Connect with us

Culture

മോദി സര്‍ക്കാറിനെ വിമര്‍ശിച്ച് നായിഡു; എന്‍ഡിഎയില്‍ ഭിന്നത രൂക്ഷം

Published

on

ന്യൂഡല്‍ഹി: അഞ്ഞൂറിന്റെയും ആയിരത്തിന്റെയും നോട്ടുകള്‍ പിന്‍വലിച്ച പ്രധാനമന്ത്രി നരേന്ദ്രമോദിയെ വിമര്‍ശിച്ച് ആന്ധ്രാപ്രദേശ് മുഖ്യമന്ത്രിയും ടിഡിപി അധ്യക്ഷനുമായ ചന്ദ്രബാബു നായിഡു രംഗത്ത്. നോട്ടു അസാധുവാക്കലിന്റെ പ്രത്യാഘാതങ്ങള്‍ നിയന്ത്രിക്കാനാകുന്നില്ലെന്ന നായിഡുവിന്റെ പ്രഖ്യാപനമാണ് എന്‍ഡിഎയില്‍ പുതിയ പൊട്ടിത്തെറിക്ക് വഴിയൊരുക്കുന്നത്. അസാധു പ്രഖ്യാപനത്തെ അനുകൂലിച്ചിരുന്ന ഏക എന്‍ഡിഎ സഖ്യകക്ഷിയായിരുന്നു തെലുങ്ക് ദേശം പാര്‍ട്ടി.
സഖ്യകക്ഷികളില്‍ ശിവസേനയും അകാലിദളും നേരത്തെ തന്നെ കറന്‍സി അസാധുവാക്കലിനോട് വിയോജിപ്പ് പ്രകടിപ്പിച്ചിട്ടുണ്ട്. നായിഡു കൂടി മലക്കംമറിഞ്ഞതോടെ ബിജെപി നേതൃത്വത്തിന് ആശങ്ക ഉയര്‍ന്നിട്ടുണ്ട്. മോദി ആവശ്യപ്പെട്ട അമ്പതു ദിവസ കാലാവധി അവസാനിക്കുന്ന ഡിസംബര്‍ 30 നു ശേഷം സഖ്യകക്ഷികള്‍ പരസ്യവിമര്‍ശനത്തിനൊരുങ്ങിയാല്‍ മുന്നണിയുടെ നിലനില്‍പ്പ് അവതാളത്തിലാകുമെന്നാണ് ബിജെപിയുടെ ഭയം.
വിജയവാഡയില്‍ ചേര്‍ന്ന ടിഡിപി എംപിമാരുടെ യോഗത്തിലാണ് ചന്ദ്രബാബു നായിഡു സ്ഥിതി കൈവിട്ടു പോകുന്നതായി തുറന്നടിച്ചത്.
‘നോട്ട് അസാധുവാക്കല്‍ ഞങ്ങളുടെ ആഗ്രഹമായിരുന്നില്ല. എങ്കിലും അത് നടന്നു. കറന്‍സി പിന്മാറ്റം നടന്ന് 40 ദിവസം പിന്നിട്ടിട്ടും പ്രശ്‌നങ്ങളൊന്നും ഇതുവരെ പരിഹരിക്കാന്‍ സാധിച്ചിട്ടില്ല. പ്രശ്‌നം ഇപ്പോഴും ഗുരുതരമായി തുടരുകയാണ്. പ്രതിസന്ധി പരിഹരിക്കാന്‍ നിയോഗിച്ച വ്യക്തികള്‍ അത് മറികടക്കുന്നതില്‍ നിന്ന് പരാജയപ്പെട്ടിരിക്കുകയാണ്. ആര്‍ബിഐയും നിഷ്‌ക്രിയമാണ്. സ്ഥിതി വിലയിരുത്തുന്നതിനും സംസ്ഥാനത്തെ പ്രശ്‌നങ്ങള്‍ക്ക് അയവുവരുത്തുന്നതിനും ദിവസവും രണ്ടു മണിക്കൂറോളം ഞാന്‍ ചെലവഴിക്കുന്നുണ്ട്. എങ്കിലും ശാശ്വതമായ ഒരു പരിഹാരം കാണാനാവുന്നില്ല’-നായിഡു പറഞ്ഞു.

chandrababu-naidu-afp1
അതേസമയം നിയമസഭാ തെരഞ്ഞെടുപ്പ് നടക്കാനിരിക്കെ പഞ്ചാബിലും ഉത്തര്‍പ്രദേശിലും നോട്ട് പ്രതിസന്ധി പ്രതികൂലമാകുമെന്ന ആശങ്കയിലാണ് ബിജെപിയും സഖ്യകക്ഷികളും. കറന്‍സി പ്രതിസന്ധിയെത്തുടര്‍ന്ന് രൂക്ഷമായ തൊഴിലില്ലായ്മ പ്രതിപക്ഷം ആയുധമാക്കിയേക്കുമെന്നാണ് വിവരം.

Film

ട്രാഫിക് റൂള്‍സ് തെറ്റിച്ചു; ചോദ്യം ചെയ്ത ട്രാഫിക് പൊലീസിനെ കൈയ്യേറ്റം ചെയ്ത് നടി സൗമ്യ ജാനു- വീഡിയോ

കൃത്യനിർവഹണം തടസ്സപ്പെടുത്തിയതിനും നിയമം ലംഘിച്ചതിനും താരത്തിനെതിരെ പൊലീസ് കേസെടുത്തു

Published

on

ഹൈദരാബാദ് ∙ റോഡ് നിയമം ലംഘിച്ചുള്ള യാത്ര തടഞ്ഞതിന് ട്രാഫിക് പൊലീസ് ഉദ്യോഗസ്ഥനുമായി കലഹിച്ച് തെലുങ്ക് നടി സൗമ്യ ജാനു. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. കൃത്യനിർവഹണം തടസ്സപ്പെടുത്തിയതിനും നിയമം ലംഘിച്ചതിനും താരത്തിനെതിരെ പൊലീസ് കേസെടുത്തു.

നടി എതിർവശത്തെ റോഡിലൂടെ വാഹനമോടിച്ചു വരുന്ന വഴിയാണ് പൊലീസ് വണ്ടി നിർത്താൻ ആവശ്യപ്പെട്ടത്. ഇതോടെ ഉദ്യോഗസ്ഥന് നേരെ നടി കയർത്തു. വാക്കു തർക്കം കയ്യേറ്റം വരെയെത്തുകയും ചെയ്തു. റോഡിൽ കൂടിയ ജനം പ്രശ്നം പരിഹരിക്കാൻ ശ്രമിച്ചുവെങ്കിലും സൗമ്യ വഴങ്ങിയില്ല. കാര്‍ തെറ്റായ ദിശയിലാണ് വന്നതെന്ന് നടി സമ്മതിക്കുന്നത് വീഡിയോയിൽ കാണാനാകും.

കഴിഞ്ഞ 24ന് രാത്രി എട്ടിന് ഹൈദരാബാദിലെ ബഞ്ജാര ഹിൽസിലായിരുന്നു കേസിനാസ്‍പദമായ സംഭവം. തന്റെ ആഡംബര കാറിൽ സ്വയം ഡ്രൈവ് ചെയ്യുമ്പോഴാണു നിയമം തെറ്റിച്ച് വൺവേ റോഡിലൂടെ കടന്നുപോകാൻ താരം ശ്രമിച്ചത്. ഇതേതുടർന്ന്  പൊലീസ് തടഞ്ഞു. അത്യാവശ്യമായി പോകണമെന്ന് പറഞ്ഞു നടി അലറുകയും ഉദ്യോഗസ്ഥനെ അധിക്ഷേപിക്കുകയായിരുന്നു.

Continue Reading

Film

നടിയെ ആക്രമിച്ച കേസ്: ദിലീപിന് ആശ്വാസം; ജാമ്യം റദ്ദാക്കില്ല

ദിലീപിന്റെ ജാമ്യം റദ്ദാക്കണമെന്ന ഹർജിയിലെ കീഴ്ക്കോടതി നിരീക്ഷണങ്ങൾ പ്രധാന കേസിനെ ബാധിക്കരുതെന്ന് നിർദേശിച്ചു.

Published

on

നടിയെ ആക്രമിച്ച കേസിൽ ദിലീപിന്റെ ജാമ്യം റദ്ദാക്കണമെന്ന് പ്രോസിക്യൂഷന്റെ ആവശ്യം ഹൈക്കോടതി തള്ളി. ദിലീപിന്റെ ജാമ്യം റദ്ദാക്കണമെന്ന ഹർജിയിലെ കീഴ്ക്കോടതി നിരീക്ഷണങ്ങൾ പ്രധാന കേസിനെ ബാധിക്കരുതെന്ന് നിർദേശിച്ചു. കേസിൽ എട്ടാം പ്രതിയാണ് ദിലീപ്. ജസ്റ്റിസ് സോഫി തോമസ് അധ്യക്ഷയായ സിംഗിൾ ബെഞ്ചാണ് അപ്പീലിൽ വിധി പറഞ്ഞത്.

ജാമ്യത്തിൽ പുറത്തിറങ്ങിയതിന് ശേഷം സാക്ഷികളെ സ്വാധീനിക്കാൻ ദിലീപ് ശ്രമം നടത്തിയെന്നും തെളിവുകൾ അട്ടിമറിക്കാൻ ശ്രമിച്ചുവെന്നും ആരോപിച്ചാണ് ഹർജി നൽകിയത്.

ദിലീപിൻ്റെ ജാമ്യം റദ്ദാക്കണമെന്ന ആവശ്യവുമായി സർക്കാർ വിചാരണ കോടതിയെ സമീപിച്ചിരുന്നെങ്കിലും കോടതി അത് തള്ളിയിരുന്നു. ഇതിന് പിന്നാലെയാണ് ജാമ്യം റദ്ദാക്കണമെന്നാവശ്യപ്പെട്ട് സർക്കാർ ഹൈക്കോടതിയെ സമീപിച്ചത്.

Continue Reading

Film

മലയാള സിനിമ റിലീസ് തടയില്ല, തുടരും; നിലപാട് മാറ്റി ഫിയോക്

കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

Published

on

നിലപാടിൽ അയവ് വരുത്തി തിയേറ്റർ ഉടമകളുടെ സംഘടനയായ ഫിയോക്. മലയാള സിനിമകൾ കേരളത്തിലെ തിയേറ്ററുകളിൽ റിലീസ് തുടരുമെന്നും സിനിമ മേഖലയിലെ പ്രശ്നങ്ങൾ ചർച്ച ചെയ്ത് പരിഹരിക്കുമെന്നും ഫിയോക്ക് ചെയർമാൻ ദിലീപ് പറഞ്ഞു. കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

ഫെബ്രുവരി 22ന് മലയാള ചിത്രങ്ങൾ റിലീസ് ചെയ്യുമെന്ന് ഫിയോക്ക് വ്യക്തമാക്കിയിരുന്നു. സിനിമകള്‍ തിയേറ്ററില്‍ റിലീസ് ചെയ്ത് വളരെ വേഗം ഒടിടി പ്ലാറ്റുഫോമുകൾക്ക് വിട്ടുകൊടുക്കുന്നതാണ് സമരത്തിന്റെ പ്രധാനകാരണമായി തിയേറ്റര്‍ ഉടമകള്‍ ചൂണ്ടിക്കാണിച്ചത്.
ഇത് കൂടാതെ ഷെയറിങ് രീതികളിൽ മാറ്റം വരുത്തണം, പബ്ലിസിറ്റി കോൺട്രിബ്യൂഷൻ, പേസ്റ്റിങ് ചാർജ് എന്നിവ പൂർണ്ണമായും നിർത്തലാക്കണം, വിപിഎഫ് ചാർജ് പ്രൊഡ്യൂസറോ ഡിസ്ട്രിബ്യൂട്ടറോ നൽകണം എന്നിവയും ഫിയോക്ക് മുന്നോട്ടു വച്ച പ്രധാന ആവശ്യങ്ങളിൽ പറയുന്നു.

Continue Reading

Trending