kerala
കൂട്ടിനാരുമില്ലാത്തവരോട് കൂട്ടുകൂടി കക്കാട് നൻമ ചാരിറ്റി പ്രവർത്തകർ
കൂട്ടിനാരുമില്ലാതെ സമൂഹത്തിൽ ഒറ്റപ്പെട്ട് പോയവരെ സംരക്ഷിക്കുന്ന കേന്ദ്രമാണ് സെൽവ കെയർ ഹോം.

റഹൂഫ് കൂട്ടിലങ്ങാടി
മലപ്പുറം:സേവന സാന്ത്വന ജീവകാരുണ്യ രംഗത്ത് ശ്രദ്ധേയമായ പ്രവർത്തനങ്ങൾ നടത്തുന്ന മലപ്പുറം കൂട്ടിലങ്ങാടിയിലെ കക്കാട് നൻമ ചാരിറ്റി പ്രവർത്തകർ പാണ്ടിക്കാട് സെൽവ കെയർ ഹോമിൽ സന്ദർശനം നടത്തി.
കൂട്ടിനാരുമില്ലാതെ സമൂഹത്തിൽ ഒറ്റപ്പെട്ട് പോയവരെ സംരക്ഷിക്കുന്ന കേന്ദ്രമാണ് സെൽവ കെയർ ഹോം.
നന്മയുടെ അഞ്ചാം വാർഷികത്തോടനുബന്ധിച്ച് നടത്തി വരുന്ന വിവിധ പ്രവർത്തനങ്ങളുടെ ഭാഗമായാണ് കളിതമാശകളുമായി ഒരു ദിനം അന്തേവാസികളോടൊപ്പം ചിലവഴിച്ചത്.
സെൻ്ററിലെ അറുപതോളം വരുന്ന അന്തേ വാസികൾക്ക് ഒരു ദിവസത്തെ ഭക്ഷണവും നൽകി. സ്ത്രീകളും കുട്ടികളുമടക്കം അൻപതിലേറെ പേർ പങ്കെടുത്ത സന്ദർശന പരിപാടിക്ക് എം.കെ.അലി, വി.പി.നൗഷാദ്, വി. പി.ബഷീർ അലി, പി.കെ.റഫീഖ്, പി.
ലഷീൻ, പിമാനു, പി.കെ.ജാഫർ, പി.എം.യൂസുഫ്, എം.പി.ഫാസിൽ എന്നിവർ നേതൃത്വം നൽകി.
kerala
ആ പയ്യന് ഷെഡിന്റെ മുകളില് വലിഞ്ഞു കയറിയതിന് അധ്യാപകര്ക്ക് എന്ത് ചെയ്യാന് കഴിയും; വിവാദ പരാമര്ശം നടത്തി മന്ത്രി ജെ ചിഞ്ചുറാണി
വിവാദ പ്രസ്താവന നടത്തിയതിനു പിന്നാലെ മന്ത്രി സൂംബ നൃത്തം ചെയ്തിരുന്നു. ഇതും വലിയ വിമര്ശനങ്ങള്ക്കാണ് വഴി വെച്ചിരിക്കുന്നത്.

കൊല്ലം: തേവലക്കര ബോയ്സ് ഹൈസ്കൂളില് എട്ടാംക്ലാസ് വിദ്യാര്ഥി ഷോക്കേറ്റ് മരിച്ച സംഭവത്തില് വിവാദ പരാമര്ശം നടത്തി മൃഗക്ഷേമവകുപ്പ് മന്ത്രി ജെ ചിഞ്ചുറാണി. മിഥുന് ഷീറ്റിനു മുകളില് വലിഞ്ഞു കയറിയതിന് അധ്യാപകര്ക്ക് എന്ത് ചെയ്യാന് കഴിയുമെന്ന് മന്ത്രി കൊച്ചിയില് നടന്ന സിപിഐ വനിതാസംഗമത്തില് പറഞ്ഞു. വിദ്യാര്ഥി ഷോക്കേറ്റ് മരിച്ചതില് അധ്യാപകരെ കുറ്റം പറയാനാവില്ലെന്നും മന്ത്രി തുറന്നടിച്ചു. സഹപാഠികള് വിലക്കിയിട്ടും മിഥുന് വലിഞ്ഞു കയറിയതാണെന്നും മന്ത്രി പറഞ്ഞു.
ഒരു പയ്യന്റെ ചെരുപ്പെടുക്കാന് ആ പയ്യന് ഷെഡിന്റെ മുകളില് വലിഞ്ഞു കയറി. ചെരുപ്പെടുക്കാന് പോയപ്പോള് കാലൊന്ന് തെന്നി പെട്ടെന്ന് കയറി പിടിച്ചത് വലിയ കമ്പിയില്. ഇതില് നിന്നാണ് കറണ്ടടിച്ചത്. അപ്പോഴെ പയ്യന് മരിച്ചു. ഇത് അധ്യാപകരുടെ കുഴപ്പമല്ലെന്നും മന്ത്രി പറഞ്ഞു. വിവാദ പ്രസ്താവന നടത്തിയതിനു പിന്നാലെ മന്ത്രി സൂംബ നൃത്തം ചെയ്തിരുന്നു. ഇതും വലിയ വിമര്ശനങ്ങള്ക്കാണ് വഴി വെച്ചിരിക്കുന്നത്.
kerala
വോട്ടര്പട്ടിക ചോര്ച്ച; കമ്മിഷണറുമായി ചര്ച്ച നടത്തി എല്.ജി.എം.എല് ജില്ലാ കലക്ടറോട് റിപ്പോര്ട്ട് തേടുമെന്ന് കമ്മീഷണര്
വോട്ടര് പട്ടിക ചോര്ച്ചയില് നടപടി സ്വീകരിക്കണമെന്ന് ആവശ്യപ്പെട്ട് സന്ദര്ശിച്ച ലോക്കല് ഗവ.മെമ്പേഴ്സ് ലീഗ് ഭാരവാഹികളോടാണ് അദ്ദേഹം ഇക്കാര്യം വ്യക്തമാക്കിയത്.

തദ്ദേശ തെരഞ്ഞെടുപ്പ് വോട്ടര്പട്ടിക ചോർന്നതും ആയി ബന്ധപ്പെട്ട് പരാതി ലഭിച്ച സാഹചര്യത്തിൽ ജില്ലാ കലക്ടറോട് റിപ്പോര്ട്ട് തേടുമെന്ന് സംസ്ഥാന തെരഞ്ഞെടുപ്പ് കമ്മീഷണര് എ.ഷാജഹാന് വ്യക്തമാക്കി. വോട്ടര് പട്ടിക ചോര്ച്ചയില് നടപടി സ്വീകരിക്കണമെന്ന് ആവശ്യപ്പെട്ട് സന്ദര്ശിച്ച ലോക്കല് ഗവ.മെമ്പേഴ്സ് ലീഗ് ഭാരവാഹികളോടാണ് അദ്ദേഹം ഇക്കാര്യം വ്യക്തമാക്കിയത്. പ്രസിഡണ്ട് കെ.ഇസ്മാഈല് മാസ്റ്റര്, വൈസ് പ്രസിഡണ്ട് വി.വി.മുഹമ്മദലി നാദാപുരം, സെക്രട്ടറി ഡോ.കെ.പി വഹീദ എന്നിവരാണ് കമ്മീഷണറുമായി ചര്ച്ച നടത്തിയത്.
നേരത്തെ ഇക്കാര്യത്തില് കമ്മീഷന് എല്.ജി.എം.എല് പരാതി നല്കിയിരുന്നു.
കോഴിക്കോട് ജില്ലയിലെ ചാത്തമംഗലം, തിരുവള്ളൂര്, നാദാപുരം ഗ്രാമപഞ്ചായത്തുകളിലെ വോട്ടര്പട്ടികയാണ് ചോര്ന്നത്. മൂന്ന് പഞ്ചായത്തുകളുടെ രേഖകളാണ് ലഭിച്ചതെങ്കിലും സംസ്ഥാന വ്യാപകമായി ഇത്തരത്തില് ക്രമക്കേട് നടന്നതായി എല്.ജി.എം.എല് ആരോപിച്ചു. തെരഞ്ഞെടുപ്പ് അട്ടിമറിക്കാനുള്ള ശ്രമമാണ് നടക്കുന്നതെന്നും വീഴ്ച വരുത്തിയ ഉദ്യോഗസ്ഥര്ക്കെതിരെ നടപടി വേണമെന്നും അവര് ആവശ്യപ്പെട്ടു.
kerala
വിപഞ്ചികയുടെ കുഞ്ഞിന്റെ മൃതദേഹം സംസ്കരിച്ചു
വിപഞ്ചികയുടെ മൃതദേഹം തിങ്കളാഴ്ച നാട്ടിലെത്തിച്ചേക്കും.

ഷാര്ജയില് ജീവനൊടുക്കിയ വിപഞ്ചികയുടെ കുഞ്ഞിന്റെ മൃതദേഹം സംസ്കരിച്ചു. ദുബായ് ന്യൂ സോനപൂരിലായിരുന്നു സംസ്കാരം. വിപഞ്ചികയുടെ മൃതദേഹം തിങ്കളാഴ്ച നാട്ടിലെത്തിച്ചേക്കും.മരിച്ച വിപഞ്ചികയുടെ ഭര്ത്താവ് നിധീഷ്, വിപഞ്ചികയുടെ അമ്മ ശൈലജ, സഹോദരന് ഉള്പ്പടെയുള്ളവര് സംസ്കാര ചടങ്ങില് പങ്കെടുത്തു.
ഷാര്ജയില് വെച്ച് നടന്ന സംഭവത്തില് അന്വേഷണം നടത്തുന്നതിന് പരിമിതി ഉള്ളതിനാല് കേസ് ക്രൈംബ്രാഞ്ചിന് കൈമാറി. വിപഞ്ചികയുടെ കുടുംബം ഇന്ത്യന് കോര്സുലേറ്റിലും ഷാര്ജ പൊലീസിലും പരാതി നല്കിയിരുന്നു.
വിപഞ്ചിക വര്ഷങ്ങളായി ഭര്ത്താവ് നിധീഷില് നിന്ന് പീഡനം നേരിട്ടിരുന്നു, വിവാഹത്തിന് മുന്പ് തന്നെ സ്ത്രീധനവുമായി ബന്ധപ്പെട്ട തര്ക്കങ്ങള് ഉണ്ടായിരുന്നതായി റിപ്പോര്ട്ടുണ്ട്. 2022 മുതല് തന്നെ വിവാഹമോചനത്തിന് ശ്രമിച്ചിരുന്നുവെന്ന ശബ്ദരേഖ പുറത്തുവന്നിരുന്നു. വിവാഹ സമയത്ത് വീട്ടുകാര് സ്വര്ണത്തിന് പുറമേ രണ്ടര ലക്ഷം രൂപ വിപഞ്ചികയ്ക്ക് പണമായി നല്കിയിരുന്നു. ഇത് സ്വന്തം വിദ്യാഭ്യാസ ലോണിന്റെ തുക അടക്കാന് വിപഞ്ചികയെടുത്തിരുന്നു. ഇത് തര്ക്കത്തിലേക്ക് നയിച്ചു. നിതീഷിന്റെ എല്ലാ പ്രവര്ത്തികളും സഹോദരിയുടെയും അച്ഛന്റെയും പിന്തുണയോടെ ആയിരുന്നു.
-
india3 days ago
നിമിഷപ്രിയ കേസ്; ‘വിഷയത്തില് ഇടപെട്ടത് ഒരു മനുഷ്യന് എന്ന നിലക്ക്’: കാന്തപുരം
-
kerala3 days ago
എഴുത്തുകാരി വിനീത കുട്ടഞ്ചേരി തൂങ്ങി മരിച്ച നിലയില്
-
Film3 days ago
സുരേഷ് ഗോപി ചിത്രം “ജെ എസ് കെ- ജാനകി വി vs സ്റ്റേറ്റ് ഓഫ് കേരള” ട്രെയ്ലർ പുറത്ത്; റിലീസ് ജൂലൈ 17ന്
-
kerala2 days ago
നിപ; സംസ്ഥാനത്ത് 675 പേര് സമ്പര്ക്ക പട്ടികയില്
-
News2 days ago
സമൂസ, ജിലേബി, ലഡു എന്നിവയില് മുന്നറിയിപ്പ് ലേബലുകളില്ല; ഉപദേശങ്ങളുള്ള ബോര്ഡുകള് മാത്രം: ആരോഗ്യ മന്ത്രാലയം
-
india2 days ago
കോളേജില് വിദ്യാര്ത്ഥിനിയെ പീഡിപ്പിച്ചു; ബെംഗളൂരുവില് 2 അധ്യാപകരടക്കം 3 പേര് അറസ്റ്റില്
-
News3 days ago
കോപ്പികാറ്റുകള്ക്ക് പണമില്ല: ഒരു കോടി ഫേസ്ബുക്ക് അക്കൗണ്ടുകള് നീക്കം ചെയ്ത് മെറ്റ
-
india2 days ago
ടോയ്ലറ്റില് നിന്ന് വാദം കേട്ടയാള്ക്ക് ഗുജറാത്ത് ഹൈക്കോടതി ഒരു ലക്ഷം രൂപ പിഴ വിധിച്ചു