Connect with us

More

കണ്ണ് സ്‌കാന്‍ ചെയ്ത്  എടിഎമ്മില്‍ നിന്ന് പണമെടുക്കാം

Published

on

ദോഹ: ബാങ്ക് കാര്‍ഡും പിന്‍ നമ്പറുമില്ലാതെ എടിഎമ്മില്‍ നിന്ന് പണമെടുക്കാവുന്ന സാങ്കേതിക വിദ്യയുമായി ഖത്തര്‍ നാഷനല്‍ ബാങ്ക്. ഉപഭോക്താക്കളുടെ കണ്ണ് സ്‌കാന്‍ ചെയ്താണ് എക്കൗണ്ട് ഉടമയെ തിരിച്ചറിയുന്നത്. കഴിഞ്ഞ സപ്തംബറിലാണ് ക്യുഎന്‍ബി തങ്ങളുടെ എടിഎമ്മുകളില്‍ ബയോമെട്രിക് ഐ സ്‌കാന്‍ സജ്ജീകരിക്കാന്‍ ആരംഭിച്ചത്. ഇത്തരം എടിഎമ്മുകള്‍ പ്രവര്‍ത്തന സജ്ജമായതായി ബാങ്ക് ഉപഭോക്താക്കള്‍ക്ക് ഈയാഴ്ച ഇമെയില്‍ സന്ദേശം ലഭിച്ചു.
നിലവില്‍ 14 ബ്രാഞ്ചുകളിലാണ് ഈ സംവിധാനമുള്ളത്. കൂടുതല്‍ ബ്രാഞ്ചുകളില്‍ ഐ സ്‌കാനര്‍ സ്ഥാപിച്ച് വരുന്നതായി ക്യുഎന്‍ബി പ്രസ്താവനയില്‍ അറിയിച്ചു. ഈ സാങ്കേതിക വിദ്യ ഉപയോഗിക്കണമെങ്കില്‍ ഉപഭോക്താക്കള്‍ തങ്ങളുടെ സ്മാര്‍ട്ട് ഖത്തര്‍ ഐഡി(ചിപ്പുകള്‍ ഉള്ള പുതിയ ഐഡി) ഹാജരാക്കി പ്രാദേശിക ബ്രാഞ്ചില്‍ രജിസ്റ്റര്‍ ചെയ്യണം. പുതിയ സംവിധാനം ഉപഭോക്താക്കള്‍ക്ക് കൂടുതല്‍ സുരക്ഷയും സൗകര്യവും പ്രദാനം ചെയ്യുമെന്ന് ബാങ്ക് അറിയിച്ചു.
സുരക്ഷ വര്‍ധിപ്പിക്കുന്നതിന്റെ ഭാഗമായി ഖത്തറിലെ മറ്റു പല ബാങ്കുകളും ബയോമെട്രിക് സംവിധാനം നടപ്പിലാക്കി വരികയാണ്. ഏതാനും മാസം മുമ്പ് കൊമേഴ്‌സ്യല്‍ ബാങ്ക് ഖത്തര്‍ തങ്ങളുടെ എടിഎമ്മുകളില്‍ ഫിന്‍ഗര്‍ വെയ്ന്‍ സ്‌കാനര്‍ ഏര്‍പ്പെടുത്തുമെന്ന് അറിയിച്ചിരുന്നു. വിരലുകളിലെ ഞരമ്പുകളുടെ രൂപഘടന ഓരോരുത്തരിലും വ്യത്യസ്തമായിരിക്കുമെന്നതിനാല്‍ അതീവ സുരക്ഷയാണ് ഇതിലൂടെ ലഭിക്കുക.

Continue Reading
Advertisement
Click to comment

Leave a Reply

Your email address will not be published. Required fields are marked *

News

സൗദി അറേബ്യയില്‍ പെണ്‍കുട്ടി മുങ്ങി മരിച്ചു

കുട്ടിയുടെ മൃതദേഹം പിന്നീട് സിവില്‍ ഡിഫന്‍സ് നടത്തിയ തെരച്ചിലില്‍ കണ്ടെത്തി.

Published

on

റിയാദ്: സൗദി അറേബ്യയില്‍ പെണ്‍കുട്ടി മുങ്ങി മരിച്ചു. റിയാദിലെ വാദി ഹനീഫയിലായിരുന്നു അപകടം. വാദിയിലെ അരുവിയില്‍ മുങ്ങിപ്പോയ കുട്ടിയെ രക്ഷപ്പെടുത്താന്‍ ശ്രമിച്ചെങ്കിലും സാധിച്ചില്ലെന്ന് സിവില്‍ ഡിഫന്‍സ് വ്യാഴാഴ്ച അറിയിച്ചു.കുട്ടിയുടെ മൃതദേഹം പിന്നീട് സിവില്‍ ഡിഫന്‍സ് നടത്തിയ തെരച്ചിലില്‍ കണ്ടെത്തി.

കുട്ടിയെ വെള്ളത്തില്‍ നിന്ന് പുറത്തെടുത്തപ്പോഴേക്കും മരണം സംഭവിച്ചിരുന്നതായി സൗദി സിവില്‍ ഡിഫന്‍സ് പുറത്തിറക്കിയ അറിയിപ്പില്‍ പറയുന്നു. വെള്ളം കെട്ടിനില്‍ക്കുന്ന സ്ഥലങ്ങളില്‍ കുട്ടികളെ കളിക്കാന്‍ അനുവദിക്കരുതെന്നും സിവില്‍ ഡിഫന്‍സ് പുറത്തിറക്കിയ അറിയിപ്പില്‍ പറയുന്നു.

Continue Reading

Education

അര്‍ധവാര്‍ഷിക സ്‌കൂള്‍ പരീക്ഷ പുനഃക്രമീകരിച്ചു

ഡിസംബര്‍ 14 മുതല്‍ 22 വരെയാണ് അര്‍ധവാര്‍ഷിക പരീക്ഷ നടക്കുന്നത്.

Published

on

തിരുവനന്തപുരം: ഡിസംബര്‍ 14 മുതല്‍ ആരംഭിക്കുന്ന സ്‌കൂള്‍ അര്‍ധവാര്‍ഷിക പരീക്ഷകള്‍ പുനഃക്രമീകരിച്ചു. ഡിസംബര്‍ 22 വരെയാണ് അര്‍ധവാര്‍ഷിക പരീക്ഷ നടക്കുന്നത്.

ഡിസംബര്‍ 16 ന് നടത്തേണ്ടിയിരുന്ന പരീക്ഷകള്‍ക്കാണ് മാറ്റം. നേരത്തേയുള്ള ടൈംടേബിള്‍ പ്രകാരം പത്താം ക്ലാസിന്റെ ഒന്നാം ഭാഷ പേപ്പര്‍ 16ന് 10 മണിക്കാണ് ആരംഭിക്കേണ്ടിയിരുന്നത്. ഇത് രാവിലെ 9.30 മുതല്‍ 11.15 വരെ ആക്കി പുന:ക്രമീകരിച്ചു.

8ാം ക്ലാസിന്റെ കലാകായിക പ്രവൃത്തിപരിചയ പരീക്ഷ 9.30 മുതല്‍ 12.15 വരെ നടക്കും. ഡിസംബര്‍ 16ലെ ഒന്‍പതാം ക്ലാസ് ഇംഗ്ലീഷ് പരീക്ഷ 21 ന് 1.30 മുതല്‍ 4.15 വരെ നടക്കും.

Continue Reading

Money

സ്വര്‍ണവില പവന് 200 രൂപ കൂടി

Published

on

സംസ്ഥാനത്ത് സ്വര്‍ണവില കുതിക്കുന്നു. പവന് 200 രൂപയും ഗ്രാമിന് 25 രൂപയുമാണ് വര്‍ധിച്ചിരിക്കുന്നത്. പുതിയ വില അനുസരിച്ച് ഒരു പവന്‍ സ്വര്‍ണത്തിന് 39800 രൂപയും ഒരു ഗ്രാം സ്വര്‍ണത്തിന് 4975 രൂപയുയി. ഈ മാസത്തെ ഏറ്റവും ഉയര്‍ന്ന വിലയാണ് ഇത്.

Continue Reading

Trending