എരുമേലിയില്‍ അയ്യപ്പഭക്തന്റെ ബാഗ് കീറി പണം മോഷ്ടിച്ച കേസില്‍ മൂന്നുപേരെ പൊലീസ് അറസ്റ്റ് ചെയ്തു. തമിഴ്‌നാട് ഉത്തമപാളയം സ്വദേശിയായ പളനിസ്വാമി (45) കുമളി സ്വദേശിയായ ഭഗവതി (53) തമിഴ്‌നാട് ഡിണ്ടിഗല്‍ സ്വദേശിയായ മുരുകന്‍ (58) എന്നിവരെയാണ് എരുമേലി പൊലീസ് അറസ്റ്റ് ചെയ്തത്.

ഇന്നലെ പുലർച്ചെയാണ് സംഭവം നടന്നത്. എരുമേലിയിലെ കൊച്ചമ്പലത്തില്‍ നിന്ന് വലിയമ്പലത്തിലേക്ക് പേട്ടതുള്ളല്‍ നടക്കുന്നതിനിടെ ഇവര്‍ അയ്യപ്പഭക്തന്റെ ബാഗ് കീറി പതിനാലായിരത്തോളം രൂപ മോഷ്ടിക്കുകയായിരുന്നു. മോഷണത്തിന് തൊട്ടുപിന്നാലെ ഇവർ സ്ഥലത്തു നിന്ന് കടന്നുകളഞ്ഞു.

അയ്യപ്പഭക്തൻ നൽകിയ പരാതിയുടെ അടിസ്ഥാനത്തിൽ പൊലീസ് കേസ് രജിസ്റ്റര്‍ ചെയ്തു. തുടർന്ന് നടത്തിയ അന്വേഷണത്തിലാണ് മോഷ്ടാക്കൾ പിടിയിലായത്.

ഒഡീഷയിലെ ഗഞ്ചം ജില്ലയിൽ നാടകത്തിനിടെ സ്റ്റേജിൽവെച്ച് പന്നിയെ കൊന്ന് ഭക്ഷിച്ച നടൻ അറസ്റ്റിൽ. 45കാരനായ ബിംബാദർ ഗൗഡയാണ് അറസ്റ്റിലായത്. റാലാബ് ഗ്രാമത്തിലാണ് സംഭവം. രാമായണത്തിലെ അസുരന്‍റെ വേഷം അവതരിപ്പിക്കുന്നതിനിടെ പന്നിയുടെ വയർ കീറി സ്റ്റേജിൽവെച്ചു തന്നെ ഭഷിക്കുകയായിരുന്നു.

സംഭവത്തിന്‍റെ വിഡിയോ സമൂഹ മാധ്യമത്തിൽ പ്രചരിച്ചതിന് പിന്നാലെയാണ് അറസ്റ്റ്. മൃഗ പീഡനത്തിനും വന്യജീവി സംരക്ഷണ നിയമം ലംഘിച്ചതിനുമാണ് ബിംബാദർ ഗൗഡയെ അറസ്റ്റ് ചെയ്തത്. സംഘാടകരിൽ ഒരാളെയും അറസ്റ്റ് ചെയ്തിട്ടുണ്ട്. നവംബർ 24ന് ഹിൻജിലി പൊലീസ് സ്റ്റേഷൻ പരിധിയിലാണ് നാടകം നടന്നത്. ജനക്കൂട്ടത്തെ ആകർഷിക്കാനാകാം ഇത്തരം പ്രകടനം നടത്തിയതെന്ന് പൊലീസ് പറയുന്നു.

നാടകത്തിനിടെ ഇവർ പാമ്പുകളെയും പ്രദർശിപ്പിച്ചു. പാമ്പുകളെ സ്റ്റേജിൽ കൊണ്ടുവന്നവർക്കായുള്ള അന്വേഷണം തുടരുകയാണ്. കഴിഞ്ഞ വർഷം ആഗസ്റ്റ് മുതൽ പൊതുസ്ഥലത്ത് പാമ്പിനെ കൊണ്ടുവരുന്നത് സംസ്ഥാന ഭരണകൂടം നിരോധിച്ചിട്ടുണ്ട്. നിയമസഭാ സമ്മേളനത്തിൽ ബി.ജെ.പി നിയമസഭാംഗങ്ങൾ സംഭവത്തിൽ ശക്തമായ വിയോജിപ്പ് പ്രകടിപ്പിച്ചു. ഉത്തരവാദികൾക്കെതിരെ കർശന നടപടി വേണമെന്ന് മൃഗാവകാശ സംഘടനകളും ആവശ്യപ്പെട്ടു.

ആലപ്പുഴയിൽ ഭാര്യവീട്ടിലെത്തിയ യുവാവ് ബന്ധുക്കളുടെ മർദനമേറ്റ് മരിച്ചു. ആറാട്ടുപുഴ പെരുമ്പള്ളി പുത്തൻപറമ്പിൽ നടരാജന്റെ മകൻ വിഷ്ണുവാണ്‌(34) മരിച്ചത്. ഭാര്യ വീട്ടിലെത്തിയ വിഷ്ണുവിനെ ബന്ധുക്കൾ മർദിക്കുകയായിരുന്നു. തുടർന്ന് കുഴഞ്ഞു വീണ് മരിക്കുകയായിരുന്നു. മർദിച്ചു കൊന്നതെന്ന് വിഷ്ണുവിന്റെ ബന്ധുക്കൾ ആരോപിച്ചു.

സംഭവത്തിൽ തൃക്കുന്നപ്പുഴ പോലീസ് അന്വേഷണം ആരംഭിച്ചു. 5 പേരെ പൊലീസ് കസ്റ്റഡിയിലെടുത്തിട്ടുണ്ട്. ഇന്നലെയായിരുന്നു സംഭവം നടന്നത്. ഒന്നര വർഷമായി ഭര്യ വിഷ്ണുവുമായി പിണങ്ങിക്കഴിയുകയായിരുന്നു.

ഇവർക്ക് നാല് വയുള്ള കുട്ടിയുണ്ട്. ഈ കുട്ടിയെ ഭാര്യയുടെ വീട്ടിൽ ഏൽപ്പിക്കുന്നതിനായാണ് വിഷ്ണു എത്തിയത്. ഇതിനിടെയാണ് ഭാര്യയുടെ ബന്ധുക്കൾ വിഷ്ണുവുമായി തർക്കം ഉണ്ടാവുകയും അര മണിക്കൂറോളം ക്രൂരമായി മർദിച്ചു.

മർദത്തിനൊടുവിൽ വിഷ്ണു കുഴഞ്ഞുവീണു. പിന്നാലെ കായംകുളം താലൂക്ക് ആശുപത്രിയിൽ എത്തിച്ചെങ്കിലും മരണം സംഭവിച്ചു. ഒന്നര വർഷത്തിന് ശേഷമാണ് വിഷ്ണു ഭാര്യയെ കാണാനായെത്തിയത്. ഇതിനിടെയാണ് ദാരുണമായ സംഭവം ഉണ്ടായത്. സംഭവത്തിൽ വിഷ്ണുവിന്റെ കുടുംബം പൊലീസിൽ പരാതി നൽകിയിട്ടുണ്ട്. നിലവിൽ അസ്വഭാവിക മരണത്തിന് തൃക്കുന്നപ്പുഴ പോലീസ് കേസെടുത്തിട്ടുണ്ട്.