Connect with us

Video Stories

പിതാവിന്റെ നാട്ടില്‍ അരങ്ങേറ്റം കുറിക്കാനൊരുങ്ങി ഹസീബ് ഹമീദ്

Published

on

മുംബൈ: ഇന്ത്യക്കെതിരായ ആദ്യ ടെസ്റ്റില്‍ അരങ്ങേറ്റം കുറിക്കാന്‍ തയാറെടുക്കുന്ന ഇംഗ്ലീഷ് ഓപണര്‍ ഹസീബ് ഹമീദിന് ഇന്ത്യ അന്യദേശമല്ല. ഹസീബിന്റെ പിതാവ് ഇസ്്മാഈല്‍ ഗുജറാത്തിലെ ബാറക് സ്വദേശിയാണ്. ഇന്ത്യയില്‍ വെച്ച് 2004ലാണ് ഹസീബ് ക്രിക്കറ്റിന്റെ ബാല പാഠങ്ങള്‍ പഠിച്ചത്. മൂത്ത സഹോദരന്‍ സഫ്‌വാനോടൊത്ത് ബാന്ദ്രയില്‍ കളിക്കാനെത്തിയപ്പോള്‍ അവിടെ പ്രാക്ടീസിനെത്തിയ സച്ചിനെ ആദ്യമായി കാണുന്നത്. അന്ന് ഏഴു വയസായിരുന്നു ഹസീബിന്റെ പ്രായം. സഹോദരനൊപ്പം കൂട്ടു വന്ന ഹസീബിന് അന്ന് സച്ചിനൊപ്പം ഫോട്ടോയെടുക്കാനായതാണ് വലിയ നേട്ടം. സച്ചിനെ കാണാന്‍ നിറയെ ആളുകളെത്തിയതാണ് ക്രിക്കറ്റിന്റെ ജനപ്രീതി ഹസീബിന് മനസിലാക്കാനായത്.

അന്നാണ് ക്രിക്കറ്റാണ് തന്റെ ഭാവിയെന്ന് ഹസീബ് മനസിലാക്കിയതെന്ന് സഹോദരന്‍ സഫ്‌വാന്‍ പറയുന്നു. ബാറ്റിങ്ങിന്റെ ആദ്യ പാഠങ്ങള്‍ മുംബൈയിലെ മൈതാനങ്ങളില്‍ നിന്നുമാണ് ഹസീബ് അഭ്യസിച്ചത്. 2010ല്‍ തന്റെ 13-ാമത്തെ വയസില്‍ ഹസീബ് മുംബൈയിലെ ബോംബെ സ്‌കൂള്‍ ഓഫ് ബാറ്റ്‌സ്മാന്‍ഷിപ്പില്‍ പരിശീലനം നേടിയത്. ഹസീബിന്റെ പിതാവും അദ്ദേഹത്തിന്റെ സുഹൃത്ത് റിട്ടയേര്‍ഡ് പൊലീസുകാരനും മുംബൈ ക്രിക്കറ്റ് അസോസിയേഷന്‍ അംഗവുമായ ഇഖ്ബാല്‍ ഷെയ്ഖും തമ്മിലുള്ള ബന്ധമാണ് ഹസീബിന് ബാറ്റിങ് പ്രാക്ടീസ് ലഭിക്കാന്‍ കാരണം.

കോച്ച് വിദ്യാ പരാദ്കറില്‍ നിന്നും ബാറ്റിങിന്റെ ടെക്‌നിക്കുകള്‍ മൂന്നു മാസത്തോളം ഹസീബ് അഭ്യസിച്ചു. രാവിലേയും വൈകുന്നേരവുമായി നാലു മണിക്കൂറോളം ഹസീബ് പ്രാക്ടീസ് ചെയ്തിരുന്നതായി പരാദ്കര്‍ പറയുന്നു. സന്നാഹ മത്സരങ്ങളില്‍ മികച്ച രീതിയില്‍ ബാറ്റു വീശിയ ഹസീബ് മിക്ക അവസരങ്ങളിലും പുറത്തായിരുന്നില്ലെന്നും അദ്ദേഹം പറയുന്നു. ഈ രീതിയില്‍ കളി തുടര്‍ന്നാല്‍ താമസിയാതെ ഇംഗ്ലീഷ് ദേശീയ ടീമില്‍ എത്തുമെന്ന് താന്‍ അദ്ദേഹത്തിന് മെസേജ് അയച്ചിരുന്നതായി പരാദ്കര്‍ പറഞ്ഞു. ബംഗ്ലാദേശിനെതിരായ പരമ്പരയില്‍ ഹസീബിനെ ഇംഗ്ലീഷ് ദേശീയ ടീമില്‍ ഉള്‍പ്പെടുത്തിയതറിഞ്ഞ് ഏറെ അഭിമാനം തോന്നിയതായും അദ്ദേഹം പറഞ്ഞു. 14-ാമത്തെ വയസിലാണ് ഹസീബ് ഇംഗ്ലണ്ടിലെ ബോള്‍ട്ടന്‍ ലീഗില്‍ അരങ്ങേറ്റം കുറിക്കുന്നത്. ഫാണ്‍വര്‍ത് സോഷ്യല്‍ സര്‍ക്കിളിനു വേണ്ടിയാണ് അദ്ദേഹം കളിച്ചത്. താമസിയാതെ ലങ്കാഷയര്‍ അക്കാഡമിയില്‍ സ്‌കോളര്‍ഷിപ്പ് പദ്ധതിയില്‍ 2012ല്‍ എത്തി. മുന്‍ ഇംഗ്ലീഷ് സ്പിന്നര്‍ ആഷ്‌ലി ഗൈല്‍സായിരുന്നു അവിടെ പരിശീലകന്‍. ആഷ്‌ലി ഗൈല്‍സ് മാഞ്ചസ്റ്റര്‍ ഈവനിങ് ന്യൂസിന് നല്‍കിയ അഭിമുഖത്തില്‍ ഹസീബിന്റെ കഴിവുകളെ കുറിച്ച് വാനോളം പുകഴ്ത്തിയിരുന്നു.

കഴിഞ്ഞ വര്‍ഷം ഇംഗ്ലണ്ട് അണ്ടര്‍ 19 ടീമിനൊപ്പം ശ്രീലങ്കയില്‍ ത്രിരാഷ്ട്ര പരമ്പരക്കെത്തിയ ഹസീബ് മുംബെയില്‍ സ്പിന്നിനെതിരെ ബാറ്റ് ചെയ്യാനുള്ള പരിശീലനത്തിനായി എത്തിയിരുന്നു. നെറ്റില്‍ അദ്ദേഹത്തിന്റെ ബാറ്റിങ് കണ്ട തനിക്ക് അത്ഭുതം തോന്നിയതായി പഴയ പരിശീലകന്‍ പരാദ്കര്‍ പറയുന്നു. ലങ്കയില്‍ ബുദ്ധിമുട്ടേറിയ പര്യടനമായിരുന്നെങ്കിലും അണ്ടര്‍ 19 ഇന്ത്യന്‍ പരിശീലകനായ രാഹുല്‍ ദ്രാവിഡില്‍ നിന്നും ചിലത് സ്വായത്തമാക്കാന്‍ പര്യടനം സഹായിച്ചു. ബംഗ്ലാദേശ് പര്യടനത്തില്‍ ബെന്‍ ബക്കറ്റിനൊപ്പമായിരുന്നു അലസ്റ്റര്‍ കുക്ക് ഇന്നിങ്‌സ് ആരംഭിച്ചിരുന്നത്. പക്ഷേ ഇന്ത്യയിലെ ഗ്രൗണ്ടുകളില്‍ മികവ് പ്രകടിപ്പിക്കാന്‍ ഹസീബിനാവുമെന്നതിനാല്‍ ഇത്തവണ അരങ്ങേറ്റത്തിന് വഴിയൊരുങ്ങുമെന്നാണ് ഹസീബ് കരുതുന്നത്. ഈ സാഹചര്യത്തില്‍ രാജ്‌കോട്ടില്‍ കുടുംബക്കാര്‍ക്കു മുന്നില്‍ അരങ്ങേറാനാവുമെന്ന് ഹസീബ് സ്വപ്‌നം കാണുന്നു. ഇംഗ്ലീഷ് കൗണ്ടിയില്‍ 2ം ഫസ്റ്റ്ക്ലാസ് മത്സരങ്ങളിലായി 1455 റണ്‍സ് നേടിയ ഹസീബിന്റെ ബാറ്റിങ് ശരാശരി 48.50 ആണ്. നാല് സെഞ്ച്വറികളും ഒമ്പത് അര്‍ധ ശതകങ്ങളും ഈ 19കാരന്‍ സ്വന്തമാക്കിയിട്ടുണ്ട്.

Video Stories

പ്രവാസികളെ ചൂഷണം ചെയ്യുന്നതില്‍ സര്‍ക്കാരുകള്‍ തമ്മില്‍ ഭേദമില്ല: കെ എം ഷാജി

സര്‍ക്കാരുകള്‍ സ്വീകരിക്കുന്ന സമീപനമാണ് പ്രവാസികളുടെ യാത്രകളെ ദുരിതപൂര്‍ണ്ണമാക്കുന്നത്

Published

on

നാട്ടില്‍ ഏതൊരു പ്രശ്‌നത്തിനും ആശ്രയിക്കുന്ന പ്രവാസികളുടെ പ്രശ്‌നങ്ങളില്‍ അവരെ പിന്തുണക്കുന്നതില്‍ സര്‍ക്കാരുകള്‍ നിഷേധാത്മക നിലപാടുകളാണ് നിരന്തരമായി സ്വീകരിക്കുന്നതെന്ന് കെ.എം ഷാജി.

സര്‍ക്കാരായാലും രാഷ്ട്രീയ പാര്‍ട്ടികഓളായാലും മറ്റു സംഘടനകളായാലും ഏതൊരു വിഷയത്തിലും ആദ്യം തേടുന്നത് പ്രവാസികളുടെ പിന്തുണയാണ്എന്നാല്‍ പ്രാവസികള്‍ക്കൊരു പ്രശ്‌നം വന്നാല്‍ പൊതുവില്‍ രാഷ്ട്രീയ പാര്‍ട്ടികളും പ്രധാനമായും സര്‍ക്കാരുകളും നിസ്സംഗത പുലര്‍ത്തുന്നു. മരിച്ച് മയ്യത്തായാല്‍ പോലും പ്രവാസികളുടെ മയ്യിത്ത് നാട്ടിലേക്കെത്തിക്കാന്‍ പറ്റാത്ത തരത്തില്‍ യാത്രകളെ ദുരിതപൂര്‍ണ്ണമാക്കുന്ന സാഹചര്യങ്ങളുണ്ടാവുന്നു. സര്‍ക്കാരുകള്‍ സ്വീകരിക്കുന്ന സമീപനമാണ് പ്രവാസികളുടെ യാത്രകളെ ദുരിതപൂര്‍ണ്ണമാക്കുന്നത്.

എയര്‍ ഇന്ത്യ നിരന്തരമായി പറഞ്ഞു കൊണ്ടിരുന്നത് കമ്പനി നഷ്ടത്തിലാണെന്നായിരുന്നു. എന്നാല്‍ ഇപ്പോള്‍ അതില്‍ മാറ്റം വന്നിരിക്കുന്നു. കമ്പനി ലാഭത്തിലായിരിക്കുന്നു. എന്നിട്ടും സര്‍വ്വീസുകള്‍ മെച്ചപ്പെടുത്തുന്നതിന് പകരം യാത്രക്കാരെ ദ്രോഹിക്കാനാണ് ശ്രമിക്കുന്നത്.

ഒരാഴ്ചയില്‍ ഒരുലക്ഷത്തി മുപ്പത്തിനാലായിരം പേര്‍ക്ക് യു എ ഇ നിന്നും ഇന്ത്യയിലേക്കും തിരിച്ചും യാത്ര ചെയ്യാമെന്നാണ് ഇരു രാജ്യങ്ങള്‍ക്കുമിടയിലെ വ്യോമായന കരാര്‍. യു.എ.ഇ ഇന്ത്യയോട് ആവശ്യപ്പെട്ടുക്കൊണ്ടിരിക്കുന്നത്, ഈ നിരക്ക് ഉയര്‍ത്തി ചുരുങ്ങിയത് രണ്ടര ലക്ഷം യാത്രക്കാരെ അനുവദിക്കണം എന്നാണ്. എന്നാല്‍ കേന്ദ്ര സര്‍ക്കാരിന്റെ ഏകപക്ഷീയമായ നിലപാടുകള്‍ കാരണം ഇതു സാധ്യമാവാതെ വരുന്നു.

കൂടുതല്‍ സര്‍വ്വീസുകളുണ്ടായാല്‍ വിമാന നിരക്ക് കുറയുമെന്ന് ഒരു യാഥാര്‍ത്ഥ്യമാണ്. എന്നാല്‍ സര്‍ക്കാരുകള്‍ വിമാന സര്‍വ്വീസുകള്‍ നടത്താന്‍ അനുമതി നല്‍കുന്നില്ല. കണ്ണൂര്‍ വിമാനത്താവളത്തെയടക്കം തകര്‍ത്തത് അവിടെ പോര്‍ട്ടര്‍മാരായും മറ്റും ജോലിയെടുക്കുന്ന സഖാക്കളുടെ സമീപനം കൂടിയാണ്. ഇന്ന് ആളുകള്‍ക്ക് കണ്ണൂര്‍ വിമാനത്താവളത്തില്‍ ഇറങ്ങാന്‍ പോലും ഭയമുണ്ടാകുന്ന സാഹചര്യം ഉടലെടുത്തിരിക്കുന്നു. ഗവണ്‍മെന്റുകളുടെ പിടിപ്പുകേടുകളുടെ മാത്രമാണ് എല്ലായിടത്തെയും പ്രശ്‌നം.

കേരള സര്‍ക്കാര്‍ നാടൊട്ടുക്കും വലിയ ഹോര്‍ഡിങ്‌സുകള്‍ വെച്ച് കൊട്ടിഘോഷിക്കുന്ന കേരള സഭയും ഈ വിഷയത്തില്‍ യാതൊരു നീക്കവും നടത്തുന്നില്ല. പ്രവാസികളിലെ ഒരു വിഭാഗത്തെ മാത്രം സന്തോഷിപ്പിക്കുന്ന കാര്യങ്ങള്‍ പറഞ്ഞു പിരിഞ്ഞു പോവുകയല്ലാതെ, വിമാന നിരക്ക് കൊള്ളയടി പോലോത്ത് പ്രവാസികളുടെ അടിസ്ഥാന പ്രശ്‌നങ്ങളോട് യാതൊരു നടപടിയും സ്വീകരിക്കുന്നില്ലെന്നതും ലജ്ജാകരമാണ്.

അവസാന നിമിഷത്തിലാണ് പലപ്പോഴും ഫ്‌ലൈറ്റ് കാന്‍സലുകള്‍ നടത്തുന്നത്. ഇത് പ്രവാസികളുടെ ജോലി പോലും നഷ്ടപ്പെടാന്‍ കാരണമാവുന്നതെന്നും ഷാജി കൂട്ടിച്ചേര്‍ത്തു.

Continue Reading

Video Stories

മുതലപ്പൊഴിയിൽ രണ്ട് ബോട്ടപകങ്ങൾ; രക്ഷാപ്രവർത്തകർക്ക് പരിക്ക്

* രണ്ട് വള്ളങ്ങൾ പൂർണ്ണമായും തകർന്നു

Published

on

മുതലപ്പൊഴി മത്സ്യബന്ധന തുറമുഖത്ത് വീണ്ടും അപകടപരമ്പര, രണ്ട് വള്ളങ്ങൾ അപകടത്തിൽപ്പെട്ടു, നിരവധി പേർക്ക് പരിക്ക്, ശനിയാഴ്ച രാവിലെ ഒമ്പതര മണിയോടെയാണ് ആദ്യ അപകടം.പുതുക്കുറിച്ചി സ്വദേശി ഷിജുവിൻ്റെ ഉടസ്ഥതയിലുള്ള ഇല്ലാഹി എന്ന വള്ളമാണ് അപകടത്തിൽപ്പെട്ടത്.അപകടം സംഭവിക്കുമ്പോൾ അഞ്ചുതൊഴിലാളികൾ വള്ളത്തിലുണ്ടായിരുന്നു. മത്സ്യബന്ധനം കഴിഞ്ഞ് നിറയെ മീനുമായ വന്ന വള്ളം ശക്തമായ തിരയിൽപ്പെട്ട് പുലിമുട്ടിലേക്ക് ഇടിച്ച് തകർന്നു, ഇതോടെ വള്ളത്തിൽ വെള്ളം കയറി, വള്ളത്തിലുണ്ടായിരുന്ന അഞ്ച് തൊഴിലാളികളെയും പരിക്കേൽക്കാതെ രക്ഷപ്പെടുത്തി.

രക്ഷാപ്രവർത്തനത്തിനിടെ രണ്ട് താൽകാലിക ഫിഷറീസ് ലൈഫ് ഗാർഡുകൾക്ക് പരിക്കേറ്റു. അപകടത്തിൽപ്പെട്ട വള്ളം മുങ്ങുന്നതിനിടെ രക്ഷാബോട്ടിൽ കെട്ടിവലിച്ച് കരയ്ക്കെത്തിക്കാൻ ശ്രമിക്കവേ വള്ളത്തിൻ്റെ അണിയം (കുറ്റി) പൊട്ടിയടിച്ചാണ് താഴംപള്ളി സ്വദേശി വിൽബന് (40) കൈയ്യിൽ പരിക്കേറ്റത്.ഇയാളുടെ ഇരു കൈകളും ഒടിഞ്ഞു. മറ്റൊരു വലിയ വള്ളം എത്തിച്ചാണ് പിന്നീട് അപകടത്തിൽപ്പെട്ട വള്ളം കരയ്ക്ക് എത്തിച്ചത്. അപകടത്തിൽപ്പെട്ട തൊഴിലാളികൾക്ക് പുലിമുട്ടിൽ നിന്നും ലൈഫ് ബോയ് എടുത്ത് ഇടാൻ ശ്രമിക്കവെ കാൽവഴുത്തി വീണ് ഷിബുവിനും നിസ്സാര പരിക്കേറ്റു. ഇരുവരെയും ചിറയിൻകീഴ് താലൂക്ക് ആശുപത്രിയിൽ പ്രവേശിപ്പിച്ചു.

ഉച്ചയ്ക്ക് 12 മണിയോടെയാണ് മറ്റൊരു വള്ളവും അപകടത്തിൽപ്പെട്ടത്. ശക്തമായ തിരയിൽപ്പെട്ട വള്ളം തലകീഴായി മറിഞ്ഞാണ് അപകടമുണ്ടായത്.പൂത്തുറ സ്വദേശിയായ റോബിൻ്റെ ഉടമസ്ഥതയിലുള്ള അത്യുന്നതൻ എന്ന വള്ളമാണ് മറിഞ്ഞത്. വള്ളത്തിൽ ഉണ്ടായിരുന്ന രണ്ട് തൊഴിലാളികൾക്ക് നിസ്സാര പരിക്കേറ്റു. അഞ്ചുതെങ്ങ് സ്വദേശികളായ ജോസ്, റോയി എന്നിവർക്കാണ് പരിക്കേറ്റത്. പരിക്കേറ്റ ഇരുവരെയും ചിറയിൻകീഴ് താലൂക്ക് ആശുപത്രിയിൽ പ്രവേശിപ്പിച്ചു.വള്ളത്തിലെ എഞ്ചിൻ കിട്ടിയെങ്കിലും വള്ളം പൂർണ്ണമായി തകർന്നു ഏപ്രിൽ മുതൽ ഇതുവരെ പതിനെട്ട് അപകടങ്ങളാണ് മുതലപ്പൊഴിയിൽ ഉണ്ടായത്. ഈയാഴ്ചയിൽ ആറപകടങ്ങളും ഉണ്ടായി

Continue Reading

Video Stories

‘ജീവിതത്തിൽ ജയവും തോൽവിയും ഉണ്ടാകും, സ്മൃതി ഇറാനി​ക്കെതിരായ അധിക്ഷേപങ്ങളിൽനിന്ന് വിട്ടുനിൽക്കണം’; അഭ്യർഥനയുമായി രാഹുൽ

ഇത്തവണ അമേത്തിയിൽ കോൺഗ്രസിന്റെ കിഷോരി ലാൽ ശർമയോട് ഒന്നര ലക്ഷത്തിലധികം വോട്ടിന് തോൽവി ഏറ്റുവാങ്ങിയതോടെ കഴിഞ്ഞ ദിവസം ഔദ്യോഗിക ബംഗ്ലാവ് ഒഴിയേണ്ടിവന്നിരുന്നു.

Published

on

ബി.ജെ.പി നേതാവും മുൻ കേന്ദ്ര മന്ത്രിയുമായ സ്മൃതി ഇറാനിക്കെതിരായ അധിക്ഷേപങ്ങളിൽനിന്ന് വിട്ടുനിൽക്കാൻ അഭ്യർഥനയുമായി രാഹുൽ ഗാന്ധി. ഫേസ്ബുക്ക് കുറിപ്പിലൂടെയാണ് രാഹുലിന്റെ ആവശ്യം. ജീവിതത്തിൽ ജയവും തോൽവിയും ഉണ്ടാമെന്നും എന്നാൽ, ആളുകളെ അപമാനിക്കുകയും അധിക്ഷേപിക്കുകയും ചെയ്യുന്നത് ബലഹീനതയുടെ ലക്ഷണമാണെന്നും ശക്തിയല്ലെന്നും അദ്ദേഹം കുറിപ്പിൽ ചൂണ്ടിക്കാട്ടി.

‘ജീവിതത്തിൽ ജയവും തോൽവിയും ഉണ്ടാകും. ശ്രീമതി സ്മൃതി ഇറാനി​ക്കോ മറ്റേതെങ്കിലും നേതാക്കൾക്കേ എതിരെ അപകീർത്തികരമായ വാക്കുകൾ ഉപയോഗിക്കുന്നതിൽ നിന്നും മോശമായി പെരുമാറുന്നതിൽ നിന്നും വിട്ടുനിൽക്കാൻ ഞാൻ എല്ലാവരോടും അഭ്യർഥിക്കുന്നു. ആളുകളെ അപമാനിക്കുകയും അധിക്ഷേപിക്കുകയും ചെയ്യുന്നത് ബലഹീനതയുടെ ലക്ഷണമാണ്, ശക്തിയല്ല’ -എന്നിങ്ങനെയായിരുന്നു രാഹുലിന്റെ പോസ്റ്റ്.

2019ലെ ലോക്സഭ തെരഞ്ഞെടുപ്പിൽ രാഹുൽ ഗാന്ധിയെ അമേത്തിയിൽ പരാജയപ്പെടുത്തിയതോടെ ബി.ജെ.പിയിലെ ഗ്ലാമർ താരമായിരുന്നു സ്മൃതി. അമേഠിയിൽ വീണ്ടും മത്സരിക്കാൻ അവർ രാഹുലിനെ വെല്ലുവിളിക്കുകയും ചെയ്തിരുന്നു.

എന്നാൽ, ഇത്തവണ അമേത്തിയിൽ കോൺഗ്രസിന്റെ കിഷോരി ലാൽ ശർമയോട് ഒന്നര ലക്ഷത്തിലധികം വോട്ടിന് തോൽവി ഏറ്റുവാങ്ങിയതോടെ കഴിഞ്ഞ ദിവസം ഔദ്യോഗിക ബംഗ്ലാവ് ഒഴിയേണ്ടിവന്നിരുന്നു. തോറ്റെങ്കിലും സ്മൃതിയെ രാജ്യസഭ വഴി മന്ത്രിസഭയിൽ എടുത്തേക്കുമെന്ന പ്രതീക്ഷയും ഫലം കണ്ടില്ല. തങ്ങളുടെ പ്രധാന വനിതാ മുഖമായി ബി.ജെ.പി ഉയർത്തിക്കാട്ടുന്ന സ്മൃതിയെ നരേന്ദ്ര മോദിയുടെ മൂന്നാം മന്ത്രിസഭയിൽ ഉൾപ്പെടുത്തിയിരുന്നില്ല.

അമേത്തിയിൽ തോറ്റതിന് പിന്നാലെ സ്മൃതി ഇറാനിക്കെതിരെ രൂക്ഷമായ സൈബർ ആക്രമണമാണ്  ഉണ്ടായിരുന്നത്. ഇത് തുടരുന്ന പശ്ചാത്തലത്തിലാണ് രാഹുലിന്റെ പോസ്റ്റ്.

Continue Reading

Trending