Connect with us

Culture

അരീക്കാട് ഉപതെരഞ്ഞെടുപ്പ് ഫലം: സി.പി.എമ്മിന് കനത്ത പ്രഹരം

Published

on

കോഴിക്കോട്: മേയര്‍ പദവിയില്‍ നിന്ന് എം.എല്‍.എ സ്ഥാനത്തേക്ക് മാറിയ വി.കെ.സി മമ്മത്‌കോയക്ക് പകരക്കാരനെ വിജയിപ്പിക്കുന്നതില്‍ ഉണ്ടായ പരാജയം സി.പി.എമ്മിന് കനത്ത പ്രഹരമായി. ചെറുവണ്ണൂര്‍-നല്ലളം മുന്‍ പഞ്ചായത്ത് പ്രസിഡണ്ടും മുന്‍ കോര്‍പറേഷന്‍ കൗണ്‍സിലറുമായ ടി. മൊയ്തീന്‍കോയ സി.പി.എമ്മിനുവേണ്ടി രംഗത്തിറങ്ങിയെങ്കിലും യു.ഡി.എഫിന്റെ കൂട്ടായ പ്രവര്‍ത്തനം എല്‍.ഡി.എഫിന് കനത്ത തിരച്ചടി നല്‍കുകയും ചെയ്തു. 2010ല്‍ ചെറുവണ്ണൂര്‍-നല്ലളം പഞ്ചായത്ത് കോര്‍പറേഷന്റെ ഭാഗമാക്കിയതിനെതുടര്‍ന്ന്്് ചെറുവണ്ണൂര്‍ വെസ്റ്റില്‍ നിന്ന് മത്സരിച്ച് കൗണ്‍സിലില്‍ എത്തിയ മൊയ്തീന്‍കോയ ടാക്‌സ് അപ്പീല്‍ കമ്മിറ്റി ചെയര്‍മാനുമായിരുന്നു. എന്നാല്‍ തൊട്ടടുത്ത അരീക്കാട് വാര്‍ഡില്‍ ഉപതെരഞ്ഞെടുപ്പില്‍ മത്സരിക്കേണ്ടി വന്ന മൊയ്തീന്‍ കോയക്ക് പക്ഷേ യു.ഡി.എഫിന്റെ കരുത്തനായ സ്ഥാനാര്‍ത്ഥിക്ക് മുന്‍പില്‍ പിടിച്ചു നില്‍ക്കാനായില്ല.

പാര്‍ട്ടിയിലെ വിഭാഗീയതയും പ്രാദേശികമായ വിഷയങ്ങളും ഇത്തവണ സി.പി.എമ്മിനെ തിരിഞ്ഞുകുത്തി. യു.ഡി.എഫ് രംഗത്തിറക്കിയ സെയ്ത് മുഹമ്മദ് ഷമീല്‍ അരീക്കാട് ഭാഗത്ത് അറിയപ്പെടുന്ന പൊതുപ്രവര്‍ത്തകനാണ്. ജനകീയ പ്രശ്‌നങ്ങളിലും ഇടപെടുകയും ജനങ്ങള്‍ക്ക് വേണ്ടി പ്രവര്‍ത്തിച്ചു വരുന്ന വ്യക്തിത്വം കൂടിയാണ്. അതുകൊണ്ടുതന്നെ യു.ഡി.എഫ് വിജയപ്രതീക്ഷയിലായിരുന്നു. ഇടത് ക്യാമ്പാകട്ടെ തുടക്കം മുതല്‍ മ്ലാനമായിരുന്നു. പ്രചാരണവേളയില്‍പോലും ആവേശം തീര്‍ക്കാന്‍ പാര്‍ട്ടി സംവിധാനം മുഴുവന്‍ പ്രയോഗിച്ചിട്ടും അവര്‍ക്ക് സാധിച്ചില്ല.

അഴിമതിയും സ്വജനപക്ഷപാതവും പാര്‍ട്ടിയെ കാര്‍ന്നുതിന്നുന്ന രോഗമായി മാറിക്കഴിഞ്ഞുവെന്ന് ജനങ്ങള്‍ മനസ്സിലാക്കിയിരുന്നു. ഇതും തോല്‍വിക്ക് കാരണമായി. ഇ.പി ജയരാജന്‍ സ്വന്തക്കാരെ വ്യവസായവകുപ്പില്‍ നിയമിച്ചതിന്റെ പേരില്‍ മന്ത്രിസഭയില്‍ നിന്ന് പുറത്തായത് ഉള്‍പ്പെടെയുള്ള സംഭവങ്ങള്‍ ജനം മനസ്സിലാക്കിയിരുന്നു. സി.പി.എമ്മിന്റെ ഇത്തരം നിലപാടുകളോടുള്ള കടുത്ത എതിര്‍പ്പ് ഉപതെരഞ്ഞെടുപ്പില്‍ പ്രതിഫലിക്കുക തന്നെ ചെയ്തു.

സി.പി.എമ്മിന്റെ അഴിമതിയും കെടുകാര്യസ്ഥതയും നിറഞ്ഞ ഭരണത്തിന് ജനങ്ങള്‍ നല്‍കിയ ശക്തമായ താക്കീതാണ് അരീക്കാട് ഉപതെരഞ്ഞെടുപ്പ് ഫലമെന്ന്് മുസ്്‌ലിംലീഗ് ജില്ലാ പ്രസിഡണ്ട് ഉമ്മര്‍ പാണ്ടികശാല പറഞ്ഞു.

തെരഞ്ഞെടുപ്പ് വിജയത്തില്‍ ആഹ്ലാദം പ്രകടിപ്പിച്ചുകൊണ്ട് നഗരത്തിലും അരീക്കാടും പ്രകടനം നടന്നു. തെരഞ്ഞെടുപ്പ് കമ്മിറ്റി ചെയര്‍മാന്‍ കെ. രാജന്‍, ജനറല്‍ കണ്‍വീനര്‍ എം. കുഞ്ഞാമുട്ടി, കൗണ്‍സിലര്‍മാരായ കെ.ടി ബീരാന്‍കോയ, പി. കിഷന്‍ചന്ദ്, പി. ഉഷാദേവി, ആയിഷാബി പാണ്ടികശാല, നേതാക്കളായ എന്‍.സി റസാക്ക്, റിയാസ് അരീക്കാട്, ബിച്ചിക്കോയ, മന്‍സൂര്‍ മാങ്കാവ്, നാസി മൂപ്പന്‍, സൗത്ത് മണ്ഡലം ലീഗ് പ്രസിഡണ്ട് കെ. മൊയ്തീന്‍കോയ തുടങ്ങിയവര്‍ നേതൃത്വം നല്‍കി. ലീഗ്ഹൗസില്‍ എത്തിയ സെയ്ത് മുഹമ്മദ് ഷമീലിനെയും മറ്റു പ്രവര്‍ത്തകരെയും സംസ്ഥാന സെക്രട്ടറി എം.സി മായിന്‍ഹാജി സ്വീകരിച്ചു. ഉപതെരഞ്ഞെടുപ്പ് ഫലം വന്നതോടെ കോര്‍പറേഷന്‍ കൗണ്‍സിലില്‍ ലീഗിന് ഒരംഗം വര്‍ധിച്ചിരിക്കുകയാണ്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

തർക്കം പരിഹരിച്ചു; പിവിആറിൽ മലയാള സിനിമകൾ പ്രദർശിപ്പിക്കും

നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.

Published

on

പിവിആർ സിനിമാസും – പ്രൊഡ്യൂസേഴ്സ് അസോസിയേഷനുമായുള്ള തർക്കം പരിഹരിച്ചു. നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.വ്യവസായി എം എ യുസഫ് അലിയുടെ മാധ്യസ്ഥതയിൽ ഫെഫ്ക്കയും പിവിആർ അധികൃതരും നടത്തി ചർച്ചയിലാണ് തീരുമാനം.

പിവിആർ തീരുമാനം പിൻവലിച്ചില്ലെങ്കിൽ ഭാവിയിൽ മൊഴിമാറ്റ ചിത്രങ്ങൾ അടക്കം പ്രദർശിപ്പിക്കാൻ അനുമതി നൽകില്ലെന്ന് സാങ്കേതിക ഫെഫ്ക നിലപാട് എടുത്തിരുന്നു. ഇതിന് പിന്നാലെയാണ് തിരുമാനത്തിൽ നിന്നും പിവിആർ അധികൃതർ പിന്മാറിയത്.

പിവിആര്‍ കയ്യൂക്ക് കാണിക്കുകയാണെന്നും പ്രദര്‍ശനം നിര്‍ത്തിവച്ച ദിവസങ്ങളിലെ നഷ്ടപരിഹാരം നല്‍കാതെ പ്രസ്തുത മള്‍ട്ടിപ്ലെക്സ് ശൃംഖലയ്ക്ക് ഇനി മലയാള സിനിമകള്‍ നല്‍കില്ലെന്നും ഫെഫ്ക അറിയിച്ചിരുന്നു. പരിഹാരം ഉണ്ടായില്ലെങ്കിൽ പ്രതിഷേധം പിവിആർ സ്ക്രീനുകളിലേക്ക് വ്യാപിപ്പിക്കും. പിവിആറിന്‍റെ നീക്കം പുതിയ സിനിമകള്‍ക്ക് വലിയ തിരിച്ചടിയാണെന്നും ഫെഫ്ക അറിയിച്ചിരുന്നു.

പിവിആറും നിർമാതാക്കളും തമ്മിലുള്ള ഡിജിറ്റൽ കണ്ടന്റ് പ്രൊഡക്ഷൻ സംബന്ധിച്ച തർക്കമാണ് സിനിമകളുടെ പ്രദർശനം നിർത്തിവെക്കുന്നതിലേക്ക് എത്തിയത്. വൻതുക നൽകുന്നത് ഒഴിവാക്കാൻ നിർമാതാക്കൾ സ്വന്തമായി ഇതിനുള്ള സംവിധാനം ഒരുക്കിയത് അ‌ംഗീകരിക്കാൻ തയ്യാറല്ലാത്തതാണ് തർക്കത്തിന് കാരണം.

Continue Reading

Film

‘പിവിആർ സിനിമാസിനെ ബഹിഷ്ക്കരിക്കും’; മലയാള സിനിമ പ്രദർശിപ്പിക്കില്ലെന്ന നിലപാടിനെതിരെ ഫെഫ്ക

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്

Published

on

പിവിആർ– മലയാള സിനിമ തർക്കം പുതിയ തലത്തിലേക്ക്. പ്രദർശനം നിർത്തിയതിനെ തുടർന്നുണ്ടായ നഷ്ടം നികത്താതെ മലയാള സിനിമകൾ ഇനി പിവിആർ തിയറ്ററുകളിൽ പ്രദർശിപ്പിക്കില്ലെന്നു ഫെഫ്ക അറിയിച്ചു. വിർച്വൽ പ്രിന്റ് ഫീ (വിപിഎഫ്) വിഷയത്തിൽ പിവിആറും പ്രൊഡ്യൂസേഴ്സ് അസോസിയേഷനുമായുള്ള ചർച്ചകൾ നടക്കുന്നതിനിടെ ഏകപക്ഷീയമായി രാജ്യത്താകെയുള്ള പിവിആർ സ്ക്രീനുകളിൽ മലയാള സിനിമകൾ ബഹിഷ്കരിച്ചെന്നു ഫെഫ്ക ജനറൽ സെക്രട്ടറി ബി.ഉണ്ണികൃഷ്ണൻ പറഞ്ഞു.

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്. ഡിജിറ്റൽ കണ്ടന്റ് പ്രൊജക്‌ഷനെ തുടർന്നുള്ള തർക്കവുമായി ബന്ധപ്പെട്ടായിരുന്നു തീരുമാനം. 11-ന് റിലീസിനൊരുങ്ങിയ മൂന്നിലധികം മലയാള സിനിമകളുടെ പിവിആറിലെ ഷോകളാണ് ഇതോടെ മുടങ്ങിയത്. കൊച്ചി, തിരുവനന്തപുരം എന്നിവിടങ്ങളിലൊന്നും മലയാള സിനിമകളുടെ പ്രദർശനം പിവിആർ് ഇപ്പോൾ നടത്തുന്നില്ല.

ഉണ്ണികൃഷ്ണനെ കൂടാതെ സിബി മലയിൽ, രൺജി പണിക്കർ, സോഹൻ സീനുലാൽ, നിലവിൽ തിയറ്ററുകളിൽ പ്രദർശിപ്പിക്കുന്ന സിനിമകളെ പ്രതിനിധീകരിച്ച് ബ്ലെസി, വിനീത് ശ്രീനിവാസൻ, വിശാഖ് സുബ്രഹ്മണ്യം, അൻവർ റഷീദ്, സൗബിൻ ഷാഹിർ, ജിത്തു മാധവന്‍ തുടങ്ങിയവർ ചേർന്നാണു തീരുമാനങ്ങള്‍ പ്രഖ്യാപിച്ചത്. മുൻകൂറായി വിപിഎഫ് തുക അടച്ചിട്ടുപോലും ആടുജീവിതത്തിന്റെ പ്രദർശനം നിർത്തുന്നതു ഫോൺ വഴി പോലും അറിയിച്ചില്ലെന്നു ബ്ലെസി പറഞ്ഞു. മറ്റു സംസ്ഥാനങ്ങളിലെങ്കിലും പ്രദർശിപ്പിക്കണമെന്ന് ആവശ്യപ്പെട്ടിട്ടും അംഗീകരിച്ചില്ലെന്നും അദ്ദേഹം ചൂണ്ടിക്കാട്ടി.

Continue Reading

Film

ലാഭവിഹിതം വാഗ്ദാനം ചെയ്ത് കബളിപ്പിച്ചതായി പരാതി; ‘മഞ്ഞുമ്മല്‍ ബോയ്‌സ്’ നിര്‍മ്മാതാക്കളുടെ ബാങ്ക് അക്കൗണ്ട് മരവിപ്പിച്ചു

സിനിമയ്ക്കായി 7 കോടി രൂപ മുടക്കിയിട്ടു ലാഭവിഹിതമോ മുടക്കുമുതലോ നൽകിയില്ലെന്നു പരാതിയിൽ പറയുന്നു

Published

on

കൊച്ചി: കലക്‌‍ഷനിൽ റെക്കോർഡുകൾ സൃഷ്ടിച്ച ‘മഞ്ഞുമ്മൽ ബോയ്സ്’ സിനിമയുടെ നിർമാതാക്കളുടെ ബാങ്ക് അക്കൗണ്ടുകൾ മരവിപ്പിക്കാൻ ഉത്തരവ്. അരൂർ സ്വദേശി സിറാജ് സമർപ്പിച്ച ഹർജിയിലാണ് എറണാകുളം സബ് കോടതി ഉത്തരവിട്ടത്. സിനിമയ്ക്കായി 7 കോടി രൂപ മുടക്കിയിട്ടു ലാഭവിഹിതമോ മുടക്കുമുതലോ നൽകിയില്ലെന്നു സിറാജ് പരാതിയിൽ പറയുന്നു.

ചിത്രത്തിന്റെ നിർമാണ കമ്പനിയായ പറവ ഫിലിംസ്സിന്റെയും പാർട്ണർ ഷോൺ ആന്റണിയുടെയും 40 കോടിരൂപയുടെ ബാങ്ക് അക്കൗണ്ടാണ് സബ് കോടതി ജഡ്ജി സുനിൽ വർക്കി മരവിപ്പിച്ചത്. 40 ശതമാനം ലാഭ വിഹിതം വാഗ്ദാനം ചെയ്തു നിർമാതകൾ പണം കൈപ്പറ്റിയ ശേഷം ലാഭവിഹിതമോ മുതൽമുടക്കോ നൽകാതെ കബളിപ്പിച്ചതെന്നാണ് ഹരജി.

ആഗോള തലത്തിൽ ഇതുവരെ 220 കോടി രൂപ ചിത്രം കലക്ഷൻ നേടിയിട്ടുണ്ടെന്നും ഒ.ടി.ടി പ്ലാറ്റ്‍ഫോമുകള്‍ മുഖേനയും ചിത്രം 20 കോടിയോളം രൂപ നേടിയിട്ടുണ്ടെന്നും ഹരജിയിൽ പറയുന്നു. ചിത്രത്തിന്റെ നിർമാതാക്കളായ സൗബിൻ ഷാഹിർ, ബാബു ഷാഹിർ എന്നിവർക്കു കോടതി നോട്ടിസ് അയച്ചു. ഹർജി ഭാഗത്തിന് വേണ്ടി അഡ്വ. സൈബി ജോസ് കിടങ്ങൂർ ഹാജരായി.

Continue Reading

Trending