Connect with us

News

ഹജ്ജ് കര്‍മ്മത്തിന് വിജയകരമായ പരിസമാപ്തി ;ആത്മസായൂജ്യത്തോടെ ഹാജിമാര്‍ മടങ്ങി

Published

on

അഷ്റഫ് വേങ്ങാട്ട്

റിയാദ് : വിശുദ്ധ ഹജ്ജ് കര്‍മത്തിന് വിജയകരമായ പരിസമാപ്തി. കോവിഡ് മഹാമാരി തീര്‍ത്ത പ്രതികൂല സാഹചര്യങ്ങള്‍ക്കിടയിലും മഹത്തായ കര്‍മ്മം നിര്‍വഹിക്കാന്‍ ഭാഗ്യം ലഭിച്ച ഹാജിമാര്‍ പുണ്യ ഗേഹത്തോടും വിശുദ്ധ മക്കയോടും വിട ചൊല്ലി. അവസാന ദിവസത്തെ ജംറകളിലെ കല്ലേറും നിര്‍വഹിച്ച് വിശുദ്ധ ഹറമിലെത്തി വിടവാങ്ങല്‍ ത്വവാഫ് നടത്തി ആത്മസായൂജ്യത്തോടെ പുണ്യഭൂമിയോട് വിടപറയുമ്പോള്‍ ഹാജിമാര്‍ ഗദ്ഗദകണ്ഠരായി .

ആശങ്കള്‍ക്കിടയിലും ഈ പുണ്യകര്‍മ്മം നിര്‍വഹിക്കാന്‍ അവസരം ലഭിച്ചതിന് അല്ലാഹുവിനോട് നന്ദിയോതിയ ഹാജിമാര്‍ ഇതൊരു വ്യക്തിപരമായി മഹാഭാഗ്യമായി കരുതുന്നു . സഊദിയിലുള്ള നൂറ്റിഇരുപതിലധികം വരുന്ന രാജ്യങ്ങളില്‍ നിന്നുള്ള 58518 ഹാജിമാര്‍ക്കാണ് പുണ്യ കര്‍മ്മത്തിന് ഭാഗ്യം ലഭിച്ചത്.

വിശുദ്ധ ഹറമിലെത്തിയ ഹാജിമാരുമായി ഇരുഹറം കാര്യാലയ മേധാവി ശൈഖ് ഡോ. അബ്ദുള്‍റഹ്മാന്‍ അല്‍ സുദൈസ് ചര്‍ച്ച നടത്തി. പരമാവധി സൗകര്യങ്ങള്‍ ഒരുക്കുന്നതില്‍ അല്ലാഹുവിന്റെ അനുഗ്രഹത്തോടൊപ്പം തിരുഗേഹങ്ങളുടെ സേവകന്‍ സല്‍മാന്‍ രാജാവിന്റെ നിശ്ചയദാര്‍ഢ്യം അദ്ദേഹം ഹാജിമാരെ ബോധ്യപ്പെടുത്തി . കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരന്‍ നിരന്തര ഇടപെടലുകളും കോവിഡ് ഭീഷണിക്കിടയിലും വിശുദ്ധ ഹജ്ജ് കര്‍മത്തിന്റെ വിജയത്തിന് തിളക്കം വര്‍ധിപ്പിച്ചതായി അദ്ദേഹം പറഞ്ഞു.

ഹജ്ജ് ആരോഗ്യ ആഭ്യന്തര മന്ത്രാലയങ്ങളും സുരക്ഷാ വകുപ്പും മറ്റു മന്ത്രാലയങ്ങളും ഇരു ഹറം കാര്യാലയവും സേവനോല്‌സുകരായ ജീവനക്കാരും വളണ്ടീയര്‍മാരും എല്ലാവരും ഒറ്റകെട്ടായി നടത്തിയ അശ്രാന്ത പരിശ്രമത്തിന്റെ ഭാഗമാണ് പുണ്യകര്‍
മത്തിന്റെ വിജയമെന്ന് ഡോ. സുദൈസ് ചൂണ്ടിക്കാട്ടി.

പൂര്‍ണ്ണമായും കോവിഡ് പ്രോട്ടോകോളില്‍ മഹത് കര്‍മം നിര്‍വഹിക്കാന്‍ സാധിച്ചത് അഭിമാനകരമാണെന്നും ഒരൊറ്റ തീര്‍ത്ഥാടകന് പോലും കോവിഡ് രോഗബാധ കണ്ടെത്തിയില്ലെന്നും ആരോഗ്യമന്ത്രാലയ അധികൃതരും വെളിപ്പെടുത്തി.
വ്യാഴാഴ്ച്ച തന്നെ നല്ലൊരു വിഭാഗം ഹാജിമാര്‍ ഹജ്ജ് കര്‍മങ്ങള്‍ പൂര്‍ത്തിയാക്കി മടങ്ങിയിരുന്നു. ബാക്കിയുള്ളവര്‍ ഇന്നലെ രാത്രിയോടെയാണ് വിശുദ്ധ ഹറമില്‍ നിന്ന് വിട പറഞ്ഞത്.

ലോകം അതീവ ഗുരുതരമായ പ്രതിസന്ധി നേരിടുമ്പോഴും സുരക്ഷിതമായ ഹജ്ജ് കര്‍മം നടത്താന്‍ സാധിച്ചതില്‍ ലോക രാജ്യങ്ങള്‍ സഊദി ഭരണകൂടത്തെ അഭിനന്ദിച്ചു. ലോകമുസ്ലിംകള്‍ക്കും ഇസ്ലാമിക പ്രവര്‍ത്തങ്ങള്‍ക്കും സഊദി നല്‍കുന്ന സഹായങ്ങളും പിന്തുണയും അവര്‍ണ്ണനീയമാണെന്ന് അറബ്ലോകത്തെ വിവിധ രാജ്യങ്ങള്‍ അഭിപ്രായപ്പെട്ടു .

 

Continue Reading
Advertisement
Click to comment

Leave a Reply

Your email address will not be published. Required fields are marked *

Football

സാവോ പോളോയുമായുള്ള കരാര്‍ റദ്ദാക്കാന്‍ ജെയിംസ് റോഡ്രിഗസ്; യൂറോപ്പിലേക്ക് തിരിച്ചേത്തിയേക്കും

ഏത് ക്ലബിലേക്ക് താരം എത്തുമെന്നതിലാണ് ആരാധകരുടെ ആകാംക്ഷ.

Published

on

കോപ്പ അമേരിക്ക ഫുട്‌ബോള്‍ ടൂര്‍ണമെന്റിലെ തകര്‍പ്പന്‍ പ്രകടനത്തിന് പിന്നാലെ യൂറോപ്പ്യന്‍ ഫുട്‌ബോളിലേക്ക് തിരിച്ചുവരവിന് ലക്ഷ്യമിട്ട് കൊളംബിയന്‍ സൂപ്പര്‍ താരം ജെയിംസ് റോഡ്രിഗസ്. നിലവില്‍ ബ്രസീലിയന്‍ ക്ലബായ സാവോ പോളോയുമായുള്ള കരാര്‍ താരം റദ്ദാക്കാനൊരുങ്ങുകയാണ്. എന്നാല്‍ ഏത് ക്ലബിലേക്ക് താരം എത്തുമെന്നതിലാണ് ആരാധകരുടെ ആകാംക്ഷ.

മുമ്പ് യൂറോപ്യന്‍ ക്ലബുകളായ റയല്‍ മാഡ്രിഡിനായും എവര്‍ട്ടണായും ജര്‍മ്മന്‍ ക്ലബ് ബയേണ്‍ മ്യൂണികിനായും താരം കളിച്ചിട്ടുണ്ട്. ഏതാനും മാസങ്ങള്‍ക്ക് മുമ്പ് വീട്ടിലേക്ക് തിരിച്ചുവരാന്‍ റോഡ്രിഗസിനോട് എവര്‍ട്ടന്‍ അഭ്യര്‍ത്ഥിച്ചിരുന്നു. അത് തന്റെ അവസാന മത്സരമാകുമോയെന്നാണ് താരം മറുപടിയായി ചോദിച്ചത്.

യൂറോപ്പ്യന്‍ ക്ലബ് ഫുട്‌ബോളില്‍ കാര്യമായ നേട്ടങ്ങള്‍ ഉണ്ടാക്കാതിരുന്നതാണ് മുമ്പ് റോഡ്രിഗസിന് തിരിച്ചടിയായത്. കോപ്പ അമേരിക്ക ടൂര്‍ണമെന്റില്‍ കൊളംബിയ ഫൈനലില്‍ കടന്നതോടെ താരം വീണ്ടും ശ്രദ്ധിക്കപ്പെട്ടു. ടൂര്‍ണമെന്റില്‍ 6 അസിസ്റ്റും ഒരു ഗോളും റോഡ്രിഗസ് സംഭാവന ചെയ്തു. ഇപ്പോള്‍ 33കാരനായ താരം വീണ്ടും യൂറോപ്പിലെത്തിയാല്‍ എത്ര മാത്രം തിളങ്ങാനാകുമെന്നാണ് കാത്തിരുന്ന് കാണേണ്ടത്.

Continue Reading

EDUCATION

ഹാരപ്പൻ സംസ്‌കാരത്തെയും വെട്ടി; സിന്ധു-സരസ്വതി നാഗരികതയെന്ന് തിരുത്തി എൻ.സി.ഇ.ആർ.ടി ചരിത്ര പാഠപുസ്തകം

ജാതി വിവേചനത്തെയും അസമത്വങ്ങളെയും കുറിച്ചുള്ള പരാമർശങ്ങളും ദലിത് എന്ന വാക്കിന്റെ നിർവചനവും പാഠപുസ്തകത്തിൽ നിന്ന് നീക്കിയിട്ടുണ്ട്

Published

on

ഹാരപ്പൻ സംസ്‌കാരത്തെ ‘സിന്ധു-സരസ്വതി നാഗരികത’ എന്ന് തിരുത്തി എൻ.സി.ഇ.ആർ.ടി. ആറാം ക്ലാസിലെ സോഷ്യൽ സയൻസ് പാഠപുസ്തകത്തിലാണ് ഹാരപ്പൻ സംസ്‌കാരത്തെ തിരുത്തിയത്. ‘എക്‌സ്‌പ്ലോറിംഗ് സൊസൈറ്റി: ഇന്ത്യ ആൻഡ് ബിയോണ്ട്’ എന്ന പേരിൽ കഴിഞ്ഞദിവസമാണ് പുസ്തകമിറങ്ങിയത്.

സരസ്വതി നദിയെക്കുറിച്ചും യൂണിറ്റ് ഉപശീർഷകത്തിൽ പരാമർശിക്കുന്നുണ്ട്. സരസ്വതി നദി അപ്രത്യക്ഷമായില്ലെന്നും ഇന്ത്യയിൽ ‘ഗഗ്ഗർ’ എന്ന പേരിലും പാകിസ്താനിൽ ‘ഹക്ര’ എന്ന പേരിലും നദി ഒഴുകുന്നുണ്ടെന്നും പുസ്തകത്തിൽ പറയുന്നു. ‘ഋഗ്വേദ’ത്തിൽ സരസ്വതി നദിയെപ്പറ്റിയുള്ള പരാമർശത്തെക്കുറിച്ച് പുസ്തകത്തിൽ എഴുതിയിട്ടുണ്ട്. ഹാരപ്പൻ നഗരങ്ങളുടെ തകർച്ചയ്ക്ക് പിന്നിൽ സരസ്വദി നദി വറ്റിവരണ്ടതാണെന്നും പാഠപുസ്തകത്തിൽ പറയുന്നു.എന്നാൽ പഴയ പാഠപുസ്തകങ്ങളിൽ സരസ്വതി നദി വറ്റിവരണ്ടതായി പരാമർശിക്കുന്നില്ല.

ഇന്ത്യക്ക് സ്വന്തമായി സമയക്രമം നിശ്ചയിക്കുന്നതിന് സംവിധാനമുണ്ടായിരുന്നതായും പാഠപുസ്തകത്തിലുണ്ട്. ഗ്രീനിച്ച് മെറിഡിയൻ നിശ്ചയിക്കുന്നതിന് നൂറ്റാണ്ടുകൾക്ക് മുന്നെ ‘ഉജ്ജയിനി മെറിഡിയൻ’ എന്ന് വിളിക്കുന്നപ്പെടുന്ന ഒരു ‘പ്രൈം മെറിഡിയൻ’ ഇന്ത്യക്ക് ഉണ്ടായിരുന്നെന്നും പുസ്തകത്തിലുണ്ട്. പർവതങ്ങളെയും ഭൂപ്രകൃതിയെയും കുറിച്ചുള്ള ഭൂമിശാസ്ത്ര വിഭാഗത്തിൽ കാളിദാസന്റെ കവിതകളും ഉൾപ്പെടുത്തിയിട്ടുണ്ട്.

കാളിദാസന്റെ കുമാര സംഭവവും അതിലെ ഹിമാലയൻ പരാമർശവുമാണ് ഉൾപ്പെടുത്തിയിരിക്കുന്നത്. ജാതി വിവേചനത്തെയും അസമത്വങ്ങളെയും കുറിച്ചുള്ള പരാമർശങ്ങളും ദലിത് എന്ന വാക്കിന്റെ നിർവചനവും പാഠപുസ്തകത്തിൽ നിന്ന് നീക്കിയിട്ടുണ്ട്. നിരവധി സംസ്‌കൃത പദങ്ങളും പാഠപുസ്തകത്തിലുണ്ട്. സംസ്‌കൃത പദങ്ങളുടെ ഉച്ചാരണം സംബന്ധിച്ച ഒരു കുറിപ്പ് തന്നെ പുസ്തകത്തിൽ നൽകിയിട്ടുണ്ട്.

Continue Reading

india

നിതീഷ് കുമാറിന് തിരിച്ചടി; ബിഹാറിന് പ്രത്യേക പദവി വേണമെന്ന ആവശ്യം കേന്ദ്രം തള്ളി

ഝഞ്ചർപൂർ ലോക്‌സഭാ എം.പി രാംപ്രിത് മണ്ഡലിന് രേഖാമൂലം നൽകിയ മറുപടിയിലാണ് കേന്ദ്ര ധനകാര്യ സഹമന്ത്രി പങ്കജ് ചൗധരി ബിഹാറിന് പ്രത്യേക പദവിയില്ലെന്ന കാര്യം വ്യക്തമാക്കിയത്.

Published

on

പാർലമെന്റിലെ വർഷകാല സമ്മേളനത്തിൽ ബിഹാറിന് പ്രത്യേക പദവി വേണമെന്ന ആവശ്യം അംഗീകരിച്ചില്ല. ജെ.ഡിയു നേതാവും ബിഹാർ മുഖ്യമന്ത്രിയുമായ നിതീഷ് കുമാറിന് ശക്തമായ തിരിച്ചടിയായി കേന്ദ്രത്തിന്റെ തീരുമാനം. ഇന്ത്യ സഖത്തിനൊപ്പം എൻ.ഡി.എ സഖ്യകക്ഷികളായ ജെ.ഡി.യുവലെ സഞ്ജയ് കുമാർ ഝായും ലോക് ജൻ ശക്തി നേതാവും കേന്ദ്രമ​ന്ത്രിയുമായ ചിരാഗ് പാസ്വാനുമാണ് ഈ ആവശ്യം ഉന്നയിച്ചത്. ആർ.​ജെ.ഡിയും പിന്തുണയുമായി പിന്നണിയിലുണ്ടായിരുന്നു.

ഝഞ്ചർപൂർ ലോക്‌സഭാ എം.പി രാംപ്രിത് മണ്ഡലിന് രേഖാമൂലം നൽകിയ മറുപടിയിലാണ് കേന്ദ്ര ധനകാര്യ സഹമന്ത്രി പങ്കജ് ചൗധരി ബിഹാറിന് പ്രത്യേക പദവിയില്ലെന്ന കാര്യം വ്യക്തമാക്കിയത്. ”പണ്ട് ദേശീയ വികസന കൗൺസിൽ ചില സംസ്ഥാനങ്ങൾക്ക് പദ്ധതികൾ എളുപ്പത്തിൽ ലഭിക്കാൻ പ്രത്യേക പദവി നൽകിയിരുന്നു. ആ വിഭാഗത്തിൽ ഉൾപ്പെടാൻ സംസ്ഥാനങ്ങൾക്ക് പ്രത്യേക സവിശേഷതകൾ വേണം. ആ സംസ്ഥാനം മലയോരവും ദുഷ്‍കരവുമായ ഭൂപ്രദേശമായിരിക്കണം. ജനസാന്ദ്രത കുറവായിരിക്കണം.

അതല്ലെങ്കിൽ ആദിവാസി ജനസംഖ്യ കൂടുതലായിരിക്കണം. അയൽ രാജ്യങ്ങളുമായുള്ള അതിർത്തിയിലെ തന്ത്രപ്രധാന സ്ഥാനത്ത് നിൽക്കുന്ന സംസ്ഥാനമാകണം. സാമ്പത്തികമായി പിന്നാക്കാവസ്ഥയിലായിരിക്കണം.

ഈ പട്ടിക കൂടി പരിഗണിച്ചാണ് ബിഹാറിന് പ്രത്യേക പദവി നൽകേണ്ട എന്ന് തീരുമാനിച്ചതെന്നും കേന്ദ്രമന്ത്രി വിശദീകരിച്ചു. ബിഹാർ, ആന്ധ്ര പ്രദേശ്, ഒഡിഷ സംസ്ഥാനങ്ങൾക്ക് പ്രത്യേക പദവി വേണമെന്ന് ജെ.ഡി.യു, ​വൈ.എസ്.ആർ.സി.പി, ബി.ജെ.ഡി പാർട്ടികൾ ഞായറാഴ്ച ആവശ്യപ്പെട്ടിരുന്നു. എന്നാൽ തെലുഗു ദേശം പാർട്ടി(ടി.ഡി.പി) ഇക്കാര്യത്തിൽ നിശ്ശബ്ദത പാലിച്ചതിൽ അത്ഭുതപ്പെടുത്തിയെന്ന് കോൺഗ്രസ് നേതാവ് ജയ്റാം രമേശ് പ്രതികരിച്ചു. എൻ.ഡി​.എയിലെ നെടുംതൂണെന്ന് വേണമെങ്കിൽ ജെ.ഡി.യുവിനെ വിശേഷിപ്പിക്കാം. ബിഹാറിന് പ്രത്യേക പദവിയാവശ്യപ്പെട്ട് എൻ.ഡി.എ പ്രമേയം പാസാക്കിയിരുന്നു. ആന്ധ്ര പ്രദേശിലെ നേതാക്കളും സമാന ആവശ്യം ഉന്നയിച്ചിരുന്നു. ലോക്സഭ തെരഞ്ഞെടുപ്പിനു ശേഷം ഈയാവശ്യം ഉയരുകയുണ്ടായി.

Continue Reading

Trending