‍കുട്ടികള്‍ താമസിച്ചിരുന്നത്. അതുലിന്റെ കാറിലാണ് അമ്മയുടെ ചികിത്സയ്ക്കായി ഇവര്‍ ആശുപത്രിയില്‍ പോയിരുന്നത്. ഇങ്ങനെ പരസ്പരം അടുക്കുകയായിരുന്നു.

എന്നാല്‍ ഈ വിവാഹത്തിനെതിരെ സമൂഹമാധ്യമങ്ങളില്‍ വിമര്‍ശനങ്ങളും ഉയരുന്നുണ്ട്. ഇന്ത്യയില്‍ ഇത്തരത്തിലുള്ള വിവാഹം നിയമപരമാണോയെന്നാണ് പലരും സംശയിക്കുന്നത്.

Continue Reading

Trending