Connect with us

india

റിസോര്‍ട്ട് വിഷയത്തില്‍ തലയുരുളുന്നത് ഇ.പിയുടെ മാത്രമോ ?

പി.ജയരാജന്റെ ആരോപണത്തിന ്പിന്നില്‍ ഗോവിന്ദനുമുണ്ടെന്നാണ ്കണ്ണൂരിലെ പാട്ട്. ഇത് കണക്കിലെടുക്കുമ്പോള്‍ പിണറായിയും ഗോവിന്ദനും വിഷയത്തില്‍ രണ്ടുതട്ടിലാകാനാണ ്‌സാധ്യത.

Published

on

കെ. പി ജലീല്‍

ഇ.പി ജയരാജനെതിരായ അഴിമതിയാരോപണം ചര്‍ച്ചചെയ്യാന്‍ പി.ബി. ഒരുങ്ങുമ്പോള്‍ തലയുരുളാനിരിക്കുന്നത് ഇ.പിയുടെ മാത്രമോ എന്ന ചോദ്യമാണുയരുന്നത്. പി.ബിയില്‍ വിഷയം ചര്‍ച്ച ചെയ്യുമോ എന്ന ചോദ്യത്തിന് മുഖ്യമന്ത്രി പിണറായി വിജയന്‍ തണുപ്പെങ്ങനെയുണ്ട് എന്ന് പറഞ്ഞ ശ്രദ്ധതിരിച്ചുവിട്ടപ്പോള്‍ അതല്ല പി.ബിയുടെ നിലപാടെന്നാണ് അറിയുന്നത.് സെക്രട്ടറി സീതാറാം യെച്ചൂരിക്ക് ഇക്കാര്യത്തില്‍ പ്രത്യേകതാല്‍പര്യമുണ്ട്. അദ്ദേഹത്തിന്റെ നേതൃത്വത്തിലെ കേന്ദ്രകമ്മിറ്റി അംഗത്തിനെതിരായ ആരോപണത്തെ കാലാവസ്ഥയെക്കുറിച്ച് പറഞ്ഞ് ഒഴിഞ്ഞുമാറാനാവില്ലെന്ന് യെച്ചൂരിക്കറിയാം. വിഷയം യെച്ചൂരിയോ അദ്ദേഹത്തിന്റെ അടുപ്പക്കാരിലൊരാളോ യോഗത്തില്‍ ഉന്നയിക്കാനാണ ്‌സാധ്യത.

കേരളത്തിലെ വിഷയങ്ങള്‍ ചര്‍ച്ച ചെയ്യുമെന്നാണ് യെച്ചൂരി പറഞ്ഞത്. അതിനര്‍ത്ഥം ഇ.പി വിഷയം ചര്‍ച്ചചെയ്യുമെന്നുതന്നെയാണ്. ഇതില്‍ എന്തുനിലപാടാണ് പിണറായിയും പുതുതായി പി.ബി അംഗമായ ഗോവിന്ദനും സ്വീകരിക്കുക എന്നതാണ് പാര്‍ട്ടിക്കാര്‍ ഉറ്റുനോക്കുന്നത്. പിണറായിയെ സംബന്ധിച്ചിടത്തോളം അദ്ദേഹത്തിന്റെ മന്ത്രിസഭയില്‍ അംഗമായിരുന്നയാളാണ് അഴിമതിക്കും പരിസ്ഥിതിനാശാരോപണത്തിനും വിധേയനായിട്ടുളളത്. കേന്ദ്രകമ്മിറ്റിയംഗമെന്ന നിലയിലും പിണറായിക്കും ഗോവിന്ദനും ഇ.പിയെ കണ്ടില്ലെന്ന ്‌നടിക്കാനാവില്ല. ഇ.പിയെ തുണക്കാനും എതിര്‍ക്കാനും വയ്യാത്ത അവസ്ഥയിലാണ് പിണറായിയെങ്കില്‍ ഗോവിന്ദന് ഇ.പിക്കെതിരായ നിലപാട് സ്വീകരിക്കേണ്ടിവരുമെന്നുറപ്പാണ്. പിണറായിയുമായി അടുത്തിടെ ഇടഞ്ഞുനില്‍പാണ് ഗോവിന്ദന്‍.

ഇ.പിയുടെ കാര്യത്തില്‍ പി.ജയരാജന്റെ ആരോപണത്തിന ്പിന്നില്‍ ഗോവിന്ദനുമുണ്ടെന്നാണ ്കണ്ണൂരിലെ പാട്ട്. ഇത് കണക്കിലെടുക്കുമ്പോള്‍ പിണറായിയും ഗോവിന്ദനും വിഷയത്തില്‍ രണ്ടുതട്ടിലാകാനാണ ്‌സാധ്യത. ഗോവിന്ദനെ സംസ്ഥാനസെക്രട്ടറിയാക്കിയതിനാലാണ് ഇ.പി ഇടതുമുന്നണി കണ്‍വീനര്‍ സ്ഥാനത്തുനിന്ന് വിട്ടുനിന്നത് എന്നതാണ് നേരത്തെ അറിഞ്ഞിരുന്നതെങ്കില്‍ ഇപ്പോള്‍ വ്യക്തമാകുന്നത് റീസോര്‍ട്ട് വിഷയത്തിലാണെന്നാണ്. 2014ല്‍ തുടങ്ങിയ റീസോര്‍ട്ട് നിര്‍മാണത്തിനായി കുന്നിടിച്ചതിനെതിരെ അന്നുതന്നെ ആരോപണം ഉയര്‍ന്നിരുന്നതാണ്. അന്ന ്പക്ഷേ പിണറായിയും കൂട്ടരും കണ്ടില്ലെന്ന ്‌നടിച്ചു.
അന്തരിച്ച കാടിയേരിക്കും ഇതറിയാമായിരുന്നു.അതാണിപ്പോള്‍ പി.ജയരാജന്‍ വീണ്ടും കുത്തിപ്പൊക്കിയിരിക്കുന്നത്. പാര്‍ട്ടിയുടെ നയമനുസരിച്ച് ഒരംഗത്തിനെതിരെ ആരോപണമുയര്‍ന്നാലുടന്‍ ആ ഘടകം യോഗം ചേര്‍ന്ന് അന്വേഷണം പ്രഖ്യാപിക്കുകയും തീരും വരെ മാറ്റിനിര്‍ത്തുകയും വേണം. അഴിമതിയും പരിസ്ഥിതി നാശവുമാണ ്ഇവിടെ എന്നതിനാല്‍ ഇത് സി.പി.എമ്മിന്റെ ആണിക്കടിക്കുന്നതാണ്. ഇതിനെതിരായാണ് എല്ലാകാലത്തും സി.പി.എം പ്രമേയങ്ങള്‍ പാസാക്കിയിട്ടുള്ളതും പ്രക്ഷോഭങ്ങള്‍ നടത്തിയിട്ടുള്ളതും.

സംസ്ഥാനസമിതിയോഗം വെള്ളിയാഴ്ച ചേരാനിരിക്കെ പി.ബിയുടെ തീരുമാനം നിര്‍ണായകമാകും. അതുവരെ ആരോപണം ഉന്നയിക്കരുതെന്നാണ ്എല്ലാവരോടും പാര്‍ട്ടി നിര്‍ദേശിച്ചിരിക്കുന്നതെങ്കിലും ഭംഗ്യന്തരേണ വിഷയം മാധ്യമങ്ങളുടെ മുന്നില്‍ കത്തിച്ചുനിര്‍ത്തുകയാണ് പി.ജയരാജന്‍ ചെയ്യുന്നത്. ഫലത്തില്‍ പിണറായിയെ തന്നെയാണ് പി. ഉന്നംവെക്കുന്നത്. തന്നെ കൊലപാതകങ്ങളുടെ പേരില്‍ ജില്ലാസെക്രട്ടറി സ്ഥാനത്തുനിന്ന് തെറിപ്പിക്കുകയും സെക്രട്ടറിയേറ്റില്‍ ഇടംതരാതിരിക്കുകയും ചെയ്തതാണ് പി.യെ പകക്ക് കാരണമാക്കിയത്. ഇതിന്റെ ഫലം കണ്ണൂരിലെ പാര്‍ട്ടിയിലെ തുടരന്‍ ഗ്രൂപ്പിസമാകുമെന്നുറപ്പാണ്. അപ്പോള്‍ ആരുടെയൊക്കെ തലകളാണുരുളാന്‍ പോകുന്നത് കാത്തിരുന്ന ്കാണുകയേ നിര്‍വാഹമുള്ളൂ.

Continue Reading
Advertisement
Click to comment

Leave a Reply

Your email address will not be published. Required fields are marked *

india

ഇന്ത്യയില്‍ സിഎഎ നടപ്പിലാക്കിയത് സമൂഹത്തില്‍ വിള്ളലുണ്ടാക്കാന്‍ വേണ്ടിയാണ്: പ്രിയങ്ക ഗാന്ധി

സ്ത്രീകൾ എന്തു ധരിക്കണം, ആരെ കല്യാണം കഴിക്കണം, ആരെ പ്രണയിക്കണം എന്നെല്ലാം ഈ സർക്കാരാണ് തീരുമാനിക്കുന്നത്

Published

on

രാജ്യത്ത് സിഎഎ നടപ്പിലാക്കിയത് സമൂഹത്തിൽ വിള്ളലുണ്ടാക്കാനാണെന്ന് എഐസിസി ജനറൽ സെക്രട്ടറി പ്രിയങ്ക ഗാന്ധി. രാജ്യത്തിനു വേണ്ടത് സ്നേഹവും ഐക്യവുമാണെന്നും വെറുപ്പും വിദ്വേഷവുമല്ലെന്നും പ്രിയങ്ക ഗാന്ധി പറഞ്ഞു. ചാലക്കുടിയിൽ നടന്ന തെരഞ്ഞെടുപ്പ് പ്രചാരണ യോഗത്തിൽ സംസാരിക്കുകയായിരുന്നു പ്രിയങ്ക. ഇന്ത്യയുടെ ആത്മാവിനെ വീണ്ടെടുക്കാനുള്ള തെരഞ്ഞെടുപ്പാണ് നടക്കാനിരിക്കുന്നത്. രാജ്യത്തിന്റെ അടിത്തറകളെല്ലാം നാശത്തിന്റെ വക്കിലാണ്. ഇന്ത്യയിൽ നന്മയേക്കാൾ ബലാബലത്തിനാണ് പ്രധാന്യം. ജനാഭിപ്രായത്തെ മറികടന്നാണ് കേന്ദ്രസർക്കാർ രാജ്യത്ത് ഓരോ കാര്യവും നടപ്പാക്കുന്നതെന്നും പ്രിയങ്ക ഗാന്ധി പറ‍ഞ്ഞു.

‘‘സ്ത്രീകൾ എന്തു ധരിക്കണം, ആരെ കല്യാണം കഴിക്കണം, ആരെ പ്രണയിക്കണം എന്നെല്ലാം ഈ സർക്കാരാണ് തീരുമാനിക്കുന്നത്. സ്ത്രീകളെ ആക്രമിക്കുന്നവരെ സർക്കാർ സംരക്ഷിക്കുകയാണ്. മണിപ്പുരിലെ സ്ത്രീകളെ നഗ്നരാക്കി പരേഡ് നടത്തിയപ്പോൾ അവർക്കു വേണ്ടി സർക്കാർ ഒന്നും ചെയ്തില്ല. പക്ഷേ പ്രധാനമന്ത്രി സ്ത്രീസുരക്ഷയേപ്പറ്റി വാതോരാതെ സംസാരിക്കുകയാണ്. പ്രധാനമന്ത്രിയുടെ കുത്തക മുതലാളികളായ സുഹൃത്തുക്കൾക്കു വേണ്ടിയാണ് രാജ്യത്ത് നയങ്ങൾ രൂപീകരിക്കുന്നത്. വിമാനത്താവളങ്ങളും തുറമുഖങ്ങളുമെല്ലാം പ്രധാനമന്ത്രിയുമായി അടുപ്പമുള്ളവരാണ് മുന്നോട്ടുകൊണ്ടു പോകുന്നതെന്ന്‌ പ്രിയങ്ക ഗാന്ധി പറഞ്ഞു.

‘‘കയ്യിൽ കാശില്ലാതെ കർഷകർ ആത്മഹത്യ ചെയ്യുമ്പോൾ പ്രധാനമന്ത്രിയുടെ സുഹൃത്തുക്കളുടെ കോടിക്കണക്കിന് രൂപയുടെ വായ്പകൾ എഴുതിത്തള്ളുകയാണ്. വിലക്കയറ്റം ആകാശംമുട്ടെ ഉയരുമ്പോൾ സാധാരണക്കാരായ ജനങ്ങൾ ബുദ്ധിമുട്ടുകയാണ്. 45 വർഷത്തെ ഉയർന്ന തൊഴിലില്ലായ്മ നിരക്കാണ് രാജ്യത്ത്. ദേശീയ കടം 205 കോടിയിലേക്ക് ഉയരുകയാണ്. വീടുകളിലെ സമ്പാദ്യം താഴേക്കു പോവുകയാണ്. ഈ സാഹചര്യത്തിലും സത്യമല്ലാത്ത കണക്കുകൾ നിരത്തി ജനങ്ങളെ കബളിപ്പിക്കുകയാണ് മോദി സർക്കാരെന്ന് പ്രിയങ്ക ഗാന്ധി കുറ്റപ്പെടുത്തി.

Continue Reading

india

കുട്ടികളെ അശ്ലീല വീഡിയോകളില്‍ ഉപയോഗിക്കുന്നത് കുറ്റകരം; ഡിലീറ്റ് ചെയ്തില്ലെങ്കില്‍ നിയമനടപടി ഉണ്ടാകും: സുപ്രിംകോടതി

കുട്ടികളെ അശ്ലീല ദൃശ്യങ്ങൾക്കായി ഉപയോഗിക്കുന്നത് കുറ്റകൃത്യവും ഗൗരവതരമായ കാര്യവുമാണെന്ന് സുപ്രീം കോടതി ബഞ്ച് അഭിപ്രായപ്പെട്ടു

Published

on

ന്യൂഡൽഹി: കുട്ടികളുടെ അശ്ലീല ദൃശ്യങ്ങളുടെ കാര്യത്തിൽ ആശങ്ക പ്രകടിപ്പിച്ച് സുപ്രീം കോടതി. ഒരു കുട്ടി അശ്ലീല ദൃശ്യം കാണുന്നത് നിയമപരമായി തെറ്റാവില്ലെങ്കിലും അശ്ലീല ദൃശ്യങ്ങൾക്ക് വേണ്ടി കുട്ടികളെ ഉപയോഗിക്കുന്നത് ഗൗരവതരമായ വിഷയമാണെന്ന് വെള്ളിയാഴ്ച ഒരു കേസ് പരിഗണിക്കവെ ചീഫ് ജസ്റ്റിസ് ഡി.വൈ ചന്ദ്രചൂഡ്, ജസ്റ്റിസ് ജെ.പി പർദിവാല എന്നിവരടങ്ങിയ സുപ്രീം കോടതി ബഞ്ച് വ്യക്തമാക്കി.

കുട്ടികളുടെ അശ്ലീല ദൃശ്യങ്ങൾ ഡൗൺലോഡ് ചെയ്യുന്നതും കാണുന്നതും പോക്സോ നിയമപ്രകാരമോ ഐടി നിയമപ്രകാരമോ കുറ്റമാവില്ലെന്ന മദ്രാസ് ഹൈക്കോടതി വിധിക്കെതിരെ കുട്ടികൾക്കായി പ്രവർത്തിക്കുന്ന രണ്ട് സംഘടനകൾ നൽകിയ ഹർജികൾ പരിഗണിക്കവെയായിരുന്നു കോടതിയുടെ നിരീക്ഷണം.

കുട്ടികളെ അശ്ലീല ദൃശ്യങ്ങൾക്കായി ഉപയോഗിക്കുന്നത് കുറ്റകൃത്യവും ഗൗരവതരമായ കാര്യവുമാണെന്ന് സുപ്രീം കോടതി ബഞ്ച് അഭിപ്രായപ്പെട്ടു. ഇത്തരമൊരു ദൃശ്യം ഇൻബോക്സിൽ ലഭിക്കുകയാണെങ്കിൽ അത് ഡിലീറ്റ് ചെയ്യുകയോ നശിപ്പിക്കുകയോ വേണം. അല്ലെങ്കിൽ നിയമപ്രകാരമുള്ള നടപടികൾ നേരിടേണ്ടി വരും. കുട്ടികൾ ഉൾപ്പെട്ട അശ്ലീല ദൃശ്യങ്ങൾ ലഭിക്കുന്ന ഒരാൾ അവ ഡിലീറ്റ് ചെയ്യാനോ നശിപ്പിക്കാനോ തയ്യാറാവുന്നില്ലെങ്കിൽ അത് ഐടി നിയമങ്ങളുടെ ലംഘനമായി മാറുമെന്നും കോടതി പറഞ്ഞു.

Continue Reading

india

മഹാനദിയിൽ ബോട്ട് മറിഞ്ഞു; ഏഴ് മരണം

കഴിഞ്ഞ ദിവസമാണ് ജര്‍സുഗുഡയിലെ മഹാനദിയിൽ 50 യാത്രക്കാരുമായി പോവുകയായിരുന്ന ബോട്ട് മറിഞ്ഞ് അപകടമുണ്ടായത്

Published

on

ഭുവനേശ്വർ: ഒഡീഷയിലെ ഝാർസുഗുഡ ജില്ലയിൽ ബോട്ട് മറിഞ്ഞുണ്ടായ അപകടത്തിൽ ഏഴ് മരണം. കഴിഞ്ഞ ദിവസമാണ് ജര്‍സുഗുഡയിലെ മഹാനദിയിൽ 50 യാത്രക്കാരുമായി പോവുകയായിരുന്ന ബോട്ട് മറിഞ്ഞ് അപകടമുണ്ടായത്. മരിച്ചവരെല്ലാം ഛത്തീസ്ഗഡിലെ ഖർസെനി മേഖലയിൽ നിന്നുള്ളവരാണ്.

ഇന്ന് രാവിലെ ആറ് മൃതദേഹങ്ങളും കണ്ടെടുത്തു. അപകടത്തെ തുടര്‍ന്ന് ഏഴ് പേരെ കാണാതായതായി മുതിര്‍ന്ന പൊലീസ് ഓഫീസര്‍ ചിന്താമണി പറഞ്ഞതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. ഭുവനേശ്വറില്‍ നിന്നുള്ള ഒഡീഷ ഡിസാസ്റ്റര്‍ റാപ്പിഡ് ആക്ഷന്‍ ഫോഴ്‌സാണ് തെരച്ചില്‍ നടത്തുന്നത്. സ്‌ക്യൂബാ ഡൈവര്‍മാരും സ്ഥലത്തുണ്ട്.

Continue Reading

Trending