കേരള സംസ്ഥാന ഐടി മിഷന്റെ പദ്ധതിയായ ഇ-ഡിസ്ട്രിക്ട് പോര്‍ട്ടലിലെ സേവനങ്ങള്‍ പ്രയോജനപ്പെടുത്തുന്നതിന് യൂസര്‍ അക്കൗണ്ട് സൃഷ്ടിക്കുന്നതിന് ആധാര്‍ അധിഷ്ടിത ഒടിപി സംവിധാനം പ്രാബല്യത്തിലായി. നിലവില്‍ യൂസര്‍ അക്കൗണ്ട് തുറക്കുന്ന സമയം നല്‍കുന്ന മൊബൈല്‍ നമ്പറിലേക്കാണ് ഒടിപി ലഭിക്കുന്നത്.

എന്നാല്‍ ഈ സംവിധാനം ദുരുപയോഗം ചെയ്യുന്നുവെന്ന് കണ്ടെത്തിയതിനെ തുടര്‍ന്നാണ് ഉപഭോക്താവിന്റെ ആധാറുമായി ബന്ധിപ്പിച്ചിരിക്കുന്ന മൊബൈല്‍ നമ്പറിലേക്ക് മാത്രം ഒടിപി നല്‍കാനുള്ള സംവിധാനം ഏര്‍പ്പെടുത്തുന്നത്.

യൂസര്‍ അക്കൗണ്ട് ക്രിയേഷന്‍, പുതിയ ആപ്ലിക്കന്റ് രജിസ്ട്രേഷന്‍, നിലവിലെ രജിസ്ട്രേഷന്‍ തിരുത്തല്‍, യൂസര്‍ നെയിം റിക്കവറി, പാസ്വേഡ് റീസെറ്റ്, ഡ്യൂപ്ലിക്കേറ്റ് രജിസ്ട്രേഷന്‍ പരിശോധന എന്നീ ഘട്ടങ്ങളില്‍ ഒ.ടി.പി. അനിവാര്യമാണ്. മൊബൈല്‍ നമ്പര്‍ ആധാറുമായി ബന്ധിപ്പിച്ചിട്ടില്ലാത്ത ഉപഭോക്താക്കള്‍ ആധാറുമായി ബന്ധിപ്പിക്കണം. നിലവില്‍ ‘ഇ-ഡിസ്ട്രിക്ട് പോര്‍ട്ടലില്‍ അക്കൗണ്ട് ഉള്ളവര്‍ക്ക് ലോഗിന്‍ ചെയ്തതിന് ശേഷം പ്രൊഫൈല്‍ പേജില്‍ ആധാര്‍ നമ്പരുമായി ലിങ്ക് ചെയ്ത മൊബൈല്‍ നമ്പര്‍ അപ്ഡേറ്റ് ചെയ്യാം.

സര്‍ക്കാര്‍ സേവനങ്ങള്‍, സര്‍ക്കാര്‍ ഓഫീസുകള്‍ സന്ദര്‍ശിക്കാതെ ജനങ്ങള്‍ക്ക് ഇന്റര്‍നെറ്റ് മുഖേന നേരിട്ട് ലഭ്യമാക്കുവാനായി 2010-ല്‍ ആരംഭിച്ച പദ്ധതിയാണ് ‘ഇ-ഡിസ്ട്രിക്ട്’. റവന്യൂ വകുപ്പിന്റെ 23 ഇനം സര്‍ട്ടിഫിക്കറ്റ് സേവനങ്ങളും, വന്യജീവി ആക്രമണത്തിനാല്‍ ഉണ്ടാകുന്ന നഷ്ടപരിഹാരങ്ങള്‍ക്കുള്ള ആറിനം അപേക്ഷകള്‍ വനം വകുപ്പിന് സമര്‍പ്പിക്കാനുള്ള സേവനങ്ങളും, നേച്ചര്‍ ക്യാമ്പ് റിസര്‍വേഷന്‍ സേവനവും, പബ്ലിക് യൂട്ടിലിറ്റി ബില്ലുകളുടെ പെയ്‌മെന്റ് മുതലായ സേവനങ്ങളും ‘ഇ-ഡിസ്ട്രിക്ട്’ മുഖേന നല്‍കുന്നു. ഇതുവരെ 12 കോടിയിലധികം അപേക്ഷ ‘ഇ-ഡിസ്ട്രിക്ട് വഴി ലഭിച്ചു.

അബ്ഹ: അസീർ ക്രിക്കറ്റ് കൂട്ടായ്മ സംഘടിപ്പിച്ച ഒന്നാമത് അസീർ സൂപ്പർ പ്രീമിയർ ലീഗിൽ സ്റ്റാർസ് ഓഫ് അബ്ഹ ജേതാക്കളായി. അസീർ മേഖലയിലെ 12 ടീമുകളിലായി നൂറ്റിനാൽപത്തിരണ്ട് കളിക്കാർ പങ്കെടുത്തു. വെള്ളിയാഴ്ച നടന്ന ഫൈനൽമത്സരത്തിൽ ക്വിക്സ്ഇലെവനെ 25 റൺസുകൾക്ക് പരാജയപ്പെടുത്തി സ്റ്റാർസ് ഓഫ് അബ്ഹ കപ്പിൽ മുത്തമിട്ടു.

ഫൈനൽ കളിയിലെ മികച്ച പ്ലേയറായി റിയാസിനെ തിരഞ്ഞെടുത്തു. ടൂർണമെന്റിലെ ബെസ്റ്റ് ബാറ്റിസ്മാൻ. മോസ്റ്റ്‌ വാല്യൂബിൾ പ്ലയെർ എന്നി സ്ഥാനങ്ങൾ സ്റ്റാർസ് ഓഫ് അബഹയിലെ സഞ്ജയ്‌ നേടി.

വിജയികൾക്ക് ഉള്ള ക്യാഷ് പ്രൈസും ട്രോഫിയും ജിദ്ദ ഇന്ത്യ കോൺസുലേറ്റ് ജീവകാരുണ്യവിഭാഗം പ്രതിനിധി അഷറഫ് കുറ്റിച്ചൽ വിതരണം ചെയ്യ്തു. പ്യാരി ഷഫീക്, പ്രമോജ്, അനീഷ്, ആസിഫ് ഇക്ബാൽ ജസീം സോജൻ എന്നിവർ ടൂർണമെന്റിനു നേതൃത്വം നൽകി.

പൂക്കയില്‍ സ്‌കൂളില്‍ നിന്ന് വിദ്യാര്‍ത്ഥിയെ വിളിച്ച് മടങ്ങുകയായിരുന്ന യുവതി സഞ്ചരിച്ചിരുന്ന ഇലക്ട്രിക് സ്‌കൂട്ടർ തീ കത്തി നശിച്ചു. തിരൂർ ബെഞ്ച് മാർക്ക് സ്കൂളിൽ നിന്നും വിദ്യാർത്ഥിയുമായി വരികയായിരുന്ന ഒഴൂർ സ്വദേശിയായ യുവതി സഞ്ചരിച്ച ഹീറോ കമ്പനിയുടെ ഇലക്ട്രിക് സ്കൂട്ടർ ആണ് കത്തി നശിച്ചത്.

തിരൂരിൽ നിന്നും ഒഴൂരിലേക്ക് പോകുന്ന വഴി പൂക്കയിലെത്തിയപ്പോൾ പുറകിൽ നിന്നും പുകയുയരുന്നത് കണ്ട ആളുകൾ യുവതിയുടെ ശ്രദ്ധയിൽപ്പെടുത്തിയപ്പോൾ ഉടനെ തന്നെ സ്കൂട്ടർ നിർത്തിയത് കൊണ്ട് അപകടമില്ലാതെ രക്ഷപ്പെട്ടു. ആദ്യം നാട്ടുകാരും പിന്നീട് ഫയർഫോഴ്സും എത്തിയാണ് തീ അണച്ചത്.