Connect with us

gulf

ഹജ്ജ്: വ്യാജ സന്ദേശങ്ങളില്‍ വഞ്ചിതരാവരുത് മുന്നറിയിപ്പ് നല്‍കി മന്ത്രാലയം

ഹജ്ജിന്റെ സേവനങ്ങളുമായി ബന്ധപ്പെട്ട വരുന്ന വ്യാജ സന്ദേശങ്ങളില്‍ വഞ്ചിതരാകരുതെന്ന് ഹജ്ജ് ഉംറ മന്ത്രാലയം.

Published

on

ഹജ്ജ് വിശേഷങ്ങള്‍
അഷ്റഫ് വേങ്ങാട്ട്

മക്ക : ഹജ്ജിന്റെ സേവനങ്ങളുമായി ബന്ധപ്പെട്ട വരുന്ന വ്യാജ സന്ദേശങ്ങളില്‍ വഞ്ചിതരാകരുതെന്ന് ഹജ്ജ് ഉംറ മന്ത്രാലയം. ആഭ്യന്തര തീര്‍ത്ഥാടകരായ സ്വദേശികളോടും വിദേശികളോടുമാണ് ഇത്തരം തട്ടിപ്പില്‍ അകപെടരുതെന്ന് മന്ത്രാലയം മുന്നറിയിപ്പ് നല്‍കിയത് . ഫോണില്‍ ലഭിക്കുന്ന സന്ദേശങ്ങള്‍ കൃത്യമാണോ എന്നുറപ്പ് വരുത്താനും ജാഗ്രത പാലിക്കാനും മന്ത്രാലയം നിര്‍ദേശിച്ചു

മുഴുവന്‍ ഇന്ത്യന്‍ ഹാജിമാരും മക്കയില്‍

മക്ക: അനുമതി ലഭിച്ച മുഴുവന്‍ ഇന്ത്യന്‍ തീര്‍ത്ഥാടകരും പുണ്യഭൂമിയിലെത്തി. ഞായറാഴ്ച്ച മുംബൈയില്‍ നിന്ന് വിമാനങ്ങള്‍ കൂടി ജിദ്ദയില്‍ എത്തിയതോടെ ഇക്കൊല്ലത്തെ ഇന്ത്യയില്‍ നിന്നുള്ള ഹജ്ജ് വിമാനങ്ങളുടെ സര്‍വീസിന് അറുതിയായി. മലയാളി തീര്‍ത്ഥാടകരുള്‍പ്പടെ മദീനയിലിറങ്ങിയ മുഴുവന്‍ പേരും മക്കയിലെത്തി. ഇവരില്‍ നാല് പേര്‍ ആശുപത്രിയിലുണ്ട് . ഇവരെ ഹജ്ജിനോട് അനുബന്ധിച്ച് മിനയിലെത്തിക്കും . ഇന്ത്യന്‍ തീര്‍ത്ഥാടകര്‍ക്ക് വേണ്ടി ഹജ്ജ് മിഷന്‍ അസീസിയയിലാണ് താമസമൊരുക്കിയത്. അസീസിയില്‍ നിന്ന് ഹറമിലേക്കും തിരിച്ചും ഒരുക്കിയിരുന്ന 24 മണിക്കൂര്‍ ബസ് സര്‍വീസ് കഴിഞ്ഞ ദിവസം മൂതല്‍ നിര്‍ത്തിയിരുന്നു. ദശ ലക്ഷത്തോളം വരുന്ന ഹജ്ജ് തീര്‍ത്ഥാടകര്‍ മക്കയിലേക്കെത്തുന്ന സാഹചര്യത്തിലാണ് തിരക്കൊഴിവാക്കാന്‍ സര്‍വീസുകള്‍ നിര്‍ത്തിയത്. ഇക്കൊല്ലം 56637 തീര്‍ത്ഥാടകര്‍ കേന്ദ്ര ഹജ്ജ് കമ്മിറ്റി വഴിയും 22600 പേര്‍ സ്വകാര്യ ഏജന്‍സികള്‍ വഴിയുമാണ് മക്കയില്‍ എത്തിയത് . കേന്ദ്ര ഹജ്ജ് കമ്മിറ്റിക്ക് കീഴിലുള്ള ഇന്ത്യന്‍ ഹജ്ജ് സംഘം ഇന്ന് മക്കയിലെത്തും.

മശാഇര്‍ മെട്രോ എല്ലാ ഇന്ത്യക്കാര്‍ക്കും അനുമതി

മക്ക : ഇന്ത്യയില്‍ നിന്നുള്ള മുഴുവന്‍ ഹാജിമാര്‍ക്കും ഇത്തവണ മശാഇര്‍ മെട്രോ ട്രെയിന്‍ ഉപയോഗിക്കാന്‍ ഹജ്ജ് മന്ത്രാലയം അനുമതി നല്‍കി. ഇതാദ്യമാണ് ഇന്ത്യന്‍ ഹാജിമാര്‍ക്ക് ഈ സൗകര്യം ലഭ്യമാകുന്നത്. മുന്‍കാലങ്ങളില്‍ പകുതിയോളം പേര്‍ക്കാണ് ഈ അവസരം ലഭിച്ചിരുന്നത്. ബാക്കിയുള്ളവര്‍ ബസ്സുകളിലും കാല്‌നടയായുമാണ് പുണ്യ പ്രദേശങ്ങളില്‍ എത്തിയിരുന്നത് . മശാഇര്‍ ട്രെയിന്‍ ടിക്കറ്റുകള്‍ ദുല്‍ഹജ്ജ് ഏഴിന് മുമ്പായി ഇന്ത്യന്‍ ഹജ്ജ് മിഷന്‍ വളണ്ടീയര്‍മാര്‍ വഴി തീര്‍ത്ഥാടകര്‍ക്ക് വിതരണം ചെയ്യും. മിന, അറഫ, മുസ്ദലിഫ, ജംറ തുടങ്ങിയ ഹജ്ജിന്റെ കര്‍മ്മങ്ങള്‍ നടക്കുന്ന പുണ്യ കേന്ദ്രങ്ങളിലേക്കാണ് ട്രെയിന്‍ വഴി യാത്ര ചെയ്യാന്‍ അവസരമുണ്ടാവുക .

മശാഇര്‍ സജ്ജം; മൂന്നര ലക്ഷം ഹാജിമാര്‍ക്ക് ആശ്രയം

മക്ക : രണ്ട് വര്‍ഷത്തെ ഇടവേളക്ക് ശേഷം അറ്റകുറ്റ പണികളെല്ലാം തീര്‍ത്ത് മശാഇര്‍ മെട്രോ വീണ്ടും ഒരുങ്ങി. ഇത്തവണ മൂന്നര ലക്ഷം പേരെ പുണ്യനഗരികളില്‍ എത്തിക്കുന്ന ദൗത്യമാണ് മശാഇര്‍ മെട്രോക്കുള്ളത് . ഒമ്പത് സ്‌റേഷനുകളെ ബന്ധിപ്പിച്ചുകൊണ്ടാണ് 17 മശാഇര്‍ ട്രെയിനുകളുടെ സര്‍വീസ്. മിന, അറഫ, മുസ്ദലിഫ, ജംറ തുടങ്ങിയ ഹജ്ജിന്റെ കര്‍മ്മങ്ങള്‍ നടക്കുന്ന പുണ്യ കേന്ദ്രങ്ങളിലേക്കാണ് യാത്ര .2008 ല്‍ ചൈനീസ് കമ്പനി ആരംഭിച്ച ഈ പദ്ധതി 2010 ലാണ് ഔദ്യോഗികമായി ഉദ്ഘാടനം നിര്‍വഹിച്ചത്. ഒരു മണിക്കൂറില്‍ 72000 പേര്‍ക്ക് യാത്ര ചെയ്യാനുള്ള സൗകര്യമാണ് മശാഇറിലുള്ളത്. ഏഴായിരത്തിലധികം ജീവനക്കാരുണ്ട് മഷാഇറില്‍ .

സുരക്ഷക്ക് സൈന്യം സുസജ്ജം

മക്ക : ഹജ്ജിന്റെ സുപ്രധാന കര്‍മ്മമായ അറഫാ സംഗമം നടക്കുന്ന വേദിയില്‍ ഹജ്ജ് സുരക്ഷാ സേനയുടെ വാര്‍ഷിക പരേഡ്. തീര്‍ത്ഥാടകരുടെ സുരക്ഷ നിലനിര്‍ത്തുന്നതില്‍ ഹജ്ജ് സുരക്ഷാ സേനയുടെ ചുമതലകള്‍ വീഴ്ച്ചകളില്ലാതെ നിര്‍വഹിക്കാന്‍ സൈന്യം സജ്ജമാണെന്ന് തെളിയിക്കുന്നതായിരുന്നു പരേഡ് . സഊദി ആഭ്യന്തര മന്ത്രിയും സുപ്രിം ഹജ്ജ് കമ്മിറ്റി ചെയര്‍മാനുമായ അബ്ദുല്‍ അസീസ് ബിന്‍ സഊദ് രാജകുമാരന്‍ പരേഡില്‍ സല്യൂട്ട് സ്വീകരിച്ചു. ഹജ്ജ് സുരക്ഷാ സേനയോടൊപ്പം മറ്റു സുരക്ഷാ വിഭാഗങ്ങളും വാര്‍ഷിക പരേഡില്‍ അണിനിരന്നിരുന്നു .തീര്‍ത്ഥാടകര്‍ക്ക് സുരക്ഷിതമായി കര്‍മ്മങ്ങള്‍ പൂര്‍ത്തിയാക്കാനുള്ള അവസരമൊരുക്കാന്‍ പുണ്യ നഗരികളിലെല്ലാം സൈനികരുടെ സാന്നിധ്യമുണ്ടാകും.

അറഫയില്‍ റെഡ്ക്രെസന്റ് മോക് ഡ്രില്‍

മക്ക : തീര്‍ത്ഥാടകരുടെ ആരോഗ്യ പരിപാലനത്തില്‍ റെഡ് ക്രെസന്റ് വിപുലമായ സൗകര്യങ്ങളാണ് ഒരുക്കിയിട്ടുള്ളത്. കഴിഞ്ഞ ദിവസം അറഫയില്‍ റെഡ് ക്രെസെന്റ് മോക് ഡ്രില്‍ നടത്തി. അറഫാ ഖുതുബ നടക്കുന്ന നമിറ മസ്ജിദില്‍ വൈദ്യുതി ഷോര്‍ട് സര്‍ക്യൂട്ട് ഉണ്ടായതിനെ തുടര്‍ന്നുള്ള രക്ഷാപ്രവര്‍ത്തനമാണ് റെഡ് ക്രസന്റ് മോക് ഡ്രില്ലിലൂടെ അവതരിപ്പിച്ചത് . ജനങ്ങള്‍ ചിതറിയോടുന്നതും തിരക്കില്‍ അകപ്പെട്ടവരെ രക്ഷപെടുത്തുന്നതും റെഡ് ക്രസന്റും സുരക്ഷാ സേനയും രക്ഷാപ്രവര്‍ത്തനത്തില്‍ കൈകോര്‍ക്കുന്നതുമാണ് പശ്ചാത്തലം .

ഹജ്ജ് സീസണ്‍ അത്യുഷ്ണത്തില്‍

മക്ക : അത്യുഷ്ണമാണ് മക്കയില്‍. ഹജ്ജ് സീസണില്‍ 42 മുതല്‍ 44 വരെ ഡിഗ്രി സെല്‍ഷ്യസിലായിരിക്കും ഉഷ്ണം ബാധിക്കുകയെന്നാണ് കാലാവസ്ഥ നിരീക്ഷകരുടെ നിഗമനം . പകല്‍ സമയങ്ങളില്‍ പൊടിക്കാറ്റിനും സാധ്യതയുണ്ടെന്നും ഇത് അന്തരീക്ഷത്തില്‍ പൊടിപടലങ്ങളുണ്ടാക്കുമെന്നും ദേശീയ കാലാവസ്ഥ നിരീക്ഷണ വിഭാഗം മുന്നറിയിപ്പ് നല്‍കിയിട്ടുണ്ട്. വടക്ക് പടിഞ്ഞാറ് ദിശയില്‍ നിന്ന് മണിക്കൂറില്‍ 15 മുതല്‍ 38 കിലോമീറ്റര്‍ വേഗതയിലായിരിക്കും പൊടിക്കാറ്റുണ്ടാവുക. മക്കയുടെ തെക്കു ഭാഗങ്ങളില്‍ ഇടിയോട് കൂടിയ മഴക്കും സാധ്യതയുണ്ട് .

സൂര്യ താപം സൂക്ഷിക്കണമെന്ന് ആരോഗ്യ മന്ത്രാലയം

മക്ക : തീര്‍ത്ഥാടകര്‍ സൂര്യ താപം ഏല്‍ക്കുന്നത് സൂക്ഷിക്കണമെന്ന് ആരോഗ്യ മന്ത്രാലയം മുന്നറിയിപ്പ് നല്‍കിയിട്ടുണ്ട്. കടുത്ത വെയിലേല്‍ക്കുന്നത് ഹീറ്റ് സ്ട്രോക്കിലേക്ക് നയിച്ചേക്കുമെന്നും അധിക നേരം ചൂടില്‍ നില്‍ക്കുന്നത് ഒഴിവാക്കണമെന്നുമാണ് നിര്‍ദേശം. നടക്കുന്ന നടക്കുന്ന സമയങ്ങളില്‍ കുടകള്‍ ഉപയോഗിക്കാനും തണലുള്ള ഭാഗങ്ങളില്‍ നില്‍ക്കാനും ശ്രദ്ധിക്കണം . വെള്ളം , ഫ്രൂട്ട് ജൂസുകള്‍ എന്നിവ കഴിക്കണം. മധുരമുള്ള പാനീയങ്ങള്‍ ഒഴിവാക്കണം. ഛര്‍ദി, ഓക്കാനം , നില്‍ക്കാന്‍ പറ്റാത്ത അവസ്ഥ തുടങ്ങിയ അസ്വാസ്ഥ്യങ്ങള്‍ ഉണ്ടായ ഉടനെ അടുത്തുള്ള ഹെല്‍ത്ത് സെന്ററില്‍ ചികിത്സ തേടണമെന്നും ആരോഗ്യമന്ത്രാലയം ഉണര്‍ത്തി .

14 ഭാഷകളില്‍ പരിഭാഷകരുടെ സഹായം

മക്ക : ‘നിങ്ങളെ നിങ്ങളുടെ ഭാഷായില്‍ ഞങ്ങള്‍ വഴി നടത്താം’ എന്ന പരിപാടിയിലൂടെ ഹജ്ജിനെത്തുന്ന തീര്‍ത്ഥാടകര്‍ക്ക് ഹജ്ജ്മായി ബന്ധപ്പെട്ട കര്‍മ്മങ്ങള്‍ കൃത്യമായി ബോധ്യപ്പെടുത്താന്‍ പരിഭാഷകരുടെ സഹായമുണ്ടാകും . 24 മണിക്കൂറും സേവനങ്ങള്‍ ലഭിക്കാന്‍ അറബിയോടൊപ്പം ഇംഗ്ലീഷ്, തുര്‍ക്കി, ഉറുദു, ഫാരിസി , സ്പാനിഷ് , ഫ്രഞ്ച് , ബംഗാളി , മലായി , ഇന്തോനേഷ്യന്‍, തമിഴ് , മാലി തുടങ്ങിയ 14 ഭാഷകളിലാണ് പരിഭാഷകരുടെ സേവനം ലഭ്യമാവുകയെന്ന ഗൈഡന്‍സ് ആന്‍ഡ് ട്രാന്‍സ്ലേഷന്‍ വിഭാഗം ഡയറക്ടര്‍ മുബീരികി സാല്‍മി പറഞ്ഞു . ഫോണ്‍ വഴിയും നേരിട്ടും സേവനം ലഭ്യമാക്കും. പുണ്യകര്‍മ്മങ്ങള്‍ പരിചയപ്പെടുത്തുന്ന ലഘു പുസ്തകങ്ങളും വിതരണം ചെയ്യും .

FOREIGN

മലയാളി യുവാക്കളെ അബുദാബിയില്‍ നിന്നും കാണാതായി

സ്വദേശികളായ സഫീര്‍, സുഹൈബ് എന്നിവരെ കാണാനില്ലെന്ന് പരാതി. പെരിന്തല്‍മണ്ണ വള്ളിക്കാപറ്റ കുട്ടീരി ഹൗസില്‍ അബൂബക്കറിന്റെ മകന്‍ സുഹൈബ്, ഒപ്പമുണ്ടായിരുന്ന സഫീര്‍ എന്നിവരെയാണ് ഈ മാസം 22 മുതല്‍ കാണാതായിട്ടുള്ളത്.

Published

on

അബുദാബി: അബുദാബിയില്‍ നിന്നും തായ്‌ലാന്റിലേക്ക് ജോലി തേടിപ്പോയ മലപ്പുറം സ്വദേശികളായ സഫീര്‍, സുഹൈബ് എന്നിവരെ കാണാനില്ലെന്ന് പരാതി. പെരിന്തല്‍മണ്ണ വള്ളിക്കാപറ്റ കുട്ടീരി ഹൗസില്‍ അബൂബക്കറിന്റെ മകന്‍ സുഹൈബ്, ഒപ്പമുണ്ടായിരുന്ന സഫീര്‍ എന്നിവരെയാണ് ഈ മാസം 22 മുതല്‍ കാണാതായിട്ടുള്ളത്. സുഹൈബും സഫീറും ഇക്കഴിഞ്ഞ മാര്‍ച്ച് 27നാണ് സന്ദര്‍ശക വിസയില്‍ ദുബൈയിലെത്തുന്നത്.

പിന്നീട് അബുദാബിയിലെ മില്ലേനിയം ടവറിനടുത്തുള്ള ഗിഫ്റ്റ് കിംഗ് ബില്‍ഡിംഗില്‍ താമസിക്കുമ്പോഴാണ് ഓണ്‍ലൈന്‍ ഇന്റര്‍വ്യൂ വഴി തായ്‌ലാന്റിലേക്കുള്ള തൊഴില്‍ വിസ കരസ്ഥമാക്കുന്നത്. ഈമാസം 21ന് അബുദാബിയില്‍ നിന്നും ഇത്തിഹാദ് വിമാനത്തില്‍ തായ്‌ലാന്റിലേക്ക് പുറപ്പെടുന്നു. 22 ന് തായ്‌ലാന്റ് സുവര്‍ണഭൂമി എയര്‍പോര്‍ട്ടിലെത്തിയ ചിത്രങ്ങള്‍ കുടുംബവുമായി പങ്കുവെച്ചിരുന്നു.

എയര്‍പോര്‍ട്ടിലെത്തിയ യുവാക്കളെ ഏജന്റ് വാഹനത്തില്‍ കയറ്റി കൊണ്ടുപോയെന്നും 21 മണിക്കൂര്‍ നീണ്ട യാത്രക്ക് ശേഷം അജ്ഞാതമായ സ്ഥലത്ത് എത്തിച്ചുവെന്നുമാണ് അറിയുന്നത്. അന്വേഷണത്തില്‍ ഇവരുള്ളത് മ്യാന്‍മര്‍ അതിര്‍ത്തിക്കടുത്തുള്ള സ്ഥലത്താണെന്ന് സൂചനയുണ്ട്. ഇവരുടെ പാസ്‌പോര്‍ട്ടും മറ്റു രേഖകളും പിടിച്ചുവെക്കുകയും ക്രൂരമായ മര്‍ദ്ദനത്തിന് വിധേയരാക്കിയെന്നുമാണ് കിട്ടിയ വിവരം. യുവാക്കളുടെ രക്ഷിതാക്കള്‍ മലപ്പുറം ജില്ലാ പോലീസ് സൂപ്രണ്ട് മുഖേന ബാങ്കോക്കിലെ ഇന്ത്യന്‍ എംബസിയില്‍ പരാതി നല്‍കിയിട്ടുണ്ട്.

Continue Reading

gulf

അബ്ദുറഹീമിന്റെ മോചനം: ദിയാധനം ഇന്ത്യന്‍ എംബസിക്ക് കൈമാറി

ഇന്നലെ ഉച്ചയോടെയാണ് ട്രസ്റ്റ്ഭാരവാഹികള്‍ തുക വിദേശകാര്യമന്ത്രാലയത്തിന്റെ അക്കൗണ്ടിലേക്ക് കൈമാറിയത്.

Published

on

ലോക മലയാളി സമൂഹത്തെ ചേര്‍ത്തുനിര്‍ത്തി സ്വപ്‌നതുല്യമായി സമാഹരിച്ച തുകയില്‍ നിന്ന് അബ്ദുറഹീമിന്റെ മോചന ദ്രവ്യത്തിനാവശ്യമായ വിഹിതം റിയാദിലെ ഇന്ത്യന്‍ എംബസിയിലേക്ക് കൈമാറി. കോഴിക്കോട് ജില്ലയിലെ ഫറോക്ക് കോടമ്പുഴ സ്വദേശി എം.പി അബ്ദു റഹീമിന്റെ മോചനത്തിനായി ദിയ ധനം നല്‍കാനുള്ള പതിനഞ്ച് മില്യണ്‍ സഊദി റിയാലിന് തുല്യമായ തുകയാണ് റിയാദ് ഇന്ത്യന്‍ എംബസിയുടെ നിര്‍ദേശ പ്രകാരം വിദേശകാര്യ മന്ത്രാലയത്തിന്റെ അക്കൗണ്ടിലേക്ക് അയച്ചതെന്ന് നാട്ടിലെ അബ്ദുറഹീം നിയമ സഹായ സമിതി ട്രസ്റ്റ് ഭാരവാഹികളും റിയാദിലെ നിയമസഹായ സമിതിയും വാര്‍ത്താകുറിപ്പില്‍ അറിയിച്ചു.

ഇന്നലെ ഉച്ചയോടെയാണ് ട്രസ്റ്റ്ഭാരവാഹികള്‍ തുക വിദേശകാര്യമന്ത്രാലയത്തിന്റെ അക്കൗണ്ടിലേക്ക് കൈമാറിയത്. ദിയാധനം കൈമാറാനുള്ള എംബസിയുടെ നിര്‍ദേശം ബുധനാഴ്ച വൈകീട്ടാണ് റഹീമിന്റെ കുടുംബത്തിന്റെ പവര്‍ ഓഫ് അറ്റോര്‍ണി സിദ്ദീഖ് തുവൂരിനും കുടുംബത്തിനും ലഭിച്ചത്.

ഉടനെ തെന്നെ ട്രസ്റ്റ് ഭാരവാഹികള്‍ റിയാദിലെ നിയമസഹായ സമിതിയുമായി സഹകരിച്ചുകൊണ്ട് പണം കൈമാറാനുള്ള നടപടികള്‍ പൂര്‍ത്തിയാക്കി. അതോടപ്പം എംബസിയില്‍ നിന്ന് പണം കൈമാറ്റത്തിനാവശ്യമായ അഫിഡറ്റും റഹീമിന്റെ കുടുംബം ഇന്നലെ രാവിലെ എംബസിയിലെത്തിച്ചു.

വൈകാതെ തെന്നെ എംബസി കോടതിയുടെ പേരിലുള്ള സെര്‍ട്ടിഫൈഡ് ചെക്ക് ഗവര്‍ണറേറ്റിന് കൈമാറും.ചെക്ക് ലഭിച്ചാലുടന്‍ അനുരഞ്ജന കരാറില്‍ ഒപ്പു വെക്കാന്‍ കൊല്ലപ്പെട്ട അനസിന്റെ അനന്തരവകാശികളോ അല്ലെങ്കില്‍ അവര്‍ ചുമതലപ്പെടുത്തിയ വക്കീലോ ഗവര്‍ണറേറ്റ് മുമ്പാകെ ഹാജരാകും.

അബ്ദു റഹീം ട്രസ്റ്റ് സമിതി ചെയര്‍മാന്‍ കെ സുരേഷ്, ജനറല്‍ കണ്‍വീനര്‍ കെ കെ ആലിക്കുട്ടി മാസ്റ്റര്‍, ട്രഷറര്‍ എം ഗിരീഷ് കോ ഓഡിനേറ്റര്‍മാരായ മജീദ് അമ്പലക്കണ്ടി, എം മൊയ്തീന്‍ കോയ, കുടുംബാങ്ങളായ അബ്ബാസ് തൊടിയില്‍ ,നസീര്‍ കോടാമ്പുഴ ,ജവാദ് പെരുമുഖം. ഗോപി കൊടക്കല്ല് തുടങ്ങിയവര്‍ നാട്ടിലെ നടപടികള്‍ പൂര്‍ത്തിയാക്കാന്‍ നേതൃത്വം കൊടുത്തു.

Continue Reading

gulf

ഹൃദയാഘാതം മൂലം കണ്ണൂര്‍ സ്വദേശി ദുബൈയില്‍ നിര്യാതനായി

സുഹൃത്തുക്കളോടപ്പം പുറത്ത് പോയ സമയത്ത് ഹൃദയാഘാതം അനുഭവപ്പെടുകയായിരുന്നു.

Published

on

കണ്ണൂര്‍ സ്വദേശി ദുബൈയില്‍ നിര്യാതനായി. തായത്തെരു അമീര്‍ ഹംസാസിലെ തന്‍വീര്‍ അമീര്‍ ഹംസ(51)ആണ് മരിച്ചത്. സുഹൃത്തുക്കളോടപ്പം പുറത്ത് പോയ സമയത്ത് ഹൃദയാഘാതം അനുഭവപ്പെടുകയായിരുന്നു.

15 വര്‍ഷത്തോളമായി ഗള്‍ഫില്‍ തന്നെയാണ് താമസം. പ്രവാസി പ്രമുഖനായ പരേതന്‍ അമീര്‍ ഹംസയുടെ മകനാണ് തന്‍വീര്‍. തൈക്കണ്ടി ഖദീജയാണ് മാതാവ്. ഭാര്യ: റഫീന കോയ്യോട്. മക്കള്‍: ആയിശ, ആലിയ

Continue Reading

Trending