Connect with us

kerala

വ്യാജ ഡിഗ്രിക്കാരെ ന്യായീകരിക്കുന്നത് സിപിഐഎം; എന്ത് കൊള്ളരുതായ്മയ്ക്കും എസ്എഫ്‌ഐ നേതാക്കളുണ്ട്: രമേശ് ചെന്നിത്തല

വിദ്യാ വിജയന്‍ മാര്‍ക്കും വീണാ വിജയന്‍ മാര്‍ക്കും എന്തും ആകാമെന്ന അവസ്ഥയാണ്

Published

on

എസ്എഫ്‌ഐ നേതാവിന്റെ മാര്‍ക്ക് ലിസ്റ്റ് വിവാദത്തില്‍ സര്‍വകലാശാലയ്ക്ക് തലയൂരാന്‍ കഴിയില്ലെന്ന് രമേശ് ചെന്നിത്തല. എന്താ നമ്മുടെ നാട്ടില്‍ നടക്കുന്നത്, തെരഞ്ഞെടുപ്പില്‍ മത്സരിക്കാത്ത എസ്എഫ്‌ഐക്കാരന്‍ ജയിക്കുന്നു, പരീക്ഷയെഴുതാത്ത എസ്എഫ്‌ഐക്കാരന്‍ ജയിക്കുന്നു. വിദ്യാ വിജയന്‍ മാര്‍ക്കും വീണാ വിജയന്‍ മാര്‍ക്കും എന്തും ആകാമെന്ന അവസ്ഥയാണ്. എന്ത് കൊള്ളരുതായ്മയ്ക്കും എസ്എഫ്‌ഐ നേതാക്കളുണ്ട്.

തട്ടിപ്പിന്റെ മഹാരഥന്‍മാരായി എസ്എഫ്‌ഐ മഹാരാജാസ് പോലുള്ള കോളജുകളില്‍ വിലസുന്നു. വ്യാജ ഡിഗ്രിക്കാരെ ന്യായീകരിക്കുന്നത് സിപിഐഎമ്മിന്റെ അപചയമാണ്. ഇതിനെ ഒക്കെ എങ്ങനെ ന്യായീകരിക്കാന്‍ കഴിയും. ഗോവിന്ദന്‍ മാഷിന്റേത് അധ:പതനം. തുടര്‍ ഭരണത്തിന്റെ അപചയമാണ് കാണുന്നതെന്ന് അദ്ദേഹം കുറ്റപ്പെടുത്തി.

ലോക കേരള സഭ തട്ടിപ്പാണ്. എഐ ക്യാമറ വിവാദത്തില്‍ മുഖ്യമന്ത്രി മിണ്ടാത്തത് അഴിമതി ഉള്ളത് കൊണ്ടാണ്. അഴിമതി പണം പോകുന്നത് മുഖ്യമന്ത്രിയുടെ മകന്റെ അമ്മായി അപ്പന്റെ കമ്പനിയിലേക്ക്. മുഹമ്മദ് റിയാസിന്റെ ബാധ്യതയാണ് മുഖ്യമന്ത്രിയെ ന്യായീകരിക്കുക എന്നത്. മരുമോന്‍ മുഖ്യമന്ത്രിയെ ന്യായീകരിക്കുന്നു. മറ്റ് മന്ത്രിമാരും നേതാക്കളും മുഖ്യമന്ത്രിയെ ന്യായീകരിക്കുന്നില്ലെന്ന് ചെന്നിത്തല പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

ട്രോളുകളുടെ പെരുമഴ; ഭീമന്‍ രഘുവില്‍ കുഴഞ്ഞ് സിപിഎം അണികള്‍

ബിജെപിയില്‍ നിന്ന് സിപിഎമ്മില്‍ എത്തിയ നടന്‍ ഭീമന്‍ രഘുവിന്റെ പേരില്‍ നിറയുന്ന ട്രോളുകളില്‍ ആശയ കുഴപ്പത്തിലായി സിപിഎം പ്രവര്‍ത്തകര്‍.

Published

on

ബിജെപിയില്‍ നിന്ന് സിപിഎമ്മില്‍ എത്തിയ നടന്‍ ഭീമന്‍ രഘുവിന്റെ പേരില്‍ നിറയുന്ന ട്രോളുകളില്‍ ആശയ കുഴപ്പത്തിലായി സിപിഎം പ്രവര്‍ത്തകര്‍. ഭീമന്‍ രഘുവിനോട് ചെങ്കൊടി താഴെ വയ്ക്കാന്‍ പറയണമെന്നും അദ്ദേഹത്തെ തള്ളിപ്പറയണമെന്നുമാണ് സിപിഎം പ്രാദേശിക ഗ്രൂപ്പുകളില്‍ ആവശ്യമായിരുന്നത്.

സിപിഎമ്മില്‍ ചേര്‍ന്നതിന് പിന്നാലെ ചുവന്ന ഷര്‍ട്ട് ധരിച്ച് എകെജി സെന്ററിന് മുന്നില്‍ ചെങ്കൊടി വീശി നിന്ന അദ്ദേഹത്തിന്റെ ചിത്രം സാമൂഹ്യ മാധ്യമങ്ങള്‍ ഏറ്റെടുത്തിരുന്നു. പിന്നാലെ ചലച്ചിത്ര പുരസ്‌കാര വിതരണ ചടങ്ങില്‍ മുഖ്യമന്ത്രിയുടെ പ്രസംഗം മുഴുവന്‍ സമയവും എഴുന്നേറ്റുനിന്ന കേട്ടതോടെ ട്രോളുകളുടെ പെരുമഴയായി.

അദ്ദേഹം പറഞ്ഞതും പറയാത്തതുമായ കാര്യങ്ങള്‍ ട്രോളുകളായി വന്നുതുടങ്ങിയതോടെ കരയാനും ചിരിക്കാനും വയ്യാത്ത അവസ്ഥയിലാണ് സിപിഎം അണികള്‍.

 

Continue Reading

kerala

പട്രോളിങ് വാഹനം പോസ്റ്റിലിടിച്ച് അപകടം; പൊലീസുകാരന്‍ മരിച്ചു

ഇന്ധനം നിറയ്ക്കാന്‍ പോകുമ്പോഴാണ് അപകടം ഉണ്ടായത്.

Published

on

തിരുവനന്തപുരം പാളയത്ത് പൊലീസ് വാഹനം അപകടത്തില്‍പ്പെട്ട് ഒരു ഉദ്യോഗസ്ഥന്‍ മരിച്ചു. കണ്‍ട്രോള്‍ റൂമിലെ പൊലിസുകാരന്‍ അജയകുമാറാണ് മരിച്ചത്. രണ്ട് പേര്‍ക്ക് പരുക്കേറ്റിട്ടുണ്ട്.രാവിലെ 5 .30 യ്ക്ക് നിയന്ത്രണം തെറ്റിയ കണ്‍ട്രോള്‍ റും വാഹനം പോസ്റ്റില്‍ ഇടിക്കുകയായിരുന്നു.

ഇന്ധനം നിറയ്ക്കാന്‍ പോകുമ്പോഴാണ് അപകടം ഉണ്ടായത്. പരിക്കേറ്റ പൊലീസുകാര്‍ തിരുവനന്തപുരം മെഡിക്കല്‍ കോളജില്‍ ചികിത്സയിലാണ്.

Continue Reading

kerala

കൊച്ചിയില്‍ കാര്‍ പുഴയിലേക്ക് മറിഞ്ഞ് ഡോക്ടര്‍മാര്‍ മരിച്ചു; സഞ്ചരിച്ചത് ഗൂഗിള്‍മാപ്പ് നോക്കി

കാറിലുണ്ടായിരുന്ന മൂന്ന് പേരെ നാട്ടുകാര്‍ രക്ഷപ്പെടുത്തി.

Published

on

കാര്‍ പുഴയിലേക്ക് മറിഞ്ഞ് ഡോക്ടര്‍മാര്‍ മരിച്ചു. എറണാകുളത്താണ് അഞ്ചംഗസംഘം സഞ്ചരിച്ച കാര്‍ പുഴയില്‍ വീണ് രണ്ട് ഡോക്ടര്‍മാര്‍ മരിച്ചത്. കൊടുങ്ങല്ലൂര്‍ സ്വകാര്യ ആശുപത്രിയിലെ ഡോ. അദ്വൈത്, ഡോ. അജ്മല്‍ എന്നിവരാണ് മരിച്ചത്. രാത്രി 12.30 ഓടെ ഗോതുരുത്ത് കടല്‍വാതുരുത്ത് പുഴയിലാണ് അപകടം. കാറിലുണ്ടായിരുന്ന മൂന്ന് പേരെ നാട്ടുകാര്‍ രക്ഷപ്പെടുത്തി.
ഗൂഗിള്‍ മാപ്പ് നോക്കിയാണ് സംഘം സഞ്ചരിച്ചത്.

Continue Reading

Trending