Connect with us

kerala

മസ്തിഷ്‌കം തീനി അമീബ; കേരളത്തിലെ കേസുകളുടെ എണ്ണം നിസ്സാരമല്ല, പഠനം വേണമെന്ന് വിദഗ്ധര്‍

അമേരിക്കല്‍ 60 വര്‍ഷത്തിനിടെ 157 കേസുകള്‍,1971-2011 വര്‍ഷത്തിനിടെ ഇന്ത്യയില്‍ 9 കേസുകള്‍,
കേരളത്തില്‍ ഏഴ് വര്‍ഷത്തിനിടെ ആറ് കേസുകള്‍

Published

on

അനീഷ് ചാലിയാര്‍

പാലക്കാട്: അപൂര്‍വങ്ങളില്‍ അപൂര്‍വമായ അമീബിക് മെനിന്‍ജോ എന്‍സഫൈലിറ്റിസ് (അമീബിക് മസ്തിഷ്‌കജ്വരം) കേസുകളിലെ വര്‍ധന ചൂണ്ടിക്കാണിക്കുന്നത് ജലാശയങ്ങളെക്കുറിച്ചും രോഗകാരിയുടെ സാന്ദ്രത സംബന്ധിച്ചുമുള്ള വിദഗ്ധ പഠനത്തിന്റെ ആവശ്യകത. തലച്ചോര്‍തീനി അമീബ (നെഗ്ലേറിയ ഫൗലേരി) എന്നയിനം ഏകകോശ ജീവിമൂലമുണ്ടാകുന്ന മസ്തികജ്വരം ബാധിച്ച് കേരളത്തില്‍ ഏഴ് വര്‍ഷത്തിനിടെ മരണപ്പെട്ടത് ആറ് പേരാണ്.

അമീബിക് മസ്തിഷ്‌ക ജ്വരം കൂടുതലായി റിപ്പോര്‍ട്ട് ചെയ്യുന്ന അമേരിക്കയില്‍ 1962 മുതല്‍ 2022 വരെയുള്ള അറുപത് വര്‍ഷത്തിനിടെ 23 സ്റ്റേറ്റുകളില്‍ 157 ഓളം കേസുകള്‍ മാത്രമാണ് റിപ്പോര്‍ട്ട് ചെയ്തിട്ടുള്ളത്. 1971 മുതല്‍ 2011 വരെയുള്ള 40 വര്‍ഷക്കാലഘട്ടത്തില്‍ ഇന്ത്യയില്‍ റിപ്പോര്‍ട്ട് ചെയ്തത് ഒമ്പത് കേസുകളാണെന്ന് കസ്തൂര്‍ബ മെഡിക്കല്‍ കോളജിന്റെ വിവിധ വകുപ്പുകള്‍ചേര്‍ന്ന് നടത്തിയ പഠനറിപ്പോര്‍ട്ടില്‍ സൂചിപ്പിക്കുന്നുണ്ട്. ഈ കണക്കുകളുമായി താരതമ്യം ചെയ്യുമ്പോള്‍ കേരളത്തിലെ കേസുകളും മരണവും ആശങ്കയുണ്ടാക്കുന്നതാണ്. കേരളത്തില്‍ മരണപ്പെട്ട 36 കാരനൊഴികെ അഞ്ച്പേരും 18 വയസ്സില്‍ താഴെയുള്ള കുട്ടികളാണ്. രോഗം ബാധിച്ചവരെല്ലാവരും കെട്ടിക്കിടക്കുന്നതോ മലിനമാക്കപ്പെടാന്‍ സാധ്യതയുള്ള വെള്ളക്കെട്ടില്‍ കുളിക്കാനിറങ്ങുകയോ മൂക്കില്‍ വെള്ളം കയറുന്ന തരത്തില്‍ മുഖം കഴുകുകയോ ചെയ്തവരാണ്. ഈ സാഹചര്യത്തിലാണ് സ്വിമ്മിങ് പൂളുകള്‍, വാട്ടര്‍തീം പാര്‍ക്കുകള്‍ ഉള്‍പ്പടെ മനുഷ്യനിര്‍മിത ജലാശയങ്ങള്‍, കെട്ടിക്കിടക്കുന്ന സ്വാഭാവിക ജലാശയങ്ങള്‍ എന്നിവയില്‍ രോഗാണുവിന്റെ സാന്ദ്രത സംബന്ധിച്ച പഠനം നടത്തണമെന്ന് വിദ്ഗധര്‍ ആവശ്യപ്പെടുന്നത്.

കസ്തൂര്‍ബ മെഡിക്കല്‍ കോളജിന്റെ പഠനത്തില്‍ സൂചിപ്പിക്കുന്ന ഒമ്പത് കേസുകളില്‍ അഞ്ച് മാസം മുതല്‍ 36 വയസ്സുവരെയാണ് പ്രായം. ഇതില്‍ അഞ്ച് കേസുകളില്‍ മരണം സംഭവിച്ചു. നാല് പേര്‍ രക്ഷപ്പെട്ടിട്ടുമുണ്ട്. 2016 ല്‍ കൊല്‍ക്കത്തയില്‍ ഒരു 14 കാരന്‍ രോഗ മുക്തി നേടിയതായും റിപ്പോര്‍ട്ടുകളുണ്ട്. മസ്തിഷ്‌ക ജ്വരത്തിന്റെ ലക്ഷണങ്ങള്‍ കണ്ടെത്തിയാല്‍ നട്ടെല്ലില്‍ നിന്ന് കുത്തിയെടുത്തുള്ള (ലുംബാര്‍ പഞ്ചര്‍) സാമ്പിള്‍ പരിശോധനയിലൂടെ മാത്രമേ രോഗം സ്ഥിരീകരിക്കാനാവൂ. മണിക്കൂറുകള്‍ക്കുള്ളില്‍ രോഗി മരണത്തോടടുക്കുന്നതിനാല്‍ രോഗസ്ഥിരീകരണവും ചികിത്സയും ഫലപ്രദമാകുന്നില്ല.

അമേരിക്കക്കയിലെ സെന്റര്‍ ഫോര്‍ ഡിസീസ് കണ്‍ട്രോള്‍ ആന്റ് പ്രിവന്‍ഷന്‍ (സി.ഡി.സി) അമീബകളെക്കുറിച്ചും രോഗ നിയന്ത്രണത്തെ കുറിച്ചും നിരന്തരമായ പഠനങ്ങള്‍ നടത്തുന്നുണ്ട്. അന്തര്‍ദേശീയ തലത്തില്‍ പ്രതിരോധ പ്രവര്‍ത്തനങ്ങള്‍ക്ക് സഹായവും നല്‍കി വരുന്നുണ്ട്. 1978 മുതല്‍ ഇതിനുവേണ്ടി മാത്രമായി പ്രത്യേക ലാബും സജ്ജീകരിച്ചിട്ടുണ്ട് സി.ഡി.സി.

ജീവിത ചക്രത്തിന് മൂന്ന് ഘട്ടം

തലച്ചോര്‍ തീനി അമീബക്ക് (നെഗ്ലേറിയ ഫൗലേറി) 1. സിസ്റ്റ്, 2.ട്രോഫോസോയിറ്റെ 3.ഫല്‍ജല്ലേറ്റ് സ്റ്റേജുകളാണുള്ളത്. വളര്‍ച്ചയുടെ രണ്ടും മൂന്നും ഘട്ടങ്ങളിലെത്തുന്ന അമീബയാണ് മനുഷ്യന്റെ മൂക്കിലൂടെ തലച്ചോറിലെത്തിയാല്‍ കൂടുതല്‍ പ്രശ്നങ്ങളുണ്ടാക്കുന്നതായി പഠനങ്ങളില്‍ കാണുന്നത്. ട്രോഫോസോയിറ്റെ സ്റ്റേജിലുള്ളവ അതേ രൂപത്തില്‍ മറ്റൊന്നിനെ വളരെ വേഗത്തില്‍ രൂപപ്പെടുത്തും. ഇങ്ങനെ പെരുകുകയും തലച്ചോര്‍ നശിപ്പിക്കുകയുമാണ് ചെയ്യുന്നത്. 50- മുതല്‍ 65 ഡിഗ്രിക്ക് മുകളില്‍ ചൂടുള്ള ജലാശയത്തില്‍ മണിക്കൂറുകള്‍ നിലനില്‍ക്കാന്‍ ഇവയ്ക്ക് സാധിക്കും. അതിനാല്‍ കെട്ടിക്കിടക്കുന്ന സ്വഭാവിക-കൃത്രിമ ജലാശയങ്ങളില്‍ ഇവയുടെ സാന്നിധ്യത്തിന് വളരെ സാധ്യതയുണ്ട്.

ക്ലോറിനേഷന്‍ തന്നെ പരിഹാരം

കെട്ടിക്കിടക്കുന്നതും ദീര്‍ഘനാള്‍ ഉപയോഗിക്കാതെ കിടക്കുന്നതുമായ ജലാശയങ്ങള്‍ കൃത്യമായ ഇടവേളകളില്‍ ക്ലോറിനേഷന്‍ ചെയ്യേണ്ടത് അത്യാവശ്യമാണ്. മസ്തിഷ്‌കംതീനി അമീബകളെ പ്രതിരോധിക്കാന്‍ ക്ലോറിന്‍, മോണോക്ലോറോമിന്‍ എന്നിവ ഉപയോഗിക്കാം. കോഴിക്കോട്ട് നേരത്തെ റിപ്പോര്‍ട്ട് ചെയ്ത കേസ് ഉപയോഗിക്കാതെ കിടന്ന സ്വിമ്മിങ് പൂളില്‍ കുളിച്ചതിനാലായിരുന്നു. സ്വിമ്മിങ് പൂളുകളും കൃത്യമായി ഇടവേളകളില്‍ വൃത്തിയാക്കുകയും ക്ലോറിനേറ്റ് ചെയ്യുകയും വേണം.

kerala

പിആര്‍ഡി അഴിമതിയും മുഖ്യമന്ത്രിയുടെ ഓഫീസിലെ പങ്കും ഉടന്‍ അന്വേഷണം വേണം: കെ സുധാകരന്‍ എംപി

Published

on

തിരുവനന്തപുരം: മുഖ്യമന്ത്രി പിണറായി വിജയന്റെ മുഖംമിനുക്കാനായി കോടികള്‍ ചെലവിട്ട് സംഘടിപ്പിച്ച നവകേരള സദസ്, എന്റെ കേരളം പദ്ധതികളുടെ നടത്തിപ്പില്‍ വലിയ തട്ടിപ്പ് നടന്നതായും അതില്‍ മുഖ്യമന്ത്രിയുടെ ഓഫീസിലെ പ്രധാനി മുഖ്യപങ്കുവഹിച്ചുവെന്നുമുള്ള മാധ്യമ റിപ്പോര്‍ട്ടിന്മേല്‍ അടിയന്തര അന്വേഷണം നടത്തണമെന്ന്  കെപിസിസി പ്രസിഡന്റ് കെ സുധാകരന്‍ എംപി ആവശ്യപ്പെട്ടു.

സര്‍ക്കാര്‍ 23 കോടി രൂപ നല്കിയ എന്റെ കേരളം പദ്ധതി, കണക്കുകള്‍ വെളിപ്പെടുത്താതെ നടത്തിയ നവകേരള സദസ് എന്നീ പരിപാടികള്‍ സജീവ സംപ്രേഷണം ചെയ്യാന്‍ മുഖ്യമന്ത്രിയുടെ ഓഫീസിലെ ഉന്നതന്റെ മകന്റെ സ്ഥാപനത്തിന് നല്കിയതിലെ ക്രമക്കേടാണ് പുറത്തുവന്നത്. ക്വട്ടേഷനോ ടെണ്ടറോ ഇല്ലാതെയാണ് ഈ ജോലികള്‍ ഇവര്‍ക്ക് നല്കിയത്. പിണറായി സര്‍ക്കാരിന്റെ നിരവധി പിആര്‍ ജോലികള്‍ ഈ സ്ഥാപനത്തിനാണ് നല്കിയതെന്ന് പരസ്യ ഏജന്‍സികള്‍ പരാതിപ്പെട്ടിട്ടുണ്ട്.

100 കോടിയിലധികം രൂപ മാധ്യമങ്ങള്‍ക്ക് കുടിശികയുള്ളപ്പോള്‍ ഈ സ്ഥാപനത്തിന് കുടിശികയില്ലെന്നും പറയപ്പെടുന്നു. സര്‍ക്കാരിന്റെ വാര്‍ഷികത്തോട് അനുബന്ധിച്ചാണ് നേട്ടങ്ങള്‍ അവതരിപ്പിക്കാന്‍ എല്ലാ വര്‍ഷവും എന്റെ കേരളം പരിപാടി നടത്തുന്നത്. കഴിഞ്ഞ പാര്‍ലമെന്റ് തെരഞ്ഞെടുപ്പിനോട് അനുബന്ധിച്ചാണ് വന്‍വിവാദമായ നവകേരള സദസ് നടത്തിയത്. നിരവധി ആരോപണങ്ങളാണ് ഈ പരിപാടികളെക്കുറിച്ച് ഉയര്‍ന്നത്.

നവകേരള സദസിനോട് അനുബന്ധിച്ചു നടത്തിയ പരിപാടികള്‍ക്ക് പൊതുജനങ്ങളില്‍നിന്നു സമാഹരിച്ച ഫണ്ട് പിആര്‍ഡി ഡയറക്ടറുടെ അക്കൗണ്ടിലാണ് വന്നത്. ഈ തുക എത്രയാണെന്ന് ഇതുവരെ വെളിപ്പെടുത്തിയിട്ടില്ല. ഡയറക്ടറെ മാറ്റാന്‍ മുഖ്യമന്ത്രിയുടെ ഓഫീസിലെ ഉന്നതന്റെ നേതൃത്വത്തില്‍ ചരടുവലി നടന്നെങ്കിലും കണ്ണൂര്‍ ലോബിയുമായി ഊഷ്മള ബന്ധമുള്ള അദ്ദേഹം അതിനെ അതിജീവിച്ചു. പിആര്‍ഡി ഇപ്പോള്‍ ഉന്നതന്റെ നേതൃത്വത്തിലും ഡയറക്ടറുടെ നേതൃത്വത്തിലും  ചേരിതിരിഞ്ഞാണ് പ്രവര്‍ത്തിക്കുന്നത്. സാമ്പത്തിക ഇടപാടുകളാണ് ഈ ചേരിതിരിവിന്റെയെല്ലാം അടിസ്ഥാനം.

മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറി മുതല്‍ പൊളിറ്റിക്കല്‍ സെക്രട്ടറി വരെ ആരോപണങ്ങള്‍ നേരിട്ടു. പ്രിന്‍സിപ്പല്‍ സെക്രട്ടറി ജയില്‍വാസവും അനുഭവിച്ചു. പൊളിറ്റിക്കല്‍ സെക്രട്ടറിക്കെതിരേ  ഭരണകക്ഷി എംഎല്‍എ ഞെട്ടിപ്പിക്കുന്ന ആരോപണങ്ങളാണ് ഉയര്‍ത്തിയത്. അതോടൊപ്പമാണ് മുഖ്യമന്ത്രിയുടെ ഓഫീസിലെ മൂന്നാമനെതിരേ ആരോപണം ഉയരുന്നത്. മുഖ്യമന്ത്രിയുടെ മൂക്കിനു താഴെ നടക്കുന്ന അഴിമതികളില്‍ അന്വേഷണം നടത്തി നിജസ്ഥിതി ജനങ്ങളെ അറിയിക്കണമെന്ന് സുധാകരന്‍ ആവശ്യപ്പെട്ടു.

Continue Reading

kerala

ഇതരസംസ്ഥാനങ്ങളിൽ നിന്ന് ആനകളെ കൊണ്ടുവരുന്നത് തടഞ്ഞ് ഹൈക്കോടതി

മൃഗ സംരക്ഷണ സംഘടന നൽകിയ ഹർജിയിലാണ് നടപടി

Published

on

ഇതര സംസ്ഥാനങ്ങളിൽ നിന്നു ആനകളെ കേരളത്തിലേക്ക് കൊണ്ടു വരുന്നത് തടഞ്ഞ് ഹൈക്കോടതി. ഡിവിഷൻ ബഞ്ചാണ് താത്കാലികമായി തടഞ്ഞത്. പിടികൂടിയ ആനകളുടെ കൈമാറ്റം സംബന്ധിച്ച ചട്ടങ്ങൾ പ്രകാരമാണ് ഇടക്കാല ഉത്തരവ്.

മൃഗ സംരക്ഷണ സംഘടന നൽകിയ ഹർജിയിലാണ് നടപടി. ഇതര സംസ്ഥാന ആനകളുടെ കൈമാറ്റത്തിന് സർക്കാരും ചീഫ് വൈൽഡ് ലൈഫ് വാർഡനും അനുമതി നൽകുന്നതാണ് ഹൈക്കോടതി താൽക്കാലികമായി തടഞ്ഞത്.

കേരളത്തിൽ പിടികൂടിയ ആനകളുടെ സ്ഥിതി പരിതാപകരമാണെന്നും കോടതിയുടെ നിരീക്ഷണം. കഴിഞ്ഞ 6 വർഷത്തിനുള്ളിൽ ഇത്തരത്തിൽ ചെരിഞ്ഞ ആനകളുടെ എണ്ണം 154 ആണെന്നും കോടതി വ്യക്തമാക്കി.

 

Continue Reading

kerala

‘ആര്‍എസ്എസ് നിരോധനം നേരിട്ട സംഘടന’; സ്പീക്കറെ തള്ളി മന്ത്രി എം.ബി രാജേഷ്

എഡിജിപി എം.ആർ അജിത് കുമാറും ആർഎസ്എസ് നേതാക്കളും തമ്മിലുള്ള കൂടിക്കാഴ്ചയിൽ അപാകതയില്ലെന്ന് എ.എൻ ഷംസീർ പ്രതികരിച്ചിരുന്നു

Published

on

അജിത്കുമാര്‍- ആര്‍എസ്എസ്‌ കൂടിക്കാഴ്ചയിൽ സ്പീക്കർ എ.എൻ ഷംസീറിനെ തള്ളി മന്ത്രി എം.ബി രാജേഷ്. മഹാത്മാ ഗാന്ധി വധത്തിൽ സര്‍ദാര്‍ പട്ടേൽ നിരോധിച്ച സംഘടനയാണ് ആർഎസ്എസ്സെന്ന് അദ്ദേഹം പറഞ്ഞു. ഈ നിലപാട് തന്നെയാണ് ഇപ്പോഴും സിപിഎമ്മിനുള്ളതെന്നും മന്ത്രി വ്യക്തമാക്കി.

ആര്‍എസ്എസ് നിരോധനം നേരിട്ട സംഘടനയാണെന്നും ആര്‍എസ്എസിനെക്കുറിച്ച് തങ്ങള്‍ക്ക് നല്ല ധാരണയുണ്ടെന്നും മന്ത്രി എം ബി രാജേഷ് പറഞ്ഞു. ആര്‍എസ്എസ് വര്‍ഗീയത കൈകാര്യം ചെയ്യുന്ന സംഘടനയാണെന്ന് മന്ത്രി കെ എന്‍ ബാലഗോപാലും പ്രതികരിച്ചു.

നേരത്തെ, എഡിജിപി എം.ആർ അജിത് കുമാറും ആർഎസ്എസ് നേതാക്കളും തമ്മിലുള്ള കൂടിക്കാഴ്ചയിൽ അപാകതയില്ലെന്ന് എ.എൻ ഷംസീർ പ്രതികരിച്ചിരുന്നു. ആർഎസ്എസ് നിരോധനമുള്ള സംഘടനയല്ല എന്നു പറഞ്ഞായിരുന്നു സ്പീക്കർ ന്യായീകരിച്ചത്. എന്നാൽ, ഇതു തള്ളിയായിരുന്നു മന്ത്രി രാജേഷിന്റെ പ്രതികരണം.

 

Continue Reading

Trending