EDUCATION
CAREER CHANDRIKA: വിപുലസാധ്യതകള് കണ്ടെത്താന് കൊമേഴ്സ് പഠനം
കൊമേഴ്സും അനുബന്ധ മേഖലകളും സൃഷ്ടിക്കുന്ന ജോലിസാധ്യതകളും കരിയര് ഉയര്ച്ചക്കുള്ള അവസരങ്ങളും വിദ്യാര്ഥികള് വേണ്ട രീതിയില് തിരിച്ചറിയാതെ പോകുന്നതാണ് പലപ്പോഴും കാണാറുള്ളത്.

കൊമേഴ്സും അനുബന്ധ മേഖലകളും സൃഷ്ടിക്കുന്ന ജോലിസാധ്യതകളും കരിയര് ഉയര്ച്ചക്കുള്ള അവസരങ്ങളും വിദ്യാര്ഥികള് വേണ്ട രീതിയില് തിരിച്ചറിയാതെ പോകുന്നതാണ് പലപ്പോഴും കാണാറുള്ളത്. വ്യവസായ, വാണിജ്യ, സേവന മേഖലയിലെ സംരംഭങ്ങളും സ്ഥാപനങ്ങളും ഫലപ്രദമായി മുന്നോട്ട് കൊണ്ടുപോകുന്നതിന് സാമ്പത്തിക മേഖല കാര്യക്ഷമമായി കൈകാര്യം ചെയ്യുന്ന സംഘത്തിന്റെ സാന്നിധ്യം അനിവാര്യമാണ്. വരവ് ചെലവ് കൈകര്യം ചെയ്യുക എന്നതിനപ്പുറം മികച്ച കാഴ്ചപ്പാടോട് കൂടി ക്രയവിക്രയങ്ങളിലിടപെടാനും സാമ്പത്തിക മാനേജ്മെന്റിന്റെ ഭാഗമാവാനും സാധിക്കുന്നവര്ക്ക് സ്ഥാപനത്തെ പുതിയ ഉയരങ്ങളിലെത്തിക്കുവാന് സാധിക്കും.
കൊമേഴ്സ് അനുബന്ധ വിഷയങ്ങളില് ബിരുദ പഠനത്തിനൊപ്പമോ പഠനം കഴിഞ്ഞ ശേഷമോ കമ്പ്യൂട്ടറൈസ്ഡ് അക്കൗണ്ടിങ്ങില് പരിശീലനം നേടാനായാല് ആഗോളാവസരങ്ങള് കണ്ടെത്താനാവും. കേരള സര്ക്കാറിന്റെ കീഴിലുള്ള സ്വയംഭരണ സ്ഥാപനമായ ഗുലാത്തി ഇന്സ്റ്റിറ്റ്യൂട്ട് ഓഫ് ഫൈനാന്സ് ആന്ഡ് ടാക്സേഷന് നടത്തുന്ന പോസ്റ്റ് ഗ്രാജുവേറ്റ് ഡിപ്ലോമ ഇന് ഗുഡ്സ് ആന്ഡ് സര്വീസ് ടാക്സ് (ജി.എസ്.ടി) ശ്രദ്ധേയമായ ഒരു ഹ്രസ്വകാല കോഴ്സാണ്.
ക്രെഡിറ്റ് അനാലിസിസ്, അക്കൗണ്ട്സ് പ്രാക്ട്രീസ്, ഇന്വെസ്റ്റ്മെന്റ് ആന്ഡ് സെക്യൂരിറ്റീസ്, ഇ-ബിസിനസ് & ഇ-കൊമേഴ്സ്, ഡിജിറ്റല് മാര്ക്കറ്റിംഗ്, ഇന്ഷുറന്സ്, ആക്ച്വറി, ഇന്റര്നാഷണല് ഫൈനാന്ഷ്യല് റിപ്പോര്ട്ടിങ് സ്റ്റാന്ഡേര്ഡ്, ഫൈനാന്ഷ്യല് പ്ലാനിങ്, സ്റ്റോക്ക് മാര്ക്കറ്റ് ആന്ഡ് ഇക്വിറ്റി റിസര്ച്ച്, ലോജിസ്റ്റിക്സ് ആന്ഡ് ഷിപ്പിംങ്, ട്രാവല് ആന്ഡ് ടൂറിസം, എയര്പോര്ട്ട് മാനേജ്മെന്റ്, ഈവന്റ് മാനേജ്മെന്റ്, ടൂറിസ്റ്റ് ഗൈഡ്, വെല്ത്ത് മാനേജ്മെന്റ്, ബിസിനസ് അനലിറ്റിക്സ്, ഫൈനാന്ഷ്യല് ഫ്രോഡ് ഡിറ്റക്ഷന്, ഇന്റലെക്ച്വല് പ്രോപ്പര്ട്ടി റൈറ്റ്, റീട്ടെയില് ഓപ്പറേഷന് മാനേജ്മെന്റ്, ഫൈനാന്ഷ്യല് റിസ്ക് അനാലിസിസ് & റിസ്ക് മാനേജ്മെന്റ്, മാര്ക്കറ്റ് റിസര്ച്ച്, ടാക്സ് പ്ലാനിങ് ആന്റ് മാനേജ്മെന്റ്, ഇന്സോള്വന്സി റെസൊല്യൂഷന്, ഗ്ലോബല് ട്രേഡ്, എക്സ്പോര്ട്ട് & ഇമ്പോര്ട്ട് മാനേജ്മെന്റ്, റിയല് എസ്റ്റേറ്റ് കണ്സള്ട്ടന്സി, തുടങ്ങിയ മേഖലകളില് പരിശീലനം നേടി തൊഴില് കണ്ടെത്താന് ശ്രമിക്കാം.
ചാര്ട്ടേര്ഡ് എക്കൗണ്ടന്സി, കമ്പനി സെക്രട്ടറി, കോസ്റ്റ് മാനേജ്മെന്റ് എക്കൗണ്ടന്സി (സി.എം.എ -ഇന്ത്യ), അസോസിയേഷന് ഓഫ് ചാര്ട്ടേര്ഡ് സര്ട്ടിഫൈഡ് അക്കൗണ്ടന്സി (എ.സി.സി.എ), സര്ട്ടിഫൈഡ് മാനേജ്മെന്റ് അക്കൗണ്ടന്സി(സി.എം.എ- യു.എസ്), സര്ട്ടിഫൈഡ് പബ്ലിക്ക് അക്കൗണ്ടന്റ് (സി.പി.എ), ചാര്ട്ടേര്ഡ് ഇന്സ്റ്റിറ്റ്യൂട്ട് ഓഫ് മാനേജ്മെന്റ് അക്കൗണ്ടന്റ് (സി.ഐ.എം.എ), ചാര്ട്ടേര്ഡ് ഫൈനാന്ഷ്യല് അനലിസ്റ്റ് (സി.എഫ്.എ) തുടങ്ങിയ ചാര്ട്ടേഡ് കോഴ്സുകളും പരിഗണിക്കാവുന്നതാണ്
ബി.കോം പഠനത്തിന് ശേഷം താല്പര്യമുണ്ടെങ്കില് തുടര്പഠനത്തിനായി എം.കോം തിരഞ്ഞെടുക്കാം. ഫൈനാന്സ്, ഫോറിന് ട്രെയ്ഡ്, മാര്ക്കറ്റിംഗ്, കോസ്റ്റ് മാനേജ്മെന്റ്, ഫൈനാന്ഷ്യല് മാനേജ്മെന്റ്, മാര്ക്കറ്റിംഗ് മാനേജ്മെന്റ്, ടാക്സേഷന്, ഫൈനാന്സ് ആന്ഡ് ടാക്സേഷന്, മാനേജ്മെന്റ് ആന്ഡ് ഇന്ഫോര്മേഷന് ടെക്നോളജി, മാര്ക്കറ്റിംഗ് ആന്ഡ് ഇന്റര്നാഷണല് ബിസിനസ്, ഗ്ലോബല് ബിസിനസ് ഓപ്പറേഷന്, റൂറല് മാനേജ്മെന്റ്, ബ്ലൂ ഇക്കോണമി ആന്ഡ് മാരിടൈം ലോ തുടങ്ങിയ നിരവധി സ്പെഷ്യലൈസേഷനുകളോടെയുള്ള എം.കോം പ്രോഗ്രാമുകള് ഒട്ടനവധി സ്ഥാപനങ്ങളില് ലഭ്യമാണ്. അധ്യാപനത്തില് താല്പര്യമുള്ളവര്ക്ക് എം.കോമും കൊമേഴ്സില് ബി എഡും പൂര്ത്തിയാക്കി സെറ്റ് യോഗ്യത നേടി ഹയര് സെക്കണ്ടറി തലത്തിലും യു.ജി.സി നെറ്റ് വഴി കോളേജ് തലങ്ങളിലും സാധ്യതകള് കണ്ടെത്താവുന്നതാണ്.
ബിരുദ/ഹയര് സെക്കണ്ടറി യോഗ്യതയുള്ളവര്ക്കായി യു.പി.എസ്.സി, എസ്.എസ്.സി, പി.എസ്.സി, റെയില്വേ റിക്രൂട്ട്മെന്റ് ബോര്ഡ്, ഐ.ബി.പി.എസ്, ആര്.ബി.ഐ തുടങ്ങിയവ നടത്തുന്ന വിവിധ മത്സരപരീക്ഷകളില് മികവ് തെളിയിച്ച് സര്ക്കാര്, പൊതുമേഖലാ സ്ഥാപനങ്ങളില് ജോലി സാധ്യത കണ്ടെത്താം.
കൊമേഴ്സ് ബിരുദത്തിന് ശേഷം എം.കോം അല്ലാതെ മറ്റേതെങ്കിലും സാധ്യതകള് ഉപയോഗപ്പെടുത്താന് ആഗ്രഹിക്കുന്നവര്ക്ക് ത്രിവത്സര എല്.എല്.ബി, മാസ്റ്റര് ഇന് ഫൈനാന്ഷ്യല് പ്ലാനിംഗ്, മാസ്റ്റര് ഇന് ഫൈനാന്ഷ്യല് അനാലിസിസ്, എക്കണോമിക്സ്, ബിസിനസ് എക്കണോമിക്സ്, ഡെവലപ്മെന്റല് സ്റ്റഡീസ്, ക്വാണ്ടിറ്റേറ്റീവ് ഫൈനാന്സ് എന്നിവയില് മാസ്റ്റേഴ്സ്, ഫൈനാന്സ്, മാര്ക്കറ്റിംഗ്, ഇന്ഷുറന്സ്, ഇന്റര്നാഷണല് ബിസിനസ്, റൂറല് മാനേജ്മെന്റ്, ക്യാപിറ്റല് മാര്ക്കറ്റ് എന്നിവയില് എം.ബി.എ എന്നിവ ഉചിതമായിരിക്കും.
ഒരല്പം വഴിമാറി സഞ്ചരിക്കുന്നവര്ക്ക് ഹോസ്പിറ്റല് അഡ്മിനിസ്ട്രേഷന്, ജേണലിസം ആന്റ് മാസ് കമ്മ്യൂണിക്കേഷന്, ഹയര് ഡിപ്ലോമ ഇന് കോ ഓപ്പറേഷന്, പബ്ലിക് പോളിസി& ഗവര്ണന്സ്, സോഷ്യോളജി, സോഷ്യല് വര്ക്ക്, പബ്ലിക്ക് അഡ്മിനിസ്ട്രേഷന്, മാസ് കമ്മ്യൂണിക്കേഷന്, പോപ്പുലേഷന് സ്റ്റഡീസ്, ഡിസാസ്റ്റര് മാനേജ്മെന്റ്, വിഷ്വല് കമ്മ്യൂണിക്കേഷന്, ഇന്റലക്ചല് പ്രോപര്ട്ടി റൈറ്റ്, ലൈബ്രററി ആന്റ് ഇന്ഫര്മേഷന് സയന്സ്, വിമന് സ്റ്റഡീസ്, സൗത്ത് ഏഷ്യന് സ്റ്റഡീസ് എന്നീ മേഖലകളിലെ പഠനാവസരങ്ങള് ഉപയോഗപ്പെടുത്താം. യുജിസി നെറ്റ് ജൂനിയര് റിസര്ച്ച് ഫെലോഷിപ്പ് നേടി ഗവേഷണ മേഖലയിലേക്കും പ്രവേശിക്കാം.
EDUCATION
പ്ലസ് വണ് പരീക്ഷാഫലം പ്രഖ്യാപിച്ചു; 62.28 ശതമാനം വിജയം

തിരുവനന്തപുരം: ഹയര് സെക്കന്ഡറി ഒന്നാം വര്ഷ (plus one) പരീക്ഷാഫലം പ്രസിദ്ധീകരിച്ചു. ഇന്ന് ഉച്ചക്കഴിഞ്ഞ് മൂന്ന് മണിക്കാണ് ഫലം പ്രസിദ്ധീകരിച്ചത്. വിദ്യാര്ഥികള്ക്ക് ഔദ്യോഗിക വെബ്സൈറ്റ് ആയ https://results.hse.kerala.gov.in ലൂടെ ഫലം അറിയാം.
സയന്സ് വിഭാഗത്തില് പരീക്ഷ എഴുതിയ 1,89,479 വിദ്യാര്ഥികളില് 1,30,158 വിദ്യാര്ഥികള് വിജയിച്ചു. 68.69 ശതമാനമാണ് വിജയം. മാനവിക വിഷയങ്ങളില് 78,735 വിദ്യാര്ഥികള് പരീക്ഷ എഴുതിയതില് 39,817 വിദ്യാര്ഥികളാണ് വിജയിച്ചത്. 50.57 ശതമാനമാണ് വിജയം. കോമേഴ്സ് വിഭാഗത്തില് 1,11, 230 വിദ്യാര്ഥികളില് 66,342 വിദ്യാര്ഥികളാണ് വിജയിച്ചത്. 59,64 ശതമാനമാണ് വിജയം. മൊത്തം 62.28 ശതമാനം വിജയമാണ് വിദ്യാര്ഥികള് നേടിയത്. കഴിഞ്ഞവര്ഷം 67.30 ശതമാനമായിരുന്നു വിജയം.
പരീക്ഷാ ഫലം പരിശോധിക്കുന്ന വിധം:
https://results.hse.kerala.gov.in/results എന്ന വെബ്സൈറ്റില് പ്രവേശിക്കുക
രജിസ്റ്റര് നമ്പരും ജനനത്തീയതിയും നല്കുക
ക്യാപ്ച കോഡ് നല്കുക
പരീക്ഷാ ഫലം ലഭ്യമാകും.
തുടരാവശ്യങ്ങള്ക്കായി പരീക്ഷാ ഫലം ഡൗണ്ലോഡ് ചെയ്ത് സൂക്ഷിക്കാം.
EDUCATION
‘സംസ്ഥാനത്ത് സ്കൂള് ജൂണ് രണ്ടിന് തന്നെ തുറക്കും’: വി ശിവന്കുട്ടി

തിരുവനന്തപുരം: കേരളത്തില് ജൂണ് രണ്ടിന് തന്നെ സ്കൂള് തുറക്കുമെന്ന് വിദ്യാഭ്യാസ മന്ത്രി വി ശിവന്കുട്ടി. കാലാവസ്ഥ നോക്കിയതിന് ശേഷം തിയതിയില് എന്തെങ്കിലും മാറ്റം വേണമെങ്കില് മുഖ്യമന്ത്രിയുമായി കൂടി ആലോചിച്ച് തീരുമാനം എടുക്കുമെന്ന് അദ്ദേഹം കൂട്ടിചേര്ത്തു.
EDUCATION
പ്ലസ് വൺ പ്രവേശനം: ഇന്നു കൂടി അപേക്ഷിക്കാം; ട്രയല് അലോട്ട്മെന്റ് 24ന്

തിരുവനന്തപുരം: സംസ്ഥാനത്ത് പ്ലസ് വൺ പ്രവേശനത്തിന് ഇന്നു കൂടി അപേക്ഷിക്കാം. ഹയർ സെക്കൻഡറി/വിഎച്ച്എസ്ഇ പ്രവേശനത്തിന്റെ അപേക്ഷ സമർപ്പണം ഇന്ന് (മെയ് 20) വൈകിട്ട് അഞ്ചിന് അവസാനിക്കും. മോഡൽ റെസിഡൻഷ്യൽ സ്കൂളുകളിലേയ്ക്കുള്ള അപേക്ഷാ സമർപ്പണത്തിനുള്ള സമയപരിധിയും ഇന്നുവരെയാണ്.
പൊതുവിദ്യാഭ്യാസ വകുപ്പിന്റെ ഹയര്സെക്കന്ഡറി പ്രവേശന വെബ്സൈറ്റായ https;//hscap.kerala.gov.in/ ലെ CREATE CANDIDATE LOGIN – SWS ലിങ്കിലൂടെ വിദ്യാര്ഥികള്ക്ക് കാന്ഡിഡേറ്റ് ലോഗിന് സൃഷ്ടിക്കാം. ഈ ലോഗിനിലൂടെയാണ് അപേക്ഷ സമര്പ്പണവും തുടര്ന്നുള്ള പ്രവേശന നടപടികളും.
-
kerala2 days ago
മലക്കം മറിഞ്ഞ് മന്ത്രി; പ്രതിഷേധം ശക്തമായപ്പോള് സ്കൂള് സമയമാറ്റത്തില് ചര്ച്ചക്ക് തയ്യാറാണെന്ന് മന്ത്രി ശിവന്കുട്ടി
-
kerala3 days ago
നിമിഷ പ്രിയയുടെ മോചന ഫണ്ടിലേക്ക് ഒരു കോടി രൂപ നൽകും: ബോബി ചെമ്മണ്ണൂർ
-
india3 days ago
കരാര് സംബന്ധിച്ച് തീരുമാനമായില്ല; ഐഎസ്എല് അനിശ്ചിതകാലത്തേക്ക് നീട്ടി
-
kerala3 days ago
‘സമരത്തിന്റെ പേരിൽ നടന്നത് കോപ്രായം’; എസ്എഫ്ഐ യൂണിവേഴ്സിറ്റി സമരത്തെ വിമർശിച്ച് ഓർത്തഡോക്സ് സഭാധ്യക്ഷൻ
-
kerala2 days ago
അമിത് ഷാ പങ്കെടുത്ത ബി.ജെ.പിയുടെ ഓഫിസ് ഉദ്ഘാടനത്തില് പങ്കെടുക്കാതെ സുരേഷ്ഗോപി
-
kerala2 days ago
കാസർഗോഡിന് പിന്നാലെ കണ്ണൂരിലും സ്കൂളിൽ പാദപൂജ; റിപ്പോർട്ട് തേടി മന്ത്രി വി. ശിവൻകുട്ടി
-
kerala2 days ago
സര്ക്കിള് ഇന്സ്പെക്ടര് വീടിനുള്ളില് മരിച്ച നിലയില്; മേലുദ്യോഗസ്ഥര് മാനസികമായി പീഡിപ്പിച്ചിരുന്നെന്ന് കുടുംബം
-
kerala3 days ago
‘സി. ദാവൂദിനെതിരെ കൊലവിളി നടത്തിയയാളെ സി.പി.എം താക്കീത് ചെയ്യണം’: രമേശ് ചെന്നിത്തല